གཟིགས་གནང་མི་ལུ་བཀའ་དྲིན་ཆེ།

༉ ང་བཅས་ཀྱིས་ ཉིན་བསྟར་བཞིན་དུ་

ཡོངས་འབྲེལ་འཆར་སྒོ་འདི་ནང་

གནས་ཚུལ་ཚུ་ དུས་མཐུན་བཟོ་སྟེ་ གསལ་བཀོད་འབདཝ་ཨིན།

We update at the earliest possible for you!

རྫོང་ཁའི་གནས་ཚུལ་གཟིགས་ དུས་མཐུན་ཞུགས་ཚུགས།

ལྷན་རྒྱས་གཞུང་ཚོགས་ཀྱི་ བློན་པོ་ཚུ་ དགོངས་ཞུ་འབད་ཡོདཔ།

༣༠/༤/༢༠༡༣   ལྷན་རྒྱས་གཞུང་ཚོགས་ཀྱི་ ཞལ་འཛོམས་ཐེངས་༡༥༨ པ་ འཚོགས་ཐོག་ལས་ གཞུང་སྐྱོང་དང་པའི་གནས་ཡུན་ མཇུག་བསྡུ་ཡི།
 ༉ ཁ་ཙ་ སྤྱི་ལོ་༢༠༡༣ ཟླ་༤ པའི་ཚེས་༢༩ ལུ་ ལྷན་རྒྱས་གཞུང་ཚོགས་ཀྱི་ ཞལ་འཛོམས་ཐེངས་༡༥༨ པ་དང་ མཇུག་བསྡུའི་རྟེན་འབྲེལ་བརྩི་ཐོག་ལས་ འབྲུག་གི་དམངས་གཙོའི་ཐོག་ལས་ བཙག་འཐུ་གྲུབ་མི་ བློན་ཆེན་དང་པ་གིས་ དབུ་གཙོས་པའི་ བློན་པོ་ཚུ་ གནས་ཡུན་ལོ་༥ ཚང་སྟེ་ རང་སོའི་གོ་གནས་ལས་ དགོངས་ཞུ་འབད་ཡི།
བཀྲིས་ཆོས་རྫོང་གི་ ལྷན་རྒྱས་གཞུང་ཚོགས་ཀྱི་ ཞལ་འཛོམས་ཁང་ནང་ གཞུང་དགེ་འདུན་གྲྭ་ཚང་གི་ དབྱངས་པའི་སློབ་དཔོན་ འཆི་མེད་དང་ དགུན་བཞུགས་གནས་བརྟན་གཉིས་ཀྱིས་ འགོ་ཁྲིད་ཐོག་ལས་ དགོངས་ཞུ་བྱོན་མི་ ལྷན་རྒྱས་གཞུང་ཚོགས་ཀྱི་ བློན་པོ་ཚུ་གིས་ བཀྲིས་སྨོན་ལམ་དང་ རྒྱལ་པོའི་ཞབས་བརྟན་ཕུལ་བའི་བསྒང་།

གཞུང་གི་སྒྲིག་རྒྱུག་སྣུམ་འཁོར་ ལོག་རྩིས་སྤྲོད་འབད་ཡོདཔ།

༣༠/༤/༢༠༡༣   ༉ ཁ་ཙ་ ལྡོག་ཕྱོགས་འགོ་ཁྲིདཔ་ ཚེ་རིང་སྟོབས་རྒྱས་ཀྱིས་ ཁོ་རའི་ གཞུང་གི་སྒྲིག་རྒྱུག་སྣུམ་འཁོར་ པ་ར་ཌོ་ཧོནམོ་དེ་ གཞུང་ལུ་ རྩིས་སྤྲོད་པར་སོང་ཡོདཔ་ཨིན་རུང་ རྩིས་ལེན་མི་ ག་ཡང་མ་ཐོནམ་ལས་ སྣུམ་འཁོར་གྱི་ལྡེ་མིག་དེ་ ལྷན་རྒྱས་གཞུང་ཚོགས་ཀྱི་ འགོ་དཔོན་ཚུ་ལུ་ སྤྲོད་བཞག་ཡོདཔ་ཨིན།
ལོག་རྩིས་སྤྲོད་ཕུལ་མི་སྣུམ་འཁོར་པ་ར་ཌོ།

འབྲུག་ཀུན་མཉམ་པར་ཊི་ནང་ འདེམས་ངོ་གསརཔ་༥ གི་ངོ་སྤྲོད་འབད་ཡོདཔ།

༣༠/༤/༢༠༡༣   ༉ སྤྱི་ཟླ་༤ པའི་ཚེས་༢༧ ལུ་ འབྲུག་ཀུན་མཉམ་པར་ཊི་གིས་ འདེམས་ངོ་གསརཔ་༥ ངོ་སྤྲོད་འབད་ཡོདཔ་ལས་ འདེམས་ངོའི་གྱངས་ཁ་༣༦ ལུ་ ལྷོད་ཡོདཔ་ཨིན་པས།

བཟོ་རིག་འགོ་དཔོན་ཅིག་ལུ་ བཙོན་ཁྲིམས་ལོ་༢ དང་ཟླཝ་༡༠ བཀལ་ཡོདཔ།

༣༠/༤/༢༠༡༣  ༉ མོང་སྒར་རྫོང་ཁག་ཁྲིམས་འདུན་གྱིས་ བྱ་སྤྱོད་ངན་པ་དང་ གསུག་འབུལ་ ཡིག་ཆ་རྫུས་བཟོ་ སྡོང་ཟླ་དང་རྒྱུད་བསྐུལ་ ཁྲིམས་མཐུན་དབང་འཛིན་ལུ་རྒོལ་འགོག་ དེ་ལས་ ཆ་ཚད་མ་སྙོམས་པའི་དངུལ་གྱི་འཐོན་ཁུངས་ལུ་བརྟེན་ སྤྱི་ཟླ་༤ པའི་ཚེས་༢༦ ལུ་ མོང་སྒར་རྫོང་ཁག་གི་ བཟོ་རིག་འགོ་དཔོན་ཅིག་ལུ་ བཙོན་ཁྲིམས་ལོ་༢ དང་ ཟླཝ་༡༠ བཀལ་ཡོདཔ་ཨིན་པས། 
མོང་སྒར་ཁྲིམས་འདུན་གྱི་ རྩོད་དྲུང་ཚུ་གིས་ རྩོད་བཤེར་ཡིག་ཆ་ཚུ་ ཁ་སྡམ་པའི་བསྒང་།

དར་དཀར་ རྫོང་ཉམས་གསོའི་ལཱ་ མཇུག་བསྡུ་རན་ཁར་ལྷོད་ཡོདཔ།

༠/༤/༢༠༡༣  ༉ སྤྱི་ལོ་༢༠༡༠ ཟླ་༡ པའི་ནང་ལས་འགོ་བཙུགས་ཏེ་ ལོ་ངོ་ཕྱེད་དང་༤ དེ་ཅིག་སོང་མི་ དར་དཀར་བཀྲིས་གཡང་རྩེ་རྫོང་ཉམས་གསོའི་ལཱ་ཚུ་ ཧ་ལམ་ མཇུག་བསྡུ་རན་ཁར་ ལྷོད་ཡོདཔ་ཨིན་པས།
ལས་འགུལ་འཛིན་སྐྱོང་པ་ ཀུན་ལེགས་རྒྱལ་མཚན་གྱིས་ སླབ་མིའི་ནང་ ལཱ་ཚུ་ ཤུལ་མའི་ཟླཝ་༣ གྱི་ནང་འཁོད་ལུ་ མཇུག་བསྡུ་ཚུགས་པའི་ རེ་བ་ཡོད་ཟེར་ཨིན་པས།


འབྲུག་ཕུན་སུམ་ཚོགས་པ་གིས་ འདེམས་ངོ་གསརཔ་༥ ངོ་སྤྲོད་འབད་ཡོདཔ།

༣༠/༤/༢༠༡༉ སྤྱི་ཟླ་༤ པའི་ཚེས་༢༧ ལུ་ འབྲུག་ཕུན་སུམ་ཚོགས་པ་གིས་ འདེམས་ངོ་གསརཔ་༥ ངོ་སྤྲོད་འབད་ཡོདཔ་ལས་ འདེམས་ངོའི་གྱངས་ཁ་༤༣ ལུ་ ལྷོད་ཡོདཔ་བཞིན་དུ་ ལྷག་ལུས་ འདེམས་ངོ་༤ འཕྲལ་མགྱོགས་ར་ ངོ་སྤྲོད་འབད་ནི་ཨིན་པས།


 རུ་བི་ཀ་ གུ་རུང་།
སྐྱེས་ལོ་༤༧ ལང་མི་ རུ་བི་ཀ་ གུ་རུང་དེ་ རྒྱལ་ཁབ་ནང་ ཨམ་སྲུ་བཟོ་རིག་འགོ་དཔོན་ དང་པ་ཨིནམ་ད་ མོ་གིས་ པག་ལི་ བསམ་རྩེ་འདེམས་ཁོངས་ལས་ འབྲུག་ཕུན་སུམ་ཚོགས་པའི་ འདེམས་ངོ་སྦེ་ དོ་འགྲན་འབད་ནི་ཨིན་པས།
མོ་གིས་ ལཱ་གཡོག་དང་ ཁྱིམ་བཟོ་ལས་ཁུངས་ནང་ ལོ་༦ གི་རིང་ ཕྱག་ཞུ་བའི་ཤུལ་ལུ་ སྒེར་གྱི་ གྲོས་བསྟུན་ལས་སྡེ་ཅིག་ནང་ བཟོ་རིག་གྲོས་བསྟུན་པ་སྦེ་ ལཱ་འབད་ཡོདཔ་ཨིན་པས།
རུ་བི་ཀ་ གུ་རུང་གིས་ བསམ་རྩེ་ཁྲོམ་གྱི་ མི་སྡེའི་དཔལ་འབྱོར་གོང་འཕེལ་གཏང་ནི་ཨིན་ཟེར་ཨིན་པས།
འབྲུག་ཕུན་སུམ་ཚོགས་པའི་ ལྟ་བ་དང་ གྲུབ་འབྲས་ཚུ་ལུ་བརྟེན་ མོ་ར་ ཚོགས་པ་དེ་ནང་ བཅའ་མར་གཏོགས་ནི་ བློ་ཐག་བཅད་ཅི་ཟེར་ཨིན་པས།







ཌོག་ཊར་ དགའ་མདོག་ཚེ་རིང་།
གསོ་བའི་ལྷན་ཁག་གི་ དྲུང་ཆེན་བགྲེསཔ་ སྐྱེས་ལོ་༥༤ ལང་མི་ ཌོག་ཊར་དགའ་མདོག་ཚེ་རིང་གིས་ ཧཱ་ སྦྱིས་དཀར་ཚོ་འདེམས་ཁོངས་ལས་ ཚོགས་པའི་འདེམས་ངོ་སྦེ་ དོ་འགྲན་འབད་ནི་ཨིན་པས།
ཁོ་གིས་ རྒྱ་གར་ པཱན་ཇབ་ལས་ སྨན་དང་གཤག་བཅོས་ནང་ མཐོ་རིམ་ཤེས་ཡོན་སྦྱངས་ཡོདཔ་མ་ཚད་ ཐའི་ལེནཌི་ལས་ མི་སྡེའི་གསོ་བ་ནང་ གཙུག་ལག་མཐོ་རིམ་གྱི་ཤེས་ཡོན་ སྦྱངས་ཡོདཔ་ཨིན་པས།
ཌོག་ཊར་གྱིས་ གསོ་བའི་ལས་ཁུངས་ནང་ ལཱ་གི་ཉམས་མྱོང་ ལོ་ངོ་མང་རབས་ཅིག་ཡོདཔ་མ་ཚད་ ཧེ་མ་ འགྲམ་ཕུག་དང་ དབང་འདུས་ཕོ་བྲང་ ཀྲོང་གསར་ པདྨ་དགའ་ཚལ་ དེ་ལས་ ཐིམ་ཕུ་གི་ རྫོང་ཁག་གསོ་བའི་ འགོ་དཔོན་སྦེ་ ཕྱག་ཞུ་ཡོདཔ་ཨིན་པས།








