བློན་ཆེན་འཇིགས་མེད་འོད་ཟེར་འཕྲིན་ལས་མཆོག་གིས་ མོང་སྒར་དང་ པདྨ་དགའ་ཚལ་ གསར་སྤང་རྫོང་ཁག་ཚུ་ནང་ ལོ་༥ འི་འཆར་གཞི་༡༠ པའི་ གོང་འཕེལ་ལས་རིམ་དང་ འཁོར་ལམ་ཡོངས་འབྲེལ་ དམིགས་བསལ་དུ་ གློག་མེའི་མཐུད་སྦྲེལ་སྐོར་ལས་ བརྟག་ཞིབ་འབད་ནིའི་དོན་ལུ་ ཉིན་གྲངས་༨ ཀྱི་རིང་ གཟིགས་སྐོར་གནང་པའི་ཤུལ་ལས་ ཁ་ཙ་ ཐིམ་ཕུ་ལུ་ ལོག་ཕེབས་ཡོདཔ་ཨིན་པས། བློན་ཆེན་མཆོག་དང་གཅིག་ཁར་བྱོན་མི་ སྤྱི་ཚོགས་ཀྱི་འཐུས་མི་དང་ གཞུང་གི་འགོ་དཔོན་ཚུ་གིས་ བུམ་ཐང་ལུ་ བྱ་དཀར་དང་ཨུ་ར་ མོང་སྒར་རྫོང་ཁག་འོག་ལུ་ འབྲོག་ས་དང་ སི་ལམ་སྦིས་ ན་སྒོར་ ཝེ་རིང་ལ་ དྭགས་ས་ ཡང་སྦ་རི་ པདྨ་དགའ་ཚལ་ལུ་ ངང་ལམ་དང་ བདེ་ཆེན་གླིང་ ཆོས་འཁོར་གླིང་ གསར་སྤང་རྫོང་ཁག་ནང་ མ་འོན་གའུན་དང་ དོ་བཱན་ཚུ་ནང་ གཟིགས་སྐོར་གནང་ཡོདཔ་ཨིན་པས། གཟིགས་སྐོར་སྐབས་ བློན་ཆེན་མཆོག་གིས་ གཡུས་མི་དང་ རྫོང་ཁག་ཚོགས་འདུ་ རྒེད་འོག་ཚོགས་འདུའི་ འཐུས་མི་ཚུ་དང་ རྫོང་ཁག་གི་འགོ་དཔོན་ སློབ་གྲྭའི་སློབ་དཔོན་དང་སློབ་ཕྲུག་ དེ་ལས་ ཚོང་པ་ཚུ་དང་གཅིག་ཁར་ མཇལ་ཕྲད་གནང་ཡོད་པའི་གནས་ཚུལ། |
No comments:
Post a Comment