ཁྲིམས་སྲུང་འགག་པ་གིས་ གནས་ཚུལ་བཤད་དོ་བཟུམ་འབད་བ་ཅིན་ སྤྱི་ཟླ་༧ པའི་ཚེས་༦ ལུ་ ཕོ་སྐྱེས་དེ་གིས་ རྟ་གནགཔོ་ཕོ་ཆེན་ཅིག་ བཙོང་ཡོད་པའི་སྐོར་ལས་ ལོ་རྒྱུས་གོཝ་ལས་ རྟའི་ཇོ་བདག་དེ་གིས་ ཁྲིམས་སྲུང་འགག་པ་ལུ་ སྙན་ཞུ་འབད་ཡོདཔ་ཨིན་པས།
གནས་ཚུལ་བཤད་མི་གིས་ སླབ་དོ་བཟུམ་འབད་བ་ཅིན་ རྟ་བཙོང་མི་ ཕོ་སྐྱེས་དེ་གིས་ ཀྲོང་གསར་ལས་ཉོ་སྟེ་ བཙོང་ཡོདཔ་སྦེ་ སླབ་ཡོདཔ་ཨིན་རུང་ རྟ་ཚུ་ དགེ་ལེགས་ཕུག་ སུ་རེ་ལུ་ བཙོང་ཡོདཔ་ལས་ ངོས་འཛིན་འབད་ནིའི་དོན་ལུ་ ཉོ་མི་དང་ བཙོང་མི་གཉིས་ཆ་ར་ དགེ་ལེགས་ཕུག་ལུ་ཁྱིད་དེ་ ངོས་འཛིན་འབད་བཅུག་ནི་ཟེར་ཨིན་པས།
ཨིན་རུང་ རྟ་ཉོ་མི་ཁོ་ར་ ཁྲིམས་སྲུང་འགག་པ་གིས་ ནམ་འབོཔ་ཅིག་ ལོག་འོང་ནི་སྦེ་ དོ་དམ་ནང་ལས་ ལོག་སྟེ་ བཏང་ཡོདཔ་ཨིན་རུང་ བཙོང་མི་ཁོ་ར་ དོ་དམ་ནང་ར་ བཞག་ཡོདཔ་ཨིན་པས།
ཁྲིམས་སྲུང་འགག་པ་གིས་འབད་བ་ཅིན་ དེ་བཟུམ་མའི་ བསྒུལ་ཅན་གྱི་ རྒྱུ་ཆས་བཙོང་ཡོད་པའི་ ཉེས་པ་ཕོག་ནི་ཨིན་རུང་ རྟ་ངོས་འཛིན་འབད་དགོཔ་ལས་བརྟེན་ དུས་ཚོད་དུམ་གྲ་ཅིག་ འགོར་ནི་མས་ཟེར་ ཨིན་པའི་གནས་ཚུལ།
བཀྲ་ཤིས་བསྟན་འཛིན།
No comments:
Post a Comment