གནས་ཚུལ་མདོར་བསྡུས།

༣༡/༡/༢༠༡༣

ཁ་ཙ་ ཐིམ་ཕུ་ལྷན་འཛོམས་ལྟེ་བ་ནང་སྦེ་ གོང་འཕེལ་མཚོན་དཔེ་གསརཔ་གི་ གནད་དོན་ཐོག་ལུ་ རྒྱལ་སྤྱི་མཁས་མཆོག་ལས་བྱེད་སྡེ་ཚན་གྱི་ ཞལ་འཛོམས་ཐེངས་༡ པ་ འགོ་བཙུགས་ཡོདཔ་བཞིན་དུ་ ཉིན་གྲངས་༤ འབད་མི་ ཞལ་འཛོམས་དེ་ སྤྱི་ཟླ་༢ པའི་ཚེས་༢ ལུ་ མཇུག་བསྡུ་ནི་ཨིན་པའི་གནས་ཚུལ།

སློབ་རིམ་༡༢ པའི་ ཆོས་རྒྱུགས་ཀྱི་ གྲུབ་འབྲས་གསལ་སྟོན།

༣༡/༡/༢༠༡༣   ༉ ཤེས་རིག་ལྷན་ཁག་འོག་གི་ སློབ་གྲྭའི་ཆོས་རྒྱུགས་དང་བརྟག་ཞིབ་བཀོད་ཚོགས་ཀྱིས་ སྤྱི་ལོ་༢༠༡༢ ལོའི་ སློབ་རིམ་༡༢ པའི་ ཆོས་རྒྱུགས་གྲུབ་འབྲས་དེ་ ཁ་ཙ་ གསལ་སྟོན་འབད་ཡོདཔ་བཞིན་དུ་ ཨང་༡ པ་དང་༢ པ་གཉིས་ཆ་ར་ སྤུ་ན་ཁ་ ཨོ་རྒྱན་རིག་པའི་འབྱུང་གནས་སློབ་གྲྭ་ནང་ལས་ ཐོན་ཡོདཔ་ཨིན་པས།

ཉེས་འཛུགས་འབད་མི་དང་བསྟུན་ ཁུངས་བཀལ་དགོ་པའི་ཞུ་བ།

༣༡/༡/༢༠༡༣   ༉ རྒྱལ་པོའི་ཞིང་གི་ ས་ཆ་བགོ་བཀྲམ་དང་འབྲེལ་བའི་ རྩོད་དོན་ནང་ ཉེས་རྩོད་ཀྱི་ ཉེས་འཛུགས་འབད་མི་ ནང་སྲིད་བློན་པོ་ མི་འགྱུར་རྡོ་རྗེ་གི་ བརྒལ་ལན་སྙན་གསན་ཐེངས་༣ པ་དེ་ མོང་སྒར་རྫོང་ཁག་གི་ ཁྲིམས་འདུན་ནང་ ཁ་ཙ་མཛད་གནང་ཡི།

གནས་ཚུལ་མདོར་བསྡུས།

༣༡/༡/༢༠༡༣  

སྤྱི་ཟླ་༡ པའི་ཚེས་༢༩ ལུ་ ཝང་ཐང་སྤྲུལ་སྐུ་ དགེ་ལེགས་དཔལ་བཟང་གིས་ མོང་སྒར་ཆ་གླིང་ལུ་སྦེ་ གྲུབ་ཐོབ་ཐང་སྟོང་རྒྱལ་པོའི་ དབང་གནང་པའི་སྐབས་ དད་ཅན་བརྒྱ་ཕྲག་ལས་བཅད་དེ་ འཛོམས་ཡོད་པའི་གནས་ཚུལ།

ཁྲོམ་གསར་པའི་ས་ཁོངས་ ངོས་འཛིན་མ་འབད་ཚུན་ ད་ལྟོའི་ ས་ཁོངས་ནང་ར་ སྡོད་ནི་གི་རེ་བ།

༣༡/༡/༢༠༡༣   རྡོ་རོ་ཁ་ཁྲོམ་གསར་པའི་ས་ཁོངས་ ངོས་འཛིན་མ་འབད་ཚུན་ ད་ལྟོ་ཡོད་མི་ ཚོང་ཁང་ཚུ་ བརྡལ་བཤིག་གཏང་དགོཔ་སྦེ་ མི་སླབ་ཟེར་ དྲུང་པ་ཀུན་བཟང་འཕྲིན་ལས་ཀྱིས་ སླབ་ཨིན་པས།
༉ ད་རེས་ཆགས་ཏེ་ཡོད་མི་ རྡོ་རོ་ཁ་ཁྲོམ་དེ་ རྡོ་རོ་ཁ་སློབ་གྲྭའི་ས་ཁོངས་ནང་ ཚུད་མི་ལུ་བརྟེན་ ཚོང་ཁང་ཚུ་ སྤོ་བཤུད་འབད་དགོཔ་སྦེ་སླབ་སྟེ་ ལོ་༢ ལྷག་ཡོདཔ་ཨིན་པས།

ད་ལྟོ་ཡོད་མི་ རྡོ་རོ་ཁ་ཁྲོམ།

འབྲུག་གི་ལྟ་བཤལ་དཔྱད་ཡིག་ ཆ་འཇོག་འགྲུབ་ནིའི་དོན་ལུ་ གྲ་སྒྲིག་ཡོདཔ།

༣༡/༡/༢༠༡༣  ༉ འབྲུག་གི་ལྟ་བཤལ་དཔྱད་ཡིག་དེ་ ཤུལ་མའི་ གཞུང་འཚོགས་ཞིནམ་ལས་ ཆ་འཇོག་འགྲུབ་ནིའི་དོན་ལུ་ སྤྱི་ཚོགས་འཚོགས་པའི་སྐབས་ གྲོས་བསྡུར་འབད་ནི་ཨིན་པས།
འབྲུག་ལྟ་བཤལ་ཚོགས་སྡེའི་ མདོ་ཆེན་ངོ་ཚབ་ ཀུན་ལེགས་དབང་འདུས་ཀྱིས་ བཤད་མི་དང་འཁྲིལ་བ་ཅིན་ དཔྱད་ཡིག་གི་ ཟིན་བྲིས་བཀོད་ནི་ལུ་ དུས་ཚོད་འགོར་མི་དེ་ཡང་ གྲོས་བསྡུར་ཚུ་ མཐིལ་ཕྱིན་འབད་དགོཔ་བྱུང་བའི་ཁར་ འཕྲལ་འཕྲལ་སྦེ་ར་ བསྒྱུར་བཅོས་ཚུ་འབདཝ་མ་ཚད་ འབྲེལ་བ་ཡོད་མི་ལས་སྡེ་ ལེ་ཤ་ཡོད་ནི་དེ་གིས་ ཨིན་ཟེར་ཨིན་པས།

