གཟིགས་གནང་མི་ལུ་བཀའ་དྲིན་ཆེ།

༉ ང་བཅས་ཀྱིས་ ཉིན་བསྟར་བཞིན་དུ་

ཡོངས་འབྲེལ་འཆར་སྒོ་འདི་ནང་

གནས་ཚུལ་ཚུ་ དུས་མཐུན་བཟོ་སྟེ་ གསལ་བཀོད་འབདཝ་ཨིན།

We update at the earliest possible for you!

རྫོང་ཁའི་གནས་ཚུལ་གཟིགས་ དུས་མཐུན་ཞུགས་ཚུགས།

གནས་ཚང་དམར་བསད་འབད་མི་ ཕོ་སྐྱེས་ཅིག་ལུ་ ཉེས་ཁྲིམས་ཚེ་བཙོན།

༡༩/༢/༢༠༡༣   ༉ དབང་འདུས་ཕོ་བྲང་རྫོང་ཁག་ ཁྲིམས་འདུན་གྱིས་ སྤྱི་ཟླ་༢ པའི་ཚེས་༡༥ ལུ་ སྐྱེས་ལོ་༣༡ ལང་མི་ ཕོ་སྐྱེས་ཅིག་ལུ་ ཉེས་ཁྲིམས་ཚེ་བཙོན་བཀལ་ཡོདཔ་ད་ དེ་ཡང་ ཁོ་གིས་ ན་ཧིང་ སྤྱི་ཟླ་༩ པའི་ཚེས་༢༠ ལུ་ ཁོ་རའི་གནས་ཚང་ དམར་བསད་འབད་མི་ལུ་བརྟེན་ཏེ་ཨིན་པས།


