ར་ལྡི་-སག་སྟེང་འདེམས་ངོ་གིས་ གདམ་ངོའི་ཡིག་ཆ་ མ་བཙུགས་པར་ཡོདཔ།

༡༩/༦/༢༠༡༣   ཨིན་རུང་ འབྲུག་ཕུན་སུམ་ཚོགས་པའི་ རྒྱབ་སྐྱོར་པ་ཚུ་ལུ་ ཚ་གྱང་ལང་དགོཔ་མེད་ཟེར་ཨིན་པས།
༉ བཀྲིས་སྒང་ར་ལྡི་-སག་སྟེང་འདེམས་ཁོངས་ཀྱི་ འབྲུག་ཕུན་སུམ་ཚོགས་པའི་ འདེམས་ངོ་གསརཔ་ འཇིགས་མེད་དབང་ཕྱུག་གིས་ སྤྱིར་བཏང་བཙག་འཐུའི་ནང་ དོ་འགྲན་འབད་ནིའི་དོན་ལུ་ ཁོ་རའི་ གདམ་ངོའི་ཡིག་ཆ་བཙུགས་ནི་གི་ ཞག་གྲངས་དག་པ་ཅིག་ཡོད་རུང་ ཁོ་གི་ དོ་འགྲན་པ་གིས་ ཁྱིམ་སྒོ་བཤལ་ཏེ་ བསྐུལ་བསྒྲགས་འབད་ནི་ འགོ་བཙུགས་ཏེ་ཡོདཔ་ཨིན་པས།

ལུང་ནག་ནང་ལུ་ བསྐུལ་བསྒྲགས་འབད་མི་ཚུ་ ཁ་ཙ་སོང་ཡོདཔ།

༡༩/༦/༢༠༡༣   ༉ ལུང་ནག་ནང་འདེམས་ཁོངས་ནང་ སྤྱི་ཚོགས་༢ པའི་ རྒྱལ་ཡོངས་ཚོགས་འདུའི་ སྤྱིར་བཏང་གྲོས་འཛོམས་ འགོ་འདྲེན་འཐབ་ནིའི་དོན་ལུ་ ངོས་ལེན་འགོ་དཔོན་དང་ ལྟ་རྟོག་པ་ འབྲུག་ཕུན་སུམ་ཚོགས་པའི་འདེམས་ངོ་ ཉེན་སྲུང་འགོ་དཔོན་༢ རྟ་༤ དེ་ལས་ མགར་ས་རྒེད་འོག་གི་ བདག་སྐྱོང་འགོ་དཔོན་ཚུ་ ཁ་ཙ་ ལམ་འགྲུལ་འབད་ནི་ འགོ་བཙུགས་ཡོདཔ་ཨིན་པས།

ཨ་ལུ་རྨས་སྐྱེས་ཅིག་གི་ མགུ་ཏོ་ཐོབ་ཡོདཔ།

༡༩/༦/༢༠༡༣   ༉ ཁ་ཙ་ ཉིན་མའི་ཆུ་ཚོད་༡༡ དེ་ཅིག་ཁར་ ཐིམ་ཕུ་ཨོ་ལ་ཁ་ལས་ ཨ་ལུ་རྨས་སྐྱེས་ཅིག་གི་ མགུ་ཏོ་ཐོབ་ཡོདཔ་ཨིན་པས།
ཨོ་ལ་ཁ་ལུ་སྡོད་མི་ ཧ་རི་གིས་ སླབ་དོ་བཟུམ་འབད་བ་ཅིན་ ཨ་ལུ་རྨས་སྐྱེས་ཀྱི་གཟུགས་དེ་ རོ་ཁྱི་ཚུ་གིས་ བཟའ་བཟའཝ་བཟུམ་ཅིག་ འདུག་ཟེར་ཨིན་པས།

སྲིད་ཚོགས་ཚུ་ལས་ རྩེད་རིགས་ལུ་ ཁས་བླངས་མེདཔ།

༡༩/༦/༢༠༡༣   ༉ འབྲུག་ཕུན་སུམ་ཚོགས་པ་དང་ མི་སེར་དམངས་གཙོའི་ཚོགས་པ་༢ ཆ་རའི་ཁ་ཐུག་ལས་ འབྲུག་རྩེད་རིགས་ཚོགས་པའི་དོན་ལུ་ ཁས་བླངས་གསལབསྒྲགས་འབད་ནི་མེདཔ་ཨིན་པས།