གནས་ཚུལ་མདོར་བསྡུས།

༣༡/༡/༢༠༡༣

ལས་གཡོག་ལྷན་ཁག་གིས་ ཐའི་ལེནཌི་གི་ ལས་གཡོག་ལྷན་ཁག་འོག་གི་ རིག་རྩལ་གོང་འཕེལ་ལས་ཁུངས་དང་གཅིག་ཁར་ མཉམ་འབྲེལ་ཐོག་ལས་ ཐའི་ལེནཌི་གི་ས་གནས་ ཅེང་རའེ་ལུ་སྦེ་ ཅེང་སིན་རྒྱལ་སྤྱི་རིག་རྩལ་གོང་འཕེལ་ལྟེ་བའི་ནང་ ཟླཝ་༢ འབད་མི་ ཟོང་ཆའི་རིག་རྩལ་དང་བཀོད་རིས་ཀྱི་ སྦྱོང་བརྡར་འབད་བའི་བསྒང་ཡོད་མི་དེ་ སྤྱི་ཟླ་༡ པའི་ཚེས་༡༧ ལུ་ འགོ་བཙུགས་ཡོདཔ་ཨིན་པས།
སྦྱོང་བརྡར་ལས་རིམ་དེ་ནང་ འབྲུག་པའི་ཨམ་སྲུ་༢༠ གིས་ བཅའ་མར་གཏོགས་པའི་བསྒང་ཡོད་མིའི་གྲངས་སུ་ མང་ཤོས་ར་ ཐགས་མཁནམ་དང་ ཚེམ་རྐྱབ་མི་ དེ་ལས་ བཟོ་བཀོདཔ་ཚུ་ ཨིན་པའི་གནས་ཚུལ།

 

ཚར་བཟོའི་འགྲེམས་སྟོན་ལས་རིམ་གྱིས་ གཡུས་མི་ཚུ་ལུ་ཕན་ཁྱད་འབྱུང་ནི།

༣༡/༡/༢༠༡༣   ༉ སྐྱེས་ལོ་༧༦ ལང་མི་ ཁའུ་རྒྱས་ཀྱིས་ ལོ་ན་ཆུང་ཀུའི་བསྒང་ལས་ ཁོ་རའི་གཡུས་ཁར་ ནོར་འཚོ་སྟེ་ ནོར་རྫིཔ་ཆ་རོགས་ཚུ་དང་གཅིག་ཁར་སྡོདཔ་ད་ སྤ་ཚར་དང་ ཚར་བཟོ་གི་ལཱ་ནང་ སྤྲོ་བ་སྦོམ་ལེན་ཡོད་རུང་ གཡུས་ཚན་དེ་ནང་ ཚར་གྱི་ལཱ་འབད་ནི་ལུ་ སྤྲོ་བ་བསྐྱེད་མི་མེདཔ་ལས་ ལོ་ངོ་བཅུ་ཕྲག་དག་པ་ཅིག་ དེ་སྦེ་ར་ ལུས་ཡོདཔ་ཨིན་པས།

གསོ་བའི་འགྲུལ་སྐྱོད་སྡེ་ཕྲན་གྱིས་ མཐའ་ཟུར་གྱི་ མི་སེར་ཚུ་ལུ་ཕན་ཁྱད།

༣༡/༡/༢༠༡༣   ༉ གུ་རམ་གྱི་ ནད་གཞི་ཐོབ་མི་ སྐྱེས་ལོ་༡༥ ལང་མི་ ཧེམ་ ཀ་མཱལ་གྱིས་ སླབ་མིའི་ནང་ གླ་འཐུས་སྤྲོད་མ་དགོཔ་སྦེ་ ཐིམ་ཕུ་ལས་ ཌོག་ཊར་མཁས་མཆོག་སྡེ་ཚན་ཅིག་ གཡུས་ཚན་ནང་ ནད་བརྟག་འབད་བར་འོང་ནི་གི་ ལོ་རྒྱུས་གོ་བའི་ཤུལ་ལས་ སྤྱི་ཟླ་༡ པའི་ཚེས་༢༩ ལུ་ བསམ་རྩེ་ རྡོ་རོ་ཁ་དྲུང་ཁག་ནང་ མོ་རའི་ གུ་རམ་ནད་གཞི་གི་གནས་སྟངས་ བརྟག་དཔྱད་འབད་བར་ སོང་ཡི་ཟེར་ཨིན་པས།

སྐྱིད་སྡུག་གི་ གསོ་བའི་ཞབས་ཏོག་སྤྱོད་ནིའི་དོན་ལུ་ གྱལ་བཙར་སྡོད་མི་ རྡོ་རོ་ཁ་དྲུང་ཁག་གི་ གཡུས་མི་ཚུ།

རྒྱ་འབྲུག་གི་ ས་མཚམས་འཛིན་སྐྱོང་དང་ཉེན་སྲུང་གི་ ཞལ་འཛོམས།

༣༡/༡/༢༠༡༣    ༉ ཁ་ཙ་ ཐིམ་ཕུ་རྒྱལ་ཡོངས་ཚོགས་ཁང་ནང་སྦེ་ བློན་ཆེན་འཇིགས་མེད་འོད་ཟེར་འཕྲིན་ལས་མཆོག་གིས་ རྒྱ་གར་གྱི་ ནང་སྲིད་ལྷན་ཁག་འོག་ ས་མཚམས་འཛིན་སྐྱོང་གི་དྲུང་ཆེན་ ཨེ་ཀེ་ མཱན་གོ་ཊ་དང་གཅིག་ཁར་ མཇལ་ཕྲད་གནང་ཡོདཔ་ཨིན་པས།

