༢༣/༡༠/༢༠༡༢ ༉ ཁ་ཙ་ དྲོ་པ་ལས་ སྐྱེས་ལོ་༢༡ ལང་མི་ སློབ་རིམ་༡༢ པའི་སློབ་ཕྲུག་ཅིག་ འཇིགས་མེད་ཆོས་གླིང་རྒེད་འོག་ལུ་ ཁོ་རའི་ ཁྱིམ་ནང་ལས་ གར་སོང་མེད་པར་ བྱང་དཔ་ཨིན་པས།
སློབ་ཕྲུག་དེ་ ན་སྟེ་ཡོདཔ་མ་ཚད་ བརྟག་དཔྱད་ཆོས་རྒྱུགས་རྐྱབ་མ་ཚུགས་པར་ སློབ་གྲྭ་གིས་ ཀྲོང་གསར་ལུ་ ཁོ་རའི་ཁྱིམ་ནང་ བཏང་ཡོད་པའི་ཁར་ ཁོ་གི་ ཉེ་ཚན་ཚུ་གིས་ སླབ་མི་དང་འཁྲིལཝ་ད་ ཁོ་ར་ ཁྱིམ་ནང་མ་འོང་པའི་ཧེ་མར་ ཀྲོང་གསར་སྨན་ཁང་ནང་ ཉིན་གྲངས་༡༢ བཞག་ཅི་ཟེར་ཨིན་པས།
ཁོང་གི་བུ་ གར་སོང་མེད་པར་ བྱང་མིའི་སྐོར་ལས་ རྒེད་འོག་བདག་སྐྱོང་ལུ་ སྙན་ཞུ་འབད་མི་ ཕམ་ཚུ་གིས་ སླབ་མིའི་ནང་ བུཚ་དེ་གིས་ མིག་ཏོ་ཚ་ཤུགས་རྐྱབ་ནི་དང་ བྱང་ཁོག་ན་བའི་སྐོར་ འཕྲལ་འཕྲལ་ར་ ཉོགས་བཤད་བཀོད་ནི་ཡོད་ཟེར་ཨིན་པས།
བུཚ་དེ་ ཁ་ཙ་ དྲོ་པའི་ཆུ་ཚོད་༤ ལུ་ ཨ་རྟག་གི་ དུས་ཚོད་ཁར་ལོང་ཞིནམ་ལས་ ཕྱི་ཁར་དཔེ་ཆ་ལྟ་བར་སོང་སྟེ་ དུས་ཡུན་ཆུ་ཚོད་ཕྱེད་དེ་ཅིག་གི་ཤུལ་ལུ་ གར་སོང་མེད་པར་ བྱང་ད་ཡི་ཟེར་ ཕམ་ཚུ་གིས་ སླབ་ཨིན་པས།
ང་བཅས་ཀྱིས་ གཡུས་ཚན་དང་ ཉེ་ཚན་ཚུ་སྡོད་སར་ ག་ཏེ་ཡང་འཚོལ་རུང་ འཚོལ་མ་ཐོབ་པའི་ཁར་ ཀྲོང་གསར་ལུ་ ཁོ་གི་ སློབ་ཕྲུག་ཆ་རོགས་ཚུ་ལུ་ ལོ་རྒྱུས་དྲི་རུང་ ག་གིས་ཡང་ མི་ཤེས་པས་ཟེར་ ཉེ་ཚན་སྐྱེས་ལོ་༤༠ ལང་མི་ པུར་ན་པར་སཱད་ལུ་ཏེལ་གྱིས་ བཤདཔ་ཨིན་པས།
སློབ་ཕྲུག་དེ་ གར་སོང་མེད་པར་ བྱང་པའི་སྐབས་ གཟུགས་ཁར་ཇེ་ཀེཊ་ཧོནམོ་དང་ ཁ་ཀང་དོརམ་གྱོན་ཏེ་ཡོདཔ་ཨིན་པའི་གནས་ཚུལ།
No comments:
Post a Comment