 |
| ཐིམ་ཕུ་སོ་ནམ་བརྒྱ་འཁོར་ཚོང་ཁྲོམ་གདོང་ཁའི་ གཞུང་ལམ་བསྒྱུར་བཅོས་ཀྱི་བཀོད་རིས། |
འགོ་ཐོག་གི་ འཆར་གཞི་དང་འཁྲིར་བ་ཅིན་ གཞུང་ལམ་ངོ་མ་དེ་ བར་ན་ལས་ ར་བ་རྐྱབ་སྟེ་ སྣུམ་འཁོར་༣ འགྱོ་ཚུགསཔ་ བཟོ་ནི་དང་ ཝང་ཆུའི་མཐའ་མར་ སྣུམ་འཁོར་བཞག་ས་དང་ རྐང་ལམ་ཚུ་ ཅང་གླིང་མི་ཐང་དང་ བཀྲིས་ཆོས་རྫོང་ཁ་ཐུག་ལས་ སྣུམ་འཁོར་ཕར་ཚུར་འོང་མི་ཚུ་གི་དོན་ལུ་ གཉིས་སྦྲེལ་ལམ་ལུ་ བསྒྱུར་བཅོས་ནི་ཨིན་པས།
ལམ་གསུམ་པ་དེ་ སོ་ནམ་ཚོང་ཁྲོམ་ནང་ ཚོད་བསྲེ་ཉོ་བར་འགྱོ་མི་ཚུ་གི་དོན་ལུ་རྐྱངམ་གཅིག་ ལག་ལེན་འཐབ་ནི་ཨིནམ་ད་ སོ་ནམ་ཚོང་ཁྲོམ་གྱི་ འཛིན་སྐྱོང་པ་ ཚེ་རིང་རྡོ་རྗེ་གིས་འབད་བ་ཅིན་ དེ་སྦེ་ བཟོ་ནི་གི་ འཆར་གཞི་དེ་ཡང་ སོ་ནམ་བརྒྱ་འཁོར་ཚོང་ཁྲོམ་ནང་ ཉོ་ཚོང་རྐྱབ་པར་ འོང་མི་དང་ ཕྱགམ་འཕྱག་མི་ཚུ་ གཞུང་ལམ་ངོ་མ་ལས་ རྒྱུན་འགྲུལ་འཐབ་མ་དགོཔ་ བཟོ་ཐབས་ལུ་ཨིན་པས།
ཚེ་རིང་རྡོ་རྗེ་གིས་འབད་བ་ཅིན་ སོ་ནམ་ཚོང་ཁྲོམ་གྱི་གདོང་ཁའི་ གཞུང་ལམ་དེ་ ཚོང་མགྲོན་པ་དང་ ཚོད་བསྲེ་བཙོང་མི་ དེ་ལས་ ལཱ་འབད་མི་ཚུ་ ལམ་སྐེདཔ་བཏོག་སྟེ་འགྱོཝ་ད་ སྣུམ་འཁོར་གྱིས་ བརྡུང་ནི་དང་ འཐུ་བཀོ་ནི་ བསྣད་ནི་གི་ གནོད་ཉེན་སྦོམ་ཡོད་པའི་ ངོསའཛིན་བྱུང་ཡི་ཟེར་ཨིན་པའི་གནས་ཚུལ།
No comments:
Post a Comment