བཀྲིས་ཕུན་ཚོགས།
༉
ཐིམ་ཕུ་ཆུ་བར་ཆུ་ལུ་ཡོད་མི་
ཏཱ་ར་ཡ་ན་ལས་འགུལ་ཡིག་ཚང་དང་
ཝང་ཆུ་༢ ཀྱི་བར་ནའི་ ས་ཁོངས་དེ་
མི་མང་རྩེདམོ་རྩེ་ས་ཅིག་ཨིན་རུང་
བར་སྐབས་ལས་ ས་ཁོངས་དེ་ནང་
མི་ཚུ་གིས་ ཆབ་གསང་ག་ལྷོད་བཏང་སྟེ་
ཁམས་ལོག་སི་སི་སྦེ་ བཟོ་ཡོདཔ་ལས་
འཕྲལ་མགྱོགས་ར་
ལེགས་བཅོས་འབད་ནི་ཨིན་པས།
འདས་པའི་བདུན་ཕྲག་ནང་
ཏཱ་ར་ཡ་ན་དང་ རྒྱལ་གཞུང་ལྟ་བཤལ་དང་
མགྲོན་སྐྱོང་སྤེལ་ཁང་༢ ཀྱིས་
མཉམ་འབྲེལ་ཐོག་ འཕྱག་བདར་ལས་རིམ་ཅིག་
འགོ་འདྲེན་འཐབ་ཡོདཔ་ད་
དེ་བསྒང་ ལྟ་བཤལ་དང་
མགྲོན་སྐྱོང་སྤེལ་ཁང་གི་
སྦྱོང་བརྡར་བ་༩༧ གྱིས་
ས་ཁོངས་དེ་ནང་ལས་ རག་རོ་དང་
ཆུ་ཤོག་ཚུ་
བསྡུ་བསྒྱོམས་འབད་ཡོདཔ་ཨིན་པས།
སློབ་སྟོན་པ་ཕུར་པ་ཚེ་རིང་གིས་བད་བ་ཅིན་
དེ་བཟུམ་མའི་ ལས་རིམ་འགོ་འདྲེན་འཐབ་མི་དེ་
མི་སྡེ་དང་ རང་བཞིན་གནས་སྟངས་ལུ་
ཕྱགས་སྙིགས་ལུ་བརྟེན་པའི་
གནོད་སྐྱོན་དང་ དེ་ཚུ་
བཀག་འཛིན་འབད་ཐབས་ཀྱི་
གོ་བ་བརྡ་སྤྲོད་ཀྱི་དོན་ལུ་ཨིན་ཟེར་ཨིན་པས།
ལས་རིམ་དེ་ནང་ བཅའ་མར་གཏོགས་མི་
ཚེ་རིང་ནོར་བུ་གིས་ སླབ་མིའི་ནང་
མི་མང་གིས་ ཆབ་གསང་ཚུ་
ག་་ལྷོད་མ་གཏང་པར་ ས་ཁོངས་ཚུ་
གཙང་སྦྲ་དང་ལྡནམ་སྦེ་
བཞག་དགོ་པའི་སྐོར་ལས་
ཧ་གོ་དགོཔ་འདུག་ཟེར་ཨིན་པས།
ཏཱ་ར་ཡ་ནའི་
བདག་སྐྱོང་འགོ་དཔོན་
པདྨ་རྒྱལ་པོ་གིས་ སླབ་མིའི་ནང་
ས་ཁོངས་དེ་ནང་ ན་ཧིང་ཡང་
ཕྱགས་བདར་ལས་རིམ་ཅིག་
འགོ་འདྲེན་འཐབ་ཅི་ཟེར་ཨིནམ་ད་
ལྟ་བཤལ་དང་ མགྲོན་སྐྱོང་སྤེལ་ཁང་གི་མདོ་ཆེན་
སྲིད་ཐར་བསྟན་འཛིན་གྱིས་
ལས་རིམ་དེ་ གྲོང་གསེབ་ཚུ་ནང་ཡང་
འགོ་འདྲེན་འཐབ་ནིའི་
འཆར་གཞི་ཡོད་ཟེར་ ཨིན་པའི་གནས་ཚུལ།
No comments:
Post a Comment