དར་མགོ་ཚེ་རིང་།
ཤེས་རིག་དང་ འཛིན་སྐྱོང་ནང་ ཉམས་མྱོང་ཡོད་མི་ དར་མགོ་ཚེ་རིང་གིས་ ཚོགས་པའི་འདེམས་ངོ་སྦེ་ ས་མར་དང་གསང་སྦས་འདེམས་ཁོངས་ལས་ དོ་འགྲན་འབད་ནི་ཨིན་པས།
སྤྱི་ལོ་༢༠༠༣ ལུ་ དར་མགོ་ཚེ་རིང་གིས་ སྤ་རོ་སློབ་དཔོན་སློབ་སྦྱོང་སྤེལ་ཁང་ལས་ སློབ་དཔོན་སློབ་སྦྱོང་པ་ དྲག་ཤོས་ཐོབ་ཡོདཔ་མ་ཚད་ རྫོང་ཁ་སླབ་ཐངས་ དྲག་ཤོས་ཐོན་ཡོདཔ་ཨིན་པས།
དར་མགོ་ཚེ་རིང་གིས་ རྒྱ་གར་ལས་ ཤེས་རིག་ནང་ མཐོ་རིམ་ཤེས་ཡོན་མཐར་ འཁྱོལ་ཡོདཔ་ཨིན་པས།
ཁོ་གིས་ མཐོ་རིམ་ཤེས་ཡོན་དེ་ སེམས་རྟོགས་ཁ་ སྐད་ཡིག་དང་ལམ་སྲོལ་སློབ་སྦྱོང་སྤེལ་ཁང་ལས་ ལྷབ་ཡོདཔ་ཨིན་པས།








མགོན་པོ་ཚེ་རིང་།
གཞལམ་སྒང་ བར་དོ་ཀྲོང་འདེམས་ཁོངས་ལས་ ལཱ་གི་ཉམས་མྱོང་ལོ་ངོ་༡༧ ཡོད་མི་ མགོན་པོ་ཚེ་རིང་གིས་ ཚོགས་པའི་འདེམས་ངོ་སྦེ་ དོ་འགྲན་འབད་ནི་ཨིན་པས།
མགོན་པོ་ཚེ་རིང་གིས་ སླབ་དོ་བཟུམ་འབད་བ་ཅིན་ ཁོ་གིས་ རྒྱལ་ཁབ་ནང་ ལྟ་བཤལཔ་པའི་གྱངས་ཁ་ ཡར་སེང་འབད་ནི་དང་ ལམ་སྲོལ་དང་ སོ་ནམ་ཡར་རྒྱས་གཏང་ནིའི་ནང་ གཙོ་བོར་བཏོན་ནི་ཟེར་ཨིན་པས།
ཁོ་གིས་ སྤྱི་ལོ་༡༩༩༥ ལུ་ མཐོ་རིམ་ཤེས་ཡོན་མཐར་འཁྱོལ་པའི་ཤུལ་ལུ་ སྒེར་སྡེ་ནང་ ལོ་ངོ་༡༢ ཀྱི་རིང་ ལཱ་འབད་ཡོདཔ་ཨིན་པས།









ཨུ་ད་ཡ་ ཅཱན་ད་ བཱན་ད་རི།
སྐྱེས་ལོ་༤༦ ལང་མི་ ཨུ་ད་ཡ་ ཅཱན་ད་ བཱན་ད་རི་གིས་ རྩི་རང་ པ་ཊ་ལེ་སྟོད་འདེམས་ཁོངས་ལས་ ཚོགས་པའི་འདེམས་ངོ་སྦེ་ དོ་འགྲན་འབད་ནི་ཨིན་པས།
ཁོ་གིས་ ཚོགས་པའི་ འཐུས་མི་བགྲེསཔ་ ནཱར་བྷ་དུར་ གུ་རུང་གི་ཚབ་ལུ་ ཐོནམ་ཨིན་པས།
ཨུ་ད་ཡ་ ཅཱན་ད་ བཱན་ད་རི་གིས་ རྒྱ་གར་ རོར་ཀི་གཙུག་ལག་སློབ་སྡེ་ལས་ བཟོ་རིག་ནང་ གཙུག་ལག་མཐོ་རིམ་ མཐར་འཁྱོལ་ཡོདཔ་ཨིན་པས།
ཚོགས་པའི་འཐུས་མི་བགྲེསཔ་ དྲགོས་ ནཱར་བྷ་དུར་ གུ་རུང་གིས་ སླབ་མིའི་ནང་ འདེམས་ངོ་གསརཔ་ ཨུ་ད་ཡ་ ཅཱན་ད་ བཱན་ད་རི་གིས་ གཡུས་ཁའི་མི་སེར་ཚུ་གི་ དཀའ་ངལ་ལེགས་ཤོམ་སྦེ་ ཧ་གོ་མི་ཨིན་ལས་ མི་སེར་ལུ་ ཞབས་ཏོག་ལེགས་ཤོམ་ སྤྲོད་ཚུགས་ཟེར་ ཨིན་པའི་གནས་ཚུལ།

ཡེ་ཤེས་སྒྲོལ་མ།

གནས་ཚུལ་མདོར་བསྡུས།

༣༠/༤/༢༠༡༣
སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ དབང་འདུས་རྫོང་ཁག་ ཉི་ཤུ་རྒེད་འོག་ དགོན་གསར་པོ་ལས་ སྐྱེས་ལོ་༣༣ ལང་མི་ དགེ་སློང་ཚེ་རིང་དེ་ ཉི་ཤུ་རྒེད་འོག་ བསེའུ་སྒང་གི་བླམ་སྦེ་ བསྐོ་བཞག་གནང་ཡོད་པའི་གནས་ཚུལ།

ཨ་ནེམོ་༤ ག་ཏེ་འགྱོ་ནི་ཨིན་ན་མ་ཤེས་པར་ མགུ་འཐོམ་སྟེ་ལུས་ཡོདཔ།

༣༠/༤/༢༠༡༣   ༉ ཨ་ནེམོ་༤ གིས་ རྒྱ་གར་དང་ ནེ་པཱལ་ལུ་ གནས་སྐོར་སོང་སྟེ་ ལོག་རྒྱལ་ཁབ་ནང་ ལྷོད་པའི་ཤུལ་ལས་ གྲྭ་ཚང་ནང་ འགྱོ་མ་བཏུབ་པའི་གནད་དོན་དེ་ཡང་ གྲྭ་ཚང་དེ་ གཏན་ཏན་ཅིག་མེད་པའི་ཁར་ དཔེ་ཆ་སྟོན་ནི་མེད་མི་ལུ་བརྟེན་ ད་རེས་ནངས་པ་ ཐིམ་ཕུ་ལུ་ མགུ་འཐོམ་སྟེ་ཡོདཔ་ཨིན་པས།

རྩོམ་སྒྲིག་པའི་སྣང་འཆར།

༣༠/༤/༢༠༡༣   རང་མོས་དང་ རྣམ་དག་གི་སྒོ་ལས་ བཙག་འཐུ་འབད་དགོ་པའི་འགན་ཁུར།
༉ སྤྱི་ཟླ ༤ པའི་ཚེས་༢༨ ལུ་ མི་དབང་མངའ་བདག་རིན་པོ་ཆེ་མཆོག་གིས་ དམངས་གཙོ་ཅན་གྱི་སྒོ་ལས་ བཙག་འཐུ་གྲུབ་མི་ འབྲུག་ཕུན་ཚོགས་པའི་ གཞུང་སྐྱོང་དང་པའི་ གནས་རིམ་ཚངམ་དང་འབྲེལ་ གནས་སྐབས་ཀྱི་ གཞུང་བསྐོ་བཞག་དང་ སྤྱི་ཚོགས་གཉིས་པའི་ རྒྱལ་ཡོངས་ཚོགས་འདུའི་ བཙག་འཐུའི་ཚེས་གྲངས་ཚུ་ གསལ་བསྒྲགས་ཀྱི་ བཀའ་ཤོག་༢ གནང་མི་དང་བསྟུན་ རྒྱལ་ཁབ་འདི་ ད་རུང་ གནས་ཡུན་ལོ་༥ གི་དོན་ལུ་ རྒྱལ་ཡོངས་ཚོགས་འདུ་དང་ གཞུང་གསརཔ་བཙག་འཐུ་འབད་ནིའི་ རྒྱལ་རབས་ཅན་གྱི་ བཙག་འཐུའི་བྱ་རིམ་ཐེངས་༢ པ་འགོ་འདྲེན་འཐབ་ནི་གི་ གྲ་སྒྲིག་འབདཝ་ཨིན་པས།


དགོངས་ཞུ་བྱོན་མི་ བློན་ཆེན་གྱིས་ རྒྱལ་ཡོངས་ལུ་གནང་མི་ ཁ་བྲལ་གསུང་བཤད།

༣༠/༤/༢༠༡༣   ༉ དམངས་གཙོའི་རིང་ལུགས་ལས་བརྟེན་པའི་ རྒྱལ་ཡོངས་ཚོགས་འདུ་དང་པ་འདི་ དགོངསམ་ཞུ་ཚར་ཡི། འདི་དང་འདྲཝ་སྦེ་ བཙག་འཐུ་ལས་གྲུབ་པའི་ གཞུང་དང་པའི་ གནས་ཡུན་འདི་ཡང་ ཚང་སོ་ཡི། ད་རིས་ལས་ མི་དབང་མངའ་བདག་རིན་པོ་ཆེ་མཆོག་གི་ བཀའི་གནང་བ་བཞིན་དུ་ གནས་སྐབས་ཀྱི་ གཞུང་འདི་ཡང་ གཞི་བཙུགས་འབདཝ་ཨིན་ཟེར་ཞུ་ནི། 
བློན་ཆེན་བགྲེསཔ་ འཇིག་མེད་འཕྲིན་ལས་མཆོག་གིས་ དགོངས་ཞུའི་ཞུ་ཡིག་གུ་ མཚན་རྟགས་བཀོད་གནང་པའི་བསྒང་།

གནས་སྐབས་གཞུང་གིས་ ད་རིས་ལས་ ཡིག་ཚང་ནང་ འཛུལ་ཞུགས་འབད་ནི།

༢༩/༤/༢༠༡༣   ༉ འབྲུག་གི་དམངས་གཙོའི་རིང་ལུགས་དབུ་བརྙེས་ཏེ་ ལོ་༥ གི་ཤུལ་ལུ་ སྤྱི་ཚོགས་༢ པའི་ རྒྱལ་ཡོངས་ཚོགས་འདུའི་ བཙག་འཐུའི་བྱ་རིམ་ཚུ་ གྲ་སྒྲིག་འབད་ནིའི་དོན་ལས་ གནས་སྐབས་གཞུང་གསརཔ་གིས་ ད་རིས་ རང་ཟླ་༣ པའི་ཚེས་༡༩ སྤྱི་ལོ་༢༠༡༣ ཟླ་༤ པའི་ཚེས་༢༩ ལས་ གྲོས་དཔོན་༧ འབད་མི་ སྡེ་ཚན་ཅིག་གིས་ གནས་སྐབསགཞུང་གི་ འགན་འཁྲི་འབག་ནི་ འགོ་བཙུགསཔ་ཨིན་པས།
མི་དབང་མངའ་བདག་རིན་པོ་ཆེ་མཆོག་ གནས་སྐབས་གཞུང་གི་ གྲོས་དཔོན་དང་ འབྲུག་གི་བཙག་འཐུ་ལྷན་ཚོགས་ཀྱི་ འགོ་དཔོན་ཚུ་དང་གཅིག་ཁར་ ལྷན་བཞུགས་གནང་པའི་བསྒང་།

