གློག་མེ་ལས་འགུལ་ཚུ་གི་དོན་ལུ་ རྒྱ་གར་གཞུང་གིས་ རྒྱབ་སྐྱོར་འཕྲོ་མཐུད་འབད་ནི།

༤/༤/༢༠༡༣   ༉ ཁ་ཙ་ ཐིམ་ཕུ་ལུ་ མཉམ་འབྲེལ་ཞལ་འཛོམས་ ཐེངས་༡༡ པ་འཚོགས་མི་དང་འབྲེལ་ རྒྱ་གར་གཞུང་གིས་ ད་རེས་འབྲུག་ལུ་ འགོ་འདྲེན་འཐབ་པའི་བསྒང་ཡོད་མི་དང་ འཕྲལ་མགྱོགས་ར་ འགོ་འདྲེན་འཐབ་ནི་ཨིན་མི་ གློག་མེ་ལས་འགུལ་ཚུ་གི་དོན་ལུ་ གྲོགས་རམ་ཚུ་ འཕྲོ་མཐུད་དེ་ར་འབད་ནིའི་ ཁས་བླངས་འབད་ཡོདཔ་ཨིན་པས།

གློག་མེ་ལས་འགུལ་ཚུ་གི་དོན་ལུ་ རྒྱ་འབྲུག་༢ ཀྱི་ མཉམ་འབྲེལ་ཞལ་འཛོམས་ཐེངས་༡༡ པ་ འཚོགས་པའི་བསྒང་།

ཁྲིམས་སྲུང་འགག་པ་གིས་ བུམོ་ཅུང་ཅིག་ཐོབ་མིའི་ ཕམ་འཚོལ་དོ་ཡོདཔ།

༤/༤/༢༠༡༣   ༉ ཐིམ་ཕུའི་ཁྲིམས་སྲུང་འགག་པའི་ ཨམ་སྲུ་དང་ ཨ་ལུ་གཅེས་སྐྱོང་སྡེ་ཕྲན་གྱིས་ སྐྱེས་ལོ་༡༠ ལང་མི་ རྒྱ་གར་གྱི་ མི་ཁུངས་ཨིན་མི་ བུམོ་ཅུང་ཅིག་ ཕམ་ཚུ་ལུ་ རྩིས་སྤྲོད་འབད་ནིའི་དོན་ལུ་ ཨ་པ་དང་ ཨའི་འཚོལ་དོ་ཡོདཔ་ཨིན་པས།

རྒྱ་གར་གྱི་ལས་མི་༣ བྱང་སྟོར་ཤོར་མིའི་གྲས་ལས་༢ ལུ་ཤི་རྐྱེན།

༤/༤/༢༠༡༣   ༉ སྤྱི་ཟླ་༣ པའི་ཚེས་༡༡ ལུ་ བུམ་ཐང་ལས་ རྒྱ་གར་གྱི་ལས་མི་༣ བྱང་སྟོར་ཤོར་མིའི་གྲས་ལས་༢ ལུ་ ཤི་རྐྱེན་བྱུང་ཡོད་པའི་ ཤེས་རྟོགས་བྱུང་ཡོདཔ་ཨིན་རུང་ ད་ལྟོ་ འཚོལ་མ་ཐོབ་མི་ སྐྱེས་ལོ་༢༤ ལང་མི་ ལས་མི་དེ་ འཚོལ་ནི་བཤོལ་བཞག་འབད་ཡོདཔ་ཨིན་པས།

འབྲུག་མི་རྐང་འཁོརཔ་ཅིག་གིས་ ཨེ་ཤི་ཡའི་གྱེན་འབབ་རྐང་འཁོར་རྒྱུག་འགྲན་ནང་ ཨང་༡༥ པ་ཐོན་ཡོདཔ།

