གཟིགས་གནང་མི་ལུ་བཀའ་དྲིན་ཆེ།

༉ ང་བཅས་ཀྱིས་ ཉིན་བསྟར་བཞིན་དུ་

ཡོངས་འབྲེལ་འཆར་སྒོ་འདི་ནང་

གནས་ཚུལ་ཚུ་ དུས་མཐུན་བཟོ་སྟེ་ གསལ་བཀོད་འབདཝ་ཨིན།

We update at the earliest possible for you!

རྫོང་ཁའི་གནས་ཚུལ་གཟིགས་ དུས་མཐུན་ཞུགས་ཚུགས།

དཔལ་བདེ་མཆོག་འཁོར་ལོ་སྡོམ་པའི་དབང་ཆེན་ འགོ་བཙུགས་ཡོདཔ།

༢༡/༡༢/༢༠༡༢    ༉ ཁ་ཙ་ སྤུ་ན་ཁ་ལུ་ དཔལ་བདེ་མཆོག་འཁོར་ལོ་སྡོམ་པའི་དབང་ཆེན་ འགོ་བཙུགས་མི་དེ་ནང་ རྫོང་ཁག་སོ་སོ་ལས་ དད་མོས་ཅན་༥༠,༠༠༠ ལྷགཔ་ཅིག་ འཛོམས་ཡོད་མི་དེ་ཡང་ ཤོང་ཚད་མི་སྟོང་ཕྲག་༥༠ ལྷགཔ་ཅིག་ཡོད་མི་ དབང་ཁང་ལྟེམ་ལྟེ་སྦེ་ གང་ཡོད་མི་ལས་ གསལ་སྟོན་འབདཝ་ཨིན་པས།


དད་ཅན་ཚུ་གིས་ ཁ་ཙ་ དྲོ་པའི་ཆུ་ཚོད་༣ དང་༤ དེ་ཅིག་ལས་ར་ དབང་ཁང་ནང་ སྤུངས་འཛོམས་འབད་ནི་ འགོ་བཙུགས་ཡོདཔ་ལས་ དབང་གནང་སའི་ས་གོ་ ཐང་བཟང་ནང་ལུ་འགྱོ་སའི་ སྒོ་མོ་ཆུ་བ་ཟམ་དང་ ལྕང་གཡུས་ཟམ་པ་ལས་ ག་ཐོབ་རྐྱབ་སྟེ་འོངམ་ད་ ཁྲིམས་སྲུང་འགག་པ་དང་ བདེ་སྲུངཔ་ཚུ་ མི་འཛིན་སྐྱོང་འབད་ནི་ལུ་ ལཱ་ཁག་བཏང་ནུག།
བདེ་སྲུངཔ་ཅིག་གིས་ སླབ་མིའི་ནང་ མི་ག་ར་ སྟབས་གཅིག་ཁར་ ག་ཐོབ་རྐྱབ་སྟེ་ འོང་པའི་སྐབས་ མོ་ཆུ་བ་ཟམ་དེ་ རམ་འགྱོ་ནི་མས་ཟེར་ འདྲོག་སྣང་བྱུང་ཡི་ཟེར་ཨིན་པས།
དབང་གནང་སའི་ ས་ཁོངས་ནང་ གསང་སྤྱོད་༡༤༠ དེ་ཅིག་ཡོད་མི་ཚུ་ ད་ལྟོ་ལས་ ཁམས་ལོག་སི་སི་བཟོ་ཡོདཔ་ད་ དེ་ཡང་
ཆབ་གསང་འབད་བའི་ཤུལ་ལས་ ཆུ་མ་བླུགས་པར་ བཞག་ནི་དེ་གིས་ཨིན་པས།
དབང་ཆེན་དབུ་འཛུགས་གནངམ་ད་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ དད་ཅན་ཚུ་ལུ་ དབང་གི་ཕན་པ་དང་ དབང་ཞུ་བའི་སྐབས་ སྤང་བླང་གི་ བཀའ་སློབ་ཚུ་ཡང་གནང་ཡི།
དབང་ཆེན་འགོ་བཙུགས་ཀྱི་ རྟེན་འབྲེལ་ནང་ བློན་ཆེན་འཇིགས་མེད་འོད་ཟེར་འཕྲིན་ལས་མཆོག་གིས་གཙོས་པའི་ ལྷན་རྒྱས་གཞུང་ཚོགས་ཀྱི་ བློན་པོ་དང་ གཞུང་གི་ཆེ་མཐོའི་འགོ་དཔོན་ཚུ་གིས་ བཅའ་མར་གཏོགས་ཡོད་པའི་གནས་ཚུལ།

སྤུ་ན་ཁ་ལས་ བསྟན་འཛིན་རྣམ་རྒྱལ།

No comments:

Post a Comment