 |
| དགེ་ལེགས་ཕུག་ལུ་ སློབ་གྲྭ་སྤོ་སོར་འབད་ནི་གི་དོན་ལུ་ སློབ་གྲྭ་བཟོ་སྐྲུན་འབད་བའི་བསྒང་། |
རྒྱལ་ཡོངས་ཚོགས་འདུའི་འཐུས་མི་ ཚེ་རིང་རྡོ་རྗེ་གིས་ སྤྱི་ལོ་༢༠༠༨ ལུ་ སློབ་གྲྭ་གཞི་བཙུགས་འབད་བའི་སྐབས་ ཁོ་གིས་ ས་གནས་མཐའ་ཟུར་གྱི་ མི་སེར་ཚུ་གི་ཨ་ལུ་ ཁྲོམ་སྡེ་ཚུ་ནང་ དཔེ་ཆ་ལྷབ་ནི་ལུ་ ཟད་འགྲོའི་དཀའ་ངལ་ཡོད་མི་ཚུ་ལུ་ དམིགས་དོན་བསྐྱེད་དེ་ གོ་སྐབས་སྤྲོད་ཐབས་ལུ་ ཨིན་ཟེར་ཨིན་པས།
གཞལམ་སྒང་ཁྲོམ་ལས་ དགེ་ལེགས་ཕུག་ཁ་ཐུག་ ཀི་ལོ་མི་ཊར་༥༠ དེ་ཅིག་གི་ས་གནས་ སྟག་མ་ཟེར་ས་ རྒྱལ་བརྒྱུད་ལོ་བརྒྱ་འཁོར་བའི་དུས་སྟོན་དང་འབྲེལ་ སྒོ་འབྱེད་འབད་ཡོདཔ་ཨིན་པས།
ཚོགས་འདུའི་འཐུས་མི་ ཚེ་རིང་དཔལ་འབྱོར་གྱིས་སླབ་མིའི་ནང་ གཞུང་ལུ་ལུགས་མཐུན་གྱི་ སློབ་གྲྭའི་གནས་སྟངས་སྙན་ཞུ་མ་ཕུལ་རུང་ འདས་པའི་ལོ་༥ འི་རིང་ལུ་ སློབ་གྲྭ་ནང་སློབ་ཕྲུག་ཡོངས་བསྡོམས་༣༥༦ ལས་བརྒལ་ ཐོ་བཀོད་འབད་མི་མ་ཐོནམ་ལས་ རྒུད་ཕོག་སྟེ་ ཡོད་ཟེར་ཨིན་པས།
ཁོ་གིས་སླབ་མིའི་ནང་ དགེ་ལེགས་ཕུག་ ལོ་ད་རི་ཡ་ལུ་ སློབ་གྲྭ་གསརཔ་ཅིག གཞི་བཙུགས་འབད་ནི་ཨིན་མི་དེ་གིས་ དཀའ་ངལ་མེད་པར་ རྒྱུན་སྐྱོང་འཐབ་ཚུགས་པའི་འོས་འབབ་ཡོདཔ་བཞིན་དུ་ ཤེས་རིག་ལྷན་ཁག་ལས་ གནང་བ་ཐོབ་ཡོདཔ་ལས་ ཚོང་འབྲེལ་ལས་ཁུངས་ལས་ ཆོག་ཐམ་ལེན་དགོཔ་ཡོད་ཟེར་ཨིན་པས།
གཞལམ་སྒང་ལས་ཨིན་མི་ ལས་འཛིན་ཅིག་གི་ ལས་བྱེདཔ་གིས་སླབ་མིའི་ནང་ སློབ་གྲྭ་དེ་ གྲོང་གསེབ་ཀྱི་ཨ་ལུ་ཚུ་གི་དོན་ལུ་ཨིན་པ་ཅིན་ སློབ་ཕྲུག་ཨ་ལུ་མངམ་འོང་བཅུག་ཐབས་ལུ་ མཐུན་རྐྱེན་གོང་འཕེལ་བཏང་དགོ་ཟེར་ཨིནམ་ད་ སྤྱི་ཚོགས་འཐུས་མི་གི་རེ་བ་དེ་ ཚོང་འབྲེལ་གྱི་འོང་འབབ་བཟོ་དོན་ལུ་ཨིན་པ་ཅིན་ མི་འབོར་དང་བསྟུན་ གཞི་བཙུགས་འབད་དགོཔ་འོང་ཟེར་ཨིན་པས།
གཞལམ་སྒང་ལས་ ཨམ་སྲུ་ཅིག་གིས་སླབ་མིའི་ནང་ སློབ་གྲྭ་གནས་སྤོ་བ་ཅིན་ ད་ལྟོ་སློབ་གྲྭ་དེ་ནང་ དཔེ་ཆ་ལྷབ་མི་སློབ་ཕྲུག་ཨ་ལུ་ཚུ་ལུ་ དཀའ་ངལ་ཐོན་འོང་ཟེར་ཨིནམ་ད་ ཕམ་ཉམ་ཆུང་གི་ཨ་ལུ་ཚུ་ ག་ཏེ་འགྱོ་ནི་ཨིན་ན་ཟེར་བའི་ དྲིས་བཀོད་འབདཝ་ཨིན་པས།
ཀྲོང་རྒཔོ་རྡོ་རྗེ་དབང་ཕྱུག་གིས་སླབ་མིའི་ནང་ སློབ་གྲྭ་དེ་ནང་ སློབ་ཕྲུག་དཔེ་ཆ་འཕྲོ་མཐུད་ལྷབ་དགོ་ མནོ་མི་ཚུ་ལུ་ ཕན་ཐོགས་བྱུང་ཡོད་རུང་ སློབ་གྲྭ་གནས་སྤོ་འགྱོ་ནི་ཨིན་ཟེར་སླབ་མི་གིས་ བྱ་སྟབས་མ་བདེཝ་བའི་ གནད་དོན་ཅིག་ལུ་ འགྱུར་ནི་ཨིནམ་ལས་ ཐུགས་འཆར་ལེགས་ལྡན་ཐོག་ལས་སྦེ་ དོགས་སེལ་འབད་དགོཔ་ཁག་ཆེ་ཟེར་ ཨིན་པའི་གནས་ཚུལ།
རྩོམ་འབྲི་ལས་བྱེདཔ།
No comments:
Post a Comment