རྩོམ་སྒྲིག་པའི་སྣང་འཆར།

༢/༤/༢༠༡༣   འོས་འབབ་དང་མ་ལྡན་པའི་ ཁས་བླངས་འབད་ནི་ལས་ འགན་ཁུར་ལུ་གཙོ་རིམ།
༉ ཁ་ཙ་ལས་ རྒྱལ་ཡོངས་ཚོགས་སྡེའི་ གདམ་ངོ་ཚུ་གིས་ ཁོང་གི་སྐོར་ལས་ ངོ་སྤྲོད་དང་ ཁོང་ལུ་ ག་ཅི་སྦེ་ ཚོགས་རྒྱན་བཙུགས་དགོཔ་ཨིན་ན་ ཁོང་གི་ཁ་ཐུག་ལས་ ཆ་རོགས་དང་ རྒྱབ་སྐྱོར་ག་ཅི་ར་འབད་ཚུགས་ནི་ཨིན་ན་ ལུགས་མཐུན་ཐོག་ལས་ མི་མང་ལུ་ བསྐུལ་བསྒྲགས་འབད་ནི་ འགོ་བཙུགས་ཡོདཔ་ཨིན།

གནས་ཚུལ་མདོར་བསྡུས།

༢/༤/༢༠༡༣  

རྩེད་འགྲན་འབད་བའི་བསྒང་ཡོད་མི་ ལས་ཁུངས་ཁག་གི་བར་ནའི་ ཕུཊ་བཱོལ་འགྲན་བསྡུར་གྱི་ ཀོ་ཊར་ཕའི་ནཱལ་ནང་ ཁ་ཙ་ གསོ་བའི་ལྷན་ཁག་གིས་ ཀུན་གསལ་ལས་འཛིན་སྡེ་ཚན་ལུ་ གཱོལ་༩ བཙུགས་ཏེ་ ཕམ་བཏང་བའི་སྐབས་ ཀུན་གསལ་སྡེ་ཚན་གྱིས་ གཱོལ་གཅིག་ཡང་ བཙུགས་མ་ཚུགསཔ་ཨིན། རྩེད་འགྲན་གྱི་ མཐའ་བཅད་འགྲན་བསྡུར་དེ་ སྤྱི་ཟླ་༥ པའི་ཚེས་༢ ལུ་ འགོ་འདྲེན་འཐབ་ནི་ཨིན་པའི་གནས་ཚུལ།

འཇིགས་མེད་བློ་གསལ་སློབ་གྲྭ་ཆུང་བའི་ནང་ གཞུང་ཁ་སློབ་དཔོན་ མ་ལང་པའི་དཀའ་ངལ།

༢/༤/༢༠༡༣   ༉ ཐིམ་ཕུ་ཁྲོམ་ཁར་ཡོད་མི་ འཇིགས་མེད་བློ་གསལ་སློབ་གྲྭ་ཆུང་བའི་ནང་ སློབ་རིམ་བློ་གསར་ལས་ སློབ་རིམ་༦ པ་ཚུན་ སློབ་ཕྲུག་བསྡོམས་ཀྱིས་༨༣༥ དེ་ཅིག་ཡོདཔ་ཨིན་རུང་ རྫོང་ཁག་སློབ་དཔོན་༢ ལས་བརྒལ་མེད་ནི་དེ་གིས་ སློབ་དཔོན་མ་ལང་པའི་དཀའ་ངལ་ ཐོན་ཏེ་ཡོདཔ་ཨིན་པས།

མི་རྩིས་ལེགས་ལྡན་མེད་པའི་དཀའ་ངལ་བྱུང་ཡོདཔ།

༢/༤/༢༠༡༣   ༉ ནང་སྲིད་ལྷན་ཁག་འོག་གི་ ཞི་བའི་ཐོ་བཀོད་དང་མི་རྩིས་ལས་ཁུངས་ཀྱིས་ གཞལམ་སྒང་རྫོང་ཁག་ ཝམ་གླིང་གཡུས་ཚན་གྱི་ ཁྱིམ་གུང་པ་གཅིག་ནང་ མི་ངོམ་༣ ཐེབས་བཙུགས་ཡོདཔ་སྦེ་ ཉོགས་བཤད་བཀོད་ཡོད་མི་དེ་གུ་ ཞིབ་དཔྱད་ཚུ་ མཐིལ་ཕྱིན་ འབད་ཚུགས་ནིའི་དོན་ལུ་ ཉམས་མྱོང་དང་ སྦྱང་བ་ཡོད་མི་ མི་རྩིས་འགོ་དཔོན་ཅིག་ བཏང་ཡོདཔ་ཨིན་པས།