༤/༤/༢༠༡༣   ༉ འབྲུག་པའི་ མའུན་ཊེན་བའེག་ཟེར་མི་ རྐང་འཁོར་སའི་ཀཱལ་བཏང་མི་དང་པ་ བསོད་ནམས་ཚེ་རིང་གིས་ སྤྱི་ཟླ་༣ པའི་ཚེས་༣༠ ལུ་ ནེ་པཱལ་གྱི་རྒྱལ་ས་ ཀཱཐ་མཱན་ཌུ་ལུ་ འགོ་འདྲེན་འཐབ་མི་ ཨེ་ཤི་ཡའི་ གྱེན་འབབ་རྐང་འཁོར་རྒྱུག་འགྲན་ནང་ བཅའ་མར་གཏོགས་ནུག།

བསོད་ནམས་ཚེ་རིང་གིས་ གྱེན་གུ་ལས་མར་ རྐང་འཁོར་བཏང་སྟེ་ འབབ་འོང་པའི་བསྒང་།

ཁྱིམ་ཐོག་གཅིགམ་མེ་གིས་འཚིགས་མི་དེ་ ཨར་རྐུན་ལུ་བརྟེན་ཨིན་པའི་དོགས་པ།

༤/༤/༢༠༡༣   གླ་ཁར་སྡོད་མི་བཟའ་ཚང་༤ གིས་ རྒྱུ་དངོས་ག་ཅི་ཡང་ ཐོབ་མ་ཚུགས་པས།
 ༉ སྤྱི་ཟླ་༤ པའི་ཚེས་༢ ཀྱི་ ནུབ་ཕྱེད་དེ་ཅིག་ཁར་ གླ་ཁར་སྡོད་མི་ བཟའ་ཚང་༤ གི་མི་ཚུ་ ཁྱིམ་ནང་དུ་པ་གང་མི་གིས་ གཉིད་ཚོར་བའི་བསྒང་ལས་ ཁོང་གི་ ཁྱིམ་ཐོག་གཅིགམ་ལུ་ མེ་འབར་ཏེ་ཡོདཔ་མཐོང་ནུག།
དེ་ཡང་ དགེ་ལེགས་ཕུག་ལས་ སྣུམ་འཁོར་ནང་འགྱོཝ་ད་ དུས་ཡུན་སྐར་མ་༡༥ དེ་ཅིག་ནང་ལྷོད་མི་ དཔལ་རི་ཐང་འབྲིང་རིམ་སློབ་གྲྭ་འོག་མའི་ སྦོ་ལོགས་ཁར་ ཁང་ཚན་༥ འབད་མི་ ཁྱིམ་ཐོག་གཅིགམ་ལུ་ མེ་རྐྱེན་བྱུང་སྟེ་ ཐལ་བར་བརླགས་བཏང་ཡོདཔ་ལས་ ཁྱིམ་ནང་སྡོད་མི་ བཟའ་ཚང་ཚུ་གིས་ ཅ་ཆས་ག་ཅི་ཡང་ ཐོབ་མ་ཚུགས་པས།

ནང་སྲིད་བློན་པོ་དང་ ཚོགས་ཆུང་གི་ འཐུས་མི་ཚུ་གི་ རྩོད་གཞི་གཅིག་ཁར་ཕྱེ་ནི།

༣/༤/༢༠༡༣    མཐོ་གཏུགས་པ་ཚུ་གི་ མཐོ་གཏུགས་བཤེར་ཡིག་ ད་རིས་ཕུལ་ནི་ཨིན་རུང་ ཚོགས་དཔོན་གྱིས་ སྤྱི་ཟླ་༤ པའི་ཚེས་༨ ལུ་ཕུལ་ནི།
༉ ནང་སྲིད་བློན་པོ་མི་འགྱུར་རྡོ་རྗེ་དང་ མོང་སྒར་ཁྲོམ་སྡེ་ཚོགས་ཆུང་གི་ འཐུས་མི་༡༣ གྱི་ རྒྱབ་མི་གིས་ ད་རིས་དྲོ་པར་ ཆེ་མཐོ་ཁྲིམས་ཀྱི་འདུན་སར་ མཐོ་གཏུགས་ཀྱི་ བཤེར་ཡིག་ཕུལ་ནི་ཨིནམ་ད་ བཤེར་ཡིག་ནང་ མོང་སྒར་རྫོང་ཁག་ཁྲིམས་འདུན་གྱི་ འཁྲུན་ཆོད་ལུ་ ག་ཅི་སྦེ་ ཁེ་རྒུད་མ་བཏུབ་ཨིན་ནའི་སྐོར་ གསལ་བཀོད་འབད་ནི་ཨིན་པས།