སྤྱིར་བཏང་བཙག་འཐུ་ སྤྱི་ཟླ་༧ པའི་ཚེས་༡༣ ལུ་ འགོ་འདྲེན་འཐབ་ནི།

༢༩/༤/༢༠༡༣   ༉ རྒྱལ་པོའི་བརྡ་དཔོན་ཡིག་ཚང་ལས་ལྷོད་མི་ གནས་ཚུལ་གསར་བཏོན་དང་འཁྲིལཝ་ད་ འགོ་ཐོག་བཙག་འཐུ་དེ་ སྤྱི་༥ པའི་ཚེས་༣༡ ལུ་དང་ སྤྱིར་བཏང་བཙག་འཐུ་དེ་ སྤྱི་ཟླ་༧ པའི་ཚེས་༡༣ ལུ་ འགོ་འདྲེན་འཐབ་ནི་ཨིན་པས།

དར་དཀར་ལ་རྒེད་འོག་ནང་ ཁྱིམ་གུང་༢༥ ལུ་ ས་ཆའི་སྐྱིད་སྡུག་གནང་ཡོདཔ།

༢༩/༤/༢༠༡༣   ༉ ཐིམ་ཕུ་རྫོང་ཁག་དར་དཀར་ལ་དང་ ལྕམ་སྒང་གི་བར་ན་ ལ་ནོར་གཡག་ཚུ་དང་གཅིག་ཁར་ གནས་སྤོ་འགྱོ་མི་ ཁྱིམ་གུང་༢༥ གིས་ ད་ལས་ཕར་ གཏན་འཇགས་ཀྱི་ ཁྱིམ་རྐྱབ་ཐོག་ལས་ ཁོང་རའི་ཨ་ལུ་ཚུ་ སློབ་གྲྭ་ནང་ འགྱོ་ནི་ལུ་ སྟབས་བདེ་ཏོག་ འབྱུང་ཚུགས་པའི་ རེ་བ་ཡོདཔ་ཨིན་པས།
མི་དབང་མངའ་བདག་རིན་པོ་ཆེ་མཆོག་ ས་ཆའི་སྐྱིད་སྡུག་ཐོབ་མི་ དར་དཀར་ལ་རྒེད་འོག་གི་ མི་སེར་ཚུ་དང་ ཞལ་འདྲིས་གནས་པའི་བསྒང་།

ཁ་ཙ་ གནས་ཡུན་ཚང་མི་ ཚོགས་སྡེའི་འཐུས་མི་༤ དགོངས་ཞུ་འབད་ཡོདཔ།

༢༩/༤/༢༠༡༣   ༉ རྒྱལ་ཡོངས་ཚོགས་སྡེའི་འཐུས་མི་གསརཔ་ཚུ་ འཕྲལ་ཁམས་ཅིག་ཁར་ བཙག་འཐུ་གྲུབ་སྟེ་ གྲ་སྒྲིག་སོང་ཡོདཔ་བཞིན་དུ་ ཧེ་མའི་ འཐུས་མི་ཚུ་གིས་ ཁ་ཙ་ དགོངས་ཞུ་འབད་ཡོདཔ་ཨིན་པས།
དེ་ཡང་ ཚོགས་སྡེའི་ཁྲི་འཛིན་གྱིས་གཙོས་པའི་ འཐུས་མི་༤ གིས་ དགོངས་ཞུའི་དོན་ལུ་ ཚོགས་སྡེའི་དྲུང་ཆེན་ཡིག་ཚང་གི་ འགོ་དཔོན་ཚུ་དང་གཅིག་ཁར་ ཁྲི་འཛིན་གྱི་ཁྲི་ལུ་ བཀྲིས་སྨོན་ལམ་དང་ ཁ་དར་ཚུ་ ཕུལ་ཡོདཔ་ཨིན་པས།


རྫོང་ཁག་ཁྲོམ་སྡེ་ རྙིངམ་ཅིག་ཨིན་རུང་ ཡར་དྲག་མ་འགྱོ་བའི་མངོན་གསལ།

༢༩/༤/༢༠༡༣   ༉ ད་རེས་ནངས་པ་ བསམ་རྩེ་ཁྲོམ་ཁར་ སྒྲིང་ཁྱིམ་གསརཔ་ དག་པ་རེ་ བཟོ་སྐྲུན་འབད་དོ་ཡོད་པའི་ཁར་ མི་རློབས་དུམ་གྲ་རེ་ ཡར་སེང་འགྱོ་ཡོདཔ་མ་གཏོགས་ སྤྱི་ལོ་༡༩༩༠ གོ་གྲངས་ལུ་ མཐོང་གསལ་བྱུང་མི་ ཁྲོམ་རྙིངམ་གི་ གནས་སྟངས་བཟུམ་སྦེ་ར་ཡོད་ཟེར་ ས་གནས་ནང་སྡོད་མི་ རྒ་ཤོས་ཚུ་གིས་ སླབ་ཨིན་པས།
ངོ་ལོ་བཅུ་ཕྲག་ལས་བཅད་དེ་ ཡར་དྲག་འགྱོ་མ་ཚུགས་པའི་ བསམ་རྩེ་ཁྲོམ།

གནས་ཚུལ་མདོར་བསྡུས།

༢༩/༤/༢༠༡༣
བསམ་རྩེ་ པདྨ་གླིང་རྒེད་འོག་ དཔལ་འབྱོར་གླིང་གཡུས་ཚན་གྱི་ ཉེ་འདབས་ལུ་ཡོད་པའི་ གློག་ཐག་རཝ་ ལ་ལུ་ཅིག་ ཆད་ཡོདཔ་མ་ཚད་ གློག་ཐག་གི་འོག་ལས་ཕར་ རྩྭ་ཚུ་ཡང་ རིངམོ་སྦེ་ སྐྱེས་ཡོདཔ་ལས་ སྒོ་ནོར་སེམས་ཅན་ཚུ་ རྩྭ་བཟའ་སྡོད་སར་ མཐོངམ་ཨིན་པའི་གནས་ཚུལ།

རང་བཞིན་གྱི་ཚོད་བསྲེ་ལུ་བརྟེན་ འོང་འབབ་ལེགས་ཤོམ་བཟོ་ཚུགས་དོ་ཡོདཔ།

༩/༤/༢༠༡༣ ༉ རྩི་རང་དང་ གསར་སྤང་གཞུང་ལམ་གྱི་བར་ན་ འགྲོ་འགྲུལ་འབད་མི་ཚུ་ འཕྲལ་འཕྲལ་སྦེ་ར་ སྒུག་བཅུག་པའི་གནད་དོན་གཙོ་བོ་ར་ གཞུང་ལམ་བདའ་སྟེ་ རང་བཞིན་གྱི་ ལུད་ལུ་བརྟེན་པའི་ ཚོད་བསྲེའི་རིགས་ཚུ་ འཐོབ་ཆོག་ཆོ་སྦེ་ ཡོད་མི་ལུ་བརྟེན་ཏེ་ཨིན་པས།
རྩི་རང་ལུ་ གཞུང་ལམ་ཟུར་ཁར་བཙོང་མི་ རང་བཞིན་གྱི་ཚོད་བསྲེ་ཚུ།

འདེམས་ངོ་གསར་པའི་ ངོ་སྤྲོད་དང་འབྲེལ་ རྫོང་ཁག་ཡིག་ཚང་ སྒོ་འབྱེད་འབད་ཡོདཔ།

༢༩/༤/༢༠༡༣   ༉ ཁ་ཙ་ ཐིམ་ཕུ་ཨོ་ལ་ཁ་ལུ་ འབྲུག་བཙག་འཐུ་ལྷན་ཚོགས་ཀྱི་ ཡིག་ཚང་ཡོད་མི་ སྒྲིང་ཁྱིམ་ནང་སྦེ་ མི་སེར་དམངས་གཙོ་ཚོགས་པའི་ རྫོང་ཁག་ཡིག་ཚང་ སྒོ་འབྱེད་འབད་མི་དང་འབྲེལ་ ཐིམ་ཕུ་སྨད་ཀྱི་ འདེམས་ངོ་ཡང་ ངོ་སྤྲོད་འབད་ཡི།
ལྡོག་ཕྱོགས་འགོ་ཁྲིདཔ་ ཚེ་རིང་སྟོབས་རྒྱས་ཀྱིས་ འདེམས་ངོ་གསརཔ་ རྟ་མགྲིན་དབང་མོ་ལུ་ ཁ་དར་བཏགས་པའི་བསྒང་།

