༡༡/༥/༢༠༡༢
མེ་རྐྱེན་ནང་ལས་ཐོབ་མི་ ཅ་ཆས་ཚུ། |
མེ་རྐྱེན་བྱུང་བའི་སྐབས་ ཁྱིམ་ཅིག་གི་ ནང་མི་ཚུ་ག་ར་ ཁྱིམ་ནང་ཡོད་རུང་ ཁྱིམ་གཞན་མིའི་ ཇོ་བདག་བསམ་གཏན་སྒྲོལ་མ་དང་ སྐྱེས་ལོ་༦ ལང་མི་ མོ་རའི་བུམོ་དེ་ ཁྱིམ་ནང་མེདཔ་ཨིན་པས།
མེ་རྐྱེན་དེ་ བསམ་གཏན་སྒྲོལ་མའི་ ཁྱིམ་ནང་ལས་འགོ་བཙུགས་ཡོདཔ་ད་ མོ་གིས་འབད་བ་ཅིན་ ཕྱི་རུའི་ཆུ་ཚོད་༡༠ དེ་ཅིག་ཁར་ མོ་གི་ ཁྱིམ་ཐོག་གུ་ལས་ མེ་འབར་སར་མཐོངམ་ཅིག་ ཁྲིམས་སྲུང་འགག་པའི་ མེ་བསད་སྡེ་ཚན་ལུ་ སྙན་ཞུ་འབད་ཡི་ཟེར་ཨིན་པས།
མེ་བསད་སྡེ་ཚན་དང་ ཁྲིམས་སྲུང་འགག་པ་ཚུ་ ས་གནས་ཁར་ལྷོད་པའི་སྐབས་ སྦ་སྒོར་ག་ར་ མེ་གིས་ འཚིགས་སོ་ཡི་ཟེར་ཨིན་པས།
དེ་བཟུམ་སྦེ་ ཉམས་རྒུད་བྱུང་མི་ གཞན་མི་དེ་ གསར་སྤང་རྫོང་ཁག་ལས་ སྐྱེས་ལོ་༣༣ ལང་མི་ བྷ་ཌིར་མཱ་ཡ་ཨིནམ་ད་ མོ་ལུ་ སྐྱེས་ལོ་༨ ལང་མི་ བུམོ་ཅིག་ཡོད་པའི་ཁར་ མོ་ར་ ཡིག་ཚང་ཚུ་ནང་ བཞེས་སྒོ་སྐྱེལ་དྲང་འབད་ སྡོད་མི་ཅིག་ཨིན་པས།
ཁྲིམས་སྲུང་འགག་པའི་ འགོ་དཔོན་ཚུ་གིས་ སླབ་དོ་བཟུམ་འབད་བ་ཅིན་ མེ་རྐྱེན་བྱུང་བའི་སྐོར་ལས་ སྙན་ཞུ་དེ་ ཕྱི་རུའི་ཆུ་ཚོད་༡༠.༣༠ ལྷོདཔ་ད་ དེ་འཕྲོ་ལས་ར་ ས་གནས་ཁར་ མེ་བསད་མི་ཚུ་ བཏང་ཡི་ཟེར་ཨིནམ་ད་ སྦ་སྒོར་༢ མེ་གིས་འཚིགས་ཚར་རུང་ གཞན་མི་ཚུ་ སྲུང་སྐྱོབ་འབད་ཚུགས་ཅི་ཟེར་ཨིན་པས།
ཉམས་རྒུདཔ་བསམ་གཏན་སྒྲོལ་མ་གིས་ སླབ་མིའི་ནང་ ཧེ་མ་ཡང་ མོ་གི་ཁྱིམ་ནང་ལས་ གློག་རྒྱུན་ལས་ མེ་ཚར་༢ ཤོར་ནི་བཟུམ་འབད་ཡོདཔ་ལས་ ཁོང་གིས་ ཁྱིམ་སྦྱིན་བདག་ལུ་སླབ་རུང་ ངོས་ལན་འབད་མ་བཏུབ་ཟེར་ ཨིན་པའི་གནས་ཚུལ།
བཀྲིས་ཕུན་ཚོགས།
No comments:
Post a Comment