བློན་ཆེན་འཇིགས་མེད་འོད་ཟེར་འཕྲིན་ལས་མཆོག་གིས་ རྒྱ་གར་གྱི་ ས་མཚམས་འཛིན་སྐྱོང་གི་དྲུང་ཆེན་ ཨེ་ཀེ་ མཱན་གོ་ཊ་དང་གཅིག་ཁར་ མཇལ་ཕྲད་གནང་པའི་བསྒང་།

མོང་སྒར་ལས་ རྒྱལ་ཡོངས་ཚོགས་སྡེའི་འདེམས་ངོ་གསརཔ།

༣༡/༡/༢༠༡༣   ༉ མོང་སྒར་ ན་རང་རྒེད་འོག་ནང་ལས་ སྐྱེས་ལོ་༣༣ ལང་མི་ སློབ་གྲྭའི་སློབ་དཔོན་ཅིག་ཨིན་མི་ ཚེ་རིང་དབང་ཆེན་དེ་ མོང་སྒར་རྫོང་ཁག་གི་ རྒྱལ་ཡོངས་ཚོགས་སྡེའི་འདེམས་ངོ་སྦེ་ སྤྱི་ཚོགས་ཀྱི་ བཙག་འཐུ་ཐེངས་གཉིས་པའི་ནང་ བཅའ་མར་གཏོགས་མི་དང་པ་ཨིན་པས།

གློག་མེ་ལས་འགུལ་༧ གང་མགྱོགས་འགོ་བཙུགས་ནི་གི་ གྲོས་འཆམ་བྱུང་ཡོདཔ།

༣༠/༡/༢༠༡༣   མི་དབང་མངའ་བདག་རིན་པོ་ཆེ་མཆོག་ རྒྱ་གར་ལུ་ ཉིན་གྲངས་༧ གྱི་རིང་ རྒྱལ་ཁམས་ཀྱི་ གཟིགས་སྐོར་གནང་སྟེ་ ད་རིས་ རྒྱལ་ཁབ་ནང་ ལོག་ཕེབས་ནི།
༉ མི་དབང་མངའ་བདག་རིན་པོ་ཆེ་མཆོག་ རྒྱ་གར་གྱི་རྒྱལ་ས་ ནིའུ་ལྡི་ལི་ལུ་ ཉིན་གྲངས་༧ གྱི་རིང་ རྒྱལ་ཁམས་ཀྱི་ གཟིགས་སྐོར་གནང་པའི་སྐབས་ འབྲུག་དང་ རྒྱ་གར་རྒྱལ་ཁབ་གཉིས་ཀྱིས་ འབྲུག་གཞུང་གི་ལོ་ལྔའི་འཆར་གཞི་༡༡ པའི་ འཆར་བཀོད་སྐོར་ལས་ གསུང་གྲོས་གནང་ཡོདཔ་མ་ཚད་ སྤྱི་ལོ་༢༠༢༠ ལུ་ གློག་ཤུགས་མེ་ག་ཝཱཊི་༡༠,༠༠༠ གི་ དམིགས་ཡུལ་འགྲུབ་ཐབས་ལུ་ ལྷག་ལུས་ གློག་མེ་ལས་འགུལ་༧ གང་མགྱོགས་སྦེ་ འགོ་བཙུགས་གནང་ནི་སྦེ་ གྲོས་འཆམ་བྱུང་ཡི།

མི་དབང་མངའ་བདག་རིན་པོ་ཆེ་མཆོག་དང་ རྒྱ་གར་གྱི་སྲིད་བློན་ ཌོག་ཊར་ མཱན་ མོ་ཧཱན་ སིང་།

ནགས་ཚལ་མེ་རྐྱེན་ནང་འབྲེལ་བ་ཡོད་མི་ བུཚ་༣ འཛིན་བཟུང་འབད་ཡོདཔ།

༣༠/༡/༢༠༡༣   ༉ དབང་འདུས་ཕོ་བྲང་ ཕོབ་སྦྱིས་རྒེད་འོག་ ཀུན་དགའ་ཐང་གཡུས་ཚན་ནང་ ནགས་ཚལ་མེ་རྐྱེན་ ཤོར་བའི་བསྒང་ཡོད་མིའི་ནང་ འབྲེལ་བ་ཡོད་མི་ དོགས་ཅན་༣ འཛིན་བཟུང་འབད་ཡོདཔ་ཨིན་པས།
མེ་རྐྱེན་དེ་ ཁ་ཙ་ ཉིན་མའི་ཆུ་ཚོད་༡༠:༣༠ དེ་ཅིག་ལུ་ འགོ་བཙུགས་མི་དེ་གིས་ ད་ལྟོའི་བར་ན་ཡང་ བསད་མ་ཚུགས་པར་ཡོདཔ་ད་ ནགས་ཚལ་འགོ་དཔོན་ ཌམ་བར་ ཆེ་ཊི་རི་གིས་ སླབ་མིའི་ནང་ གནམ་མ་སྲོ་ཚུན་གྱི་རིང་ སྟོང་ཕུ་ཤིང་གི་ས་ཆ་ ཨེ་ཀར་༢༠,༠༠༠ ལྷགཔ་ཅིག་ འཚིགས་འཚིགསཔ་འོང་ཟེར་ཨིན་པས།

ཁ་ཙ་ ཕོབ་སྦྱིས་ཁ་ལུ་ ནགས་ཚལ་མེ་རྐྱེན་ཤོར་བའི་བསྒང་།

གནས་ཚུལ་མདོར་བསྡུས།

༣༠/༡/༢༠༡༣

འཕྲལ་ཁམས་ཅིག་ཁར་ བཙག་འཐུ་འབད་མི་ འབྲུག་ཚོང་དང་བཟོ་གྲྭ་ཚོགས་སྡེའི་ གཙོ་འཛིན་གསརཔ་ ཨོ་རྒྱན་ཚེ་ཁྱབ་རྡོ་རྗེ་གིས་ ཁ་ཙ་ ཚོགས་སྡེའི་ཡིག་ཚང་ རྩིས་ལེན་པའི་རྟེན་འབྲེལ་བརྩི་སྲུང་སྐབས་ མི་དབང་སྐུ་འཁོར་ཚུ་གིས་ ལེགས་དར་བཏགས་གནང་པའི་བསྒང་།

