ཧཱ་ལུ་ ཁྱད་ཚད་དང་ལྡན་པའི་ ཚོགས་རྒྱན་བཙུགས་མི་བསྡོམས་༦༨༩༥ ཡོད་ས་ལས་༣༧༣༨ ཀྱིས་ ཚོགས་རྒྱན་བཙུགས་ཡོདཔ།

༣/༦/༢༠༡༣   ༉ བཙག་འཐུ་མཇུག་བསྡུ་ནི་གི་ དུས་ཡུན་ཆུ་ཚོད་ཕྱེད་དེ་ཅིག་ལུ་ ནུབ་མཚོ་ནག་པ་ཏྲ་ལུ་ ནོར་རྫིཔ་༣ ཧཱ་གི་ ངོས་ལེན་འགོ་དཔོན་གྱི་ ཡིག་ཚང་ནང་ ཚོགས་རྒྱན་གྱི་ ངོས་འཛིན་འདྲ་པར་ལེན་པར་ འོང་ཡོདཔ་ཨིན་པས།

དུང་འཁོར་པདྨ་ཡུལ་གླིང་ས་ཁོངས་ཀྱིས་ མི་རྒན་རྒས་ཚུ་ལུ་ ཕན་ཐོགས།

༣/༦/༢༠༡༣   ༉ གཞལམ་སྒང་ཁྲོམ་ལས་ ཁ་ཡར་ལྟ་སྟེ་ དུས་ཡུན་སྐར་མ་༢༠ དེ་ཅིག་ ལམ་འགྱོ་དགོ་པའི་ས་གནས་ དེ་ ཧེ་མ་འབད་བ་ཅིན་ སྟོངམ་སྦེ་ བཞག་ཡོདཔ་ཨིན་རུང་ འདས་པའི་ལོ་ངོ་༤ དེ་ཅིག་གི་ལས་ཚུར་ ས་གནས་ནང་ མི་རྒན་རྒས་ཚུ་ འོང་མིའི་གྱངས་ཁ་ ཡར་སེང་འགྱོ་དོ་ཡོདཔ་ཨིན་པས།

དུང་འཁོར་པདྨ་ཡུལ་གླིང་གི་འོག་ལུ་ བཟོ་སྐྲུན་འབད་བའི་བསྒང་ཡོད་མི་ ཁྲོས་མ་ལྷ་ཁང་།

ཁས་བླངས་གསལ་བསྒྲགས་མེད་མི་གིས་ ཚོགས་རྒྱན་ནང་ལས་ཕམ་ཡོད་པའི་དོགས་པ།

༣/༦/༢༠༡༣   ༉ མོང་སྒར་རྫོང་ཁག་གི་ མི་སེར་ཚུ་གིས་ ལོག་སྟེ་ར་ འབྲུག་ཕུན་སུམ་པ་ལུ་ སྤྱི་ཚོགས་༢ པའི་ རྒྱལ་ཡོངས་ཚོགས་འདུའི་དོན་ལུ་ སྤྱིར་བཏང་བཙག་འཐུ་ནང་ དོ་འགྲན་འབད་ནིའི་དོན་ལུ་ ཚོགས་རྒྱན་མཐོ་ཤོས་བསྡོམས་༨,༧༨༨ བཙུགས་ཐོག་ལས་ བཙག་འཐུ་འབད་དགོ་མི་དེ་ གནད་དོན་སྦོམ་ཡོདཔ་ཨིན་པས།

མོང་སྒར་གྱི་མི་སེར་ཚུ་གིས་ ཚོགས་རྒྱན་བཙུགས་ནིའི་དོན་ལུ་ གྱལ་བཙར་སྡོད་པའི་བསྒང་།

མི་མང་གི་བསམ་འཆར།

༣/༦/༢༠༡༣   འགོ་ཐོག་བཙག་འཐུ་ མཐར་འཁྱོལ་བྱུང་མི་ལུ་ རྗེས་སུ་ཡི་རངས།
༉ སྤྱི་ཚོགས་༢ པའི་ རྒྱལ་ཡོངས་ཚོགས་འདུའི་ འགོ་ཐོག་བཙག་འཐུ་དེ་ རྐྱེན་དང་བར་ཆད་ཚུ་ ག་ནི་ཡང་མ་འབྱུང་པར་ བསམ་པ་རྫོགས་ཏོག་ཏོ་སྦེ་ མཇུག་བསྡུ་ཚུགས་ནི་དེ་གིས་ སེམས་བ་མ་ཚད་ ཡིད་ཡང་དགའ་ཡི་ཟེར་ཞུ་ནི།

