 |
| འབྲུག་པའི་སློབ་ཕྲུག་བུཚ་ཚུ་གིས སོག་མའི་ཐགཔ་འཁལ་ཏེ་ མཁོ་ཆས་བཟོ་བའི་བསྒང་། |
ན་གཞོན་ཚུ་གིས་ ཇ་པཱན་དང་ ལྷོ་ཨེ་ཤི་ཡའི་ལུང་ཕྱོགས་མཐུན་འབྲེལ་ཚོགས་པའི་ ཕུཊ་བཱོལ་བརྗེ་སོར་ལས་རིམ་ནང་ འབྲུག་དང་ བང་ལ་དེཤ་ དེ་ལས་ ཨཱཕ་ག་ནིསི་ཊཱན་གྱི་ ན་གཞོན་ཚུ་གིས་ ས་ཡོམ་ལས་བརྟེན་པའི་གནོད་སྐྱོན་བྱུང་མི་ སློབ་གྲྭ་ཆེ་བ་ནང་ ལྟ་སྐོར་འབད་ཡོདཔ་ཨིན་པས།
ལྷོ་ཨེ་ཤི་ཡ་ ལུང་ཕྱོགས་མཐུན་འབྲེལ་ཚོགས་པའི་ རྒྱལ་ཁབ་ཀྱི་ན་གཞོན་ཚུ་ སློབ་ཁང་ནང་སོང་ཞིནམ་ལས་ སྤྲོ་བ་ཆེ་བའི་ལས་རིམ་ དཔེ་འབད་བ་ཅིན་ ཕན་ཚུན་གྱི་བར་ན་ འབྲེལ་བ་འཐབ་ནི་ རང་གི་ཁ་སྐད་ཀྱི་སྐོར་ལས་སླབ་ནི་ ལམ་སྲོལ་དང་ རྒྱལ་ཁབ་ཀྱི་ངོ་རྟགས་ དེ་ལས་ ལྷག་པར་དུ་ཡང་ སློབ་ཕྲུག་གཞན་ཚུ་གིས་ སྤྲོ་བ་བསྐྱེད་ཚུགས་པའི་ རྒྱལ་ཡོངས་གྱོན་ཆས་ཀྱི་སྐོར་ལས་ ལས་རིམ་སྣ་ཚོགས་ཚུ་ བརྗེ་སོར་ འབད་ཡོདཔ་ཨིན་པས།
སློབ་གྲྭའི་དབུ་འཛིན་གྱིས་ སླབ་དོ་བཟུམ་འབད་བ་ཅིན་ དུས་ཡུན་ཐུང་ཀུ་ཅིག་ནང་ ན་གཞོན་ཚུ་གི་བར་ནའི་ བརྗེ་སོར་ལས་རིམ་དེ་ འབྲུག་པའི་སློབ་ཕྲུག་ཚུ་གིས་ ཁོང་རའི་ཉམས་མྱོང་ཚུ་ བརྗེ་སོར་འབད་མི་ལུ་བརྟེན་ ཁོང་གི་སྡུག་བསྔལ་ཚུ་ བསལ་ཚུགས་ཅི་ཟེར་ཨིནམ་ད་ སློབ་ཕྲུག་ཚུ་གིས་ ས་ཡོམ་ལས་བརྟེན་པའི་གནོད་སྐྱོན་དང་ ཉམས་མྱོང་ཚུ་གི་སྐོར་ལས་ ཧ་གོ་ཡོདཔ་མ་ཚད་ ཇ་པཱན་གྱི་ ཤེས་རིག་ལམ་ལུགས་སྐོར་ལས་ཡང་ ཤེས་རྟོགས་བྱུང་ཚུགས་ཅི་ཟེར་ཨིན་པས།
འབྲུག་པའི་སྡེ་ཚན་ནང་ལས་ རྩེད་འགྲན་པ་ ཟླ་བ་ཚེ་རིང་གིས་སླབ་དོ་བཟུམ་འབད་བ་ཅིན་ ཇ་པཱན་གྱི་སློབ་ཕྲུག་ཚུ་དང་གཅིག་ཁར་ ལས་རིམ་ བརྗེ་སོར་འབད་ཚུགས་མི་དེ་ གོ་སྐབས་བཟང་པོ་ཅིག་ཨིན་པས་ཟེར་ཨིན་པས།
ཡེ་ཤེས་རྡོ་རྗེ་གིས་ བཤད་དོ་བཟུམ་འབད་བ་ཅིན་ འབྲུག་པའི་སློབ་ཕྲུག་ཚུ་ དྲི་བའི་ལན་སླབ་ནི་ལུ་ ངོ་ཚ་སྡོདཔ་མས་ཟེར་ཨིནམ་ད་ ཁོ་གིས་ བརྗེ་སོར་ལས་རིམ་ལུ་བརྟེན་ ཇ་པཱན་གྱི་སློབ་ཕྲུག་ཚུ་ལས་ ཡོན་ཏན་གསརཔ་ལེ་ཤ་ཅིག་ར་ ལྷབ་ཅི་ཟེར་ དཔའ་ཉམས་དང་ དགའ་སྤྲོ་བསྐྱེདཔ་ཨིན་པས།