དགོངས་གྲོལ་བཀའ་རྒྱ་བཏོན་མི་དེ་ ཁྲིམས་ལུ་མ་གུས་པའི་ལག་ལེན?

༣/༤/༢༠༡༣   ཚོགས་དཔོན་དང་ ནང་སྲིད་བློན་པོ་༢ ཀྱིས་གཙོས་པའི་ རྒྱལ་པོའི་ཞིང་ཁྲོམ་ས་བགོ་བཀྲམ་ཚོགས་ཆུང་གི་ འཐུས་མི་ཚུ་ དགོངས་གྲོལ་གཏང་དགོ་པའི་ བཀའ་རྒྱ་བཏོན་ནུག།
༉ ངན་ལྷད་བཀག་སྡོམ་ལྷན་ཚོགས་ཀྱིས་ མོང་སྒར་རྫོང་ཁག་ཁྲིམས་འདུན་གྱི་ འཁྲུན་ཆོད་དང་འཁྲིལ་ ཚོགས་དཔོན་འཇིགས་མེད་ཚུལ་ཁྲིམས་དང་ ནང་སྲིད་བློན་པོ་མི་འགྱུར་རྡོ་རྗེ་༢ ཀྱིས་གཙོས་པའི་ རྒྱལ་པོའི་ཞིང་ཁྲོམ་ས་བགོ་བཀྲམ་ཚོགས་ཆུང་གི་ འཐུས་མི་ཚུ་ ལས་གཡོག་ནང་ལས་ དགོངས་གྲོལ་གཏང་དགོ་པའི་ བཀའ་རྒྱ་བཏོན་མི་དེ་ ཁྲིམས་ལུ་མ་གུས་པའི་ ལག་ལེན་ཅིག་ཨིནམ་སྦེ་ ཁྲིམས་དོན་མཁས་མཆོག་ཚུ་གིས་ བཤདཔ་ཨིན་པས།

གནས་ཚུལ་མདོར་བསྡུས།

༣/༤/༢༠༡༣   

ཁ་ཙ་ ཐིམ་ཕུ་ལྕང་གླིང་མི་ཐང་ནང་ ཤར་ཕྱོགས་༡༡ དང་ དགེ་འདུ་ཚོང་རིག་མཐོ་རིམ་སློབ་གྲྭའི་བར་ན་ འཕྲོ་མཐུད་རྩེད་འགྲན་འབདཝ་ད་ ཤར་ཕྱོགས་༡༡ སྡེ་ཚན་གྱིས་ རྒྱལ་ཁ་ཐོབ་ཡོདཔ་ལས་ ཀོ་ཊར་ ཕའི་ནཱལ་ནང་ ལྷོད་ཡོད་པའི་གནས་ཚུལ།

གདམ་ངོ་༦༧ གྱིས་ བཙག་འཐུ་ལྷན་ཚོགས་ནང་ ཐོ་བཀོད་འབད་ཡོདཔ།

༣/༤/༢༠༡༣   ༉ རྒྱལ་ཡོངས་ཚོགས་སྡེའི་ བཙག་འཐུ་ཐེངས་༢ པའི་ནང་ དོ་འགྲན་འབད་ནིའི་དོན་ལུ་ རྫོང་ཁག་༢༠ ལས་ མི་ངོམ་༦༧ གྱི་ གདམ་ངོའི་ཐོ་བཀོད་འབད་མི་ལུ་ ངོས་ལེན་འབད་ཡོདཔ་ཨིན་པས།