མི་མང་གི་བསམ་འཆར།

༢༩/༤/༢༠༡༣   རྫོང་ཁའི་སློབ་སྟོན་ཐབས་ལམ་ ཡར་དྲག་གཏང་དགོཔ།

༉ འབྲུག་རྒྱང་བསྒྲགས་ལས་འཛིན་གྱིས་ རྒྱང་བསྒྲགས་རེ་ཌིའོ་ཐོག་ལས་ རེས་གཟའ་ཉིམ་གི་ཕྱི་རུ་ ཨ་རྟག་ར་ རྫོང་ཁའི་ལས་རིམ་ནང་ ཤེས་རིག་གི་ལས་རིམ་ རྒྱང་བསྒྲགས་འབདཝ་མས་ཟེར་ཞུ་ནི།
དེ་ཡང་ སྤྱི་ཟླ་༤ པའི་ཚེས་༢༠ གི་ཕྱི་རུ་ རྒྱང་བསྒྲགས་རེ་ཌིའོ་ལས་རིམ་ ཉན་པའི་སྐབས་ལུ་ རྒྱལ་ཡོངས་གཞུང་སྐད་རྫོང་ཁའི་ཐོག་ལས་ ཤེས་རིག་གི་ལས་རིམ་ སྟོན་པའི་བསྒང་ཨིན་མས་ཟེར་ཞུ་ནི།
ལས་རིམ་དེ་ནང་ སྐད་ཡིག་གི་རིག་རྩལ་ ཉན་ནི་དང་ སླབ་ནི་ ལྷག་ནི་ འབྲི་ནི་ལ་སོགས་པའི་ རིག་རྩལ་རྣམ་པ་བཞི་ ཡར་རྒྱས་གཏང་དགོཔ་གལ་ཆེ་བའི་སྐོར་ལས་ ལས་རིམ་སྟོན་གནང་མི་དེ་ འབྲུག་རྒྱལ་ཁབ་ཀྱི་ སློབ་གྲྭ་ཁག་གི་ སློབ་དཔོན་ཚུ་དང་ སློབ་ཕྲུག་ཡོངས་ལུ་ ཕན་ཐོགས་འབྱུང་ནི་ཨིནམ་ལས་ ལས་རིམ་བཟོ་གནང་མི་དེ་ལུ་ ང་རའི་ཁ་ཐུག་ལས་ བཀའ་དྲིན་དགའ་ཚོར་སྦོམ་ཡོད་ཟེར་ཞུ་ནི།
དེ་མ་ཚད་ དེ་བཟུམ་གྱི་ དོན་ཚན་ཁག་ཆེ་ཏོག་ཏོ་ རྒྱང་བསྒྲགས་འབདཝ་ལས་བརྟེན་ ང་ཡང་ ལྷག་པར་དུ་ ཉན་ནི་གི་ སྤྲོ་བ་སྦོམ་བྱུང་ཡི་ཟེར་ཞུ་ནི།
ལས་རིམ་བཟོ་གནང་མི་དེ་ལུ་ ང་རའི་ཁ་ཐུག་ལས་ རྒྱབ་སྐྱོར་ཕུལ་ནི་དང་འབྲེལ་ཏེ་ བསམ་འཆར་མདོར་བསྡུས་ཅིག་ཞུ་ནི།
དེ་ཡང་ ལས་རིམ་ནང་ ཉན་ནིའི་རིག་རྩལ་གྱི་སྐོར་ལས་ གསལ་བཤད་པ་གིས་ “སློབ་དཔོན་གྱིས་ ཡར་ལས་མར་ལྷགཔ་ད་ སློབ་ཕྲུག་ཚུ་གིས་ ཉན་མི་དེ་ ཉན་ནིའི་རིག་རྩལ་ཨིན་ཟེར་” སླབ་ཨིན་མས་ཟེར་ཞུ་ནི།
མ་གཞི་ ཁོ་གིས་སླབ་མི་དེ་ ཉན་ནིའི་རིག་རྩལ་ཨིནམ་སྦེ་ ང་བཅས་ག་ར་གིས་ ཁས་ལེན་པའི་ཁར་ དེ་གུ་ཉན་ནིའི་རིག་རྩལ་ ཡར་དྲག་གཏང་ཐབས་ལུ་ སྤྲོ་བ་ཅན་གྱི་ སློབ་ཁང་གི་ སྦྱོང་ལཱ་མ་འདྲཝ་ཚུ་ འགོ་འདྲེན་འཐབ་ཚུགས་པ་ཅིན་ ཉན་ནིའི་རིག་རྩལ་དེ་ ལྷག་པར་དུ་ ཡར་དྲག་འགྱོ་འོང་ཟེར་ཞུ་ནི།
དེ་བཟུམ་སྦེ་ ང་བཅས་ག་ར་གིས་ བསམ་འཆར་བརྗེ་སོར་ཐོག་ལས་ རྫོང་ཁའི་སློབ་སྟོན་གྱི་ཐབས་ལམ་ ཡར་དྲག་གཏང་ཚུགས་པ་ཅིན་ སྤྱིར་ང་བཅས་རའི་ རྒྱལ་ཡོངས་སྐད་ཡིག་ཡར་རྒྱས་གཏང་ནི་དང་ སྒོས་སུ་འབྲུག་གི་ སློབ་གྲྭ་ཁག་ཚུ་ནང་ ཤེས་ཡོན་སྦྱང་མི་ ན་གཞོན་ཕོ་མོ་ཚུ་གི་རྒྱུད་ལུ་ རྫོང་ཁའི་གཞི་འགྱམ་ ལེགས་ཤོམ་སྦེ་ འཐོབ་ཚུགས་ནི་གི་ དགོས་པ་སྦོམ་འོང་ནི་མས་ཟེར་ ཞུ་ནི་ཨིན།

རྒྱལ་ཡོངས་སྐད་ཡིག་ལུ་ བརྩི་བཀུར་མེདཔ་ཨིན་ན?

༉ འབྲུག་གི་སྤྱི་ཚོགས་༢ པའི་ རྒྱལ་ཡོངས་ཚོགས་སྡེའི་ བསྐུལ་བསྒྲགས་འབད་བའི་སྐབས་ འདེམས་ངོ་ཚུ་གིས་ སླབ་ཤེས་རུང་མ་ཤེས་རུང་ རྒྱལ་ཡོངས་སྐད་ཡིག་རྫོང་ཁའི་ཐོག་ལས་ སླབ་སར་མཐོངམ་ད་ ང་བཅས་མི་སེར་ཚུ་ཡང་ ཧ་གོ་རུང་མ་གོ་རུང་ བྱ་ཐབས་མེད་པར་ ཉན་དགོ་པས་ཟེར་ཞུ་ནི།
ལུང་ཕྱོགས་ཀྱི་ཁ་སྐད་ དུམ་གྲ་རེ་ སླབ་བཅུག་རུང་ བཏུབ་ནི་མས་ཟེར་བའི་ མནོ་བསམ་བཏང་དགོཔ་བྱུང་ཡི་ཟེར་ཞུ་ནི།
རྫོང་ཁ་འདི་ བརྩི་བཀུར་ཡོདཔ་བཟུམ་ཅིག་མཐོང་རུང་ སྤྱི་ཟླ་༤ པའི་ཚེས་༢༤ གི་དྲོ་པ་ རྒྱང་མཐོང་ནང་ བཙག་འཐུའི་ལྷན་འཛིན་སྤྱི་ཁྱབ་ཀྱིས་ བཙག་འཐུ་ནང་ལས་ རྒྱལ་ཁ་ཐོབ་མི་ འདེམས་ངོ་ཆ་མཉམ་ལུ་ བཀའ་དྲིན་དགའ་ཚོར་གྱི་གསུང་བཤད་ ཨིང་སྐད་ཐོག་ལས་ སླབ་ནི་དེ་གིས་ ང་བཅས་མཐའ་ཟུར་ལས་ཕར་སྡོད་མི་ཚུ་ ཧ་མ་གོཝ་ལས་ ཉན་ནི་ལུ་ སྤྲོ་བ་མ་འབྱུང་ཟེར་ཞུ་ནི།
གཞུང་གི་འགོ་དཔོན་ཚུ་གིས་ར་ རྫོང་ཁ་བདག་འཛིན་འཐབ་མ་གནང་པ་ཅིན་ ང་བཅས་མི་སེར་ཉམ་ཆུང་ཚུ་གིས་ བདག་འཛིན་འཐབ་ཚུགས་པར་ ལཱ་ཁག་རྐྱབ་ནི་མས་ཟེར་ ཞུ་ནི་ཨིན།

བསམ་རྩེ་ཁྲོམ་ཁར་ ཡོངས་གྲགས་ཅན་ཅིག་ཨིན་མི་ སམ་ཌོ་ཡ།

༢༩/༤/༢༠༡༣   ༉ བསམ་རྩེ་ཁྲོམ་གྱི་ ཚོང་ཁང་ཚུ་གི་སྦུག་ལུ་ ཆང་ཁང་ཅིག་དང་ བཟའ་ཁང་ཆུང་ཀུ་ཅིག་བཙུགས་ཏེ་སྡོད་མི་ སམ་ ཌོ་ཡ་ཟེར་མི་དེ་ ཁྲོམ་ཁའི་ མི་ཚུ་གིས་མ་ཚད་ རྫོང་ཁག་གི་ ས་ཁོངས་ཚུ་ནང་སྡོད་མི་ མང་ཤོས་ཅིག་གིས་ར་ ངོ་ཤེས་དོ་ཡོདཔ་ཨིན་པས།
སམ་ཌོ་ཡ་གིས་ ཉིན་མའི་བཞེས་སྒོ་འབད་བའི་བསྒང་།

དགའ་བའི་གླིང་སྒྲིང་ཁྱིམ་ སྒོ་འབྱེད་འབད་ཡོདཔ།

༢༩/༤/༢༠༡༣   ༉ སྤྱི་ཟླ་༤ པའི་ཚེས་༢༧ ལུ་ མི་དབང་རྒྱལ་ཡུམ་ ཨ་ཞེ་སངས་རྒྱས་ཆོས་སྒྲོན་དབང་ཕྱུག་མཆོག་དང་ རྒྱ་གར་གྱི་གཞུང་ཚབ་ ཝི་པི་ ཧེ་རང་གིས་ ཐིམ་ཕུ་ ཝང་སི་སི་ནང་ལུ་ ནང་འཁོད་རྩུབ་སྤྱོད་ཀྱི་ ཉམས་རྒུདཔ་ཚུ་ལུ་ རྒྱབ་སྐྱོར་འབད་ནིའི་དོན་ལུ་ དགའ་བའི་གླིང་ཟེར་མི་ སྒྲིང་ཁྱིམ་ཅིག་ བཟོ་སྐྲུན་འབད་ཡོད་མི་དེ་ སྒོ་འབྱེད་མཛད་གནང་ཡི།
མི་དབང་རྒྱལ་ཡུམ་ ཨ་ཞེ་སངས་རྒྱས་ཆོས་སྒྲོན་དབང་ཕྱུག་མཆོག་དང་ རྒྱ་གར་གྱི་གཞུང་ཚབ་ ཝི་པི་ ཧེ་རང་གིས་ ཐིམ་ཕུ་ཝང་སི་སི་ནང་ལུ་ དགའ་བའི་གླིང་སྒྲིང་ཁྱིམ་ སྒོ་འབྱེད་མཛད་གནང་པའི་བསྒང་།

ན་རང་སྨན་ཁང་འབྲིང་མ་རྐྱབ་མི་ ཁག་འབགཔ་ལུ་ བཙོན་ཁྲིམས་དང་ ཆོག་ཐམ་ཆ་མེད།

༢༧/༤/༢༠༡༣   དེ་མ་ཚད་ མགུ་སྐོར་དང་ གཡོ་སྒྱུ་ ཚུལ་མིན་ཐོག་ལས་ བཟོ་སྐྲུན་འབད་བའི་གྱོང་རྒུད་ དངུལ་ཀྲམ་ས་ཡ་༦.༩༧༩ ཕོག་མི་དེ་ གཞུང་ལུ་ སོར་ཆུད་འབད་དགོཔ།
༉ ལོ་ངོ་༡ ལྷགཔ་ཅིག་གི་རིང་ རྩོད་བཤེར་ཞིབ་པར་ འབད་བའི་ཤུལ་ལུ་ ཁ་ཙ་ མོང་སྒར་རྫོང་ཁག་ཁྲིམས་འདུན་གྱིས་ སྡེ་ཚན་ག་པའི་ཁག་འབགཔ་ སྐྱེས་ལོ་༣༦ ལང་མི་ཅིག་ལུ་ མགུ་སྐོར་དང་ གཡོ་སྒྱུ་ ལོག་འདྲེན་ དེ་ལས་ ནང་གསུག་རྐྱབ་པའི་ ཉེས་འཛུགས་ལུ་བརྟེན་ བཙོན་ཁྲིམས་ལོ་༢ བཀལ་ཡོད་རུང་ ཞག་གྲངས་༡༠ ནང་འཁོད་ལུ་ ཁྲིམས་འཐུས་བཏབ་ ཆོག་ནི་ཨིན་པས།
སྤྱི་ལོ་༢༠༠༩ ཟླཝ་༩ པའི་ཚེས་༢༡ ལུ་ ས་ཡོམ་གྱི་ཤུགས་དང་ བྱེམ་ཕོག་སའི་ ས་འགུལ་ལྟེ་བ་ ན་རང་ལུ་ཕོགཔ་ད་ རྩ་བ་ལས་ རམ་སོ་མི་ སྨན་ཁང་འབྲིང་མ་སྡེ་རིམ་༢ པ།

