གཟིགས་གནང་མི་ལུ་བཀའ་དྲིན་ཆེ།

༉ ང་བཅས་ཀྱིས་ ཉིན་བསྟར་བཞིན་དུ་

ཡོངས་འབྲེལ་འཆར་སྒོ་འདི་ནང་

གནས་ཚུལ་ཚུ་ དུས་མཐུན་བཟོ་སྟེ་ གསལ་བཀོད་འབདཝ་ཨིན།

We update at the earliest possible for you!

རྫོང་ཁའི་གནས་ཚུལ་གཟིགས་ དུས་མཐུན་ཞུགས་ཚུགས།

གཟའ་སྐར་འཕྲོད་སྦྱོར།

རང་ཟླ་༦ པའི་ཚེས་༢༠ སྤྱི་ལོ་༢༠༡༣ ཟླ་༧ པའི་ཚེས་༢༧།
རེས་གཟའ་ཉི་མ། སྐར་མ་ཁྲུམས་སྟོད། ཉིནམ་ལྕགས་ཡོས། རྟེན་འབྲེལ་རྣམ་ཤེས། འཕྲོད་སྦྱོར་མེ་གཉིས་ཕྲད་པ། ཉིནམ་འདི་ཁར་ གཟའ་སྐར་འཕྲོད་སྦྱོར་ལེགས་ཤོམ་ཡོདཔ་ལས་ ཁྱིམ་རབ་གནས་འབད་ནི་དང་ ལྷ་སྲུང་གསོལ་ནི་ སྐུ་གསུང་ཐུགས་རྟེན་གསརཔ་བཞེངས་ནི་ རིག་གནས་ཡིག་རྩིས་ལྷབ་ནི་ གོ་གནས་གསར་བསྐོ་འབད་ནི་དང་ རྟེན་འབྲེལ་བརྩི་ནི་ ཡིག་ཚང་རྩིས་སྤྲོད་ལེན་འབད་ནི་ གཉེན་རྐྱབ་ནི་ ཁྱིམ་གསར་པའི་ནང་འཛུལ་ནི་ ཁྱིམ་ཐོག་བཀབ་ནི་ དར་འཕྱར་ནི་ སྡོད་གནས་སྤོ་ནི་ ཚོང་ལཱ་གསརཔ་འགོ་བཙུགས་ནི་ ཞིང་ཁར་སོན་བཏབ་ནི་དང་ སྐྱེ་ཤིང་མེ་ཏོག་བཙུག་ནི་ཚུ་ ལེགས་ཤོམ་ཡོད་རུང། ས་ཐག་རིང་སར་འགྲོ་འགྲུལ་འབད་ནི་ཚུ་ མི་བཏུབ་པས། བླ་གཟའ་ འབྲུག་ལོ་པ། མཁའ་འགྲོའི་རྒྱུ་ལམ་ དུས་འཁོར་ལས་བྱང་དང་ དབྱངས་འཆར་ལས་ཤར་ཁ་ཐུག་ལུ་ཕོགཔ་ཨིན་པས། དུས་ཚོད་ དྲོ་པ་ཆུ་ཚོད་ ༡༠ ལས་ ༡༢ ཚུན་བཟང་། བུམ་པ་གང་བའི་ཕྱོགས་ ལྷོ་ལུ་བཟང་།

རང་ཟླ་༦ པའི་ཚེས་༢༡ སྤྱི་ལོ་༢༠༡༣ ཟླ་༧ པའི་ཚེས་༢༨  
རེས་གཟའ་ཟླ་བ། སྐར་མ་ཁྲུམས་སྨད། ཉིནམ་ཆུ་འབྲུག། རྟེན་འབྲེལ་འདུ་བྱེད། འཕྲོད་སྦྱོར་ཆུ་གཉིས་ཕྲད་པ། ཉིནམ་འདི་ཁར་ ཚོང་ལཱ་གསརཔ་འགོ་བཙུགས་ནི་དང་ སྡོད་གནས་སྤོ་ནི་ ཁྱིམ་གསར་པའི་ནང་འཛུལ་ནི་ བང་མཛོད་བཙུག་ནི་ ལེགས་པའི་བསྟུན་གྲོས་འབད་ནི་ གཉེན་རྐྱབ་ནི་ སྨན་བཟོ་ནི་ཚུ་ མ་གཏོགས། ཁྱིམ་ཐོག་བཀབ་ནི་དང་ མགྱོནམ་སྐྱེལ་འདྲེན་འབད་ནི་ཚུ་ མི་བཏུབ་པས། མཁའ་འགྲོའི་རྒྱུ་ལམ་ དུས་འཁོར་ལས་ཤར་དང་ དབྱངས་འཆར་ལས་ཤར་ལྷོ་ཁ་ཐུག་ལུ་ཕོགཔ་ཨིན་པས།