རྐྱེན་ངན་དེ་ སྲས་ཕུག་རྒེད་འོག་ བེམ་པོ་གཡུས་ཚན་ནང་ བྱུང་ཡོདཔ་ད་ དེ་བསྒང་ ཉེས་ཅན་དེ་དང་ སྐྱེས་ལོ་༣༧ ལང་མི་ ཁོ་རའི་གནས་ཚང་གི་བར་ན་ འཐབ་འཛིང་འབད་བའི་སྐབས་ ཁོ་གིས་ གྱི་ཅུང་ལག་ལེན་འཐབ་སྟེ་ གནས་ཚང་གི་ ཨོལ་ལྐོག་བཏོགས་བཏང་པའི་ཁར་ ལགཔ་དང་ བརླད་དོ་ལུ་ གྱི་ཐེངས་ལེ་ཤ་རྐྱབ་སྟེ་ དམར་བསད་འབད་ཡོདཔ་ཨིན་པས།
དེ་མ་ཚད་ ཕོཝ་གུ་ གྱི་རྐྱབ་པའི་སྐབས་ ཕོཝ་ནང་ ཟླཝ་༨ ལང་མི་ ཨ་ལུ་དེ་ཡང་ བསད་མི་ལུ་བརྟེན་ ཨ་ལུ་དམར་བསད་འབད་བའི་ ཉེས་འཛུགས་ཡང་ བཀལ་ཡོདཔ་ཨིན་པས།
རྐྱེན་ངན་དེ་ ཚེ་འདས་ཀྱི་ཁྱིམ་ནང་ ཕྱི་རུའི་ཆུ་ཚོད་༧ དང་༨ དེ་ཅིག་གི་བར་ན་ བྱུང་ཡོདཔ་ད་ དེ་ཡང་ ཁོང་༢ ཀྱི་བར་ན་ འཐབ་འཛིང་འབད་བའི་ཤུལ་ལས་ ཚེ་འདས་ཨམ་སྲུ་དེ་ མོ་རའི་ཁྱིམ་ནང་ ཉལ་སྡོད་པའི་སྐབས་ རྨགཔ་གིས་ མགུ་ཏོ་དང་ ཨོལ་ལྐོག་ དེ་ལས་ ལགཔ་གུ་ གྱི་ཅུང་རྐྱབ་བྱིན་པའི་ཤུལ་ལས་ ཕོཝ་གུ་བླུགས་པའི་སྐབས་ ཨ་ལུ་གུ་ཕོགཔ་ལས་ བསད་ཡོདཔ་ཨིན་པས།
རྐྱེན་ངན་བྱུང་བའི་ཤུལ་ལས་ ཁྲིམས་སྲུང་འགག་པ་དང་ དབང་འདུས་རྫོང་ཁག་སྨན་ཁང་ལས་ གསོ་བའི་མཁས་མཆོག་ཚུ་གིས་ ས་གནས་དེ་ཁར་སོང་སྟེ་ ཞིབ་དཔྱད་འབད་བའི་སྐབས་ ཨམ་སྲུ་དེ་གི་གཟུགས་ཁ་ལས་ ཁྲག་ལེ་ཤ་ཐོན་འགྱོ་མི་ལུ་བརྟེན་ ཤི་ཡོདཔ་མ་ཚད་ ཁྲིམས་སྲུང་འགག་པ་གིས་འབད་རུང་ ཁྱིམ་ག་ར་ ཁྲག་གིས་གང་སོ་ནུག་ཟེར་ཨིན་པས།
རྐྱེན་ངན་བྱུང་བའི་སྐོར་ལས་ དབྱེ་ཞིབ་འབདཝ་ད་ ཚེ་འདས་ཨམ་སྲུ་དེ་ལུ་ རྨགཔ་བགྲེསཔ་ལས་ བུ་ཅིག་ཡོད་མི་དེ་གིས་ ཁྲུས་བབས་ཀྱི་ངལ་གསོའི་དོན་ལུ་ ཨའི་ལེན་པར་ཤོག་ཟེར་ ཨའི་ལུ་ འགྲུལ་འཕྲིན་བཏང་པའི་སྐབས་ ཉེས་ཅན་དེ་གིས་ ཨའི་ལུ་ རྒྱབ་ཁ་ལས་ བློ་ངན་པ་སླབ་སར་ གོ་ཡི་ཟེར་ཨིནམ་ད་ སྐྱེས་ལོ་༡༣ ལང་མི་བུ་དེ་ དབང་འདུས་དགོན་པའི་ བཤད་གྲྭའི་དགེ་སློང་ཨིན་པས།
དེ་ལས་ ཨའི་གིས་ ཁོ་ལེན་པར་མ་འོང་ནི་དེ་གིས་ ཁོ་ར་རྐྱངམ་གཅིག་ རྐང་ཐང་སྦེ་ ཁྱིམ་ནང་ལྷོད་པའི་སྐབས་ ཨའི་དམར་བསད་འབད་ཡོདཔ་མཐོངམ་ལས་ སྤུན་ཆ་དང་ ཁྱིམ་ཚང་ཚུ་ལུ་ བརྡ་ལན་འབད་ཡོདཔ་ཨིན་པས།
འཁྲུན་ཆོད་དང་འཁྲིལ་བ་ཅིན་ ཉེས་ཅན་དེ་གིས་ ཁོ་རའི་གནས་ཚང་ དམར་བསད་འབད་བའི་ཤུལ་ལས་ བྱོག་འགྱོ་བའི་སྐབས་ ཉམས་རྒུད་པའི་སྤུན་ཆ་དང་ གཡུས་མི་ཚུ་གིས་ཤེས་ཏེ་ མཉམ་རུབ་ཐོག་ལས་བཟུང་སྟེ་ ཁྲིམས་སྲུང་འགག་པ་ལུ་ རྩིས་སྤྲོད་འབད་ཡོདཔ་ཨིན་པས།
ཉེས་ཅན་ཕོ་སྐྱེས་དེ་ དབང་འདུས་ཕོ་བྲང་ དྭངས་ཆུ་རྒེད་འོག་ གཡུས་སུ་སྒང་ལས་ཨིནམ་ད་ ཁོང་༢ གཉེན་རྐྱབ་སྟེ་ ལོ་༢ དེ་ཅིག་ ལང་ཡོདཔ་ཨིན་པའི་གནས་ཚུལ།

དབང་འདུས་ལས་ བསྟན་འཛིན་རྣམ་རྒྱལ།

No comments:

Post a Comment

Post a Comment