ཚོགས་སྡེའི་བཙག་འཐུ་ནང་ ཁྱད་ཚད་ལྡན་པའི་ཚོགས་རྒྱན་བཙུགས་མི་ ཕྱེད་ཀ་ལས་མེདཔ།

༢༧/༤/༢༠༡༣   ༉ སྤྱི་ཟླ་༤ པའི་ཚེས་༢༣ ལུ་ འགོ་འདྲེན་འཐབ་མི་ རྒྱལ་ཡོངས་ཚོགས་སྡེའི་བཙག་འཐུ་ནང་ ཁྱད་ཚད་ལྡན་པའི་ཚོགས་རྒྱན་བཙུགས་མི་ བརྒྱ་ཆ་༥༠ ལས་ མ་ཐོནམ་ཨིན་པས།
ཚོགས་རྒྱན་བཙུགས་མི་ཚུ་གི་ གྱངས་ཁ་ལུ་བལྟ་བ་ཅིན་ རྫོང་ཁག་ཚུ་ནང་ ཚོགས་རྒྱན་བཙུགས་མི་ ཉུང་ཤོས་ར་༡,༣༠༠ དང་ མཐོ་ཤོས་དེ་༡༣,༨༠༠ ཨིན་པས།


གནས་ཚུལ་མདོར་བསྡུས།

༢༧/༤/༢༠༡༣
ཁ་ཙ་ རྒྱལ་ཡོངས་ཚོགས་ཁང་ནང་ བློན་ཆེན་འཇིགས་མེད་འོད་ཟེར་འཕྲིན་ལས་མཆོག་གིས་ ས་མཚམས་འཁོར་ལམ་(དཱན་ཏག་)གྱི་ ཡོངས་ཁྱབ་མདོ་ཆེན་ གུང་བློན་གོང་མ་ ཨེ་ཊི་ པར་ན་ཡེཀ་, ཨེསི་ཨེམ་, ཝི་ཨེསི་ཨེམ་དང་གཅིག་ཁར་ མཇལ་ཕྲད་གནང་པའི་བསྒང་།


གནས་ཚུལ་མདོར་བསྡུས།

༢༧/༤/༢༠༡༣
བསམ་གྲུབ་ལྗོངས་མཁར་ ཕུན་ཚོགས་ཐང་རྒེད་འོག་ གཙང་ཆུ་མཐའ་མ་གཡུས་ཚན་གྱི་ ཁྱིམ་གུང་༡༧ གྱིས་ ཟླཝ་ཕྱེད་དང་༢ ཀྱི་རིང་ ཆུ་གཡུར་མི་ཊར་༣༠༠ བཏོན་མི་དེ་ཡང་ འདས་པའི་ལོ་ངོ་བཅུ་ཕྲག་༡ དེ་ཅིག་ ལྕང་ལཱ་རྐྱབ་མ་ཚུགས་པར་ ལུས་ཡོད་མི་དེ་ དུས་ཅི་ལས་ ལོག་ལྕང་ལཱ་ འགོ་བཙུགས་ནིའི་དོན་ལུ་ཨིན་པའི་གནས་ཚུལ།

དངུལ་ཀྲམ་འབུམ་༡༧ ལྷགཔ་ཅིག་གནས་པའི་ཅ་ཆས་ཚུ་ མེ་གིས་འཚིགས་ཡོདཔ།

༢༧/༤/༢༠༡༣   ༉ སྤྱི་ཟླ་༤ པའི་ཚེས་༢༣ ལུ་ ཕྱི་རུའི་ཆུ་ཚོད་༤:༤༦ དེ་ཅིག་ཁར་ ཐིམ་ཕུ་བར་སྦི་ས་ སྔ་སྦིས་རོང་ཆུའི་ ཉེ་འདབས་ལུ་ བསོད་ནམས་ཁང་ཆས་བཟོ་གྲྭ་འཕྲུལ་ཁང་དང་ སྦ་སྒོར་ དེ་ལས་ ཚོང་ཁང་ཚུ་ མེ་གིས་འཚིགས་མིའི་ནང་ དངུལ་ཀྲམ་འབུམ་༡༧ ལྷགཔ་ཅིག་གནས་པའི་ཅ་ཆས་ཚུ་ ཐལ་བར་བརླགས་བཏང་ཡོདཔ་ཨིན་པས།
ཁྲིམས་སྲུང་འགག་པ་དང་ ས་གནས་ཀྱི་མི་ཚུ་གིས་ མེ་བསད་པའི་བསྒང་།

བསམ་རྩེ་ལུ་ གླངམོ་ཆེ་ཚུ་གིས་ འཕྲོ་མཐུད་དེ་ར་ གནོད་སྐྱོན་རྐྱབ་དོ་ཡོདཔ།

༢༧/༤/༢༠༡༣   ༉ མ་གཞི་ དུས་ཚོད་འ་ནེམ་ཅིག་ཁར་ བསམ་རྩེ་ པདྨ་གླིང་རྒེད་འོག་ དཔལ་འབྱོར་གླིང་གཡུས་ཚན་ནང་ གེ་ཟ་ཚུ་ རྒྱ་ཆེ་དྲགས་སྦེ་ སྐྱེ་བའི་དུས་ཚོད་ཅིག་ཨིན་རུང་ ད་རེས་ ཞིང་ཚུ་ནང་ལྟཝ་ད་ གེ་ཟ་དུམ་གྲ་རེ་ལས་ མི་མཐོང་དོ་ཡོདཔ་ཨིན་པས།
གླངམོ་ཆེ་ཚུ་གིས་ གནོདཔ་བཀལ་མི་ དོག་མ་ཤིང་ཚུ།

ལྟ་བཤལཔ་ཚུ་གི་དོན་ལུ་ ལྟ་བཤལ་ལམ་སྟོན་དཔེ་དེབ་ གསར་བཏོན་འབད་ནི།

༢༧/༤/༢༠༡༣   ༉ ལོ་བསྟར་བཞིན་དུ་ རྒྱལ་ཁབ་ནང་ ལྟ་བཤལ་གྱི་ གྱང་ཁ་ཡར་ཕར་སོང་མི་དང་འབྲེལ་ རྒྱལ་ཁབ་ཀྱི་ དཔལ་འབྱོར་གོང་འཕེལ་གྱི་ འཕྲུལ་ཁང་བཟུམ་ རྐྱངམ་གཅིག་མེན་པར་ རྒྱལ་ཁབ་གཅེས་འཛིན་འབད་ནི་ལུ་ཡང་ གྱུར་ཡོདཔ་སྦེ་ཨིན་པས།

མི་སྡེ་ནང་ གནོད་པའི་ལཱ་མ་འབད་མི་ལུ་བརྟེན་ མི་ཚུ་གིས་ དགའ་དོ་ཡོདཔ།

༢༧/༤/༢༠༡༣   ༉ སྤ་རོ་ བོང་སྡེ་ཁྲོམ་གྱི་ ཉེ་འདབས་ལུ་ གློག་མེ་དང་ འཐུང་ཆུ་མེད་པའི་ སྦ་སྒོར་ཁང་མིག་༡ ནང་ སྐྱེས་ལོ་༦༣ ལང་མི་ ཨཔ་རིག་འཛིན་ཟེར་མི་ཅིག་ སྡོད་དོ་ཡོདཔ་ཨིན་པས།
སྤྱང་འཁྱམས་སྡོད་མི་ རིག་འཛིན།

ཚོང་ཁྲོམ་གསརཔ་༢ སྒོ་ཕྱེ་མི་གིས་ ཅེང་མ་རི་ཚོང་ཁྲོམ་ལུ་ གནོད་དོ་ཡོདཔ།

༢༧/༤/༢༠༡༣   ༉ བསམ་རྩེ་ནོར་བུ་སྒང་ གཡུས་ཚན་གྱི་མི་སེར་ཚུ་གིས་ རེས་གཟའ་ཉི་མ་ལུ་ ཚོང་བཙོང་ནིའི་དོན་ལས་ དྲོ་པའི་ཆུ་ཚོད་༨ དེ་ཅིག་ལས་ ས་གནས་ཁར་འོང་ཞིནམ་ལས་ གུར་སྤུབ་སྟེ་ བཅའ་སྒྲིག་རྐྱབ་དོ་ཡོདཔ་ཨིན་པས།
ཅེང་མ་རེའི་ཁྲོམ་ནང་ ཚོང་མགྲོན་པ་ ཚད་གཅིག་ལས་བརྒལ་མེདཔ།

ཤིང་ཕོར་དང་ ཟླ་པ་ལག་ལེན་འཐབ་ནི་དེ་ དཔའ་ཉམས་ཅན་ཅིག་ཨིནམ།

༢༧/༤/༢༠༡༣   ༉ དབང་འདུས་ཕོ་བྲང་ དྭངས་ཆུ་རྒེད་འོག་ རྟ་ས་གཡུས་ཚན་གྱི་མི་ཚུ་གིས་ བཞེས་སྒོ་ཚུ་ ཤིང་གི་ཕོརཔ་དང་ ཟླ་པ་ནང་ བཟའ་སྲོལ་ཡོད་མི་དེ་ཡང་ སྔར་སྲོལ་ལམ་ལུགས་ཚུ་ བདག་འཛིན་འཐབ་པའི་ བརྡ་མཚོན་ཅིག་ཨིནམ་ད་ ཤིང་གི་ཕོརཔ་དང་ ཟླ་པ་ཚུ་མང་ཤོས་ར་ ལོ་བསྟར་གྱི་ཚེས་བཅུ་དང་ དགའ་སྟོན་ དེ་ལས་ ལྷ་གསོལ་ཀླུ་གསོལ་གྱི་སྐབས་ལུ་ ལག་ལེན་འཐབ་དོ་ཡོདཔ་ཨིན་པས།
རྟ་ས་གཡུས་ཚན་གྱི་ མི་ཚུ་གིས་ དུས་སྟོན་ཚུ་གི་སྐབས་ལུ་ ཤིང་ཕོར་དང་ཟླ་པ་ཚུ་ ལག་ལེན་འཐབ་ནི་དེ་
དཔའ་ཉམས་ཅན་ཅིག་ཨིན་མས།

རྩོམ་སྒྲིག་པའི་སྣང་འཆར།

༢༧/༤/༢༠༡༣   ཤེས་ཡོན་ཅན་གྱི་ ཨམ་སྲུ་ཚུ་ དམངས་གཙོའི་བྱ་རིམ་ནང་འབྲེལ་གཏོགས།
༉ འབྲུག་ལུ་ ཤེས་ཡོན་ཅན་དང་ ལྕོགས་གྲུབ་ཅན་གྱི་ ཨམ་སྲུ་མེདཔ་ཨིན་ན་ ཡང་ཅིན་ ཨམ་སྲུ་ཚུ་ ཕོ་སྐྱེས་དང་ འདྲན་འདྲ་འབད་མི་ཚུགས་ཟེར་ འདྲོག་སྣང་བསྐྱེདཔ་ཨིན་ན་ཡང་ཅིན་ ཨམ་སྲུ་ཚུ་གི་ འགན་ཁུར་དེ་ ནང་གི་ཨམ་དང་ བཟའ་ཚང་མཐའ་སྐྱོང་འབད་མི་ཨིནམ་ལས་ འགོ་ཁྲིད་པའི་ གོ་གནས་འཆང་མ་བཏུབ་པའི་མནོ་ལུགས་ ད་ལྟོའི་བར་ན་ཡང་ཡོདཔ་ཨིན་ན? 

