སྤག་ཤིང་གི་ཁྱིམ་རྐྱབ་མི་གིས་ གྲོང་མི་ཚུ་ལུ་ ཕན་ཁྱད་འབྱུང་ནི།

༢༣/༣/༢༠༡༣   ༉ བསམ་རྩེ་རྫོང་ཁག་ གཏན་འབྲུ་རྒེད་འོག་ནང་ལས་ཕར་ འགྱོ་མི་ཚུ་གིས་ མིག་ཁར་ མཛེས་ཆ་ལྡན་པའི་ སྤག་ཤིང་གི་ཁྱིམ་མཐོང་གསལ་བྱུང་མི་དེ་ རྒེད་འོག་གི་ པག་པའི་མི་སྡེ་ནགས་ཚལ་ལྟེ་བ་གིས་ བཟོ་ཡོད་མིའི་ སྤག་ཤིང་གི་ཁྱིམ་དེ་ཨིན་པས།

སྤག་ཤིང་གིས་ བཟོ་བཀོད་འབད་མི་ཁྱིམ།

རི་དྭགས་སེམས་ཅན་ཚུ་སྲུང་ཐོག་ལས་ ཞག་ཞིང་ནང་ ཉལ་སྡོད་དོ་ཡོདཔ།

༢༣/༣/༢༠༡༣   ༉ ཧཱ་རྫོང་ཁག་གི་ མི་སེར་སོ་ནམ་པ་ མང་ཤོས་ཅིག་གིས་ ཞིང་ཁ་ ཀེ་བ་བཙུགས་པའི་ཉིནམ་ལས་འགོ་བཙུགས་ ཀེ་བ་ བསྡུ་གསོག་འབད་མ་ཚར་ཚུན་ རི་དྭགས་སེམས་ཅན་ཚུ་སྲུང་ཐོག་ལས་ ཞག་ཞིང་ནང་ ཉལ་སྡོད་དོ་ཡོདཔ་ཨིན་པས།

ཀེ་བའི་ཞིང་ནང་སྲུང་སྡོད་མི་ སྐྱིབ་ཅུ་ཚེ་རིང་།

སྨན་ཆུ་ཉམས་བཅོས་འབད་མི་གིས་ ཕན་ཐབས་སྦོམ་འབྱུང་ནི།

༢༣/༣/༢༠༡༣   ༉ སྐྱེས་ལོ་༥༢ ལང་མི་ ཨྱོན་དེ་ ཁོ་ར་ རྐང་ཚིགས་ལག་ཚིགས་ཚུ་ན་བའི་སྐབས་ལུ་ ན་ཟུག་སངས་ཐབས་ལུ་ ཡོངས་གྲགས་ཅན་གྱི་ མགར་ས་ཚ་ཆུ་དང་ དགེ་ལེགས་ཕུག་གི་ ཚ་ཆུ་སྦང་བར་འགྱོ་ནིའི་རེ་བ་བསྐྱེད་དོ་ཡོདཔ་ཨིན་རུང་ བཟའ་ཚང་ནང་ སྟབས་མ་བདེཝ་ཡོདཔ་ལས་བརྟེན་ ད་ཚུན་ལུ་ འགྱོ་མི་ཚུགསཔ་ཨིན་པས།

སྨན་ཆུ་སྦང་ཐོག་ལས་ དགའ་སྐྱིད་ཀྱི་ཉིནམ་ བརྩི་སྲུང་འབད་བའི་བསྒང་།

གནས་ཚང་དམར་བསད་འབད་མི་ ཕོ་སྐྱེས་ཅིག་ལུ་ ཉེས་ཁྲིམས་ཡངས་ཆག་མེད་པར་ ཚེ་བཙོན་བཀལ་ཡོདཔ།

༢༣/༣/༢༠༡༣   ༉ དབང་འདུས་ཕོ་བྲང་རྫོང་ཁག་ཁྲིམས་འདུན་གྱིས་ ཕོ་སྐྱེས་ཅིག་ལུ་ གནས་ཚང་དམར་བསད་འབད་བའི་ཉེས་ཁྲིམས་ ཚེ་བཙོན་བཀལ་མི་དེ་ལུ་ ཁེ་རྒུད་མ་བཏུབ་པར་ མཐོ་གཏུགས་འབད་ཡོད་རུང་ ཆེ་མཐོ་ཁྲིམས་ཁྲི་༢ པ་ལས་ ཐོག་མའི་འཁྲུན་ཆོད་ལུ་ བསྟར་སྤྱོད་མཛད་ཡོདཔ་ཨིན་པས།