རང་ཟླ་༦ པའི་ཚེས་༢༢ སྤྱི་ལོ་༢༠༡༣ ཟླ་༧ པའི་ཚེས་༢༩
རེས་གཟའ་མིག་དམར། སྐར་མ་ནམ་གྲུ། ཉིནམ་ཤིང་སྦྲུལ། རྟེན་འབྲེལ་མ་རིག། འཕྲོད་སྦྱོར་མེ་ཆུ་ཕྲད་པ། ཉིནམ་འདི་ཁར་ གཟའ་སྐར་འབྲོད་སྦྱོར་ལེགས་ཤོམ་མེདཔ་ལས་ ལོ་ལྟར་དུས་ཀྱི་གསོལ་མཆོད་ཕུལ་ནི་ཚུ་ མ་གཏོགས། སྡོད་གནས་སྤོ་ནི་དང་ ཁྱིམ་གསར་པའི་ནང་འཛུལ་ནི་ ལེགས་པའི་བསྟུན་གྲོས་འབད་ནི་ གོང་མའི་ཞབས་སར་བཅར་ནི་ ཚོང་ལཱ་གསརཔ་འགོ་བཙུག་ནི་དང་ གཉེན་རྐྱབ་ནི་དང་ རྟེན་འབྲེལ་བརྩི་ནི་ ས་བརྐོ་རྡོ་སློག་འབད་ནི་ཚུ་ མི་བཏུབ་པས། མཁའ་འགྲོའི་རྒྱུ་ལམ་ དུས་འཁོར་ལས་ཤར་ལྷོ་དང་ དབྱངས་འཆར་ལས་ལྷོ་ཁ་ཐུག་ལུ་ཕོགཔ་ཨིན་པས།
རང་ཟླ་༦ པའི་ཚེས་༢༣། སྤྱི་ལོ་༢༠༡༣ ཟླ་༧ པའི་ཚེས་༣༠ 
རེས་གཟའ་ལྷག་པ། སྐར་མ་ཐ་སྐར། ཉིནམ་མེ་རྟ རྟེན་འབྲེལ་རྒ་ཤི། འཕྲོད་སྦྱོར་ཆུ་རླུང་ཕྲད་པ། ཉིནམ་འདི་ཁར་ ཉི་ནག་གི་དུས་ཚོད་ངན་པ་ཕོགཔ་ལས་ དུས་རྒྱུན་གྱི་གསོལ་མཆོད་ཕུལ་ནི་ཚུ་ མ་གཏོགས། གཞན་རྟེན་གསུམ་གསར་བཞེང་དང་ རབ་གནས་འབད་ནི་ དགའ་སྟོན་རྟེན་འབྲེལ་བརྩི་ནི་ གཉེན་རྐྱབ་ནི་ སྡོད་གནས་སྤོ་ནི་ ཁྱིམ་ཐོག་བཀབ་ནི་ ཡིག་ཚང་རྩིས་སྤྲོད་ལེན་འབད་ནི་ ཁྱིམ་གསར་པའི་ནང་འཛུལ་ནི་ ལམ་འགྲུལ་འབད་ནི་ཚུ་ མི་བཏུབ་པས། མཁའ་འགྲོའི་རྒྱུ་ལམ་ དུས་འཁོར་དང་ དབྱངས་འཆར་གཉིས་ཆ་ར་ལས་ལྷོ་ནུབ་ཁ་ཐུག་ལུ་ཕོགཔ་ཨིན་པས།
རང་ཟླ་༦ པའི་ཚེས་༢༤ སྤྱི་ལོ་༢༠༡༣ ཟླ་༧ པའི་ཚེས་༣༡
རེས་གཟའ་ཕུར་བུ། སྐར་མ་བྲ་ཉེ། ཉིནམ་ས་ལུག། རྟེན་འབྲེལ་སྐྱེ་བ། འཕྲོད་སྦྱོར་མེ་རླུང་ཕྲད་པ། ཉིནམ་འདི་ཁར་ ལྷ་སྲུང་གསོལ་ནི་དང་ རིག་གནས་ཡིག་རྩིས་ལྷབ་ནི་ གོ་གནས་གསར་བསྐོ་འབད་ནི་ སྡོད་གནས་སྤོ་ནི་ ཁྱིམ་གསར་ནང་འཛུལ་ནི་ ཚོང་ལཱ་གསརཔ་འགོ་བཙུགས་ནི་ གཉེན་རྐྱབ་ནི་ རྟེན་འབྲེལ་བརྩི་ནི་ ཡིག་ཚང་རྩིས་སྤྲོད་ལེན་འབད་ནི་ ལེགས་པའི་བསྟུན་གྲོས་འབད་ནི་ གོང་མའི་ཞབས་སར་བཅར་ནི་ བྲན་གཡོག་བཙུགས་ནི་ ཞིང་ཁར་སོན་བཏབ་ནི་དང་ སྐྱེ་ཤིང་མེ་ཏོག་བཙུགས་ནི་ཚུ་ ལེགས་ཤོམ་ཡོད་རུང། དམག་དཔོན་གསརཔ་བསྐོས་ནི་དང་ དགའ་སྟོན་བརྩི་ནི་ རྒྱུ་ནོར་ཕྱི་ཁར་བཙོང་ནི་ཚུ་ མི་བཏུབ་པས། མཁའ་འགྲོའི་རྒྱུ་ལམ་ དུས་འཁོར་དང་ དབྱངས་འཆར་གཉིས་ཆ་ར་ལས་ ནུབ་ཁ་ཐུག་ལུ་ཕོགཔ་ཨིན་པས།

No comments:

Post a Comment