ཆང་དང་ལྟོ་བྱིན་མི་ལུ་ ཉེན་བརྡ་འབད་ཡོདཔ།

༡༩/༦/༢༠༡༣   ༉ སྤྱི་ཟླ་༦ པའི་ཚེས་༡༢ ལུ་ བསམ་རྩེ་ལུ་ འབྲུག་ཕུན་སུམ་ཚོགས་པའི་ འཛོམས་འདུ་ཚོགས་པའི་སྐབས་ མི་སེར་ལ་ལུ་ཅིག་ལུ་ ཆང་དང་ བཞེས་སྒོ་བྱིན་མི་ལུ་བརྟེན་ རྫོང་ཁག་བཙག་འཐུའི་ རྩོད་རྙོགས་སེལ་ཐབས་ཚོགས་ཆུང་གིས་ འབྲུག་ཕུན་སུམ་ཚོགས་པའི་ བཀྲིས་གླིང་འདེམས་ཁོངས་ཀྱི་འདེམས་ངོ་ དུར་ཁ་ པར་སཱད་ ཆེ་ཏི་རི་དང་ བསྟན་འབྲུ་རྒེད་འོག་ ཀུན་ཅིང་ཊཱར་སྤྱི་འོག་གི་ ཚོགས་པའི་འགོ་འདྲེན་པ་ལུ་ ཉེན་བརྡ་འབད་ཡོདཔ་ཨིན་པས།

ལྷུན་རྩེ་རྫོང་ཁག་ནང་ མི་མང་རྩོད་འགྲན་གྱི་ལས་རིམ་ འགོ་འདྲེན་འཐབ་ཡོདཔ།

༡༩/༦/༢༠༡༣   ༉ ལྷུན་རྩེ་རྫོང་ཁག་ནང་ འདེམས་ཁོངས་༢ ཡོད་པའི་གྲས་ལས་ སྒང་ཟུར་- སྨིན་རྗེ་གི་དོན་ལུ་ མི་མང་རྩོད་འགྲན་གྱི་ལས་རིམ་དེ་ སྤྱི་ཟླ་༦ པའི་ཚེས་༡༦ ལུ་ འགོ་འདྲེན་འཐབ་པའི་སྐབས་ སྨན་སྦིས་ལས་ དབང་ཕྱུག་གིས་ མི་སེར་དམངས་གཙོ་ཚོགས་པ་ནང་ འགོ་ཐོག་བཙག་འཐུའི་སྐབས་ལུ་ འདེམས་ངོ་ཚུ་ ལྕོགས་གྲུབ་ཅན་ཙང་ཙ་ར་ཡོད་ཟེར་ གོ་ཡི་ཟེར་ཨིན་པས།

ཡག་སྒང་ལྷ་ཁང་གི་ནང་རྟེན་ཚུ་ མི་མང་ལུ་ མཇལ་ཁ་གནང་ཡོདཔ།

༡༩/༦/༢༠༡༣   ༉ རང་ཟླ་༥ པའི་ཚེས་༡༠ སྤྲེལ་ཟླ་ཚེས་བཅུ་ཟེར་ སྤྱིར་ནང་པ་སངས་རྒྱས་པ་གཞན་ལས་ ལྷག་པའི་བཀའ་དྲིན་ཅན་གྱི་བདག་ཉིད་ དུས་ངན་སྙིགས་མ་ལྔ་བདོའི་ སྐྱབས་གནས་བླ་ན་མེད་པ་ ཨོ་རྒྱན་གུ་རུ་རིན་པོ་ཆེའི་ འཁྲུངས་སྐར་དུས་ཆེན་ཅིག་ཨིནམ་ལས་ ཁ་ཙ་ མོང་སྒར་ཁྲོམ་ཁར་སྡོད་མི་ དད་ཅན་སྐྱ་སེར་ཕོ་མོ་ཚུ་གིས་ ཉིནམ་དེ་ མོང་སྒར་ཡག་སྒང་ལྷ་ཁང་གི་ནང་རྟེན་ རྩ་ཅན་ཚུ་ མཇལ་ཁ་ཞུ་ནིའི་ གོ་སྐབས་ཐོབ་ཡོདཔ་ལས་བརྟེན་ བསམ་པ་རྫོགས་ཡོདཔ་ཨིན་པས།