ས་སྒའི་ཚོང་ལམ་ ལེགས་ཤོམ་འཐབ་ཚུགས་མི་ལུ་ སེམས་དགའ་ཡོདཔ།

༢/༤/༢༠༡༣   ༉ དར་དཀར་ནང་རྫོང་ཁག་ བཀྲ་ཤིས་སྡིངས་རྒེད་འོག་གི་ མི་སེར་སོ་ནམ་པ་ཚུ་གིས་ དགེ་ལེགས་ཕུག་ལུ་སྦེ་ འདས་པའི་བདུན་མཐའ་ནང་ ས་སྒའི་གོང་ཚད་རིན་བསྡུར་ནང་ འགོ་དང་པ་ བཅའ་མར་གཏོགས་པའི་སྐབས་ གོང་ཚད་ལེགས་ཤོམ་ ཐོབ་ནི་དེ་གིས་ སེམས་དགའ་སྟེ་ ཡོདཔ་ཨིན་པས།

དར་དཀར་ནང་ལས་ ཐོན་སྐྱེད་འབད་མི་ས་སྒ།

རྩི་རང་གི་ རྒྱལ་ཡོངས་ཚོགས་སྡེའི་ གདམ་ངོ་ཅིག་གིས་ རྒྱབ་བཤུད་རྐྱབ་ཡོདཔ།

༢/༤/༢༠༡༣༉  རྩི་རང་རྫོང་ཁག་གི་ རྒྱལ་ཡོངས་ཚོགས་སྡེའི་ བཙག་འཐུའི་དོན་ལུ་ འཛོམས་འདུ་ཚུ་ནང་ལས་ གདམ་ངོ་སྦེ་ བཏོན་མི་ཚུ་གི་གྲས་ལས་ ཨམ་སྲུ་ཅིག་གིས་ གདམ་ངོ་ལས་ ཕྱིར་བཏོན་འབད་མི་དང་འཁྲིལ་ སྤྱི་ཟླ་༤ པའི་ཚེས་༢༣ ལུ་ མཐའ་བཅད་ཀྱི་བཙག་འཐུ་ནང་ བཅའ་མར་གཏོགས་མི་ ལོག་སྟེ་ར་ འདེམས་ངོ་༦ ལུ་ ལྷོད་ཡོདཔ་ཨིན་པས།

ཧཱ་ལུ་ ས་ཁྲམ་འཆང་མི་༣,༡༧༣ ལུ་ སའི་སྐྱིད་སྡུག་གནང་ཡོདཔ།

༡/༤/༢༠༡༣   དེ་དང་གཅིག་ཁར་ མི་དབང་མཆོག་གིས་ མི་སེར་ཚུ་ལུ་ བཙག་འཐུའི་བྱ་རིམ་ཚུ་ནང་ བཅའ་མར་གཏོགས་དགོ་པའི་ བཀའ་བསྐུལ་གནང་ནུག།
༉ སྤྱི་ཟླ་༣ པའི་ཚེས་༣༠ ལུ་ མི་དབང་མངའ་བདག་རིན་པོ་ཆེ་མཆོག་གིས་ ཧཱ་རྫོང་ཁག་དང་ ཁྲོམ་སྡེ་ནང་ ས་ཁྲམ་འཆང་མི་༣,༡༧༣ ལུ་ ས་ཆའི་སྐྱིད་སྡུག་གནང་ཡོད་མི་དེ་ཡང་ རྒྱལ་ཡོངས་ས་ཆ་བསྐྱར་འཇལ་ལས་རིམ་མཇུག་བསྡུ་བའི་ཤུལ་ལས་ གནད་དོན་དེ་ཚུ་ མི་དབང་མཆོག་ལུ་ ཕུལ་མི་དང་འཁྲིལ་ཨིན་པས། 

མི་དབང་མངའ་བདག་རིན་པོ་ཆེ་མཆོག་གིས་ མི་སེར་ཚུ་དང་ ཞལ་འདྲིས་གནང་པའི་བསྒང་།

འབྲུག་དང་ བང་ལ་དེཤི་གི་བར་ན་ ཟུང་ཕྱོགས་གྲོས་སྟོན་འགོ་དང་པ་ འགོ་འདྲེན་འཐབ་ནི།

༡/༤/༢༠༡༣   ༉ འབྲུག་གཞུང་དང་ བང་ལ་དེཤི་གི་བར་ན་ ཟུང་ཕྱོགས་གྲོས་སྟོན་འགོ་དང་པ་དེ་ དུས་ཅི་ སྤྱི་ཟླ་༤ པའི་ཚེས་༢ ལུ་ བང་ལ་དེཤི་གི་རྒྱལ་ས་ ཌ་ཀ་ལུ་སྦེ་ འགོ་འདྲེན་འཐབ་ནི་ཨིན་པས།