ཇའི་མཁོ་འདོད་བཀོད་མི་ལུ་ གྲུབ་མ་ཚུགས་པའི་དཀའ་ངལ།

༢༧/༤/༢༠༡༣   ༉ ཀྲོང་གསར་བྲག་སྟེང་རྒེད་འོག་ བསམ་ཆོས་གླིང་ལུ་ ཇ་རིལ་ཚོགས་པ་གིས་ ཚོགས་པ་གཞི་བཙུགས་འབད་དེ་ ལོ་ངོ་དག་པ་ཅིག་ སོང་ཡོད་རུང་ ད་ལྟོ་ ནང་འཁོད་ཀྱི་ མཁོ་མངགས་འབད་མི་ལུ་ར་ བཀྲམ་སྤེལ་འབད་མ་ཚུགས་པར་ ཡོདཔ་ཨིན་པས།
བསམ་ཆོས་གླིང་ལུ་ ཇའི་ལྕངམ་ཚུ་ འཛུགས་སྐྱོང་འབད་བའི་བསྒང་།

རྩི་རཔ་ཚུ་གིས་ འབྲུག་གློག་མེ་ལས་འཛིན་གྱི་ འཛིན་སྐྱོང་པ་བགྲེསཔ་ཅིག་ བཙག་འཐུ་འབད་ཡོདཔ།

༢༧/༤/༢༠༡༣   ༉ རྩི་རང་རྫོང་ཁག་གི་ མི་སེར་མང་ཤོས་ཅིག་གིས་ སླབ་མིའི་ནང་ ན་ཚོད་ ཤེས་ཚད་དང་ ལཱ་གི་ཉམས་མྱོང་ཡོདཔ་མ་ཚད་ ལྷག་པར་དུ་ རྫོང་ཁ་ལེགས་ཤོམ་སྦེ་ སླབ་ཚུགས་མི་ འདེམས་ངོ་ཅིག་ བཙག་འཐུ་འབད་ཚུགས་མི་དེ་ མ་འཛོལ་ཟེར་ཨིན་པས།
རྩི་རང་གི་ མི་སེར་ཚུ་གིས་ ཚོགས་རྒྱན་བཙུགས་པའི་བསྒང་།

ཚོགས་རྒྱན་བཙུགས་ནི་གི་ ཐོབ་དབང་ཡོད་རུང་ ལག་ལེན་འཐབ་མ་ཚུགས་པའི་བློ་ཕམ།

༢༦/༤/༢༠༡༣   ༉ སྤྱི་ཟླ་༤ པའི་ཚེས་༢༣ ལུ་ རྒྱལ་ཁབ་ནང་ རྒྱལ་ཡོངས་ཚོགས་སྡེའི་འཐུས་མི་ བཙག་འཐུ་འབད་བའི་སྐབས་ རྩི་རང་རྫོང་ཁག་གི་ ཚོགས་རྒྱན་ས་ཁོངས་ཚུ་ནང་ ཚོགས་རྒྱན་བཙུགས་པར་འོང་མི་ དག་པ་ཅིག་ར་ ཚོགས་རྒྱན་བཙུགས་ནིའི་ གོ་སྐབས་མ་ཐོབ་པར་ དབུགས་འགམ་སྟེ་ ལོག་འགྱོ་དགོཔ་ཐོན་ཡི།
དེ་ཡང་ ལ་ལུ་ཅིག་ལུ་ ཚོགས་རྒྱན་འདྲ་པར་མ་ཐོབ་ད་ ལ་ལུ་ཅིག་ལུ་ ཚོགས་རྒྱན་འདྲ་པར་ཡོད་རུང་ ཁོང་གི་མིང་ཚུ་ བཙག་འཐུའི་ཐོ་ཡིག་ནང་ མེད་མི་ལུ་བརྟེན་ཏེ་ཨིན་པས།

ཚོགས་རྒྱན་འདྲ་པར་ཡོད་རུང་ བཙག་འཐུའི་ཐོ་ཡིག་ནང་ མིང་གསལ་མེད་མི་ལུ་བརྟེན་
ཚོགས་རྒྱན་བཙུགས་མ་ཚུགས་པར་ སེམས་ཕམ་བྱུང་མི་ ན་གེན་ད་ར་ རའི།


ཚུལ་མིན་སྒོ་ལས་ ས་ཆ་བགོ་སྤྲོད་ཀྱི་ ཁེ་ཕན་བྱུང་མི་༧༤ གི་ རྩོད་བཤེར་ཕྱིར་འགྱངས་འབད་ཡོདཔ།

༢༦/༤/༢༠༡༣   ཚོགས་དཔོན་བགྲེསཔ་དང་ ནང་སྲིད་བློན་པོ་ དེ་ལས་ ཁྲོམ་སྡེ་ཚོགས་ཆུང་གི་ འཐུས་མི་༡༣ གྱི་ མཐོ་གཏུགས་འཁྲུན་ཆོད་ སྤྱི་ཟླ་༥ པའི་སྔ་ཆ་ལུ་ གནང་ཚུགས་པའི་རེ་བ།
༉ ཆེ་མཐོ་ཁྲིམས་འདུན་གྱིས་ མོང་སྒར་རྒྱལ་པོའི་ཞིང་གི་ ས་ཆ་བགོ་བཀྲམ་དང་འབྲེལ་བའི་ རྩོད་དོན་ནང་ ཉེས་འཛུགས་ཅན་ རྒྱལ་ཡོངས་ཚོགས་འདུའི་ ཚོགས་དཔོན་བགྲེསཔ་དང་ ནང་སྲིད་བློན་པོ་ དེ་ལས་ མོང་སྒར་ཁྲོམ་སྡེ་ཚོགས་ཆུང་གི་ འཐུས་མི་༡༣ གྱི་ མཐོ་གཏུགས་སྙན་གསན་མཇུག་བསྡུ་སྟེ་ བདུན་ཕྲག་གཉིས་ལྷག་སོང་ཡོད་རུང་ ཟླཝ་འདི་ནང་ཡང་ གྲོས་ཆོད་གཏོན་ནི་གི་ འོས་འབབ་མེདཔ་ཨིན་པས།

ཨེ་ཏོག་མེ་ཏོག་གི་ རིགས་མ་འདྲཝ་༢ མཐོང་ཡོདཔ།

༢༦/༤/༢༠༡༣   ༉ ནགས་ཚལ་དང་ གླིང་ཁ་ཞབས་ཏོག་ལས་ཁུངས་འོག་གི་ རང་བཞིན་སྐྱེ་ལྡན་ལྟ་བཤལ་དང་ བླམ་དཔལ་རི་རྒྱལ་གཞུང་སྐྱེ་ལྡན་གླིང་ཁའི་ འགོ་དཔོན་ཚུ་གིས་ ཨེ་ཏོག་མེ་ཏོག་གི་ རིགས་མ་འདྲཝ་༢ མཐོང་ཡོདཔ་ཨིན་པས།

ཚོགས་རྒྱན་བཙུགས་མིའི་ ངོས་འཛིན་འདྲ་པར་༣༥ བརླག་སྟོར་ཤོར་མི་ཚུ་ ལོག་ཐོབ་ཡོདཔ།

༢༦/༤/༢༠༡༣   ༉ རྒྱལ་ཡོངས་ཚོགས་སྡེའི་ བཙག་འཐུ་འགོ་འདྲེན་མ་འཐབ་པའི་ ཉིནམ་༡ གི་ཧེ་མར་ སྤྱི་ཟླ་༤ པའི་ཚེས་༢༢ ཀྱི་ཕྱི་རུ་ བརླག་སྟོར་ཤོར་མི་ ཚོགས་རྒྱན་བཙུགས་མིའི་ ངོས་འཛིན་འདྲ་པར་༣༥ པོ་དེ་ སྤྱི་ཚེས་༢༤ གི་ དྲོ་པའི་ཆུ་ཚོད་༡༠.༣༠ ལུ་ཐོབ་སྟེ་ ཇོ་བདག་ཚུ་ལུ་སྤྲོད་ནུག།

གནས་ཚུལ་མདོར་བསྡུས།

༢༦/༤/༢༠༡༣
ཁ་ཙ་ ཀྲོང་གསར་རྫོང་བདག་ཚེ་དབང་རིག་འཛིན་གྱིས་ ཀུན་དགའ་རབ་བརྟན་ཨ་ནེམོ་གྲྭ་ཚང་ནང་ལས་ གཞི་རིམ་སློབ་ཚན་མཐར་འཁྱོལ་མི་ ཤོ་ཐེངས་དང་པ་ ཨ་ནེམོ་༡༩ ལུ་ ལག་ཁྱེར་ཚུ་ སྤྲོད་ཡོད་པའི་གནས་ཚུལ།

བཙག་འཐུ་གྲུབ་མི་འཐུས་མི་གིས་ རྒེད་འོག་༡༢ ནང་ལས་ ཚོགས་རྒྱན་མཐོ་ཤོས་ཐོབ་ཡོདཔ།

༢༦/༤/༢༠༡༣   ༉ སྤྱི་ཟླ་༤ པའི་ཚེས་༢༣ ལུ་ རྒྱལ་ཡོངས་ཚོགས་སྡེའི་ བཙག་འཐུ་འགོ་འདྲེན་འཐབ་མི་དང་འབྲེལ་ བཙག་འཐུ་གྲུབ་མི་ བསྟན་འབྲུ་རྒེད་འོག་གི་འདེམས་ངོ་ སངས་རྒྱས་མཁའ་འགྲོ་གིས་ རྒེད་འོག་༡༥ ཡོད་པའི་གྲས་ལས་ ཁོ་རའི་རྒེད་འོག་རྩིས་པའི་ རྒེད་འོག་༡༢ ནང་ལས་ ཚོགས་རྒྱན་མཐོ་ཤོས་ ཐོབ་ཡོདཔ་ཨིན་པས།

རྩ་ཁྲིམས་ཆེན་མོའི་དགོངས་དོན་དང་འཁྲིལ་ རྒྱལ་ཡོངས་ཚོགས་སྡེ་ནང་ ཕྱག་ཞུ་ནི།

༢༦/༤/༢༠༡༣   ༉ རྒྱལ་ཡོངས་ཚོགས་སྡེའི་ བཙག་འཐུ་དོན་ལུ་ བཀྲིས་གཡང་རྩེ་རྫོང་ཁག་ནང་ དོ་འགྲན་པ་༢ ཡོད་པའི་གྲས་ལས་ ཡ་ལང་རྒེད་འོག་ལས་ བཀྲིས་ཕུན་ཚོགས་ཀྱིས་ འཕྲུལ་ཆས་ཐོག་གི་ ཚོགས་རྒྱན་གྲངས་རྩིས་མ་བཏོན་ཚུན་ དོ་འགྲན་སྦོམ་འབྱུང་ནི་ཨིན་པའི་སྣང་བ་ཤར་ཡོདཔ་ཨིན་པས།

དབང་འདུས་ཀྱི་མི་སེར་ཚུ་གིས་ ལྟ་བཤལ་ལས་སྡེའི་ཇོ་བདག་ གདམ་ཁ་རྐྱབ་ཡོདཔ།

༢༦/༤/༢༠༡༣   ༉ དབང་འདུས་ཕོ་བྲང་གི་ རྒྱལ་ཡོངས་ཚོགས་སྡེའི་འཐུས་མི་དེ་ སྐྱེས་ལོ་༣༡ ལང་མི་ བཀྲིས་རྡོ་རྗེ་དེ་ བཙག་འཐུ་གྲུབ་ཡོདཔ་ད་ ཁོ་གིས་ ཚོགས་སྡེའི་འཐུས་མི་བགྲེསཔ་ བསོད་ནམས་དབྱངས་ཅན་དང་ ཕྱག་རྡོར་རྣམ་རྒྱལ་ལས་ རྒྱལ་ཁ་ཐོབ་ཡོདཔ་ད་ ཁོ་ར་ རུས་སྦིས་ས་རྒེད་འོག་ལས་ཨིན་པས།
བཙག་འཐུ་གྲུབ་མི་ བཀྲིས་རྡོ་རྗེ།