ལྕགས་ཟམ་རམ་མི་དེ་ ཉིནམ་༢ ཀྱི་ནང་འཁོད་ལུ་ ལོག་བཟོ་སྐྲུན་འབད་ཚར་ནི།

༣༠/༡/༢༠༡༣   ༉ སྤྱི་ཟླ་༡ པའི་ཚེས་༡༥ ལུ་ བཟོ་སྐྲུན་འབད་བའི་བསྒང་ཡོད་མི་ ལྷུན་རྩེ་ ཀུར་སྟོད་རྒེད་འོག་ གླང་ཅན་ཕུག་གི་ ལྕགས་ཟམ་དེ་ རམ་ཡོདཔ་ཨིན་རུང་ ད་རེས་ ལོག་བཟོ་སྐྲུན་འབད་དོ་ཡོདཔ་བཞིན་དུ་ ཉིནམ་༢ ཀྱི་ནང་འཁོད་ལུ་ འགྲུབ་ཚུགས་ནི་ཨིན་པས།

མཁོ་མངགས་དང་བསྟུན་ སྦྱང་རྩི་ལང་མ་ཚུགས་པར་ཡོདཔ།

༣༠/༡/༢༠༡༣   ༉ བུམ་ཐང་ལས་ཐོན་མི་ སྦྱང་རྩི་དེ་ ཡོངས་གྲགས་ཐལ་ཡོད་མི་ལུ་བརྟེན་ མཁོ་མངགས་འབད་མི་ཚུ་ལུ་ ད་ཚུན་གྱི་བར་ན་ ཚར་ཅིག་ཡང་ སྦྱང་རྩི་ལངམ་སྦེ་ བཀྲམ་སྤེལ་འབད་མ་ཚུགས་པར་ ལུས་ཡོདཔ་ཨིན་པས།

སྦྱང་ཚང་ནང་ལས་ སྦྱང་རྩི་བཏོན་པའི་བསྒང་།

བུམ་ཐང་ལུ་ གློག་བརྙན་ཁང་ བཟོ་སྐྲུན་འབད་ནི།

༣༠/༡/༢༠༡༣   ༉ ན་ཧིང་ སྤྱི་ཟླ་༤ པའི་ནང་ མི་དབང་མངའ་བདག་རིན་པོ་ཆེ་མཆོག་གིས་ འབྲུག་གློག་བརྙན་ཚོགས་པ་དང་གཅིག་ཁར་ མཇལ་ཕྲད་གནང་པའི་སྐབས་ ཚོགས་སྡེའི་ལཱ་ཚུ་ ཐིམ་ཕུའི་ཕྱི་ཁ་ལས་ཕར་ རྒྱ་བསྐྱེད་འབད་ནིའི་དོན་ལུ་ གཞི་རྟེན་མཁོ་ཆས་ཚུ་མེད་པའི་ དཀའ་ངལ་ཡོད་པའི་སྐོར་ལས་ གསལ་ཞུ་འབད་མི་དང་འཁྲིལ་ མི་དབང་མཆོག་གིས་ བུམ་ཐང་ལས་ ས་ཆ་ཌིས་༥༠ སྐྱིད་སྡུག་གནང་ཡོདཔ་ཨིན་པས།

ཁྲིམས་སྲུང་འགག་པ་གིས་ སྐུ་༥ འཕྱོག་བཟུང་འབད་ཡོདཔ།

༣༠/༡/༢༠༡༣   ༉ དགེ་ལེགས་ཕུག་ཁྲིམས་སྲུང་འགག་པ་གིས་ སྐུ་རྙིངམ་ཚོང་འབྲེལ་འཐབ་ནིའི་ནང་ དཔའ་བཅམ་འབད་མི་ སྐྱེས་ལོ་༢༧ འབད་མི་ཕོ་སྐྱེས་ཅིག་འཛིན་བཟུང་འབད་དེ་ འདས་པའི་ཟླཝ་༢ ཀྱི་རིང་ དོ་དམ་འོག་ལུ་བཞག་ཡོདཔ་ད་ བཀྲིས་སྒང་གཡང་གཉེར་ལས་ཨིན་མི་ སྐྱེས་ལོ་༢༦ འབད་མི་ ཁོ་གི་ཆ་རོགས་དེ་ འཚོལ་དོ་ཡོདཔ་ཨིན་པས།

འཕྱོག་བཟུང་འབད་མི་སྐུ་འདྲ་ཚུ།

ཚོད་བསྲེ་ སྦུང་ཚོང་འཐབ་མི་དང་ སིལ་ཚོང་འཐབ་མིའི་བར་ན་ བྲེལ་ཟིང་།

༣༠/༡/༢༠༡༣   ༉ སྤྱི་ཟླ་༡ པའི་ཚེས་༢༨ རེས་གཟའ་མིག་དམར་ལུ་ ཐིམ་ཕུ་བརྒྱ་འཁོར་སོ་ནམ་ཚོང་ཁྲོམ་ནང་སྦེ་ སོ་ནམ་ཚོང་འབྲེལ་དང་ མཉམ་འབྲེལ་ལས་ཁུངས་དང་ བརྒྱ་འཁོར་སོ་ནམ་ཚོང་ཁྲོམ་འཛིན་སྐྱོང་འགོ་དཔོན་ཚུ་གིས་ འཕྲལ་ཁམས་ཅིག་ཁར་ གྲོས་ཐག་བཅད་མི་ཟིན་བྲིས་ཀྱི་སྐོར་ལས་ གོ་བ་བརྡ་སྤྲོད་འབད་བའི་སྐབས་ སྦུང་ཚོང་དང་ སིལ་ཚོང་འཐབ་མི་ཚུ་གི་བར་ན་ བྲེལ་ཟིང་བྱུང་ཡོདཔ་ཨིན་པས།