མི་མང་ལུ་ མཇལ་ཁ་གནང་མི་ ནང་རྟེན་བྱིན་ཅན་ཚུ།

བྱོག་འགྱོ་མི་ ཕྱི་ཁའི་ལས་མི་༦ འཛིན་བཟུང།

༡༩/༦/༢༠༡༣   ༉ སྤྱི་ཟླ་༦ པའི་ཚེས་༡༧ གྱི་ དྲོ་པའི་ཆུ་ཚོད་༢ དེ་ཅིག་ལུ་ རྟ་ནག་ལུངམ་ལས་ གླ་འཁོར་ཅིག་གིས་ རྒྱ་གར་གྱི་ལས་མི་༦ ཚུལ་མིན་ཐོག་ལས་ ཕུན་ཚོགས་གླིང་ལུ་ འབག་འགྱོ་བའི་ལམ་ཁར་ འཛིན་བཟུང་འབད་ཡོདཔ་ད་ དེད་གཡོགཔ་དེ་གིས་ ལས་མི་དེ་ཚུ་ ཨེ་མའི་དོས་ཀྱི་འོག་ལུ་ བཙུགས་བཞག་ནུག་ཟེར་ཨིན་པས།

ས་དོང་ནང་ བཀོག་བཞག་མི་ཨ་ལུ་ མི་རྩིས་རྐྱབ་ནིའི་དོན་ལུ་ སྒུག་སྟེ་ཡོདཔ།

༡༩/༦/༢༠༡༣   ༉ བཀྲིས་གཡང་རྩེ་ སྟོད་ཚོ་རྒེད་འོག་ནང་ སྐྱེས་ལོ་༢༣ ལང་མི་ ཨམ་སྲུ་ཅིག་གིས་ ཨ་ལུ་སྐྱེས་ཚར་བའི་ཤུལ་ལུ་ ས་དོང་ནང་ བཀོག་བཞག་མི་དེ་ ད་ལྟོ་ཡང་ མི་རྩིས་རྐྱབ་ནིའི་དོན་ལུ་ སྒུག་སྟེ་ཡོདཔ་ཨིན་པས།

ལོད་སྦིས་སའི་ མི་སེར་ཚུ་གིས་ འཐུས་མི་བགྲེསཔ་བཟུམ་ མ་དགོ་པའི་ཞུ་བ།

༡༩/༦/༢༠༡༣   ༉ སྤྱི་ཟླ་༦ པའི་ཚེས་༡༧ ལུ་ སྤུ་ན་ཁ་རྫོང་ཁག་ ལོད་སྦིས་ས་ལུ་ སྤྱིར་བཏང་གྲོས་འཛོམས་ནང་ བཅའ་མར་གཏོགས་མི་ མི་སེར་ལེ་ཤ་ཅིག་གིས་ དཀར་སྦྱིས་-རྟ་ལོག་འདེམས་ཁོངས་ལས་ མི་སེར་འཐུས་ཚབ་སྦེ་ འབྲེལ་གཏོགས་འབད་མི་ སྤྱི་ཚོགས་བགྲེསཔ་དེ་གིས་ ཁས་བླངས་འབད་མི་ཚུ་ གྲུབ་མ་ཚུགསཔ་ ངེས་བདེན་ཨིན་ན་ཟེར་ དྲི་བ་གཅིག་ཤུལ་གཉིས་ཤུལ་སྦེ་ བཀོད་ཡོདཔ་ཨིན་པས།

ལོད་སྦིས་སའི་ མི་སེར་ཅིག་གིས་ འབྲུག་ཕུན་སུམ་ཚོགས་པའི་འདེམས་ངོ་ རྣམ་རྒྱལ་དཔལ་འབྱོར་ལུ་ ཁས་བླངས་ཀྱི་དྲི་བ་བཀོད་པའི་བསྒང་།