ལྷུན་རྩེཔ་ཚུ་གིས་ ལྕོགས་གྲུབ་བལྟ་ནིའི་དོན་ལུ་ འདེམས་ངོ་གསརཔ་ལུ་ གོ་སྐབས་སྤྲོད་ཡོདཔ།

༢༦/༤/༢༠༡༣   ༉ ལྷུན་རྩེཔ་ཚུ་གིས་ རྒྱ་རེད་རྒེད་འོག་ལས་ སྐྱེས་ལོ་༤༥ ལང་མི་ བསྟན་པ་རྡོ་རྗེ་དེ་ རྒྱལ་ཡོངས་ཚོགས་སྡེའི་འཐུས་མི་སྦེ་ བཙག་འཐུ་འབད་ཚུགས་མི་དེ་ལུ་ བསམ་པ་རྫོགས་ཅི་ཟེར་ཨིན་པས།
བཙག་འཐུ་གྲུབ་མི་ བསྟན་པ་རྡོ་རྗེ།

སྤ་རོའི་འདེམས་ངོ་ཚུ་གིས་ ཁོང་རའི་རྒེད་འོག་ནང་ལས་ རྒྱབ་སྐྱོར་ཚུ་ ལེགས་ཤོམ་ཐོབ་ཡོདཔ།

༢༦/༤/༢༠༡༣   ༉ སྤ་རོ་རྫོང་ཁག་གི་འདེམས་ངོ་༥ པོ་ཆ་ར་གིས་ ཁོང་རའི་ རྒེད་འོག་ནང་ལས་ ཚོགས་རྒྱན་གྱི་རྒྱབ་སྐྱོར་ཚུ་ ལེགས་ཤོམ་ཐོབ་ཡོདཔ་ཨིན་པས།
རྒྱལ་ཡོངས་ཚོགས་སྡེའི་ སྡོད་ཁྲི་དོན་ལུ་ རྒྱལ་ཁ་ཐོབ་མི་ ཀ་ཀ་ཚེ་རིང་དེ་ ཝང་ལྕང་རྒེད་འོག་ལས་ཨིནམ་ད་ ཝང་ལྕང་རྒེད་འོག་ནང་ ཚོགས་རྒྱན་བཙུགས་མི་༡༡༦༧ ལས་ ཁོ་གིས་ ཚོགས་རྒྱན་ཡོངས་བསྡོམས་༧༧༦ ཐོབ་ཡོདཔ་ཨིན་པས།

བཙག་འཐུ་གྲུབ་མི་ ཀ་ཀ་ཚེ་རིང་།

སངས་རྒྱས་མཁའ་འགྲོ་གིས་ ཁོ་རའི་རྩིས་ཁྲ་ཚུ་ རྩིས་སྤྲོད་འབད་ཡོདཔ།

༢༦/༤/༢༠༡༣  ༉ བསམ་རྩེ་རྫོང་ཁག་ གཏན་འབྲུ་རྒེད་འོག་ལས་ སྐྱེས་ལོ་༣༧ འབད་མི་ སངས་རྒྱས་མཁའ་འགྲོ་དེ་ རྒྱལ་ཡོངས་ཚོགས་སྡེའི་ འཐུས་མི་སྦེ་ བཙག་འཐུ་གྲུབ་ཡོདཔ་བཞིན་དུ་ ཁ་ཙ་ཁོ་གིས་ རྫོང་ཁག་ ངོས་ལེན་འགོ་དཔོན་གྱི་ ཡིག་ཚང་ནང་འོང་སྟེ་ ཁོ་རའི་ལྟ་རྟོག་པ་ལུ་ རྩིས་ཁྲ་ཚུ་ རྩིས་སྤྲོད་འབད་དེ་ གཏན་འབྲུ་ལུ་ ཁོ་རའི་ཁྱིམ་ནང་ ལོག་སོང་ཡོདཔ་ཨིན།
ཚོགས་སྡེའི་སྡོད་ཁྲི་དོན་ལུ་ རྒྱལ་ཁ་ཐོབ་མི་ སངས་རྒྱས་མཁའ་འགྲོ།

རྩོམ་སྒྲིག་པའི་སྣང་འཆར།

༢༦/༤/༢༠༡༣   ཚོགས་རྒྱན་བཙུགས་མི་ མངམ་དགོ་པའི་ སེམས་བསྐུལ་འབད་མི་དང་རྒྱབ་འགལ།
༉ སྤྱི་ཟླ་༤ པའི་ཚེས་༢༣ ལུ་ འགོ་འདྲེན་འཐབ་མི་ རྒྱལ་ཡོངས་ཚོགས་སྡེའི་བཙག་འཐུའི་ནང་ ཚོགས་རྒྱན་བཙུགས་ནིའི་དོན་ལུ་ ཁྱད་ཚད་ལྡན་མི་༣༧༩,༨༡༩ ཡོད་རུང་ ཚོགས་རྒྱན་སྐྱུར་མི་༡༧༡,༥༤༤ མ་གཏོགས་མ་འོངམ་ལས་ སྤྱི་ལོ་༢༠༠༨ ལུ་ ཚོགས་སྡེའི་བཙག་འཐུ་ནང་ ཚོགས་རྒྱན་བཙུགས་མི་བརྒྱ་ཆ་༥༣ དེ་ཅིག་གིས་ བཅའ་མར་གཏོགས་མི་དང་ཕྱདཔ་ད་ ད་རིས་ བརྒྱ་ཆ་༤༦.༡༦ ལུ་ མར་བབས་སོང་ནུག།


རྒེད་འོག་༥ གིས་ འདེམས་ངོ་བཀྲིས་ཕུན་ཚོགས་ལུ་ རྒྱབ་སྐྱོར་འབད་ཡོད་པའི་མངོན་གསལ།

 ༢༦/༤/༢༠༡༣   ༉ སྤྱི་ཚོགས་༢ པའི་ རྒྱལ་ཡོངས་ཚོགས་སྡེའི་བཙག་འཐུ་སྐབས་ གཡང་རྩེ་རྫོང་ཁག་ནང་ རྒེད་འོག་༨ ཡོད་མིའི་ནང་ལས་ རྒེད་འོག་༥ གི་ མི་སེར་ཚུ་གིས་ འདེམས་ངོ་བཀྲིས་ཕུན་ཚོགས་ལུ་ རྒྱབ་སྐྱོར་འབད་ཡོད་པའི་ མངོན་གསལ་བྱུངམ་ཨིན་པས།
བཙག་འཐུ་གྲུབ་མི་ བཀྲི་ཕུན་ཚོགས།

གནས་ཚུལ་མདོར་བསྡུས།

༢༥/༤/༢༠༡༣
ཁ་ཙ་ ཐིམ་ཕུ་རྒྱལ་ཡོངས་ཚོགས་ཁང་ནང་ བློན་ཆེན་འཇིགས་མེད་འོད་ཟེར་འཕྲིན་ལས་མཆོག་གིས་ འབྲུག་ལུ་ (གཡོན་ཁ་ཐུག་ལས་)ཀོ་རི་ཡ་གི་གཞུང་ཚབ་ ལི་ ཡཱུན་ ཡོང་དང་ སུ་ཡི་ཛར་ལེནཌི་གི་གཞུང་ཚབ་ ལི་ནཱསི་ བཱོན་ ཀཱསི་ཊེལ་མཱུར་དང་གཅིག་ཁར་ མཇལ་ཕྲད་གནང་པའི་བསྒང་།

གནས་ཚུལ་མདོར་བསྡུས།

༢༥/༤/༢༠༡༣
ཁ་ཙ་ ཐིམ་ཕུ་རྒྱལ་ཡོངས་ཚོགས་ཁང་ནང་ བློན་ཆེན་འཇིགས་མེད་འོད་ཟེར་འཕྲིན་ལས་མཆོག་གིས་ འབྲུག་ལུ་ (གཡོན་ཁ་ཐུག་ལས་)ཨཱཕ་ག་ནིསི་ཏཱན་གྱི་གཞུང་ཚབ་ ཤའི་ད་ མོ་ཧ་མེཌ་ ཨབ་ད་ལི་དང་ སར་བི་ཡ་གི་གཞུང་ཚབ་ ཇོ་བཱན་ མི་ལི་ལོ་བིག་དང་གཅིག་ཁར་ མཇལ་ཕྲད་གནང་པའི་བསྒང་།

སྤྱི་ཚོགས་༢ པའི་ རྒྱལ་ཡོངས་ཚོགས་སྡེའི་བཙག་འཐུ་ གྲུབ་འབྲས་ཅན།

༥/༤/༢༠༡༣   ༉ ཁ་ཙ་ འབྲུག་གི་བཙག་འཐུ་ལྷན་ཚོགས་ཀྱི་ ལྷན་འཛིན་སྤྱི་ཁྱབ་ དྲགོས་ཀུན་བཟང་དབང་འདུས་ཀྱིས་ རྫོང་ཁག་༢༠ ལས་ འབྲུག་གི་སྤྱི་ཚོགས་༢ པའི་ རྒྱལ་ཡོངས་ཚོགས་སྡེའི་བཙག་འཐུ་ མཐར་འཁྱོལ་ཅན་སྦེ་ འགོ་འདྲེན་འཐབ་ཚུགས་མི་ལུ་ བཀྲིན་དགའ་ཚོར་དང་ངལ་རངས་ཡོད་ལུགས་ཀྱི་ གསལ་བཤད་འབད་ཡི།

ཚོགས་རྒྱན་བཙུགས་མི་ཚུ་ལས་ ཉམས་མྱོང་ཅན་ལུ་ རྒྱབ་སྐྱོར་མེད་པའི་བསམ་ཞིབ།

༢༥/༤/༢༠༡༣   ༉ མོང་སྒར་རྫོང་ཁག་གི་ རྒྱལ་ཡོངས་ཚོགས་སྡེའི་ འཐུས་མི་ན་གཞོན་ཅིག་ བཙག་འཐུ་གྲུབ་མི་དང་བསྟུན་ བཙག་འཐུ་དང་འབྲེལ་བའི་ འུར་བྱེལ་ཡང་ མཇུག་བསྡུ་ཡོད་རུང་ རྒྱལ་ཁ་ཐོབ་མི་དང་ ཕམ་མི་ཚུ་གི་ བསམ་ཞིབ་འབད་ནི་ འགོ་བཙུགས་ཡོདཔ་ཨིན་པས།

འཇིགས་མེད་རིག་འཛིན་གྱིས་ ལོ་༡༠ གྱི་རིང་ མི་སེར་གྱི་ཞབས་ཏོག་ཞུ་ནིའི་གོ་སྐབས།

༢༥/༤/༢༠༡༣   ༉ ཚོགས་རྒྱན་ངོས་ལེན་འགོ་དཔོན་ཚུ་གིས་ ཚོགས་རྒྱན་བསྡུ་སྒྲིག་འབད་མ་ཚརཝ་ལས་ འཐུས་མི་བགྲེསཔ་ འཇིགས་མེད་རིག་འཛིན་ལུ་ རྒྱབ་སྐྱོར་འབད་མི་ཚུ་གིས་ བཀྲིན་དགའ་ཚོར་གྱི་ བརྒྱུད་འཕྲིན་ཚུ་ ལྷོད་ཡོདཔ་ཨིན་པས།
འཇིགས་མེད་རིག་འཛིན།