སེམས་མཐུན་ཆ་རོགས་ཀྱིས་ རྒྱལ་རྟགས་ཀྱི་གསོལ་རས་ དངུལ་ཀྲམ་༩༠,༠༠༠ ཐོབ་ཡོདཔ།

༡/༤/༢༠༡༣    ༉ ཐིམ་ཕུ་གཟི་ལུང་ཁ་ལུ་སྦེ་ འགོ་འདྲེན་འཐབ་མི་ གཡང་འཕེལ་ལམ་ལུགས་ཀྱི་ མདའ་རྩེད་ཀྱི་ མཐའ་བཅད་འགྲན་བསྡུར་ནང་ ཁ་ཙ་ སེམས་མཐུན་ཆ་རོགས་སྡེ་ཚན་གྱིས་ སྐུགས་༢ ཆོད་དེ་ ཨང་དང་པ་ཐོན་ཡི།

གཟོང་གིས་གསོབ་བྱིན་མི་ ན་གཞོན་ཅིག་ འཛིན་བཟུང་འབད་ཡོདཔ།

༡/༤/༢༠༡༣   ༉ ཐིམ་ཕུ་ཁྲིམས་སྲུང་འགག་པ་གིས་ སྐྱེས་ལོ་༢༢ ལང་མི་ ཕོ་སྐྱེས་ཅིག་གིས་ འཕྲལ་ཁམས་ཅིག་ཁར་ ཁོ་རའི་ ངོ་ཤེས་མི་ ཆ་རོགས་ཅིག་ལུ་ གཟོང་གིས་གསོབ་བྱིན་མི་ལུ་བརྟེན་ ད་ལྟོ་ དོ་དམ་འོག་ལུ་ བཙུགས་ཡོདཔ་ཨིན་པས།

གཞལམ་སྒང་ལས་ ཚོགས་སྡེའི་གདམ་ངོ་ ཕོ་སྐྱེས་༣ དང་ ཨམ་སྲུ་༢ ཐོན་ཡོདཔ།

༡/༤/༢༠༡༣   ༉ གཞལམ་སྒང་རྫོང་ཁག་གི་ རྒེད་འོག་༨ ནང་ བཙག་འཐུའི་འཛོམས་འདུ་ཚུ་ མཇུག་བསྡུ་ཡོདཔ་ཨིན་པས།
རྒྱལ་ཡོངས་ཚོགས་སྡེའི་ བཙག་འཐུ་ནང་ བཅའ་མར་གཏོགས་མི་ གདམ་ངོ་༥ ཐོན་ཡོདཔ་བཞིན་དུ་ ད་རིས་ ངོས་ལེན་འགོ་དཔོན་དང་ རྫོང་ཁག་བཙག་འཐུའི་འགོ་དཔོན་ཚུ་གིས་ གདམ་ངོ་༥ དང་འཕྱད་དེ་ བཙག་འཐུ་ནང་ བཅའ་མར་གཏོགས་ནིའི་དོན་ལུ་ མཐའ་བཅད་བཟོ་ནི་ཨིན་པས།

Add caption

འཁོར་ལམ་བྱང་ཉེས་ལུ་བརྟེན་ སློབ་ཕྲུག་ཚུ་ལུ་ འཕྲོད་བརྟེན་གྱི་དཀའ་ངལ།

༡/༤/༢༠༡༣   ༉ ཕུན་ཚོགས་གླིང་ ལུང་ཕྱོགས་འོང་འབབ་དང་ཅ་དམ་ཡིག་ཚང་གི་ ལྗིད་ཚད་བརྟག་དཔྱད་ཞབས་ཏོག་གི་ ཟམ་གྱི་སྦོ་ལོགས་ཁའི་འཁོར་ལམ་ཚུ་ གནས་སྟངས་སྐྱོ་དྲགས་ཐལ་སོང་མི་ལུ་བརྟེན་ ཐལཝ་ཐོན་ཏེ་ ཉེ་འདབས་ལུ་ཡོད་མི་ ཕུན་ཚོགས་གླིང་འབྲིང་རིམ་སློབ་གྲྭ་བར་མའི་ སློབ་ཕྲུག་ཚུ་ལུ་ དཀའ་ངལ་བྱུངམ་ཨིན་པས།