སློབ་གྲྭའི་ཉལ་ཁང་རྐྱབ་ནི་དང་ མེ་བསད་སྣུམ་འཁོར་བཀྲམ་སྤེལ་གྱི་གྲོགས་རམ།

༢༣/༣/༢༠༡༣   ༉ ཇ་པཱན་གཞུང་གིས་ གྲོང་གཡུས་གནས་རིམ་གྱི་ མིའི་ཉེན་སྲུང་ལས་འགུལ་ཚུ་གི་ གྲོགས་རམ་ཐོག་ལས་ སློབ་གྲྭའི་ཉལ་ཁང་རྐྱབ་ནི་དང་ མེ་བསད་སྣུམ་འཁོར་བཀྲམ་སྤེལ་གྱི་དོན་ལུ་ མ་དངུལ་གྲོགས་རམ་ ཡུ་ཨེསི་ཌོ་ལར་༡༤༦,༣༧༨ བྱིན་ནི་ཨིན་པས།

འབྲུག་གི་གཞུང་ཚབ་ གུང་བློན་འོག་མ་ བི་རྣམ་རྒྱལ་དང་ ཇ་པཱན་གྱི་གཞུང་ཚབ་ ཏ་ཀི་ཤི་ ཡ་གི་༢ ཀྱིས་ གྲོགས་རམ་གྱི་ ཆིངས་ཡིག་གུ་ མཚན་རྟགས་བཀོད་པའི་བསྒང་།

ནིའུ་ཡོག་ལུ་ རྒྱལ་སྤྱི་དགའ་སྐྱིད་ཀྱི་ ཉིནམ་བརྩི་སྲུང་།

༢༣/༣/༢༠༡༣   ༉ སྤྱི་ཟླ་༣ པའི་ཚེས་༢༠ ལུ་ འཛམ་གླིང་རྒྱལ་སྤྱི་དགའ་སྐྱིད་ཀྱི་ ཉིནམ་བརྩི་སྲུང་དང་པའི་ནང་ འཛམ་གླིང་སྤྱི་ཚོགས་ཀྱི་ ཡོངས་ཁྱབ་དྲུང་ཆེན་ བཱན་ཀི་མཱུན་གྱིས་ དགའ་སྐྱིད་ལུ་བརྩོན་ནིའི་དོན་ལས་ གཞི་རྟེན་ཞབས་ཏོག་མེད་མི་ཚུ་གི་ ཕན་བདེ་ཡར་དྲག་གཏང་ནི་ཨིན་མི་ ཡུན་བརྟན་གོང་འཕེལ་ལུ་ རྒྱལ་སྤྱི་མི་སྡེ་ཚུ་གིས་ ཁས་ལེན་འབད་དགོ་པའི་ དྲན་བསྐུལ་འབད་ཡོདཔ་ཨིན་པས།

རྩོམ་སྒྲིག་པའི་སྣང་འཆར།

༢༣/༣/༢༠༡༣   རྒྱལ་ཁབ་དང་ མི་སེར་གྱི་རྒྱུ་དངོས་ མ་འོངས་པའི་དོན་ལུ་ བདག་འཛིན་འཐབ་དགོཔ།
༉ བདུན་ཕྲག་འདི་ནང་ བློན་ཆེན་མཆོག་གིས་ ཐིམ་ཕུ་ལུ་ སྒེར་སྡེ་ཚུ་དང་ གྲོས་བསྡུར་གནང་པའི་སྐབས་ ས་གཏེར་གྱི་ གནད་དོན་སྐོར་ གསུང་གྲོས་གནང་མི་འདི་ དུས་ཐོག་ལུ་ཨིན་མས།
དེ་ཡང་ སྒེར་སྡེའི་ཁ་ཐུག་ལས་ ས་གཏེར་དང་འབྲེལ་བའི་ལས་སྣ་ཚུ་ བཀག་ཆ་མ་འབད་བར་ ལོག་འགོ་བཙུགས་གནང་དགོ་པའི་ གྲོས་འཆར་ཕུལ་མིའི་ལན་ལུ་ བློན་ཆེན་གྱིས་ གཞུང་གི་ཁ་ཐུག་ལས་ རྒྱལ་ཁབ་ཀྱི་ རང་བཞིན་གནས་སྟངས་མེདཔ་བཏང་པའི་ ས་གཏེར་གྱི་ ལས་སྣ་ཚུ་གི་ཐད་ལུ་ དམ་སྒྲིང་འབད་འོང་ཟེར་ དོགས་སེལ་གནང་ཡི།