འབྲུག་སྤྱིར་དབང་ཚོགས་པ་གིས་ སྤྱི་ལོ་༢༠༡༨ ལུ་ དོ་འགྲན་འབད་ནི་ཨིནམ།

༣/༦/༢༠༡༣    ༉ འབྲུག་སྤྱིར་དབང་ཚོགས་པ་གིས་ འགོ་ཐོག་བཙག་འཐུ་ནང་ལས་ ཚོགས་རྒྱན་ཉུང་ཤོས་ཐོབ་སྟེ་ འབྲུག་མཉམ་རུབ་ཚོགས་པ་དང་གཅིག་ཁར་ སྤྱིར་བཏང་བཙག་འཐུ་ནང་ དོ་འགྲན་འབད་ནི་གི་ གོ་སྐབས་མ་ཐོབ་རུང་ ཚོགས་པ་གིས་ སྤྱི་ལོ་༢༠༡༨ ལུ་ དོ་འགྲན་འབད་ནིའི་དོན་ལས་ འཆར་གཞི་ཚུ་ བཟོ་ནི་གི་ དུས་ཚོད་ཐོབ་སྟེ་ཡོད་ཟེར་ བཤདཔ་ཨིན་པས།

སྤ་རོ་ལུ་ སྲིད་ཚོགས་གསརཔ་ཚུ་ ཡོངས་གྲགས་མེདཔ།

༣/༦/༢༠༡༣   ༉ སྤ་རོ་རྫོང་ཁག་ནང་ ཁྱད་ཚད་དང་ལྡན་པའི་ ཚོགས་རྒྱན་བཙུགས་མི་ མང་ཤོས་ཅིག་གིས་ འབྲུག་ཕུན་སུམ་ཚོགས་པ་དང་ མི་སེར་དམངས་གཙོ་ཚོགས་པ་ནང་ ཚོགས་རྒྱན་བཙུགས་ཡོདཔ་ལས་ སྲིད་ཚོགས་གསརཔ་ འབྲུག་མཉམ་རུབ་ཚོགས་པ་དང་ འབྲུག་སྤྱིར་དབང་ཚོགས་པ་གཉིས་ལུ་ རྒྱབ་སྐྱོར་གངམ་ མེདཔ་ཨིན་པས།

མོང་སྒརཔ་ཚུ་གིས་མནོ་མི་དེ་ རྫོང་ཁག་གཞན་ཚུ་གིས་ བརྡ་ལོག་སོང་ཡོདཔ།

༡/༦/༢༠༡༣   ༉ མོང་སྒར་རྫོང་ཁག་ནང་གི་ རྒེད་འོག་༡༧ གྱི་ནང་ ཚོགས་རྒྱན་བཙུགས་སའི་ས་ཁོངས་༧༦ ཡོད་མི་ཚུ་ལས་ ཁ་ཙ་ ཚོགས་རྒྱན་གྱི་གྲངས་རྩིས་བཏོན་པའི་སྐབས་ལུ་ ས་ཁོངས་ལ་ལུ་ཅིག་ལས་ ཕྱི་རུ་གནམ་བསྲོ་ཞིནམ་ལས་རྐྱངམ་གཅིག་ ཚོགས་རྒྱན་གྱི་ གྲུབ་འབྲས་ཚུ་ལྷོད་མ་ཚུགས་མི་ལུ་བརྟེན་ བཙག་འཐུའི་འགོ་དཔོན་ཚུ་ ནང་དོགས་ཡོདཔ་མ་ཚད་ བརྡ་བརྒྱུདཔ་ཚུ་ཡང་ གཞན་མི་རྫོང་ཁག་ཚུ་བཟུམ་སྦེ་ གནས་ཚུལ་ སྐྱེལ་མ་ཚུགས་མི་ལུ་བརྟེན་ མི་ཚུ་དབུག་འགམ་ཡོདཔ་ཨིན་པས།