ཐལཝ་ཐོན་མིའི་འཁོར་ལམ་ལས་ སློབ་ཕྲུག་ཚུ་འགྱོ་བའི་བསྒང་།

གླིང་མི་ཐང་ལུ་ འཐུང་ཆུ་མ་ལང་པའི་ དཀའ་ངལ་ཐོན་དོ་ཡོདཔ།

༡/༤/༢༠༡༣   ༉ གླིང་མི་ཐང་ཁྲོམ་གྱི་ཚོགས་པ་ དཔལ་བཟང་གིས་ ཞྭམོ་ཅིག་དང་ ཆུ་ལྷམ་ཅིག་བཙུགས་ ལག་པར་ཏོག་ཙེ་དང་ གྱིབ་ཀྱི་ཐག་ལེབ་འབག་སྟེ་ ཚལ་མ་ནང་བལྟ་སྟེ་ འགྱོ་མི་དེ་གིས་ ཁྲོམ་གྱི་ཚོང་པ་ཚུ་ལུ་ རེ་བ་སྦོམ་ཅིག་ བསྐྱེད་བཅུག་དོ་ཡོདཔ་ཨིན་པས།

གླིང་མི་ཐང་།

སྤྱང་ཁྱི་ཚུ་གིས་སོ་བཏབ་མི་ ཕོ་སྐྱེས་ཅིག་ སྨན་བཅོས་འབད་བའི་བསྒང་ཡོདཔ།

༡/༤/༢༠༡༣   ༉ སྤྱི་ཟླ་༣ པའི་ཚེས་༢༨ ལུ་ ཧཱ་ཚ་འཕེལ་གཡུས་ཚན་ནང་ བཟོ་བོ་གི་ལཱ་འབད་སྡོད་མི་ སྐྱེས་ལོ་༦༨ ལང་མི་ བྲེ་སྲང་དེ་ ཁོ་རའི་ནོར་ཚུ་ ལྟ་བར་འགྱོ་བའི་ལམ་ཁར་ སྤྱང་ཁྱི་སྡེ་ཚན་ཅིག་གིས་ སོ་བཏབ་སྟེ་ རྨ་ལེ་ཤ་བཏོན་ཡོདཔ་ཨིན་པས།

རྩོམ་སྒྲིག་པའི་སྣང་འཆར།

༡/༤/༢༠༡༣   དམངས་གཙོའི་གཞུང་སྒྲིང་སྒྲིང་བཟོ་ནིའི་དོན་ལུ་ ལྕོགས་གྲུབ་ཅན་གྱི་འདེམས་ངོ་དགོཔ།
༉ ད་རེས་ནངས་པ་ མཐའ་ཟུར་གཡུས་ཚན་ཅིག་ལས་ འགོ་བཟུང་སྟེ་ ཁྲོམ་སྡེའི་ས་ཁོངས་ཚུ་ནང་ མི་ཚུ་གིས་ སྲིད་དོན་ཚོགས་པ་ ལེ་ཤ་ཐོན་པའི་སྐོར་ལས་ ལོ་རྒྱུས་འདྲ་མིན་སྣ་ཚོགས་སླབ་སར་ གོཝ་ཨིན་མས།

ཕག་གི་བརྡུངས་གཡུས་ཚན་གྱི་རྒྱབ་ཁུངས།

༡/༤/༢༠༡༣   ༉ ལྷུན་རྩེ་ སྟག་མོ་ཆུ་གཡུས་ཚན་ནང་མ་ལྷོདཔ་ཅིག་ཁར་ འཁོར་ལམ་གྱི་ལྟག་ལུ་ རང་ལུགས་ཀྱི་བཟོ་བཀོད་ཐོག་ལས་ ཁྱིམ་ཚུ་སྤུངས་ཏེ་ཡོད་མི་དེ་གི་མིང་གནས་ལུ་ ཡོངས་གྲགས་ལུ་ ཕག་གི་བརྡུངས་ཟེར་གཡུས་ཚན་ཟེར་ དར་ཁྱབ་སོང་སྟེ་ཡོདཔ་ཨིན་པས།

རྡོ་རྗེ་ཕག་མོ་གིས་བཏོན་མི་གྲུབ་ཆུ།

གངས་གཟིག་བཟའ་ཚང་ཅིག་གི་ པར་བཏབ་ཡོདཔ།

༡/༤/༢༠༡༣   ༉ གླིང་བཞི་དང་ ལ་ཡ་བར་ནའི་ས་གནས་ ཚྭ་རི་རྒྱ་ཐང་ནང་ གཡག་འཚོ་སྡོད་མི་ དབང་ཕྱུག་གིས་ གསང་བའི་འཕྲུལ་ཆས་ཅིག་ བཙུགས་བཞག་མིའི་ནང་ གངས་གཟིག་༣ ཚུད་ཡོད་མི་ལུ་བལྟ་བ་ཅིན་ ས་གནས་ནང་ གངས་གཟིག་ཚུ་ ཕྱུག་གུ་འཚའ་སྟེ་ སྡོད་དོ་ཡོད་པའི་ བརྡ་མཚོན་བཏོནམ་ཨིན་པས།

པར་ཆས་ནང་ཚུད་མི་ གངས་གཟིག་བཟའ་ཚང་ཚུ།