མི་མང་གི་བསམ་འཆར།

༡༩/༦/༢༠༡༣   དུང་དཀར་འབུབ་ཚུ་ བསད་མ་དགོ་པར་ ཚད་འཛིན་འབད་དགོ་པའི་ཞུ་བ།
༉ ང་བཅས་རའི་ འབྲུག་རྒྱལ་ཁབ་འདི་ ནང་པ་སངས་རྒྱས་ཀྱི་བསྟན་པ་དར་སའི་ཡུལ་ ཁྱད་དུ་འཕགས་པ་ཅིག་ཨིན་པའི་ཁར་ འདི་ནང་གནས་པའི་མི་ཚུ་འབད་རུང་ ཆ་མཉམ་ར་ ནང་པའི་ཆོས་ལུ་ དད་པ་དང་ཡིད་ཆེས་ཡོད་མི་ ཙང་ཙ་ཨིནམ་ལས་ དེང་སང་སྙིགས་མ་ལྔ་བདོའི་དུས་ལུ་ འཛམ་གླིང་ནང་ ནང་པའི་ཆོས་ཀྱི་བསྟན་པ་ འཛིན་སྐྱོང་སྤེལ་གསུམ་འབད་མི་ ངོ་མ་ཅིག་ཨིན་པའི་ སྙན་གྲགས་ཁྱབ་སྟེ་ཡོད་ཟེར་ཞུ་ནི།

གནས་ཚུལ་མདོར་བསྡུཧ།

༡༩/༦/༢༠༡༣

ཁ་ཙ་ ལྕམ་སྒང་གི་བཙོན་པ་༡༢༡ སྤ་རོ་རྫོང་ཁག་ གདོང་དཀར་ལ་དང་ སྤང་སྤེད་ས་ གཡུས་ལྟག་དགོན་པ་ དེ་ལས་ ཧཱ་རྫོང་ཁག་ ལྷ་ཁང་དཀར་པོ་དང་ སྟག་ཆུ་དགོན་པ་ ཡོང་སྟོང་དགོན་པ་ཚུ་ནང་ སོང་མི་དེ་ཡང་ ཡངས་བཙོན་ཐོག་ ལྷ་ཁང་༦ ཉམས་གསོ་དང་ གསར་བཞེངས་ཀྱི་ ལཱ་ཚུ་ནང་ ཆ་རོགས་འབད་ནི་ཨིན་པས།
སྡེ་ཚན་དང་པའི་ནང་ བཙོན་པ་༣༠ འབད་མི་དེ་ དུས་ཅི་ སྤྱི་ཟླ་༣ པའི་ནང་ སྤ་རོ་གཡུས་ལྟག་དགོན་པ་ལུ་ བཏང་ཡོདཔ་ཨིན་པས།
དེ་ལས་ གུ་རུ་རིན་པོ་ཆེའི་ འཁྲུངས་སྐར་དུས་ཆེན་ཁྱད་པར་ཅན་དང་བསྟུན་ མི་དབང་མངའ་བདག་རིན་པོ་ཆེ་མཆོག་གིས་ རྒྱལ་ཁབ་ནང་འཁོད་ཀྱི་ བཙོན་ཁང་ཚུ་ལས་ བཙོན་པ་༢༨ ལུ་ བཙོན་གྲོལ་གནང་ཡོད་པའི་གནས་ཚུལ།

སྤྱིར་བཏང་གྲོས་འཛོམས་ཀྱི་ཚབ་ལུ་ སྒོ་བཤལ་ཐོག་ བསྐུལ་བསྒྲགས་འབད་ནི།

༡༩/༦/༢༠༡༣   ༉ ལྕང་ལཱ་རྐྱབ་ནི་གི་ དུས་ཚོད་ཨིན་པའི་ཁར་ རྒྱལ་ཡོངས་སྐད་ཡིག་ རྫོང་ཁ་ཧ་མ་གོ་བའི་ གནད་དོན་བཀོད་དེ་ འབྲུག་ཕུན་སུམ་ཚོགས་པ་དང་ མི་སེར་དམངས་གཙོ་ཚོགས་པའི་ འདེམས་ངོ་༢ ཀྱིས་ སྤྱི་ཟླ་༦ པའི་ཚེས་༡༧ ལུ་ ཁོང་རའི་འདེམས་ཁོངས་ཀྱི་ ངོས་ལེན་འགོ་དཔོན་ལུ་ རྒེད་འོག་ཚུ་ནང་ སྤྱིར་བཏང་གྲོས་འཛོམས་འགོ་འདྲེན་འཐབ་གནང་མ་དགོ་པའི་ མཉམ་འབྲེལ་ཞུ་ཡིག་ཅིག་ བཙུགས་ཡོདཔ་ཨིན་པས།