ཧཱ་དཀར་འཚོ་རྒེད་འོག་གིས་ བསྟན་འཛིན་ནོར་བུ་ གདམ་འཐུ་འབད་ཡོདཔ།

༢༣/༣/༢༠༡༣   ༉ ཁ་ཙ་ ཧཱ་དཀར་འཚོ་རྒེད་འོག་ནང་ རྒྱལ་ཡོངས་ཚོགས་སྡེའི་མི་ངོམ་༢ ཐོན་མིའི་གྲས་ལས་༡ གདམ་འཐུ་འབད་ནིའི་དོན་ལུ་ འོས་འབབ་ཅན་གྱི་ ཚོགས་རྒྱན་བཙུགས་ཆོག་མི་༤༠༠ དེ་ཅིག་ཡོད་མི་ལས་༢༣༤ གིས་ བཅའ་མར་གཏོགས་ཡི།

གདམ་འཐུ་གྲུབ་མི་ བསྟན་འཛིན་ནོར་བུ་(གཡོན་ཁ་ཐུག་)དང་ ཌོག་ཊར་ ནོར་བུ་དབང་ཕྱུག།

ཚོགས་སྡེའི་འཐུས་མི་བགྲེསཔ་ བཙག་འཐུ་ནང་ལས་ཕམ་ཡོདཔ།

༢༣/༣/༢༠༡༣   ༉ ཁ་ཙ་ སྤ་རོ་རྫོང་ཁག་ དོཔ་ཤར་རི་རྒེད་འོག་ནང་ རྒྱལ་ཡོངས་ཚོགས་སྡེའི་འཐུས་མི་ གདམ་འཐུ་འབད་བའི་སྐབས་ བསོད་ནམས་དབང་ཕྱུག་གིས་ ཚོགས་རྒྱན་༥༢༦ ཐོབ་སྟེ་ ཚོགས་སྡེའི་འཐུས་མི་བགྲེསཔ་ ཨོ་རྒྱན་ཚེ་རིང་ ཕམ་བཏང་ཡོདཔ་ཨིན།

གདམ་འཐུ་གྲུབ་མི་ བསོད་ནམས་དབང་ཕྱུག་(གཡོན་ཁ་ཐུག་)དང་ ཚོགས་སྡེའི་འཐུས་མི་བགྲེསཔ་ ཨོ་རྒྱན་ཚེ་རིང་།

དོཔ་ཤར་རི་གིས་ རྒྱལ་ཡོངས་ཚོགས་སྡེའི་དོན་ལུ་ གཞོནམ་ཅིག་ གདམ་འཐུ་འབད་ཡོདཔ།

 འཕྲལ་བྱུང་གནས་ཚུལ: དུས་ཡུན་ཚུ་ཚོད་དག་པ་ཅིག་གི་ཧེ་མར་ དོཔ་ཤར་རི་རྒེད་འོག་གི་ འཛོམས་འདུ་རྐྱབ་ད་ སྤ་རོའི་རྒྱལ་ཡོངས་ཚོགས་སྡེའི་ འཐུས་མི་བགྲེསཔ་ ཨྱོན་ཚེ་རིང་མིན་པར་ ལྟ་བཤལ་པའི་ ལམ་སྟོན་པ་ བསོད་ནམས་དབང་ཕྱུག་དེ་ གདམ་འཐུ་འབད་ནུག།

དེ་ཡང་ གསང་བའི་ཚོགས་རྒྱན་༧༩༨ བཙུགས་ཡོད་མི་ བསོད་ནམས་ཚེ་རིང་གིས་ ཚོགས་རྒྱན་༥༢༦ ཐོབ་ཡོདཔ་ད་ ཨྱོན་ཚེ་རིང་གིས་ ཚོགས་རྒྱན་༢༧༢ མ་གཏོགས་ ཐོབ་མ་ཚུགས་པས།

སྐྱེས་ལོ་༢༥ ལང་མི་ བསོད་ནམས་དབང་ཕྱུག་དེ་ སྤྱི་ཟླ་༤ པའི་ཚེས་༢༣ ལུ་ རྫོང་ཁག་གནས་རིམ་ནང་ རྒྱལ་ཡོངས་ཚོགས་སྡེའི་ བཙག་འཐུའི་ནང་ དོ་འགྲན་འབད་མི་ དོཔ་ཤར་རིའི་ གདམ་ངོ་ཨིན་པའི་གནས་ཚུལ།

