 |
| དངུལ་རྩིས་ལྷན་ཁག་གི་ མདའ་རྩེདཔ་གིས་ མདའ་རྐྱབ་པའི་བསྒང་། |
མཐའ་བཅད་འགྲན་བསྡུར་ འགོ་བཙུགས་ཏེ་ ཉིན་མའི་ཆུ་ཚོད་༡༡ གི་ནང་འཁོད་ འབྲུག་སྐྱབས་ཆ་བཟོ་སྐྲུན་སྡེ་ཚན་གྱིས་ སྐུགས་༢༠ ཐོབ་པའི་སྐབས་ལུ་ གཞན་མི་སྡེ་ཚན་གྱིས་ སྐུགས་གཅིག་ཡང་འཐོབ་མ་ཚུགསཔ་ལས་ ལྟདམོ་བལྟ་མི་ཚུ་གིས་ མནོ་དོན་ལྟར་ དོ་འགྲན་འབད་མ་ཚུགས་མི་ལུ་ སྤྲོ་བ་ཞན་ཡོདཔ་ཨིན་པས།
འབྲུག་སྐྱབས་ཆ་སྡེ་ཚན་གྱིས་ སྐུགས་༢༣ ཐོབ་སྟེ་ སྐུགས་ཐེངས་དང་པམ་དེ་ ཆོད་ནི་གུ་ལྷོདཔ་ད་ བྱང་ཕྱད་སྡེ་ཚན་གྱིས་ དོ་འགྲན་སྦོམ་འབད་དེ་ སྐུགས་ཆོད་མ་བཅུག་པར་ རྩེད་འགྲན་འབདཝ་ལས་ འབྲུག་སྐྱབས་ཆ་སྡེ་ཚན་གྱིས་ སྐུགས་ཆོད་པའི་སྐབས་སུ་ དངུལ་རྩིས་ལྷན་ཁག་སྡེ་ཚན་གྱིས་ སྐུགས་༤ ཐོབ་ནུག།
ཉིན་མའི་ལྟོ་བཟའ་ཞིནམ་ལས་ དངུལ་རྩིས་ལྷན་ཁག་གི་ མདའ་རྩེདཔ་ཚུ་གིས་ གཞན་དང་མ་འདྲ་བའི་སྤྲོ་བ་བསྐྱེད་དེ་ རྩེད་འགྲན་འབདཝ་ལས་ ཕྱི་རུའི་ཆུ་ཚོད་༥ ཚང་སྟེ་ མདའ་མཇུག་བསྡུཝ་བའི་སྐབས་སུ་ སྐུགས་༢༣ ཐོབ་པའི་ཁར་ གཞན་མི་སྡེ་ཚན་གྱིས་ སྐུགས་༥ ལས་ ཐོབ་མ་ཚུགསཔ་ཨིན་པས།
ཁ་ཙ་སྡེ་ཚན་གཉིས་ཀྱི་བར་ནང་ རྒྱལ་ཕམ་ཕྱེ་མ་ཚུགསཔ་ལས་ འཕྲོ་མཐུད་ད་རིས་རྩེད་འགྲན་འབད་ནི་ཨིན་པའི་གནས་ཚུལ།
བཀྲིས་ཕུན་ཚོགས།
No comments:
Post a Comment