 |
| དམ་ཚིག་གཏོརམ་བཞེངས་མི་ཚུ། |
སྐུ་རིམ་གྱི་ གསུང་ཆོག་ངོ་མ་ར་ ལས་མགོན་བྱ་རོག་གདོང་ཅན་དང་ དཔལ་ཡེ་ཤེས་མགོན་པོ་ དཔལ་ལྡན་ལྷ་མོ་ དགེ་བསྙེན་ དེ་ལས་ སྤུ་ན་ཁའི་གནས་བདག་ མགོན་དྲག་ཚུ་ལུ་ གསོལ་མཆོད་གནང་ཡོདཔ་ད་ དེ་བཟུམ་གྱི་ སྐུ་རིམ་དེ་ ཨ་རྟག་འབད་བ་ཅིན་ གནམ་དགུན་ལུ་མ་གཏོགས་ གནམ་འབྱ་ལུ་ གནང་སྲོལ་མེདཔ་ཨིན་པས།
མ་ཆེན་གཟིམ་དཔོན་གྱིས་འབད་བ་ཅིན་ སྐུ་རིམ་དེ་ དུས་ཅི་ གནམ་འབྱ་ལུ་གནང་མི་དེ་ འགོ་དང་པ་ཨིན་མི་དེ་ཡང་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ ཐུགས་རྟགས་གནང་མི་ལུ་བརྟེན་ དམིགས་བསལ་གྱི་ སྐུ་རིམ་གལ་ཅན་ཅིག་ ཨིན་ཟེར་ཨིན་པས།
སྐུ་རིམ་གནང་དགོ་མི་དེ་ཡང་ དུས་ཅི་ རྒྱལ་ཁབ་ནང་ འབྱུང་བ་༤ འི་ རྐྱེན་ངན་ཚུབས་ཅན་ཚུ་ཟློག་སྟེ་ ཞི་བདེ་དང་དཔལ་འབྱོར་ཡར་འཕར་འགྱོ་ནིའི་དོན་ལུ་ ཨིན་ཟེར་ཨིནམ་ད་ སྐུ་རིམ་གྲོལ་བའི་སྐབས་ གཏོརམ་གཙོ་བོ་གིས་གཙོས་པའི་ འཁོར་༡༣ ག་ར་ གྱལ་བསྒྲིགས་ཏེ་ རྫོང་གི་ཕྱི་ཁར་ མོ་ཆུའི་མཐའ་མར་ འཕང་ཡོདཔ་ད་ དེ་བསྒང་ རྫོང་བདག་གིས་གཙོས་པའི་ རྫོང་ཁག་བདག་སྐྱོང་གི་ འགོ་དཔོན་ཚུ་དང་ ཁྲིམས་སྲུང་འགག་སྡེའི་ འགོ་དཔོན་ཚུ་གིས་ བཅར་མར་གཏོགས་ཡོད་པའི་གནས་ཚུལ།
སྤུ་ན་ཁ་ལས་ བསྟན་འཛིན་རྣམ་རྒྱལ།
No comments:
Post a Comment