༉ སྤྱི་ཟླ་༣ པའི་ཚེས་༢༥ གི་ཕྱི་རུ་ བསམ་རྩེ་རྟ་ལྡིང་རྒེད་འོག་ནང་ ས་མཚམས་ཀྱི་ཕྱི་ཁར་ སྡོད་མི་ཚུ་གིས་ ནགས་ཚལ་ལུ་ མེ་སྤར་བའི་དོགས་པ་ཡོད་མི་ ནགས་མེ་དེ་ ཁ་ཙ་དྲོ་པའི་ཆུ་ཚོད་༩ དེ་ཅིག་ལུ་ བསད་ཚུགས་ཅི་ཟེར་ རྒཔོ་གིས་ བཤདཔ་ཨིན་པས།
ནགས་ཚུ་ལུ་ མེ་རྐྱེན་དེ་ སྤྱི་ཟླ་༣ པའི་ཚེས་༢༥ གི་ཕྱི་རུའི་ཆུ་ཚོད་༥ དེ་ཅིག་ཁར་ བྱུང་ཡོདཔ་འོང་ནི་ཨིན་རུང་ གྲོང་གསེབ་མི་སེར་དང་ ཚོགས་པ་ཚུ་གིས་ ནུབ་ཕྱེད་དེ་ཅིག་ཁར་ མེ་སྦོམ་སྦེ་འབར་སར་མཐོངམ་ད་རྐྱངམ་གཅིག་ ཤེས་ཡོདཔ་ཨིན་པས།
རྒཔོ་ཨ་ཤོག་ཏ་མང་གིས་ སླབ་མིའི་ནང་ ཁས་བླངས་པ་ཚུ་གིས་ ནགས་མེ་དེ་ རི་གི་རྩ་བར་འབར་མི་རྐྱངམ་གཅིག་ བསད་ཚུགས་ཡོད་རུང་ རི་གུ་ལས་ཡར་ མེ་ཟུན་མི་དེ་ བསད་མ་ཚུགས་པར་ ལུས་ནུག་ཟེར་ཨིནམ་ད་ ཨིན་རུང་ རི་གུ་ལྷོདཔ་ད་ རྩྭ་དང་ཚལ་མ་ཚུ་ མེད་ནི་དེ་གིས་ ནགས་མེ་དེ་ རང་བཞིན་གྱིས་ ཤི་སོ་ནུག་ཟེར་ཨིན་པས།
ནགས་མེ་དེ་ རྒྱ་གར་གྱི་ ས་མཚམས་ནང་ལས་ འབྲུག་པའི་ས་ཁོངས་ནང་ ཐབ་ཤིང་འཐུ་བར་ འོང་མི་ཚུ་གིས་ སྤར་ཡོད་པའི་ དོགས་སྣང་ཡོདཔ་ཨིན་པའི་གནས་ཚུལ།
No comments:
Post a Comment