འབྲུག་ཕུན་སུམ་ཚོགས་པའི་འདེམས་ངོ་ ཀརྨ་ལྷ་མོ།

འབྲུག་ཕུན་སུམ་ཚོགས་པ་གིས་ འགོ་ཐོག་བཙག་འཐུ་ནང་ ལྷུན་རྩེ་རྫོང་ཁག་ལས་ ཨང་དང་པ་ཐོན་ཡོདཔ།

༡/༦/༢༠༡༣   ༉ ལྷུན་རྩེ་རྫོང་ཁག་ལས་ འབྲུག་ཕུན་སུམ་ཚོགས་པ་དང་ མི་སེར་དམངས་གཙོ་ཚོགས་པ་༢ ཀྱིས་ འགོ་ཐོག་བཙག་འཐུ་ནང་ལས་ བཙག་འཐུ་གྲུབ་ཡོདཔ་ཨིན་པས།
ལྷུན་རྩེ་རྫོང་ཁག་ གང་ཟུར་སྨིན་རྗེ་འདེམས་ཁོངས་ལས་ འབྲུག་ཕུན་སུམ་ཚོགས་པ་གིས་ ཚོགས་རྒྱན་༡༣༢༠ དང་ འགྲེམ་ཐོག་ཚོགས་རྒྱན་༤༣༣ ཐོབ་མི་དང་འབྲེལ་ བསྡོམས་ཀྱིས་ཚོགས་རྒྱན་༡༧༥༣ ཐོབ་ཡོདཔ་ད་ སྨན་སྦིས་བཙན་མཁར་འདེམས་ཁོངས་ལས་ ཚོགས་རྒྱན་༡༢༨༠ དང་ འགྲེམ་ཐོག་ཚོགས་རྒྱན་༤༨༩ བསྡོམས་ཚོགས་རྒྱན་༡༧༦༩ ཐོབ་མི་དང་འབྲེལ་ ཚོགས་རྒྱན་ཡོངས་བསྡོམས་༣༥༢༢ ཐོབ་ཡོད་མི་ལུ་བརྟེན་ ཚོགས་རྒྱན་མཐོ་ཤོས་འཐོབ་མིའི་གྲངས་སུ་ ཚུད་ཡོདཔ་ཨིན་པས།

ཚོགས་རྒྱན་བཙུགས་པར་འོང་མི་ སྐམ་དར་ལས་ སྐྱེས་ལོ་༨༢ ལང་མི་ ཨང་རྒས་པདྨ་སྒྲོལ་མ།

དབང་འདུས་ཀྱི་མི་ཚུ་གིས་ མི་སེར་དམངས་གཙོ་ཚོགས་པ་ལུ་རྒྱབ་སྐྱོར།

༡/༦/༢༠༡༣   ༉ སྤྱི་ལོ་༢༠༠༨ དང་ཕྱདཔ་ད་ དབང་འདུས་རྫོང་ཁག་གི་མི་ཚུ་གིས་ སྲིད་དོན་ཚོགས་པ་ སོ་སོར་དགོ་པའི་ བརྡ་མཚོན་སྟོན་ཡོདཔ་ད་ དེ་ཡང་ ཁ་ཙ་ ཉི་ཤོ་དང་ སྲས་ཕུག་གི་ གྲུབ་འབྲས་དང་འཁྲིལ་བ་ཅིན་ སྲིད་དོན་ཚོགས་པ་༤ གི་གྲས་ལས་ མི་སེར་དམངས་གཙོ་ཚོགས་པ་གིས་ ཚོགས་རྒྱན་མཐོ་ཤོས་༢,༩༧༧ ཐོབ་ཡོདཔ་ད་ དེ་གི་ཤུལ་ལས་ འབྲུག་ཕུན་སུམ་ཚོགས་པ་གིས་ ཚོགས་རྒྱན་༢,༣༠༦ དང་ འབྲུག་མཉམ་རུབ་ཚོགས་པ་གིས་ ཚོགས་རྒྱན་༥༩༩ དེ་ལས་ འབྲུག་སྤྱིར་དབང་ཚོགས་པ་གིས་ ཚོགས་རྒྱན་༡༣༡ ཐོབ་ཡོདཔ་ཨིན་པས།