གནས་ཚུལ་མདོར་བསྡུས།

༣༠/༡/༢༠༡༣   

སྤྱི་ཟླ་༡ པའི་ཚེས་༢༦ ལུ་ ཐིམ་ཕུ་ཧེ་ཇོ་ལུ་ ཨ་ལུའི་བདག་འཛིན་དང་གོང་འཕེལ་ལྟེ་བའི་ནང་སྦེ་ བདུན་ཕྲག་༢ ཀྱི་རིང་ སྲུང་གཏང་ནི་གི་ལས་རིམ་ཅིག་ འགོ་འདྲེན་འཐབ་མིའི་ནང་ བཅའ་མར་གཏོགས་མི་ སྐྱེས་ལོ་༣ ལས་༡༠ གྱི་བར་ན་འབད་མི་ ཨ་ལུ་༡༠ གྱི་གྲས་ལས་༧ གྱིས་ རིག་རྩལ་འཕེལ་ཐབས་ཀྱི་དོན་ལུ་ པར་རིས་ལག་ལེན་འཐབ་སྟེ་ སྲུང་བཏང་ཡོད་པའི་གནས་ཚུལ།

གཡོ་སྒྱུ་དང་མ་བྱིན་ལེན་པའི་ཉེས་འགལ་ལུ་ བཙོན་ཁྲིམས་ཟླཝ་༡༡༧ བཀལ་ཡོདཔ།

༣༠/༡/༢༠༡༣   ༉ ཆེ་མཐོ་ཁྲིམས་ཀྱི་འདུན་སའི་ ཁྲིམས་ཁྲི་༡ པ་ལས་ མཐོ་གཏུགས་པ་སྐལ་བཟང་བསྟན་འཛིན་གྱིས་ གཡོ་སྒྱུའི་ལག་ལེན་དང་ མ་བྱིན་ལེན་པའི་སྐོར་ལས་ ཐོག་མའི་ཁྲིམས་འདུན་གིས་ ཉེས་ཁྲིམས་ལོ་༩ ལྷགཔ་ཅིག་བཀལ་མི་ལུ་ ཁེ་རྒུད་མ་བཏུབ་པའི་མཐོ་གཏུགས་འབད་ཡོད་རུང་ ཉེས་ཁྲིམས་བསྒྱུར་ལྡོག་མེདཔ་སྦེ་ རང་འཇགས་བཞག་ཡོདཔ་ཨིན་པས།

རྒྱ་གར་གྱིས་ འབྲུག་ལུ་ རུ་པི་དུང་ཕྱུར་༤ བསྐྱིན་འགྲུལ་འཛིན་གྲོལ་འབད་ནི།

༢༩/༡/༢༠༡༣   དུས་ཡུན་ལོ་ངོ་༥ གི་དོན་ལུ་ལེན་མི་ སྐྱེད་ཆུང་བའི་ བསྐྱིན་འགྲུལ་དེ་གིས་ རུ་པིའི་དཀའ་ངལ་བསལ་ནི་ལུ་ ལྷན་ཐབས་འབྱུང་ནི།
༉ རྒྱ་གར་གཞུང་གིས་ ད་རུང་ འབྲུག་ལུ་ སྐྱེད་ཚད་ཆུང་བའི་ བསྐྱིན་འགྲུལ་མ་དངུལ་ རུ་པི་དུང་ཕྱུར་༤ འཛིན་གྲོལ་འབད་ནི་སྦེ་ གཏན་འཁེལ་བཟོ་ཡོདཔ་ལས་ རྒྱལ་ཁབ་ནང་ རྒྱ་གར་གྱི་ཏི་རུ་ རུ་པིའི་དཀའ་ངལ་བསལ་ནི་ལུ་ ལྷན་ཐབས་འབྱུང་ཚུགས་པའི་ རེ་བ་ཡོདཔ་ཨིན་པས།

ཁ་ཙ་ མི་དབང་མངའ་བདག་རིན་པོ་ཆེ་མཆོག་དང་ རྒྱལ་བཙུན་རྣམ་༢ ཀྱིས་ ནིའུ་ལྡི་ལི་ལུ་ རྒྱ་གར་གྱི་དམག་སྤྱི་ གུང་བློན་བིཀ་རཱམ་ སིང་དང་གཅིག་ཁར་ མཇལ་ཕྲད་གནང་པའི་བསྒང་།

མི་དབང་མངའ་བདག་རིན་པོ་ཆེ་མཆོག་ རྒྱ་གར་ནེ་ཤ་ནཱལ་ཀོང་གེ་རེསི་ཚོགས་པའི་ གཙོ་འཛིན་འོག་མ་ ར་ཧཱུལ་ གཱན་དྷི་དང་གཅིག་ཁར་ ལྷན་བཞུགས་གནང་པའི་བསྒང་།

གནས་སྐབས་ཀྱི་ བསྐྱིན་འགྲུལ་ཆིངས་ཡིག་གུ་ མཚན་རྟགས་བཀོད་མི་ འབྲུག་ལུ་ རྒྱ་གར་གྱི་སྐུ་ཚབ་ བི་པི་ ཧ་རཱན་དང་ དངུལ་རྩིས་བློན་པོ་དབང་འདུས་ནོར་བུ།

འགྲེམ་ཐོག་ཚོགས་རྒྱན་གྱི་དོན་ལུ་ འོས་འབབ་ཡོད་མི་ མང་ཤོས་ཅིག་གིས་ ཐོ་བཀོད་འབད་ཡོདཔ།

༢༩/༡/༢༠༡༣   ༉ སྤྱི་ཟླ་༡ པའི་ཚེས་༢༥ གི་ནང་འཁོད་ལུ་ འགྲེམ་ཐོག་ཚོགས་རྒྱན་གྱི་དོན་ལུ་ ཐོ་བཀོད་འབད་དགོཔ་ཨིན་པའི་ དུས་ཡུན་ཚང་ཡོདཔ་བཞིན་དུ་ ལས་ཁུངས་དང་ ལས་སྡེ་མང་ཤོས་ཅིག་གིས་ར་ ཁོང་རའི་ཐོ་བཀོད་ཚུ་ ཡོངས་འབྲེལ་ཐོག་ལས་ བཏང་ཡོད་རུང་ ལ་ལུ་ཅིག་གིས་ ཐོ་བཀོད་ཤོག་བྱང་ནང་མིན་པར་ འགྲེམ་ཐོག་ཚོགས་རྒྱན་གྱི་ ཞུ་ཡིག་ཤོག་བྱང་དེ་ བཀང་ཞིནམ་ལས་ བཏང་ཡོདཔ་ཨིན་པས།