སྲིད་དོན་ཚོགས་པ་༣ གཅིག་བསྡོམས་འབད་བའི་སྒྲུབ་བྱེད།

༡༨/༦/༢༠༡༣   ༉ འཕྲལ་ཁམས་ཅིག་ཁར་ འབྲུག་ཕུན་སུམ་ཚོགས་པ་གིས་ སྤྱིར་བཏང་བཙག་འཐུའི་དོན་ལུ་ དོ་འགྲན་འབད་མི་ ཁོང་གི་ བྱང་ཕྱད་དེ་ སྲིད་དོན་ཚོགས་པ་གསུམ་མཉམ་བསྡོམས་འབད་ཡོད་པའི་ ཁ་ཉེས་བཀལ་མི་ཚུ་ བདེན་ཁུངས་བཟང་ཐབས་ལུ་ སྒྲུབ་བྱེད་དང་བཅསཔ་སྦེ་ བཙག་འཐུ་ལྷན་ཚོགས་ཀྱི་ འགོ་དཔོན་ཚུ་ལུ་ ཉོགས་བཤད་ཡི་གུ་ཅིག་ བཙུགས་ཡོདཔ་ཨིན་པས།

མི་གྲངས་༩ ལུ་ བཙོན་ཁྲིམས་ལོ་༢ ལས་༡༥ ཚུན་བཀལ་ཡོདཔ།

༡༨/༦/༢༠༡༣   ༉ སྤྱི་ཟླ་༦ པའི་ཚེས་༡༤ ལུ་ གཞལམ་སྒང་རྫོང་ཁག་ཁྲིམས་འདུན་གྱིས་ འཁྲུན་ཆོད་བཏོན་མི་དང་འཁྲིལཝ་ད་ དུས་ཅི་ སྤྱི་ཟླ་༡ པའི་ཚེས་༡༣ ལུ་ གཞལམ་སྒང་རྫོང་ཁག་ ནང་སྐོར་རྒེད་འོག་ ཉ་མཁར་ལྷ་ཁང་ནང་ལས་ བརྒྱད་སྟོང་པ་གསེར་བྲིསམ་ཅིག་ ཨར་རྐུན་ཤོར་མིའི་ནང་ འབྲེལ་གཏོགས་འབད་མི་ མི་གྲངས་༩ ལུ་ བཙོན་ཁྲིམས་ལོ་༢ ལས་༡༥ ཚུན་ བཀལ་ཡོདཔ་ཨིན་པས།

གནས་ཚུལ་མདོར་བསྡ྄ས།

༡༨/༦/༢༠༡༣    ད་རིས་ གུ་རུ་རིན་པོ་ཆེའི་ འཁྲུངས་སྐར་དུས་ཆེན་ཨིནམ་ལས་ གཞུང་གི་ཡིག་ཚང་དང་ སློབ་གྲྭ་ཚུ་ ངལ་གསོ་བཞག་མི་དང་བསྟུན་ ཐིམ་ཕུ་བཀྲིས་ཆོས་རྫོང་ནང་ དྲོ་པའི་ཆུ་ཚོད་༦ དེ་ཅིག་ལས་ མི་མང་ལུ་ གུ་རུ་མཚན་བརྒྱད་ཀྱི་ མཐོང་གྲོལ་མཇལ་ཁ་གནང་ནི་དང་ རྡོ་གཅལ་ནང་ ནང་རྟེན་དག་པ་ཅིག་ཡང་ མཇལ་ཁ་གནང་ནི་ཨིན་པས།

མི་གྲངས་༩ ལུ་ བཙོན་ཁྲིམས་ལོ་༢ ལས་༡༥ ཚུན་བཀལ་ཡོདཔ།

༡༨/༦/༢༠༡༣   ༉ སྤྱི་ཟླ་༦ པའི་ཚེས་༡༤ ལུ་ གཞལམ་སྒང་རྫོང་ཁག་ཁྲིམས་འདུན་གྱིས་ འཁྲུན་ཆོད་བཏོན་མི་དང་འཁྲིལཝ་ད་ དུས་ཅི་ སྤྱི་ཟླ་༡ པའི་ཚེས་༡༣ ལུ་ གཞལམ་སྒང་རྫོང་ཁག་ ནང་སྐོར་རྒེད་འོག་ ཉ་མཁར་ལྷ་ཁང་ནང་ལས་ བརྒྱད་སྟོང་པ་གསེར་བྲིསམ་ཅིག་ ཨར་རྐུན་ཤོར་མིའི་ནང་ འབྲེལ་གཏོགས་འབད་མི་ མི་གྲངས་༩ ལུ་ བཙོན་ཁྲིམས་ལོ་༢ ལས་༡༥ ཚུན་ བཀལ་ཡོདཔ་ཨིན་པས།