བཙག་འཐུའི་འགོ་དཔོན་ཚུ་གིས་ ཚོགས་རྒྱན་གྱི་ གྱངས་ཁ་རྐྱབ་པའི་བསྒང་།

དབང་འདུས་ལུ་ ཚོགས་རྒྱན་གྱི་ཉིན་མར་ ས་རུད་ཆད་པའི་མཐོང་སྣང་།

གཞལམ་སྒང་ལས་ ཕུན་སུམ་ཚོགས་པ་གིས་ ཚོགས་རྒྱན་༣༤༤༠ ཐོབ་སྟེ་ རྒྱལ་ཁའི་བརྡ་མཚོན་སྟོན་ཡོདཔ།

༡/༦/༢༠༡༣   ༉ ཁ་ཙ་ གཞལམ་སྒང་རྫོང་ཁག་གི་ རྒྱལ་ཡོངས་ཚོགས་འདུའི་ བཙག་འཐུ་སྐབས་ བར་དོ་- ཀྲོང་འདེམས་ཁོངས་ནང་ལས་ འབྲུག་ཕུན་སུམ་ཚོགས་པ་གིས་ འཕྲུལ་ཆས་ཚོགས་རྒྱན་༡,༢༧༨ ཐོབ་ཡོད་པའི་ཁར་ དེ་གི་འོག་ལས་ར་ འབྲུག་མཉམ་རུབ་ཚོགས་པ་གིས་ ཚོགས་རྒྱན་༡,༢༦༡ ཐོབ་ཡོདཔ་ཨིན་པས།
དེ་བཟུམ་སྦེ་ མི་སེར་དམངས་གཙོ་ཚོགས་པ་གིས་༣༧༨ ཐོབ་ཡོདཔ་ད་ འབྲུག་སྤྱིར་དབང་ཚོགས་པ་གིས་ ཚོགས་རྒྱན་༡༢༥ ལས་བརྒལ་ ཐོབ་མ་ཚུགསཔ་ཨིན་པས།

ཚོགས་རྒྱན་བཙུགས་པར་འོང་མི་ཚུ་ ཞིབ་དཔྱད་འབད་བའི་བསྒང་།

འབྲུག་ཕུན་སུམ་ཚོགས་པ་གིས་ སྤ་རོ་རྫོང་ཁག་ནང་ལས་ རྒྱལ་ཁ་ཐོབ་ཡོདཔ།

༡/༦/༢༠༡༣   ༉ སྤ་རོ་ ལམ་གོང་- ཝང་ཅ་ འདེམས་ཁོངས་ཀྱི་ མི་སེར་མང་ཤོས་ཅིག་གིས་ འབྲུག་ཕུན་སུམ་ཚོགས་པ་ལུ་ ཚོགས་རྒྱན་བཙུགས་ཡོདཔ་ཨིན་རུང་ སྤ་རོ་ རྡོ་དགར་- ཤར་པ་ འདེམས་ཁོངས་ལས་ མི་སེར་དམངས་གཙོ་ཚོགས་པ་ལུ་ ཚོགས་རྒྱན་བཙུགས་ཡོདཔ་ཨིན་པས།