གནས་ཚུལ་མདོར་བསྡུས།

༢༩/༡/༢༠༡༣

ཁ་ཙ་ འབྲུག་པའི་ ཀི་རི་ཀེཌ་རྩེད་འགྲན་འབད་མི་ཨམ་སྲུ་སྡེ་ཚན་གྱིས་ ཡུ་ཨེ་ཨི་རྒྱལ་ཁབ་ཀྱི་སྡེ་ཚན་ལས་ རྒྱལ་ཁ་ཐོབ་ཡོདཔ་ད་ ཨེ་ཤེ་ཡཱན་ ཀི་རི་ཀེཌ་ཚོགས་པའི་འགྲན་བསྡུར་ནང་ རྒྱལ་ཁབ་༡༠ གིས་ འབྲེལ་གཏོགས་འབད་ཡོདཔ་ལས་ ད་རིས་ འབྲུག་པའི་སྡེ་ཚན་གྱིས་ ཨི་རཱན་རྒྱལ་ཁབ་ཀྱི་ སྡེ་ཚན་དང་གཅིག་ཁར་ རྩེད་འགྲན་འབད་ནི་ཨིན་པའི་གནས་ཚུལ།

ལས་ཁུངས་ཁག་གི་ མདའ་རྩེད་འགྲན་བསྡུར་ཐེངས་དང་པ་ རྩེད་འགྲན་འབད་ནི།

༢༩/༡/༢༠༡༣   ༉ སྤྱི་ལོ་༢༠༡༣ ཟླ་༢ པའི་ཚེས་༡ ལས་ འགོ་བཙུགས་ ཐིམ་ཕུ་ལྕང་གླིང་མི་ཐང་གི་ རྒྱལ་ཡོངས་མདའ་རྩེད་ཐང་ནང་སྦེ་ ལས་ཁུངས་ཁག་གི་བར་ན་ ཕྱི་རྒྱལ་མདའ་གཞུའི་ཐོག་ལུ་ མདའ་རྩེད་འགྲན་བསྡུར་ཐེངས་དང་པ་ རྩེད་འགྲན་འབད་ནི་ཨིན་པས།

གནས་ཚུལ་མདོར་བསྡུས།

༢༩/༡/༢༠༡༣

སྤྱི་ལོ་༢༠༡༡ ལུ་ ནེ་པཱལ་ལས་ བཟོ་གྲྭའི་ལྷག་རོག་ མེ་ཊིག་ཊཱོན་༣༥ འབག་མི་སྣུམ་འཁོར་ཊཱག་ རྒྱ་གར་གྱི་ ཨང་གྲངས་བཀོད་མི་ཅིག་ འཕྱོག་བཟུང་འབད་མི་དེ་ ད་ལྟོའི་བར་ན་ཡང་ ལེན་པར་འོང་མི་ ག་ཡང་མ་ཐོནམ་ལས་ ཕུན་ཚོགས་གླིང་ ལུང་ཕྱོགས་འོང་འབབ་དང་ཅ་དམ་ཡིག་ཚང་གི་ འགོ་དཔོན་ཚུ་ ག་ཅི་འབདཝ་དྲག་ག་ མ་ཤེས་པར་ ལུས་ཡོད་པའི་གནས་ཚུལ།

སྤ་རོའི་ལུང་གཤོང་ནང་ གློག་བརྙན་བཟོ་སའི་ས་ཁོངས་ ངོས་འཛིན་འབད་ནི།

༢༩/༡/༢༠༡༣   ༉ རྒྱ་གར་རྒྱལ་ཁབ་ཀྱི་ གློག་བརྙན་བཟོ་སྐྲུན་འབད་མི་ཚུ་གིས་ འབྲུག་ལུ་ གློག་བརྙན་བཟོ་སའི་ ས་ཁོངས་ཅིག་ གཞི་བཙུགས་འབད་ནིའི་དོན་ལུ་ སྤྲོ་བ་བསྐྱེདཔ་བཞིན་དུ་ ས་ཁོངས་དེ་ སྤ་རོ་ལུ་སྦེ་ ངོས་འཛིན་འབད་ནི་ཨིན་པས།

གློག་བརྙན་བཟོ་སའི་ས་ཁོངས་ཀྱི་ འོས་འབབ་ཡོད་མི་ སྤ་རོའི་ལུང་གཤོང་གི་མཐོང་སྣང་།

ནང་འཁོད་ཐོན་སྐྱེད་ཀྱི་གྱོན་ཆས་ལུ་ གཙོ་རིམ་བཟུང་དགོཔ་གལ་ཅན།

༢༩/༡/༢༠༡༣   ༉ རང་ལུགས་ཀྱི་ གྱོན་ཆས་དང་ ཅ་ཆས་ཚུ་ གོང་ཚད་མཐོ་དྲགས་ནི་དེ་གིས་ ལྟ་བཤལཔ་ལུ་ ཚོང་འབྲེལ་འཐབ་ད་ གོང་ཚད་ཀྱི་ ཐད་ཁར་ ཨ་ཙི་རེ་ དཀའ་ངལ་ཡོད་ལུགས་ཚུ་གི་སྐོར་ལས་ འབྲུག་ལག་བཟོ་ཚོགས་པའི་ཁྲི་འཛིན་ བསྟན་རྡོ་རྗེ་གིས་ འདས་པའི་བདུན་ཕྲག་གི་ བརྡ་བརྒྱུད་ཞལ་འཛོམས་ནང་ སླབ་ཡོདཔ་ཨིན།