ནང་སྲིད་བློན་པོ་གིས་ མཐོ་གཏུགས་ཞུ་ཡིག་བཙུགས་ཡོདཔ།

༢༢/༣/༢༠༡༣   ཚོགས་ཆུང་གི་ འཐུས་མི་གཞན་ཚུ་གིས་ ཁ་ཙ་ ཆེ་མཐོ་ཁྲིམས་འདུན་ལུ་ བཅར་ཡོདཔ་ཨིན་པས།
༉ མོང་སྒར་ཁྲིམས་འདུན་གྱིས་ རྒྱལ་པོའི་ཞིང་གི་ ས་ཆ་བགོ་བཀྲམ་དང་འབྲེལ་བའི་ འཁྲུན་ཆོད་གནང་མིའི་རྒྱབ་འགལ་ལུ་ ནང་སྲིད་བློན་པོ་མི་འགྱུར་རྡོ་རྗེ་གིས་ ཆེ་མཐོ་ཁྲིམས་ཀྱི་འདུན་སར་ མཐོ་གཏུགས་འབད་ནིའི་དོན་ལུ་ ཁ་ཙ་ མཐོ་གཏུགས་ཀྱི་ ཞུ་ཡིག་བཙུགས་མི་དེ་ ཚོགས་ཆུང་གི་ འཐུས་མི་ཚུ་གི་གྲས་ལས་ མཇུག་ཨིན་པས།

བང་ལ་དེཤ་གི་ སྲིད་འཛིན་གཤགས་མི་ལུ་ མྱ་ངན་བརྩི་སྲུང་།

༢༢/༣/༢༠༡༣   ༉ སྤྱི་ཟླ་༣ པའི་ཚེས་༢༠ ལུ་ སིངྒ་པོར་ ཨེམ་ཊི་ཨི་ལི་ཟ་བེཐ་ སྨན་ཁང་ནང་གཤགས་མི་ བང་ལ་དེཤ་གི་སྲིད་འཛིན་ ཛི་ལུར་ ར་མཱན་མཆོག་ལུ་ ཁ་ཙ་ འབྲུག་གི་རྒྱལ་དར་ཕྱེད་ཀ་འཕྱར་ཐོག་ལས་ གུས་བཏུད་ཞུ་ཡི།

བློན་ཆེན་གྱིས་དབུ་གཙོས་པའི་ ལྷན་རྒྱས་གཞུང་ཚོགས་ཀྱི་ བློན་པོ་ཚུ་དང་ འབྲུག་ལུ་ བང་ལ་དེཤ་གི་ གཞུང་ཚབ་ཀྱིས་ བཀྲིས་ཆོས་རྫོང་གི་ ཀུན་ར་ནང་ མར་མེ་སྟོང་ཕུལ་བའི་བསྒང་།

ལུང་བསྟན་ཕུག་གི་ཉེ་འདབས་ལུ་ ནགས་ཚལ་མེ་རྐྱེན།

༢༢/༣/༢༠༡༣   ༉ ཁ་ཙ་ ཕྱི་རུ་ཁམས་ཅིག་ཁར་ ཐིམ་ཕུ་ལྕང་ཇི་ཇི་ གཞུང་ཁྱིམ་ས་ཁོངས་ཀྱི་ འཁོར་ལམ་ལྟག་ལས་ ནགས་ཚལ་མེ་རྐྱེན་ཤོར་མི་དེ་ བསད་ཚུགས་ཡོདཔ་ཨིན་པས།
ཐིམ་ཕུ་ནགས་ཚལ་མེ་རྐྱེན་འཛིན་སྐྱོང་འགོ་དཔོན་ རྟ་མགྲིན་རྡོ་རྗེ་གིས་ སླབ་མི་དང་འཁྲིལཝ་ད་ མེ་རྐྱེན་དེ་ ཕྱི་རུའི་ ཆུ་ཚོད་ཕྱེད་དང་༥ དེ་ཅིག་ཁར་ བྱུང་བའི་སྐོར་ལས་ བརྒྱུད་འཕྲིན་ལྷོད་པའི་ཤུལ་ལུ་ དེ་འཕྲོ་ལས་ འབྲེལ་ཡོད་ནགས་ཚལ་མེ་རྐྱེན་སྲུང་སྐྱོབ་དང་ ཁྲིམས་སྲུང་འགག་པའི་མེ་བསད་སྡེ་ཚན་ ཁས་བླངས་སྡེ་ཚན་ དམག་མི་ དེ་ལས་ མི་སེར་ཚུ་རྩིས་ཏེ་ བསྡོམས་ཀྱིས་ མི་གྲངས་༥༠༠ ལྷགཔ་ཅིག་གིས་ ས་ཁོངས་ནང་ མེ་བསད་པར་འོང་མི་ལུ་བརྟེན་ མེ་བསད་ཚུགས་ཅི་ ཟེར་ཨིན་པས།

