པདྨ་ཆོས་སྒྲོན།
༉ པདྨ་དགའ་ཚལ་ཁོ་ཐག་པ་ལུ་ འབྲུག་ས་གཏེར་གྱི་ ལས་གཡོགཔ་ཚུ་སྡོད་སའི་ བཙོག་མཛོད་དེ་ ཁབ་ཏོག་མ་བཅད་པར་བཞག་ཡོད་མི་ལུ་བརྟེན་ ས་གནས་ནང་ སྡོད་མི་ཚུ་དང་ སློབ་གྲྭའི་ཨ་ལུ་ཚུ་ལུ་ ཉེན་ཁ་ཡོདཔ་ཨིན་པས།
ཁོ་ཐག་པ་མི་སྡེ་སློབ་གྲྭ་ཆུང་བ་དེ་ པདྨ་དགའ་ཚལ་ཁྲོམ་ལས་ ཀི་ལོ་མི་ཊར་༡༠ གྱི་ས་ཁར་ཡོད་པའི་ཁར་ བཙོག་མཛོད་ཡོད་ས་ལས་ དུས་ཡུན་སྐར་མ་༢ ལས་བརྒལ་ ལམ་འགྱོ་མ་དགོཔ་ཨིན་པས།
ཁོ་ཐག་པ་མི་སྡེ་སློབ་གྲྭ་ཆུང་བ་དེ་ པདྨ་དགའ་ཚལ་ཁྲོམ་ལས་ ཀི་ལོ་མི་ཊར་༡༠ གྱི་ས་ཁར་ཡོད་པའི་ཁར་ བཙོག་མཛོད་ཡོད་ས་ལས་ དུས་ཡུན་སྐར་མ་༢ ལས་བརྒལ་ ལམ་འགྱོ་མ་དགོཔ་ཨིན་པས།
ལས་གཡོགཔ་ཚུ་གི་ སྒྲིང་ཁྱིམ་འོག་ལུ་ཡོད་མི་ བཙོག་མཛོད་དེ་ མཐའ་འཁོར་ཚལ་མ་གིས་ སྤུར་ཡོད་པའི་ཁར་ བཙོག་ཆུ་དང་ རག་རོ་ཚུ་གིས་གང་སྟེ་ཡོདཔ་ལས་ ཁབ་ཏོག་མེད་རུང་ ས་ཆ་ཁོད་སྙོམས་ཏོག་ཏོ་སྦེ་ མཐོང་དོ་ཡོདཔ་ལས་ མི་སྦོམ་དང་ ཨ་ལུ་ཚུ་ བཙོག་མཛོད་ནང་ འཛུལ་འགྱོ་ནི་གི་ ཉེན་ཁ་ཡོདཔ་ཨིན་པས།
ཁོ་ཐག་པ་ མི་སྡེ་སློབ་གྲྭ་ཆུང་བའི་ དབུ་འཛིན་གྱིས་ སླབ་དོ་བཟུམ་འབད་བ་ཅིན་ མ་གཞི་ ད་ལྟོ་ཚུན་ཚོད་ བཙོག་མཛོད་ནང་ ཨ་ལུ་བུད་བུདཝ་མེད་རུང་ བཙོག་མཛོད་དེ་ སློབ་གྲྭའི་ཉེ་འདབས་ལུ་འབད་ནི་དེ་གིས་ ལམ་འགྱོ་བའི་ཞོར་ཁ་ འབུད་འགྱོ་ནི་གི་ ཉེན་ཁ་སྦོམ་རང་འདུག་ཟེར་ཨིན་པས།
ཁོ་གིས་ ཨ་ལུ་ཚུ་ལུ་ ཨ་རྟག་ར་ ཕར་ཚུར་འགྱོ་བའི་སྐབས་ ཟབ་ཟབ་འབད་དགོ་པའི་སྐོར་ལས་ དྲན་བསྐུལ་འབད་བཞིན་དུ་ཡོད་རུང་ ཆརཔ་རྐྱབ་པའི་སྐབས་ འགྱེལ་ཏ་རྐྱབ་འགྱོ་ནི་གི་ ཉེན་ཁ་ཡོདཔ་ལས་ བཙོག་མཛོད་ཡོད་སའི་ མཐའ་སྐོར་ ར་བ་གིས་ བསྒོར་བཞག་རུང་བཏུབ་པས་ཟེར་ཨིན་པས།
ས་གནས་ནང་སྡོད་མི་ བསོད་ནམས་ཚེ་རིང་གིས་ སླབ་མི་དང་འཁྲིལཝ་ད་ གལ་སྲིད་ བཙོག་མཛོད་དེ་ བཅོས་ཁ་མ་རྐྱབ་པར་ དེ་སྦེ་ར་ བཞག་པ་ཅིན་ སློབ་གྲྭའི་མཐའ་འཁོར་གནས་སྟངས་དང་ སློབ་ཕྲུག་ཚུ་གི་ གཟུགས་ཁམས་འཕྲོད་བསྟེན་ལུ་ཡང་ གནོད་ཉེད་ཡོདཔ་ལས་ ཁོ་གིས་ གནད་དོན་དེ་གི་སྐོར་ལས་ རྫོང་ཁག་མཐའ་འཁོར་གནས་སྟངས་འགོ་དཔོན་ལུ་ སྙན་ཞུ་འབད་ཡོད་རུང་ ག་ཅི་ཡང་ འབད་ནི་མིན་འདུག་ཟེར་ཨིན་པས།
ད་རུང་ ས་གནས་ཀྱི་ མི་ཚུ་གིས་ བཙོག་མཛོད་རྐྱངམ་གཅིག་མེན་པར་ ཕྱགས་སྙིགས་རག་རོ་ཚུ་ཡང་ བཀོ་ནི་འགོ་བཙུགས་ཡོདཔ་ཨིན་པས།
རྫོང་ཁག་མཐའ་འཁོར་གནས་སྟངས་འགོ་དཔོན་ རིན་ཆེན་དཔལ་འབྱོར་གྱིས་འབད་བ་ཅིན་ བཙོག་མཛོད་དེ་གི་སྐོར་ལས་ སློབ་གྲྭ་དང་ ས་གནས་ནང་སྡོད་མི་ཚུ་གིས་ ངག་ཐོག་ལས་ ཉོགས་བཤད་བཀོད་ཡོདཔ་ལས་ ཡིག་ཐོག་ལུ་ བཀོད་དགོཔ་སྦེ་ སླབ་ཅི་ཟེར་ཨིན་པའི་གནས་ཚུལ།
No comments:
Post a Comment