གོ་དང་ དཀྱི་ར་མེ་ཏོག་ཅནམ་ཚུ་ འཐག་ནི་ལུ་ བརྩོན་ཤུགས་བསྐྱེད་ནི།

༢༩/༡/༢༠༡༣   ༉ བུམ་ཐང་ ཆོས་འཁོར་རྒེད་འོག་གི་གཡུས་ཚན་ རྡོ་རྗེ་སྦིས་དང་ སྤང་རེད་ དེ་ལས་ ཟླ་བ་ཁ་གཡུས་ཚན་གསུམ་གྱི་དོན་ལུ་ རྡོ་རྗེ་སྦིས་ལུ་སྦེ་ རྒྱ་གར་ཨ་སམ་ལུ་ འཐག་སྲོལ་ཡོད་མི་ མེ་ཅེ་གི་ཐགས་ཀྱི་ལྟེ་བ་ཅིག་ གཞི་བཙུགས་འབད་བའི་ཤུལ་ལས་ ཨམ་སྲུ་ཚུ་གིས་ པང་ཐགས་རྐྱངམ་གཅིག་ འཐག་དོ་ཡོདཔ་ཨིན་རུང་ ད་ལས་ཕར་ གོ་དང་ དཀྱི་ར་མེ་ཏོན་ཅནམ་ཚུ་ འཐག་ཚུགས་ནི་ཨིན་པས།

གནས་ཚུལ་མདོར་བསྡུས།

༢༨/༡/༢༠༡༣

སྤྱི་ཟླ་༡ པའི་ཚེས་༢༦ ལུ་ མི་དབང་མངའ་བདག་རིན་པོ་ཆེ་མཆོག་གིས་ ནིའུ་ལྡི་ལི་ལུ་ རྒྱ་གར་གྱི་ མི་སེར་རྒྱལ་ཁབ་ཀྱི་ཉིནམ་༦༤ པ་ བརྩི་སྲུང་ཞུ་བའི་སྐབས་ སྐུ་མགྲོན་གཙོ་བོ་སྦེ་ བཞུགས་གནང་པའི་བསྒང་།

ད་རིས་ ཚོགས་དཔོན་གྱི་ མཐའ་བསྡོམས་སྙན་གསན་གནང་ནི།

༢༨/༡/༢༠༡༣   ༉ སྤྱི་ཟླ་༡ པའི་ཚེས་༢༥ ལུ་ མོང་སྒར་རྫོང་ཁག་ཁྲིམས་འདུན་ལུ་ ངན་ལྷད་བཀག་སྡོམ་ལྷན་ཚོགས་དང་ ཚོགས་དཔོན་འཇིགས་མེད་ཚུལ་ཁྲིམས་ཀྱི་བར་ན་ སྒྲུབ་བྱེད་སྙན་གསན་མཛད་པའི་སྐབས་ མོང་སྒར་དང་ འབྲས་སྤུངས་ཀྱི་མི་སེར་༣ དེ་ཅིག་གིས་ ཚོགས་དཔོན་དང་གཅིག་ཁར་ ས་ཆ་མ་ཐོབ་པའི་སྐོར་ལས་ གདོང་བཤེར་འབད་ཡོདཔ་ཨིན་པས།

རྫོང་ཁག་ཚུ་ནང་ མི་སེར་དམངས་གཙོ་ཚོགས་པའི་ཡིག་ཚང་ སྒོ་ཕྱེ་ནི་འགོ་བཙུགས་ཡོདཔ།

༢༨/༡/༢༠༡༣   ༉ མི་སེར་དམངས་གཙོ་ཚོགས་པ་གིས་ འདས་པའི་རེས་གཟའ་ཉི་མ་ལས་ འགོ་བཙུགས་ཏེ་ རྫོང་ཁག་ཚུ་ནང་ ཚོགས་པའི་ཡན་ལག་ཡིག་ཚང་ཚུ་ སྒོ་ཕྱེ་ནི་ འགོ་བཙུགས་ཡོདཔ་མ་ཚད་ ཚོགས་པའི་རྫོང་ཁག་མཉམ་འབྲེལ་བ་ཚུ་ཡང་ ངོས་འཛིན་འབད་དེ་ བསྐོ་བཞག་འབད་ནི་ འགོ་བཙུགས་ཡོདཔ་ཨིན་པས།

གནས་ཚུལ་མདོར་བསྡུས།

༢༨/༡/༢༠༡༣

ཁ་ཙ་ ཐིམ་ཕུ་ལྕང་གླིང་མི་ཐང་ནང་ འབྲུག་པཱོལ་སྡེ་ཚན་དང་ བསམ་རྩེ་སྡེ་ཚན་གྱི་བར་ན་
ཀོ་ཀ་ཀོ་ལ་ འབྲུག་རྒྱལ་ཡོངས་ཕུཊ་བཱོལ་རྩེད་འགྲན་འབདཝ་ད་ འབྲུག་པཱོལ་སྡེ་ཚན་གྱིས་ གཱོལ་༥ བཙུགས་ཏེ་ རྒྱལ་ཁ་ཐོབ་ཡོད་པའི་གནས་ཚུལ།

ས་འོག་འཁོར་ལམ་དང་པ་ འགོ་འབྱེད་འབད་ཡོདཔ།

༢༨/༡/༢༠༡༣   ༉ ད་ལས་ཕར་ དབང་འདུས་ཕོ་བྲང་དང་ རྩི་རང་གི་བར་ན་ འགྲོ་འགྲུལ་འབད་མི་ཚུ་གིས་ དབང་འདུས་ཕོ་བྲང་གི་ས་གནས་ རུ་རི་ཆུ་ལུ་ལྷོདཔ་ད་ ཀི་ལོ་མི་ཊར་༡.༥ དེ་ཅིག་གི་རྩིས་ ས་འོག་འཁོར་ལམ་བདའ་སྟེ་ འགྲུལ་སྐྱོད་འབད་དགོ་ནི་ཨིན་པས།

དབང་འདུས་རྫོང་བདག་ ལྷུན་གྲུབ་རྣམ་རྒྱལ་གྱིས་ རུ་རི་ཆུ་ལུ་ ས་འོག་གི་ འཁོར་ལམ་དང་པ་ འགོ་འབྱེད་འབད་བའི་བསྒང་།