འབྲུག་སྤྱིར་དབང་ཚོགས་པའི་ འདེམས་ངོ་༢༢ ཀྱི་ངོ་སྤྲོད།

༢༢/༣/༢༠༡༣

ཇ་པཱན་གྱིས་ ལས་དོན་ཚུ་ནང་ མཉམ་འབྲེལ་འབད་ནི།

༢༢/༣/༢༠༡༣   ༉ སྤྱི་ཟླ་༣ པའི་ཚེས་༢༠ ལུ་ འཛམ་གླིང་རྒྱལ་སྤྱི་དགའ་སྐྱིད་ཀྱི་ ཉིནམ་དང་འབྲེལ་ ཇ་པཱན་ཤི་མཱན་ པི་རི་ཕེག་ཅར་ཟེར་མི་ ཧ་མ་ད་ཁྲོམ་དཔོན་ ཊེ་ཙུའོ་ཨུ་ཟུ་གིས་ འབྲུག་དང་གཅིག་ཁར་ མཉམ་འབྲེལ་གྱི་ ཆིངས་ཡིག་གུ་ མཚན་རྟགས་བཀོད་ནུག།

ཧ་མ་ད་ཁྲོམ་དཔོན་ ཊེ་ཙུའོ་ཨུ་ཟུ་དང་ ཕྱི་འབྲེལ་དྲུང་ཆེན་ ཡེ་ཤེས་རྡོ་རྗེ་གིས་ མཚན་རྟགས་བཀོད་པའི་བསྒང་།

བློ་གསལ་གླིང་སྡེ་ཚན་གྱིས་ མཐའ་བཅད་ནང་ལྷོད་ཡོདཔ།

༢༢/༣/༢༠༡༣   ༉ ཁ་ཙ་ གཟིམ་སྒྲ་དང་ བློ་གསལ་གླིང་སྡེ་ཚན་༢ ཀྱི་བར་ན་ སྡེ་ཚན་ག་པའི་ ཕུཊ་བཱོལ་མཐའ་བཅད་འོག་མའི་རྩེད་འགྲན་འབདཝ་ད་ བློ་གསལ་གླིང་ལས་ རྟ་མགྲིན་རྡོ་རྗེ་གིས་ གཱོལ་༣ བཙུགས་མི་ལུ་བརྟེན་ མཐའ་བཅད་ནང་ལྷོད་ཅི།

བློ་གསལ་གླིང་ལས་ རྟ་མགྲིན་རྡོ་རྗེ་གིས་ གཱོལ་བཙུགས་པའི་བསྒང་།

ཧཱ་ལས་ རྒྱལ་ཡོངས་ཚོགས་སྡེའི་ འདེམས་ངོ་༤ པ་ཐོན་ཡོདཔ།

༢༢/༣/༢༠༡༣   ༉ ཧཱ་ཁྲོམ་ལས་ སྐྱེས་ལོ་༢༨ ལང་མི་ ཆོས་གྲགས་རྒྱ་མཚོ་གིས་ རྒྱལ་ཡོངས་ཚོགས་སྡེ་ནང་ ཧཱ་ཁྲོམ་གྱི་ འདེམས་ངོ་སྦེ་ བཅའ་མར་གཏོགས་ནི་ཨིན་པས།
ཁོ་གིས་ སྤྱི་ལོ་༢༠༡༠ ལུ་ རྒྱ་གར་ སི་ཀིམ་མཱ་ནི་པཱལ་གཙུག་ལག་སློབ་སྡེ་ནང་ལས་ ཚོང་འབྲེལ་འཛིན་སྐྱོང་ནང་ མཐོ་རིམ་ཤེས་ཚད་ མཐར་འཁྱོལ་བའི་ཤུལ་ལུ་ ཚོང་ལཱ་འབད་དེ་ སྡོད་ཡོདཔ་ཨིན་པས།

ཆོས་གྲགས་རྒྱ་མཚོ།