མགར་ས་ལུ་ ཞབས་དྲུང་རིན་པོ་ཆེ་གིས་བཏོན་གནང་མི་ ས་འོག་མི་ལམ་༢ འཚོལ་ཐོབ་ཡོདཔ།

༣/༤/༢༠༡༣   ༉ མགར་ས་རྫོང་ཁག་བདག་སྐྱོང་གིས་ ལོ་ངོ་༣༠༠ ལྷགཔ་ཅིག་ལང་མི་ ས་འོག་མི་ལམ་༢ འཚོལ་ཐོབ་ས་ལས་ རག་རོག་ཚུ་ ཆ་མཉམ་ར་ བཏོན་བཏང་སྟེ་ ཧིང་སངས་ས་བཟོ་ཡོདཔ་ད་ མི་ལམ་༢ པམ་དེ་ ས་དང་ རྡོ་ ཤིང་གི་འདབ་མ་ཚུ་གིས་གང་སྟེ་ ཤུལ་ར་མེདཔ་ཐལ་ཡོདཔ་ཨིན་པས།

ས་འོག་མི་ལམ།

མི་མང་གི་བསམ་འཆར།

༣/༤/༢༠༡༣   མི་སེར་གྱི་ཞབས་ཏོག་ དུས་ཚོད་ལུ་ ཐོབ་མ་ཚུགས་པའི་དཀའ་ངལ།
༉ འབྲུག་གཞུང་གི་ ཆེ་རིམ་སྡེ་ཚན་ནང་བཞུགས་མི་དང་ འབྲེལ་ཡོད་ལྷན་ཁག་དང་ ལས་ཁུངས་ཁག་གི་འགོ་དཔོན་ དྲགོས་རྫོང་བདག་ དེ་ལས་ ས་གནས་གཞུང་གི་ འགོ་ཁྲིདཔ་ཚུ་གིས་ རྒྱང་མཐོང་དང་ གསར་ཤོག་ལ་སོགས་པའི་ བརྡ་བརྒྱུད་ཚུ་ནང་ གསལ་བཤད་འབད་མི་དང་ མི་མང་འཛོམས་འདུ་འབད་སར་ གསུངས་མི་ལུ་ལྟཝ་ད་ མི་སེར་ཚུ་ལུ་ ཉེ་བར་མཁོ་བའི་ཞབས་ཏོག་ཚུ་ ཧེ་མ་ དུས་ཡུན་ལོ་སྦེ་ལུས་མི་དེ་ ད་རེས་ ཆུ་ཚོད་༡ དང་༢ ཀྱི་ནང་འཁོད་ལུ་ མཇུག་བསྡུ་ཚུགས་ཟེར་མི་དེ་ལུ་ ང་བཅས་མི་སེར་ཚུ་ཡང་ ཨིན་རང་ཨིནམ་འདྲ་བས་ཟེར་ བདེན་འཛིན་རེ་སྡོད་མི་དེ་ ད་རེས་འབདཝ་ད་ ཕྱི་འགྱུར་མ་འགྱོ་བས་ག་ཟེར་བའི་ མནོ་བསམ་བཏང་དགོཔ་བྱུངམ་མས་ཟེར་ཞུ་ནི།