ཐིམ་པུ་ལས་ སྤ་རོ་ལུ་ ཚོགས་རྒྱན་བཙུགས་བར་སོང་མི་ སྐྱེས་ལོ་༧༧ ལང་མི་ ཨཔ་ཀོ་ཏ།

རྩི་རང་རྫོང་ཁག་ནང་ འབྲུག་ཕུན་སུམ་ཚོགས་པ་གིས་ འགོ་ཐོག་ཚོགས་རྒྱན་གྱི་རྒྱལ་ཁ།

༡/༦/༢༠༡༣   ༉ ཁ་ཙ་འགོ་འདྲེན་འཐབ་མི་ འབྲུག་གི་སྤྱི་ཚོགས་༢ པའི་ འགོ་ཐོག་བཙག་འཐུའི་ཉིནམ་ལུ་ གཞུང་སྐྱོང་ཚོགས་པ་བགྲེསཔ་ འབྲུག་ཕུན་སུམ་ཚོགས་པ་གིས་ འགྲེམ་ཐོག་དང་ འཕྲུལ་ཆས་ཐོག་གི་ ཚོགས་རྒྱན་ཡོངས་བསྡོམས་༤༠༣༥ ཐོབ་པའི་ཁར་ ཨང་༢ པ་དེ་ ལྡོག་ཕྱོགས་ཚོགས་པ་བགྲེསཔ་ མི་སེར་དམངས་གཙོ་ཚོགས་པ་གིས་ ཚོགས་རྒྱན་བསྡོམས་༣༩༦༩ ཐོབ་མི་དེ་ འབྲུག་ཕུན་སུམ་ཚོགས་པ་ལས་ ཚོགས་རྒྱན་༦༦ གིས་ ཉུངམ་ཨིན་པས།

རྩི་རང་གི་ མི་སེར་ཚུ་གིས་ ཆར་པའི་ནང་ ཚོགས་རྒྱན་བཙུགས་ནིའི་དོན་ལུ་ སྒུག་སྡོད་པའི་བསྒང་།

རྩོམ་སྒྲིག་པའི་སྣང་འཆར།

༡/༦/༢༠༡༣   འགོ་ཐོག་བཙག་འཐུ་ མཐར་འཁྱོལ་བྱུང་ཡོདཔ།
༉ ཁ་ཙ་ རྒྱལ་ཁབ་མཐའ་དབུས་མེད་པར་ དྲོ་པ་ལས་ ཕྱི་རུ་ཚུན་ ཆརཔ་རྒྱུན་ཆད་མེད་པར་རྐྱབ་ཡོད་རུང་ སྤྱི་ཚོགས་༢ པའི་ རྒྱལ་ཡོངས་ཚོགས་འདུའི་ བཙག་འཐུ་འགོ་འདྲེན་འཐབ་མི་ལུ་ བར་ཆད་སྦོམ་ཅིག་ རྐྱབ་མ་ཚུགསཔ་ལས་བརྟེན་ ཁྱད་ཚད་ལྡན་པའི་ མི་ངོམ་ཚུ་གིས་ བསམ་པ་རྫོགས་ཏོག་ཏོ་སྦེ་ ཚོགས་རྒྱན་བཙུགས་ཚུགས་ཅི།

སྲིད་ཚོགས་རྙིངམ་༢ ཀྱིས་ སྤྱིར་བཏང་བཙག་འཐུ་ནང་ དོ་འགྲན་འབད་ནི།

༡/༦/༢༠༡༣   ༉ རྒྱལ་ཡོངས་ཚོགས་འདུའི་ འགོ་ཐོག་བཙག་འཐུ་ནང་ འབྲུག་མི་ཚུ་གིས་ ཧེ་མའི་ སྲིད་དོན་ཚོགས་པ་རྙིངམ་༢ ལུ་ར་ རྒྱབ་སྐྱོར་འབད་ཡོདཔ་ལས་ འབྲུག་ཕུན་སུམ་ཚོགས་པ་དང་ མི་སེར་དམངས་གཙོ་ཚོགས་པ་གིས་ སྤྱིར་བཏང་བཙག་འཐུ་ནང་ དོ་འགྲན་འབད་ནི་ཨིན་པས།

