 |
| ཨེ་མི་རི་ཀ་ ནིའུ་ཡོག་ལུ་ འབྲུག་མི་སྤྱི་མཐུན་ཚོགས་པ་གིས་ སྤྱི་ཟླ་༩ པའི་ཚེས་༣༠ ལུ་ ནིའུ་ཡོག་ལུ་སྡོད་མི་ འབྲུག་པའི་མི་སྡེ་ཚུ་དང་གཅིག་ཁར་སྦེ་ བློན་ཆེན་འཇིགས་མེད་འོད་ཟེར་འཕྲིན་ལས་མཆོག་དང་ གཞུང་གི་འཐུས་མི་ཚུ་ལུ་ ཕྱི་རུའི་ཚོགས་སྟོན་ཅིག་ འགོ་འདྲེན་འཐབ་ཡོདཔ་ཨིན་པས། ཚོགས་སྟོན་སྐབས་ལུ་ ཚོགས་པའི་གཙོ་འཛིན་ བློ་གྲོས་རྒྱལ་མཚན་གྱིས་ སྤྱི་ལོ་༢༠༡༢ ཟླ་༡ པའི་ཚེས་༡༤ ལུ་ གཞི་བཙུགས་འབད་མི་ འབྲུག་མི་སྤྱི་མཐུན་ཚོགས་པའི་ དམིགས་ཡུལ་དང་ དགོས་པ་ཚུ་གི་སྐོར་ལས་ གསལ་བཤད་འབད་ཡོདཔ་ཨིན་པས།དེ་ལས་ གཙོ་འཛིན་གྱིས་ བློན་ཆེན་མཆོག་ལུ་ དབང་འདུས་ཕོ་བྲང་རྫོང་ བསྐྱར་བཞེངས་དོན་ལས་ ནིའུ་ཡོག་ལུ་སྡོད་མི་ འབྲུག་པའི་མི་སྡེ་ཚུ་གིས་ ཞལ་འདེབས་ཕུལ་མི་ ཡུ་ཨེསི་ཌོ་ལར་༥,༢༠༠ འབད་མི་དེ་ཡང་ ཕུལ་ཡོདཔ་ཨིན་པས།ནིའུ་ཡོག་ལུ་སྡོད་མི་ འབྲུག་པའི་མི་སྡེ་ཚུ་གིས་ ཧེ་མ་ཡང་ དབང་རྫོང་བསྐྱར་བཞེངས་ཀྱི་དོན་ལུ་ ཞལ་འདེབས་ཡུ་ཨེསི་ཌོ་ལར་༡༤,༦༥༠ ཕུལ་ཡོདཔ་ཨིན་པའི་གནས་ཚུལ། |
གནས་ཚུལ་མདོར་བསྡུས།
༣/༡༠/༢༠༡༢
Subscribe to:
Post Comments (Atom)
No comments:
Post a Comment