ཟུང་ཕྱོགས་ཚོང་འབྲེལ་ཆིངས་ཡིག་གུ་ གྲོས་སྟོན་ཞལ་འཛོམས་ འགོ་དང་པ་འཚོགས་ཡོདཔ།

༣/༤/༢༠༡༣   ༉ ཁ་ཙ་ ཐིམ་ཕུ་ལུ་སྦེ་ འབྲུག་དང་ ཐའི་ལེནཌི་གི་བར་ན་ ཟུང་ཕྱོགས་ཚོང་འབྲེལ་ཆིངས་ཡིག་གུ་ གྲོས་སྟོན་ཞལ་འཛོམས་ འགོ་དང་པ་འཚོགས་ཡི།
ཞལ་འཛོམས་འགོ་འབྱེད་སྐབས་ བསྟན་རྒྱས་ལྷན་ཁག་གི་ མཉམ་འབྲེལ་ཡོངས་ཁྱབ་དྲུང་ཆེན་ བསོད་ནམས་པི་དབང་འདུས་ཀྱིས་ ཚོང་འབྲེལ་ཆིངས་ཡིག་ལུ་བརྟེན་ འབྲུག་པའི་ཚོང་པ་ཚུ་གིས་ ཐའི་གི་ཚོང་འབྲེལ་ནང་ འབྲེལ་གཏོགས་འབད་ཚུགས་ནི་ཨིནམ་ལས་ ཕན་ཐོགས་སྦོམ་སྦེ་ར་ འབྱུང་འོང་ཟེར་སླབ་ཅི།

འབྲུག་དང་ ཐའི་ལེནཌི་གི་བར་ན་ ཟུང་ཕྱོགས་ཚོང་འབྲེལ་ཆིངས་ཡིག་གུ་ གྲོས་སྟོན་ཞལ་འཛོམས་འཚོགས་པའི་བསྒང་།

རང་ལུགས་སྤག་ཤིང་གི་ཐོག་ལས་ འཇིགས་མེད་རྡོ་རྗེ་དབང་ཕྱུག་རྒྱལ་རྟགས་ཀྱི་ མདའ་རྩེད་འགོ་བཙུགས་ཡོདཔ།

༢/༤/༢༠༡༣   ༉ ཁ་ཙ་ ཐིམ་ཕུ་ལྕང་གླིང་མི་ཐང་གི་མདའ་རྩེད་ཐང་ནང་སྦེ་ རང་ལུགས་སྤག་ཤིང་གི་ཐོག་གི་ མདའ་རྩེད་འགྲན་བསྡུར་འགོ་བཙུགས་ཡོདཔ་བཞིན་དུ་ ཨིསི་ཊན་ཡུ་ནའི་ཊེཌ་སྡེ་ཚན་ལས་ ལྷུན་གྲུབ་ཀྱིས་ སྐོར་ཐེངས་དང་པའི་ནང་ར་ བཀག་རེག་ཕོག་ཐོག་ལས་ སྐུགས་བརྩི་ནི་འགོ་བཙུགས་ཅི།

མགར་ས་ལུ་ གཞུང་གི་སྡོད་ཁྱིམ་ཚུ་ ཟླཝ་ཤུལ་མམ་ལས་ བཟོ་སྐྲུན་འགོ་བཙུགས་ནི།

༢/༤/༢༠༡༣   ༉ རྒྱལ་ཡོངས་ཁྱིམ་བཟོ་གོང་འཕེལ་ལས་འཛིན་གྱིས་ མགར་ས་རྫོང་ཁག་ནང་ འཕྲལ་མགྱོགས་ར་ གཞུང་གི་སྡོད་ཁྱིམ་རྐྱབ་ནིའི་དོན་ལུ་ རིན་བསྡུར་འགོ་འདྲེན་འཐབ་ནི་ཨིན་མི་དེ་ ད་རེས་ ཁ་མཐོ་ས་ལུ་སྡོད་མི་ རྫོང་ཁག་གི་ ལས་བྱེདཔ་ཚུ་གི་དོན་ལུ་ གནས་ཚུལ་བཟང་པོ་ཅིག་ཨིན་པས།

