 |
| མདའ་རྩེདཔ་གིས་ ཚ་གཏད་ཐོག་ལས་མདའ་རྐྱབ་པའི་བསྒང་། |
སྐར་མ་སྨིན་དྲུག་མདའ་རྩེདཔ་ཚུ་གིས་ རྩེད་འགྲན་འགོ་བཙུགས་ཏེ་ སྐོར་ཐེངས་༦ པའི་ནང་འཁོད་ལུ་ བཀག་རེག་དང་ དོབ་སྦྱེལ་ཚུ་རྐྱབ་སྟེ་ སྐུགས་ཆོད་པའི་སྐབས་ གཞན་མི་ བྱང་ཕྱད་སྡེ་ཚན་༢ ཀྱིས་ དོ་འགྲན་འབད་དེ་ རྩེད་འགྲན་འབད་རུང་ བཀག་རེག་བཏོགས་མ་ཚུགས་པར་ སྐུགས་ཆོད་དཔ་ཨིན་པས།
ཨིན་རུང་ ལོག་རྩེད་འགྲན་འབད་དེ་ སྐོར་ཐེངས་༡༤ པའི་ནང་ ཀེ་ཊི་ཌི་རྡོ་རྗེ་སྡེ་ཚན་གྱིས་ བཀག་རེག་༢༣ དང་སྐུགས་༤ ཐོབ་པའི་སྐབས་ འབྲུག་སྒྲ་དབྱངས་སྡེ་ཚན་གྱིས་སྐུགས་༥ དང་ བཀག་རེག་༢༨ སྐར་མ་སྨིན་དྲུག་སྡེ་ཚན་གྱིས་ བཀག་རེག་༢༦ ཕོག་ནུག།
ད་རིས་དྲོ་པའི་ རྩེད་འགྲན་ནང་ ནོར་འཕེལ་༦ དང་ ཀུར་སྟོདཔ་ དེ་ལས་ གངས་ལ་སྡེ་ཚན་༣ གྱི་བར་ན་ རྩེད་འགྲན་འབད་ནི་དང་ ཉི་མ་ ཨེན་ཊ་སྨིན་རྒྱབ་དང་ ན་ཧིཌ་ དེ་ལས་ ཨེན་ཊི་ཊི་སྡེ་ཚན་གསུམ་གྱི་བར་ན་ རྩེད་འགྲན་འབད་ནི་ཨིན་པས།
ལིག་སྐོར་ཐེངས་དེ་ སྤྱི་ཟླ་༥ པའི་ཚེས་༢༥ ལུ་ མཇུག་བསྡུ་ཞིནམ་ལས་ སྐུགས་མཐོ་ཤོས་དང་ བཀག་རེག་མཐོ་ཤོག་ཡོད་མི་སྡེ་ཚན་ཚུ་གིས་ ཀོ་ཊར་རྩེད་འགྲན་ནང་ དོ་འགྲན་འབད་ཚུགས་ནི་ཨིན་པའི་གནས་ཚུལ།
བཀྲིས་ཕུན་ཚོགས།
No comments:
Post a Comment