ཇ་པཱན་གྱི་སློབ་ཕྲུག་ཅིག་གིས་ བཤད་མིའི་ནང་ ཀི་ཟུ་ནའི་ལས་འགུལ་གྱིས་ ས་ཡོམ་ལས་བརྟེན་པའི་སྡུག་བསྔལ་ བསངས་ཐབས་ལུ་ ཆ་རོགས་འབད་མི་དེ་ལུ་ བཀའ་དྲིན་བསམ་ནི་དང་ ལྷག་པར་དུ་ཡང་ ང་བཅས་ལུ་ ཆ་རོགས་འབད་མི་ཚུ་ལུ་ བཀའ་དྲིན་བསམ་ནི་ཨིནམ་མ་ཚད་ འབྲུག་པའི་སློབ་ཕྲུག་ཚུ་དང་གཅིག་ཁར་ ཕྱད་ཚུགསཔ་ལས་ ཁ་རྗེ་བཟང་བའི་ཁར་ འབྲུག་རྒྱལ་ཁབ་དེ་ རྒྱལ་ཡོངས་དགའ་སྐྱིད་དཔལ་འཛོམས་ཐོག་ལུ་ ག་དེ་སྦེ་གནས་ནུག་ག་ བལྟ་བ་འོང་ནིའི་རེ་བ་དང་ སྨོན་ལམ་བཏབ་དོ་ཟེར་ཨིན་པས།
སློབ་གྲྭའི་བརྗེ་སོར་ལས་རིམ་གྱི་ཤུལ་ལས་ ཧི་ཏ་ཅིའོ་མི་ཡ་ཁྲོམ་སྡེ་ནང་ རྡུལ་ཕྲན་གྱིས་ གནོད་སྐྱོན་རྐྱབ་སར་ཨེ་པཱལ་གྱི་ཤིང་ཚུ་ མི་སྡེའི་ཞིང་ནང་ བཙུགས་ཡོདཔ་ཨིན་པས།
སྤྱི་ཟླ་༡༠ པའི་ ཚེས་༡༦ ལུ་ མེ་རྐྱེན་ལས་བརྟེན་པའི་ས་ཁོངས་མེདཔ་བཏང་མི་ཚུ་ རྐྱེན་ངན་བཟློག་ཐབས་སྐོར་ལས་ འགོ་དཔོན་གྱིས་ ན་གཞོན་ཚུ་ལུ་ བཤད་ཡོདཔ་ད་ མ་འོངས་པ་ལུ་ རྐྱེན་ངན་མི་འབྱུང་ནིའི་ཐབས་ལམ་ཚུ་ ག་དེ་སྦེ་བཏོན་ནི་ཨིན་ནའི་སྐོར་ལས་ ན་གཞོན་ཚུ་ལུ་ གོ་བ་བརྡ་སྤྲོད་འབད་ཡོདཔ་ད་ རྐྱེན་ངན་ཚུ་སྔོན་འགོག་འབད་ཐབས་ལུ་ མི་མང་ལུ་གསལ་བཤད་འབད་དགོཔ་ཁག་ཆེ་ཟེར་ འགོ་དཔོན་གྱིས་གསལ་བཤད་འབད་ཡོདཔ་ཨིན་པས།
དེ་བཟུམ་སྦེ་ར་ ས་གནས་ཀྱི་མི་རྒན་ཤོས་ཚུ་གིས་ ཁྱིམ་ནང་སོང་སྟེ་ བཟོ་སྐྲུན་ལཱ་གི་མཐུན་རྐྱེན་ དཔེ་འབད་བ་ཅིན་ ལག་བཟོ་ཚུ་ ག་དེ་སྦེ་བཟོཝ་ཨིན་ནའི་སྐོར་ལས་ མི་ཚུ་དང་གཅིག་ཁར་ འབྲེལ་བ་འཐབ་ཡོདཔ་མ་ཚད་ དེ་ཚུ་བཟོ་ཐངས་ཚུ་ལྷབ་ཡོདཔ་ད་ ས་ཡོམ་འོང་པའི་དུས་ཚོད་དང་ གནོད་སྐྱོན་རྐྱབ་པའི་ཤུལ་ལུ་ གནས་སྟངས་ག་ཅི་བཟུམ་སྦེ་ སྡོདཔ་ཨིན་ནའི་ས་ཁོངས་ཚུ་ནང་ ལྟ་སྐོར་འབད་ཡོདཔ་ཨིན་པས།
ན་གཞོན་ཚུ་ ཉིན་གྲངས་༢ ཀྱི་རིང་ ཨའི་བ་ར་ཀི་ལུ་སྡོད་པའི་ཤུལ་ལུ་ ཁ་ཙ་ ཊོ་ཀི་ཡོ་ལུ་ ལོག་ལྷོད་ཞིནམ་ལས་ རྒྱལ་ཁབ་ཀྱི་ ན་གཞོན་ཚུ་གིས་ ག་ཅི་ར་འབད་ཡི་ག་ དེ་གི་སྐོར་ལས་ སྙན་ཞུ་འབད་དགོཔ་ད་ སྤྱི་ཟླ་༡༠ པའི་ཚེས་༩ ལས་འགོ་བཙུགས་མི་ ལས་རིམ་དེ་ སྤྱི་ཚེས་༢༠ ལུ་ མཇུག་བསྡུ་ནི་ཨིན་པའི་གནས་ཚུལ།
རྩོམ་འབྲི་ལས་བྱེདཔ།
No comments:
Post a Comment