བསམ་རྩེ་རྫོང་ཁག་གིས་ བཟོ་སྐྲུན་ལས་སྡེ་ཅིག་ ནག་ཐོའི་ནང་བཀོད་ཡོདཔ།

༢/༤/༢༠༡༣   དེ་ཡང་ ཁག་འབགཔ་དེ་གིས་ རྒེད་འོག་གི་ སྦྲེལ་མཐུད་ལམ་ ལེགས་བཅོས་འབད་མ་བཏུབ་ནི་དེ་གིས་ཨིན་པས།
༉ བསམ་རྩེ་རྫོང་ཁག་སིབ་སུ་དྲུང་ཁག་ ནོར་རྒྱས་སྒང་རྒེད་འོག་གི་ འཁོར་ལམ་དེ་ ཁག་འབགཔ་ཅིག་གིས་ ལེགས་བཅོས་འབད་མ་བཏུབ་མི་ལུ་བརྟེན་ གྲོས་བསྡུར་ལན་ཐེངས་མང་རབས་ཅིག་ འབད་བའི་ཤུལ་ལུ་ རྫོང་ཁག་བདག་སྐྱོང་གིས་ སྒེར་གྱི་བཟོ་སྐྲུན་ལས་སྡེ་ བདེ་ལྡན་དེ་ ནག་ཐོའི་ནང་ བཀོད་ནི་སྦེ་ གྲོས་ཐག་བཅད་ནུག།

རྒེད་འོག་གི་ འཁོར་ལམ་དེ་ གནོད་ཉེན་ཅན་ཅིག་ལུ་ གྱུར་ཡོད་རུང་ མི་སེར་ཚུ་གིས་ འཕྲོ་མཐུད་དེ་ར་ ལག་ལེན་འཐབ་པའི་མཐོང་སྣང་།

དཀོན་དྲགས་གྱི་གཟིག་ཆུང་ མར་བཱལཌི་གི་ མཐོང་གསལ།

༢/༤/༢༠༡༣   ༉ རི་དྭགས་སྲུང་སྐྱོབ་སྡེ་ཚན་གྱི་ འགོ་དཔོན་ཚུ་གིས་ སླབ་མི་དང་འཁྲིལཝ་ད་ གཟིག་ཆུང་གི་རིགས་ཅིག་ཨིན་མི་ ཨིང་ལིཤ་ནང་ མར་བཱལཌི་ཟེར་མི་ གཟིག་གི་རིགས་དཀོན་དྲགས་ཅིག་ཨིན་མི་དེ་ འཕྲལ་ཁམས་ཅིག་ཁར་ སྐྱེ་ལྡན་རིགས་སྣའི་ ཞིབ་འཚོལ་ལས་རིམ་དོན་ལུ་ པར་ཆས་བཙུགས་བཞག་མིའི་ནང་ཚུད་ཡོདཔ་ལས་ འབྲུག་ལུ་ དཀོན་དྲགས་ཅན་གྱི་ གཟིག་ཆུང་གི་རིགས་དེ་ཡང་ཡོད་པའི་ མངོན་གསལ་བྱུང་ཡོདཔ་ཨིན་པས།

གཟིག་ཆུང་ མར་བཱལཌི།

ལ་ཡཔ་ཚུ་གིས་ ལྕགས་ཤོག་དོས་སྐྱེལ་མི་ལས་ འོང་འབབ་ལེགས་ཤོམ་བཟོ་དོ་ཡོདཔ།

༢/༤/༢༠༡༣   ༉ ས་ཁ་མཐོ་ས་ ཡ་ལ་གཡུས་ཚན་ན་སྡོད་མི་ཚུ་གི་དོན་ལུ་ གནམ་བྱཱར་གྱི་འོང་འབབ་གཙོ་བོ་ཅིག་ དབྱར་རྩྭ་དགུན་འབུབ་འཐུ་ནི་དེ་ཨིནམ་ད་ དགུན་ལུ་འབད་བ་ཅིན་ ལུང་ནག་ན་ལུ་ དོས་སྐྱེལ་ལེན་འབད་ནི་དེ་གིས་ ཁེ་ཕན་སྦོམ་བྱུང་དོ་ཡོདཔ་ཨིན་པས།

སངས་རྒྱས་ཟླ་བ་གིས་ རྟ་གུ་བཀལ་ནིའི་དོན་ལས་ ལྕགས་ཤོག་དོས་བཟོ་བའི་བསྒང་།