ཧཱ་ལུ་ ཚོགས་རྒྱན་བཙུགས་མི་ བརྒྱ་ཆ་༥༢.༥ ལྷོད་ཡོདཔ།

༢༥/༤/༢༠༡༣   ༉ ཧཱ་རྫོང་ཁག་ནང་ ཁྱད་ཚད་དང་ལྡན་པའི་ ཚོགས་རྒྱན་སྐྱུར་མི་ བརྒྱ་ཆ་༥༢.༥ གིས་ འགྲེམ་ཐོག་དང་ མི་ངོ་བོ་སྦེ་ འོང་སྟེ་ ཚོགས་རྒྱན་བཙུགས་ཡོདཔ་ཨིན་པས།
ཚོགས་རྒྱན་ཡོངས་བསྡོམས་༣༢༣༣ བཙུགས་ཡོད་ས་ལས་༡༧༥༥ ཨམ་སྲུ་དང་ གཞན་མི་༡༤༧༨ ཕོ་སྐྱེས་ཨིན་པས།


འཇིགས་མེད་དབང་ཕྱུག་གིས་ མི་སེར་ལུ་ཞབས་ཏོག་ཞུ་ནིའི་གོ་སྐབས་ཐོབ་ཡོདཔ།

༢༥/༤/༢༠༡༣   ༉ བསམ་གྲུབ་ལྗོངས་མཁར་རྫོང་ཁག་གི་ རྒྱལ་ཡོངས་ཚོགས་སྡེའི་འདེམས་ངོ་དེ་ ཚོགས་སྡེའི་འཐུས་མི་བགྲེསཔ་ འཇིགས་མེད་དབང་ཕྱུག་ ཡང་བསྐྱར་དུ་ བཙག་འཐུ་གྲུབ་ཡོདཔ་ད་ ཚོགས་རྒྱན་ཡོངས་བསྡོམས་༧༦༤༣ བཙུགས་མི་ལས་༥༢༡༣ ཐོབ་སྟེ་ འཐུས་མིའི་གྲངས་སུ་ ཚུདཔ་ཨིན་པས།
བཙག་འཐུ་གྲུབ་མི་ འཇིགས་མེད་དབང་ཕྱུག།

རེ་འདོད་དང་བསྟུན་ བཙག་འཐུ་ནང་ལས་ རྒྱལ་ཁ་ཐོབ་ཡོདཔ།

༢༥/༤/༢༠༡༣   ༉ ཀྲོང་གསར་རྫོང་ཁག་ལས་ རྒྱལ་ཡོངས་ཚོགས་སྡེའི་དོན་ལུ་ འདེམས་ངོ་༣ ཐོན་མིའི་གྲས་ལས་ རྒྱལ་ཁ་དེ་ འདེམས་ངོ་གསརཔ་༢ ནང་ལས་ འཐོན་ནི་གི་ ལོ་རྒྱུས་ཡོད་མི་དང་བསྟུན་ མཐར་ཕྱིན་གྱིས་ ཐོབ་ཡོདཔ་ཨིན་པས།
ས་གནས་ཀྱི་མི་ཚུ་གིས་ མཐར་ཕྱིན་ལུ་ རྒྱལ་ཁ་ཐོབ་པའི་དགའ་ཚོར་བསྐྱེད་པའི་བསྒང་།

སྤུ་ན་ཁ་གིས་ སློབ་དཔོན་བགྲེསཔ་ཅིག་ བཙག་འཐུ་འབད་ཡོདཔ།

༢༥/༤/༢༠༡༣   ༉ སྤུ་ན་ཁ་རྫོང་ཁག་གི་དོན་ལུ་ རྒྱལ་ཡོངས་ཚོགས་སྡེའི་འཐུས་མི་དེ་ རིག་འཛིན་རྡོ་རྗེ་ བཙག་འཐུ་གྲུབ་ཡོདཔ་ད་ ཁོ་གིས་ རྒྱལ་ཁབ་ཐོབ་མི་དེ་ ཉམས་མྱོང་དང་ ལྕོགས་གྲུབ་ཡོད་པའི་ཁར་ མི་སེར་ཚུ་ལུ་ ཁས་བླངས་ལེགས་ཤོམ་འབད་ནི་དེ་གིས་ ཨིནམ་འོང་ནི་ཨིན་པས།
བཙག་འཐུ་གྲུབ་མི་ རིག་འཛིན་རྡོ་རྗེ།

རྩོམ་སྒྲིག་པའི་སྣང་འཆར།

༥/༤/༢༠༡༣   ཁ་ལས་སླབ་ཚད་གཅིགཔོ་ ཆ་བཞག་མི་ཚུགས་ནི།
༉ ང་བཅས་ར་ འབྲུག་མི་ཚུ་ག་ར་འབད་རུང་ ཁ་ལས་སླབ་ཚད་གཅིགཔོ་ ཤེས་ཡོན་ཅན་དང་ ཉམས་མྱོང་ཅན་ ལྕོགས་གྲུབ་ཅན་ དེ་ལས་ བསམ་པ་སེམས་བསྐྱེད་བཟང་པོ་ཡོད་མི་ཚུ་གིས་ དད་དམ་ལྷད་མེད་ཐོག་ལས་ རྒྱལ་ཁབ་དང་ མི་སེར་ལུ་ ཕྱག་དང་ཞབས་ཏོག་ལེགས་ཤོམ་སྦེ་ ཞུ་ཚུགསཔ་ལས་ དམངས་གཙོའི་རིང་ལུགས་ནང་ ག་ནི་བ་ གནད་འགག་ཆེ་བའི་ འགན་འཁྲི་ཚུ་ བཀལ་ནིའི་དོན་ལུ་ ཁོང་ཆ་ཁྱབ་ ངེས་པར་དུ་ བཙག་འཐུ་འབད་དགོཔ་ཨིན་ཟེར་ བདེན་འཛིན་རེ་ཚུགས་པས་ག?

ཆུ་ཁ་རྫོང་ཁག་གི་མི་སེར་གྱིས་ འདེམས་ངོ་གསརཔ་ བཙག་འཐུ་གྲུབ་ཡོདཔ།

༢༥/༤/༢༠༡༣   ༉ སྤྱི་ཟླ་༤ པའི་ཚེས་༢༣ ལུ་ རྒྱལ་ཡོངས་ཚོགས་སྡེའི་འཐུས་མི་ བཙག་འཐུའི་སྐབས་ ཆུ་ཁ་རྫོང་ཁག་ལས་ སྐྱེས་ལོ་༣༣ ལང་མི་ པདྨ་བསྟན་འཛིན་གྱིས་ ཚོགས་རྒྱན་༦,༩༩༥ ཐོབ་སྟེ་ ཧེ་མའི་ཚོགས་སྡེའི་འཐུས་མི་ ཚེ་དབང་ལྷམོ་གི་ གདོང་ལན་ སྦོམ་འབད་ཡོདཔ་ཨིན་པས།
བཙག་འཐུ་གྲུབ་མི་འདེམས་ངོ་ པདྨ་བསྟན་འཛིན་དང་ རྒྱབ་སྐྱོར་འབད་མི་ཚུ།

ཧཱ་གི་འཐུས་མི་བགྲེསཔ་གིས་ ད་རུང་ ལོ་༥ འི་རིང་ ཞབས་ཏོག་ཞུ་ནིའི་ གོ་སྐབས་ཐོབ་ཡོདཔ།

༢༥/༤/༢༠༡༣   ༉ ཧཱ་རྫོང་ཁག་ནང་གི་མི་སེར་ཚུ་གིས་ རྒྱལ་ཡོངས་ཚོགས་སྡེའི་འཐུས་མི་བགྲེསཔ་ ཚེ་རིང་རྡོ་རྗེ་ ལོག་ བཙག་འཐུ་འབད་ཡོདཔ་ཨིན་པས།

རྫོང་ཁག་༢༠ ལས་ རྒྱལ་ཡོངས་ཚོགས་སྡེའི་ འཐུས་མི་སྦེ་ བཙག་འཐུ་གྲུབ་མི་ཚུ།

༢༤/༤/༢༠༡༣  

ཁྱད་ཚད་ལྡན་པའི་འབྲུག་མི་ བརྒྱ་ཆ་༤༥.༡༧ དེ་ཅིག་གིས་ ཚོགས་རྒྱན་བཙུགས་ཡོདཔ།

༢༤/༤/༢༠༡༣   ༉ ཁ་ཙ་ སྤྱི་ཚོགས་༢ པའི་ རྒྱལ་ཡོངས་ཚོགས་སྡེའི་འཐུས་མི་༢༠ བཙག་འཐུ་འབད་ནིའི་དོན་ལས་ ཚོགས་རྒྱན་བཙུགས་ནི་ལུ་ ཁྱད་ཚད་ལྡན་པའི་ འབྲུག་མི་བསྡོམས་༣༧༩,༨༡༩ ལས་༡༧༡,༥༦༤ དེ་ཅིག་གིས་ ཚོགས་རྒྱན་བཙུགས་ཡོདཔ་ཨིན་པས།

གནས་ཚུལ་མདོར་བསྡུས།

༢༤/༤/༢༠༡༣
ཁ་ཙ་ ཕྱི་རུའི་ཆུ་ཚོད་༤:༤༦ དེ་ཅིག་ལུ་ ཐིམ་ཕུ་ སྔ་སྦིས་རོང་ཆུའི་ ཉེ་འདབས་ལུ་ ཁང་ཆས་བཟོ་གྲྭ་འཕྲུལ་ཁང་དང་ སྦ་སྒོར་ དེ་ལས་ ཚོང་ཁང་ཅིག་ མེ་གིས་འཚིགས་ཡོདཔ་ད་ མི་ལུ་རྐྱེན་ངན་ཚུ་ ག་ནི་ཡང་མ་འབྱུང་རུང་ ཅ་ཆས་ཚུ་ ཆ་མཉམ་ར་ ཐལ་བར་བརླགས་བཏང་ཡོད་པའི་གནས་ཚུལ།


གློག་མེ་ལས་འཛིན་གྱི་འཛིན་སྐྱོང་པ་ རྩི་རང་གི་ འཐུས་མི་སྦེ་ བཙག་འཐུ་གྲུབ་ཡོདཔ།

༢༤/༥/༢༠༡༣   ༉ རྩི་རང་རྫོང་ཁག་གི་ རྒྱལ་ཡོངས་ཚོགས་སྡེའི་འཐུས་མི་དེ་ འབྲུག་གློག་མེ་ལས་འཛིན་གྱི་ གྲོང་གསེབ་གློག་མེ་བཀྲམ་སྤེལ་སྡེ་ཚན་གྱི་འཛིན་སྐྱོང་པ་ གདམ་ཁ་རྐྱབ་ཡོདཔ་ཨིན་པས།
མཚོ་གླིང་མཁར་རྒེད་འོག་ནང་ ཚོགས་རྒྱན་བཙུགས་པའི་བསྒང་།

ཐིམ་ཕུ་རྫོང་ཁག་ནང་ རྒྱལ་ཡོངས་ཚོགས་སྡེའི་འདེམས་ངོ་ གཞོནམ་ཅིག་ བཙག་འཐུ་གྲུབ་ཡོདཔ།

༢༤/༤/༢༠༡༣   ༉ ཁ་ཙ་ རྒྱལ་ཡོངས་ཚོགས་སྡེའི་བཙག་འཐུ་སྐབས་ལུ་ སྐྱེས་ལོ་༢༨ ལང་མི་ ཉི་མ་རྒྱལ་མཚན་གྱིས་ ཐིམ་ཕུ་རྫོང་ཁག་གི་ འདེམས་ངོ་སྦེ་  བཙག་འཐུ་གྲུབ་ཡོདཔ་ཨིན་པས།
མུ་ཏིག་ཐང་སློབ་གྲྭ་ཆེ་བའི་ ཚོགས་རྒྱན་ས་ཁོངས་ནང་ དྲགོས་སངས་རྒྱས་དབང་ཕྱུག་གིས་ ཚོགས་རྒྱན་བཙུགས་པའི་བསྒང་།