༉ སྤྱི་ཟླ་༣ པའི་ཚེས་༢༤ ལུ་ བཀྲིས་སྒང་བསམ་མཁར་རྒེད་འོག་ མེལ་ཕེ་ལུ་ སྐྱེས་ལོ་༡༤ ལང་མི་བུཚ་ཅིག་གིས་ སྐྱེས་ལོ་༢ དང་ཕྱེད་ལང་མི་ བུམོ་ཅུང་ཅིག་ དབང་བཙོང་ལུས་འབྲེལ་འབད་བའི་ དོགས་པ་ཆགས་མི་ལུ་བརྟེན་ ཁྲིམས་སྲུང་འགག་པའི་ དོ་དམ་འོག་ལུ་ བཙུགས་ཡོདཔ་ཨིན་པས།
ཁྲིམས་སྲུང་འགག་པའི་སྡེ་འཛིན་ རྡོ་རྗེ་མཁའ་འགྲོ་གིས་ བཤད་མི་དང་འཁྲིལཝ་ད་ བཀྲིས་སྒང་སྨན་ཁང་གི་ ཕྱི་གཟུགས་ཀྱི་ བདེན་རྟགས་དང་ དོགས་ཅན་གྱི་ རྫུན་ཁ་བཟེད་མི་དང་བསྟུན་ དོ་དམ་འོག་ལུ་ བཙུགས་ཅི་ཟེར་ཨིན་པས།
ཨ་ལུའི་ ཌོག་ཊར་ ཊི་ཨར་ ཤར་མ་གིས་ སླབ་མིའི་ནང་ ཉམས་རྒུདཔ་ བུམོ་ཅུང་དེ་ གསང་སྒོ་ལུ་ ན་ཟུག་རྐྱབ་ཡོད་པའི་སྐོར་ལས་ ཉོགས་བཤད་བཀོད་དེ་ སྨན་ཁང་ནང་ འབག་འོང་དེས་ཟེར་ཨིནམ་ད་ བརྟག་དཔྱད་འབདཝ་ད་ ཉམས་རྒུདཔ་པའི་ གསང་སྒོའི་འགོ་ལུ་ དུམ་གྲ་ཅིག་ གནོད་སྐྱོན་རྐྱབ་ཡོད་པའི་ ངོས་འཛིན་བྱུང་ཡི་ཟེར་ཨིན་པས།
བྱུང་རྐྱེན་སྐབས་ལུ་ ཉམས་རྒུདཔ་པའི་ ཕམ་ཚུ་ ཐབ་ཚང་ནང་བཞེས་སྒོ་འབད་བའི་བསྒང་ཡོདཔ་ད་ ཁོང་གིས་སླབ་མིའི་ནང་ དོགས་ཅན་དེ་ ཁོང་གི་ཉེ་འདབས་ལུ་ སྦ་སྒོར་ཅིག་ནང་སྡོདཔ་ཨིན་ཟེར་ཨིན་པས།
ཉམས་རྒུད་པའི་ ཨའི་གིས་ སླབ་དོ་བཟུམ་འབད་བ་ཅིན་ དོགས་ཅན་བུཚ་དེ་གིས་ མོ་གི་བུམོ་དེ་ ཆུང་ཀུའི་བསྒང་ལས་རང་ སྒལ་ཏོག་ཁར་འབག་སྟེ་ བདག་འཛིན་འཐབ་ནི་དེ་གིས་ མོ་གི་སེམས་ཁར་ དོགས་སྣང་མེད་པ་ལུ་བརྟེན་ དེ་ཚེ་ཕྱི་རུ་ཡང་ ཁོ་དང་ཅིག་ཁར་ བཞག་ཡི་ཟེར་ཨིན་པས།
ནུབ་མོའི་ཆུ་ཚོད་༨:༤༠ དེ་ཅིག་ལུ་ ཨའི་གིས་ དོགས་ཅན་གྱི་ཁྱིམ་ནང་ ཨ་ལུ་བལྟ་བར་འགྱོཝ་ད་ བུམོ་ཅུང་དེ་ ཉལ་ཁྲི་གུར་ དོརམ་ཕུད་བཞག་སར་ མཐོང་ཡི་ཟེར་ཨིན་པས།
ཕམ་ཚུ་གིས་ ཁྱིམ་ནང་འབག་སོང་སྟེ་བལྟཝ་ད་ བུམོ་དེ་གི་ གསང་སྒོ་ལུ་ གནོད་སྐྱོན་བྱུང་ཡོདཔ་ཤེས་མི་ལུ་བརྟེན་ དེ་གི་ ནངས་པར་ སྨན་ཁང་ནང་ བརྟག་དཔྱད་འབད་བར་ཁྱིད་པའི་ཤུལ་ལས་ གསོ་བའི་འགོ་དཔོན་ཚུ་གིས་ སླབ་མི་དང་འཁྲིལ་ཏེ་ ཁྲིམས་སྲུང་འགག་པ་ལུ་སྙན་ཞུ་འབད་ནུག།
བྱུང་རྐྱེན་དེ་གི་སྐོར་ལས་ ད་ལྟོ་ཞིབ་དཔྱད་འབད་བའི་བསྒང་ ཡོདཔ་ཨིན་པའི་གནས་ཚུལ།
No comments:
Post a Comment