བཀྲ་ཤིས་བསྟན་འཛིན།
༉ སྐྱབས་རྗེ་རྗེ་མཁན་རིན་པོ་ཆེ་ སྤྲུལ་སྐུ་འཇིགས་མེད་ཆོས་གྲགས་མཆོག་གིས་ གཞལམ་སྒང་ལུ་ ད་རིས་ལས་ འགོ་བཙུགས་ཏེ་ ཉིན་གྲངས་༤ གི་རིང་ སྨོན་ལམ་ཆེན་མོ་གནང་ནི་ཨིན་པས།
སྐྱབས་རྗེ་རྗེ་མཁན་མཆོག་ ཀྲོང་གསར་ལུ་ བདུན་ཕྲག་༡ གི་རིང་ སྨོན་ལམ་ཆེན་མོ་དང་ བཛྲ་གུ་རུ་དུང་སྒྲུབ་བསགས་གནང་པའི་ཤུལ་ལས་ ཁ་ཙ་ གཞལམ་སྒང་ལུ་ ཕེབས་གནང་ཡོདཔ་ཨིན་པས།
གཞལམ་སྒང་གི་ ལོ་བསྟར་སྨོན་ལམ་ཆེན་མོ་དེ་ འགོ་དང་པ་ སྤྱི་ལོ་༢༠༠༨ ལུ་ འགོ་བཙུགས་ཏེ་ རྟ་ལི་ཟངས་མདོག་དཔལ་རི་ལྷ་ཁང་ནང་ གནང་ཡོདཔ་ཨིན་རུང་ དུས་ཅི་ལས་ ཀྲོང་རྒེད་འོག་གི་ དུང་འཁོར་ལྷ་ཁང་ནང་ གནངམ་ཨིན་པས།
གཞལམ་སྒང་རབ་སྡེའི་ བླམ་གནས་བརྟན་ ཨོ་རྒྱན་བསྟན་འཛིན་གྱིས་ སླབ་དོ་བཟུམ་འབད་བ་ཅིན་ རྫོང་ཁག་བདག་སྐྱོང་དང་ ཞི་གཡོགཔ་དེ་ལས་རབ་སྡེ་གྲྭ་ཚང་གིས་ འགོ་འདྲེན་འཐབ་མི་ སྨོན་ལམ་ཆེན་མོའི་ ཉིནམ་མཇུག་ལུ་ སྐྱབས་རྗེ་མཆོག་གིས་ མི་མང་ལུ་ བཀའ་དབང་གནང་གནང་ནི་ཨིན་ཟེར་ཨིན་པས།
སྨོན་ལམ་ཆེན་མོའི་ནང་ རྫོང་ཁག་དེ་ནང་ཡོད་པའི་ བཤད་གྲྭ་དང་ དགོན་སྡེ་ཁག་ཚུ་ལས་ དགེ་སློང་ཞལ་གྲངས་༣༠༠ ལྷགཔ་ཅིག་གིས་ བཅའ་མར་གཏོགས་དོ་ཡོདཔ་ཨིན་པའི་གནས་ཚུལ།
No comments:
Post a Comment