 |
| བོད་པ་ལ་ཐང་ནང་ ཐོགས་ལུས་མི་ བྷུ་ཊཱན་ཨེ་ཡར་ལེན་ལས་སྡེའི་གནམ་གྲུ། |
དམིག་དམར་ སྤྱི་ཟླ་༤ པའི་ཚེས༢། ༉ འབྲུག་གི་སྒེར་སྡེའི་ནང་འཁོད་འཕུར་འགྲུལ་ བྷུ་ཊཱན་ཨེ་ཡར་ལེན་གྱི་ སྡོད་ཁྲི་༨ འབད་མི་ གནམ་གྲུ་དེ་ རེས་གཟའ་ཉི་མ་ལུ་ སྤ་རོ་ལས་ བུམ་ཐང་ལུ་ འཕུར་འགྲུལ་འབད་བའི་ཤུལ་ལུ་ བོད་པ་ལ་ཐང་ ནང་འཁོད་གནམ་ཐང་ནང་ ཐོགས་ལུས་ཡོདཔ་ཨིན་པས།
དེ་ཡང་ བཀྲིས་གནམ་གྲུ་དེ་གི་ འཁོར་ལོ་༡ རྦད་འགྱོ་འགྱོཝ་དང་ ཡང་ཅིན་ རླུང་མ་ཐོན་སོང་མི་ལུ་བརྟེན་ འཕུར་འགྲུལ་འབད་མ་ཚུགས་པར་ ལུས་ཡོདཔ་འོང་བཟུམ་ཅིག་འདུག་ཟེར་ཨིནམ་ད་ ད་ལྟོ་ འཕུར་འགྲུལ་འབད་མ་ཚུགས་པར་ ལུས་མིའི་གནད་དོན་ཅིག་ གྱིབ་འཁོར་དེ་ སྤ་རོ་གནམ་ཐང་ལས་ བུམ་ཐང་ལུ་ སྐྱེལ་འདྲེན་འབད་དགོ་ནི་དེ་གིས་ཨིན་རུང་ ད་རིས་ཉིན་མར་ འཕུར་འགྲུལ་ལོག་འགོ་བཙུགས་ཚུགས་པའི་ རེ་བ་ཡོདཔ་ཨིན་པས།
བྷུ་ཊཱན་ཨེ་ཡར་ལེན་ལས་སྡེ་གིས་ བྱུང་རྐྱེན་དེ་ ག་དེ་སྦེ་ བྱུང་ཡོདཔ་ཨིན་ན་ ཁ་གསལ་བཀོད་དེ་ ད་རེས་ ཞི་བའི་མཁའ་འགྲུལ་ལས་ཁུངས་ལུ་ སྙན་ཞུ་འབད་ནི་ཨིན་པས།
གནམ་གྲུའི་གྱིབ་འཁོར་དེ་ བོད་པ་ལ་ཐང་ནང་འཁོད་གནམ་ཐང་ནང་ ཆགས་པའི་སྐབས་ དངོས་པོ་ཅིག་ལུ་ ཕོག་ནི་དེ་གིས་ རྦད་ཡར་སོཔ་ཨིན་ན་ ཡང་ཅིན་ ཕྱི་རྒྱལ་གྱི་ དངོས་པོ་ཅིག་ལུ་བརྟེན་ རླུང་མ་ཐོན་སོཔ་ཨིན་ན་ ཡང་ཅིན་ གྱིབ་འཁོར་བཙུགས་སའི་ནང་ དཀའ་ངལ་ཡོད་མི་ལུ་བརྟེན་ཨིན་ན་ ཀུན་གསལ་གྱིས་ ཏན་ཏན་སྦེ་ ཤེས་རྟོགས་བྱུང་མ་ཚུགས།
ཞི་བའི་མཁའ་འགྲུལ་ལས་ཁུངས་ཀྱི་ འཕུར་འགྲུལ་ཉེན་སྲུང་ལྟ་རྟོག་གཙོ་འཛིན་འོག་མ་ བརཔ་སྟོབས་རྒྱས་ཀྱིས་ སླབ་མིའི་ནང་ ཁོང་གིས་ བྱུང་རྐྱེན་སྙན་ཞུ་ཐོབ་ཞིནམ་ལས་ ག་དེ་སྦེ་ བྱུང་བྱུངམ་ཨིན་ན་ བརྟག་ཞིབ་འབད་འོང་ཟེར་ཨིན་པས།
ཁོ་གིས་ སླབ་མིའི་ནང་ སྤ་རོའི་གནམ་ཐང་ནང་འབད་བ་ཅིན་ དྲོ་པ་ཨ་རྟག་ར་ ཞིབ་དཔྱད་རྐྱབ་ནི་ཡོད་རུང་ རེས་གཟའ་ཉི་མ་ལུ་ བོད་པ་ལ་ཐང་ནང་ ཞིབ་དཔྱད་འབད་མ་འབད་ ཁོ་ལུ་ ཤེས་རྟོགས་མ་བྱུང་ཟེར་ཨིན་པས།
གནམ་གྲུའི་གྱིབ་འཁོར་ལུ་ སྐྱོན་ཞུགས་པའི་སྐབས་ གནམ་གྲུའི་འཐུས་མི་ཚུ་མ་གཏོགས་ མཁའ་འགྲུལ་པ་ཕུད་རྡོག་གཅིག་ཡང་མེད་མི་དེ་ཡང་ དེ་བསྒང་ སྦྱོང་བརྡར་གྱི་དོན་ལུ་ འཕུར་འགྲུལ་འབད་བའི་བསྒང་ཨིན་པའི་གནས་ཚུལ།
No comments:
Post a Comment