བཀྲིས་སྒང་རྫོང་ཁག་ལས་ འབྲུག་ཕུན་སུམ་ཚོགས་པ་གིས་ ཚོགས་རྒྱན་༩,༩༡༩ ཐོབ་ཡོདཔ།

༡/༦/༢༠༡༣   ༉ འབྲུག་ཕུན་སུམ་ཚོགས་པའི་ནང་ འདེམས་ངོ་གསརཔ་༢ ཡོད་རུང་ རྒྱལ་ཡོངས་ཚོགས་འདུའི་ འགོ་ཐོག་བཙག་འཐུའི་ནང་ འདེམས་ཁོངས་༥ ལས་ འཕྲུལ་ཆས་ཚོགས་རྒྱན་དང་ འགྲེམ་ཐོག་ཚོགས་རྒྱན་བསྡོམས་༩,༩༡༩ ཐོབ་མི་དེ་ མཐོ་ཤོས་ཨིན་པས།

འགོ་ཐོག་བཙག་འཐུ་ནང་ མཐར་འཁྱོལ་མ་བྱུང་རུང་ བཀྲིས་སྒང་རྫོང་ཁག་ནང་ ཨང་༢ པ་ཐོན་མི་ འབྲུག་མཉམ་རུབ་ཚོགས་པའི་གཙོ་འཛིན་ རྡོ་རྗེ་ཆོས་སྒྲོན་གྱིས་ རྐང་པ་ར་རྒེད་འོག་ མེར་མདའ་ལུ་ ཚོགས་རྒྱན་བཙུགས་པར་ འགྱོ་བའི་བསྒང་།

བཀྲིས་སྒང་རྫོང་ཁག་ལས་ འབྲུག་ཕུན་སུམ་ཚོགས་པ་གིས་ ཚོགས་རྒྱན་༩,༩༡༩ ཐོབ་ཡོདཔ།

དེ་འབདཝ་ད་ འབྲུག་མཉམ་རུབ་ཚོགས་པ་གིས་ ཁྲིམས་ཤིང་འདེམས་ཁོངས་ལས་ ཚོགས་རྒྱན་འཕྲུལ་ཆས་དང་ འགྲེམ་ཐོག་ཚོགས་རྒྱན་གཉིས་ར་ལས་ རྒྱན་གྲངས་མངམ་ཐོབ་སྟེ་ ཨང་གཉིས་པ་ཐོན་ཡི།

འགོ་ཐོག་བཙག་འཐུའི་ནང་ མཐར་འཁྱོལ་མ་བྱུང་རུང་ 

བཀྲིས་སྒང་རྫོང་ཁག་ནང་ ཨང་གཉིས་པ་ཐོན་མི་ 

འབྲུག་མཉམ་རུབ་ཚོགས་པའི་གཙོ་འཛིན་ རྡོ་རྗེ་ཆོས་

སྒྲོན་གྱིས་ རྐང་པ་ར་རྒེད་འོག་ མེར་མདའ་ལུ་ 

ཚོགས་རྒྱན་བཙུགས་པར་ འགྱོ་བའི་བསྒང་།

༉ འབྲུག་ཕུན་སུམ་ཚོགས་པ་ལུ་ འདེམས་ངོ་གསརཔ་༢ ཡོད་རུང་ རྒྱལ་ཡོངས་ཚོགས་འདུའི་ འགོ་ཐོག་བཙག་འཐུའི་ནང་ འདེམས་ཁོངས་༥ ལས་ འཕྲུལ་ཆས་ཚོགས་རྒྱན་དང་ འགྲེམ་ཐོག་ཚོགས་རྒྱན་བསྡོམས་༩,༩༡༩ ཐོབ་མི་དེ་ མཐོ་ཤོས་ཨིན་པས།

དེ་ཡང་ ཚོགས་པ་དེ་གིས་ ཁྲིམས་ཤིང་འདེམས་ཁོངས་ནང་མ་གཏོགས་ འདེམས་ཁོངས་གཞན་༤ ཆ་རའི་ནང་ལས་ འཕྲུལ་ཆས་ཚོགས་རྒྱན་དང་ འགྲེམ་ཐོག་ཚོགས་རྒྱན་གཉིས་ར་ལས་ རྒྱལ་ཁ་ཐོབ་ཅི།

སྤྱི་ཚོགས་༢ པའི་ འགོ་ཐོག་བཙག་འཐུའི་ ཚོགས་རྒྱན་གྱི་གྲུབ་འབྲས།

༡/༦/༢༠༡༣