བརྒྱ་འཁོར་ཚོད་བསྲེ་ཁྲོམ་ཁར་ སྦུང་ཚོང་རྐྱབ་མི་ཚུ་ལུ་ ཆོག་ཐམ་དགོ་པའི་འོས་འབབ།

༢༨/༡/༢༠༡༣   ༉ ད་ཚུན་ ཐིམ་ཕུ་ལུ་ ཚོད་བསྲེ་སྦུང་ཚོང་འཐབ་མི་ཚུ་ལུ་ ཚོང་འབྲེལ་འཐབ་ཆོག་པའི་ ཆོག་ཐམ་མེད་རུང་ ད་ལས་ཕར་ ངོས་འཛིན་ཆོག་ཐམ་བྱིན་ནི་ཨིན་པས།
དེ་འབདཝ་ད་ སིལ་ཚོང་འཐབ་མི་དང་ སྒོ་ཚོང་རྐྱབ་མི་ ཡང་ན་ ཚོང་ཕྱམ་ཕྱིམ་རེ་རྐྱབ་སྡོད་མི་ཚུ་ལུ་ ཆོག་ཐམ་མ་དགོཔ་སྦེ་ཨིན་པས།

རོང་མ་སྟེང་གཡུས་ཚན་ནང་ བྱཱར་དགུན་མེད་པར་ བཟའ་སྤྱོད་འབད་མི་ཚོད་བསྲེ།

༢༨/༡/༢༠༡༣   ༉ ལྷུན་རྩེ་ མཁོ་མང་རྒེད་འོག་གི་ རོང་མ་སྟེང་གཡུས་ཚན་དེ་ ས་ཁ་མཐོ་ས་ཅིག་ འབད་ནི་དེ་གིས་ རྒྱལ་ཁབ་ཀྱི་ ས་གནས་གཞན་ཚུ་ནང་བཟུམ་སྦེ་ ཚོད་བསྲེ་གི་རིགས་ཚུ་ སྐྱེས་མི་བཏུབ་དོ་ཡོདཔ་ལས་ གཡུས་མི་ཚུ་གིས་ རི་ཁ་ལུ་སྐྱེས་མི་ དེས་མ་ཟེར་མི་ ཚོད་བསྲེ་གི་རིགས་ཚུ་ རྒྱ་ཆེ་དྲགས་སྦེ་ར་ བཟའ་སྤྱོད་འབད་དོ་ཡོདཔ་ཨིན་པས།

ནགས་ཚལ་ནང་སྐྱེས་མི་ཚོད་བསྲེ་ དེས་མ། པར་ ཀུན་བཟང་འཕྲིན་ལས།

བཟོ་སྐྲུན་དང་ ནགས་མེ་ལུ་བརྟེན་ ནགས་ཚལ་ཉམས་སྲུང་ལུ་དོ་འགྲན།

༢༨/༡/༢༠༡༣   ༉ གོང་འཕེལ་གྱི་འགྱུར་བ་དང་བསྟུན་ བཟོ་སྐྲུན་ལས་སྡེ་ཚུ་ ལོ་གཅིག་བ་ལོ་གཅིག་ ཡར་སེང་འགྱོ་དོ་ཡོདཔ་ལས་ ནགས་ཚལ་ཉམས་སྲུང་འབད་ནི་ལུ་ དོ་འགྲན་ཅིག་ ཤིང་ཆའི་མཁོ་འདོད་ཡར་སེང་འགྱོ་མི་ལུ་བརྟེན་ཏེ་ བྱུང་དོ་ཡོད་པའི་ མངོན་གསལ་བྱུངམ་ཨིན་པས།

སྤ་རོ་ལུག་གཉིས་རྒེད་འོག་ལས་ རྒྱལ་ཡོངས་ཚོགས་སྡེའི་འདེམས་ངོ་།

༢༨/༡/༢༠༡༣   ༉ སྐྱེས་ལོ་༥༣ ལང་མི་ ཚེ་དབང་ནོར་བུ་དེ་ རྒྱལ་ཡོངས་ཚོགས་སྡེའི་ནང་ བཅའ་མར་གཏོགས་ནི་གི་དོན་ལུ་ ཁོ་རའི་ཆ་རོགས་དང་ སྤུན་ཆ་ཚུ་གིས་ སླབ་པའི་ཤུལ་ལུ་ ཟླཝ་གཅིག་གི་ནང་འཁོད་ ཁོ་གིས་ བཅའ་མར་གཏོགས་ནི་སྦེ་ སེམས་ཐག་བཅད་ཡོདཔ་ཨིན་པས།

ཚེ་དབང་ནོར་བུ།

རྒྱ་འབྲུག་གི་ མཐུན་ལམ་དང་ མཉམ་འབྲེལ་རྩ་བརྟན་བཟོ་ནི་ལུ་ཁས་ལེན།

༢༦/༡/༢༠༡༣   ད་རིས་ རྒྱ་གར་གྱི་ མི་སེར་རྒྱལ་ཁབ་ཀྱི་ ཉིནམ་བརྩི་སྲུང་ནང་ མི་དབང་མངའ་བདག་རིན་པོ་ཆེ་མཆོག་ སྐུ་མགྲོན་གཙོ་བོ་སྦེ་ འབྲེལ་གཏོགས་གནང་ནི།

རཱཤི་ཊ་པ་ཏི་ བྷ་ཝཱན་ནང་ སྟི་སྭ་ཞུ་བའི་སྐབས་ མི་དབང་མངའ་བདག་རིན་པོ་ཆེ་མཆོག་གིས་ གཟིགས་ཞིབ་གནང་པའི་བསྒང་།

༉ རྒྱ་གར་གྱི་ མི་སེར་རྒྱལ་ཁབ་ཀྱི་ ཉིནམ་༦༤ པ་འདི་ ད་རིས་ རྒྱལ་ས་ནིའུ་ལྡི་ལི་ལུ་ མི་དབང་མངའ་བདག་རིན་པོ་ཆེ་མཆོག་ སྐུ་མགྲོན་གཙོ་བོ་སྦེ་ དབུ་བཞུགས་ཐོག་ སྲིད་འཛིན་དང་ སྲིད་བློན་རྣམ་གཉིས་ཀྱིས་གཙོས་པའི་ རྒྱ་གཞུང་གི་ དབུ་ཁྲིད་དང་ སྲིད་དོན་པ་ཚུ་གིས་ མི་སེར་ཚུ་དང་ ལྷན་བཞུགས་ཐོག་ བརྩི་སྲུང་ཞུ་ནི་ཨིན་པས།

བསུ་སྟོན་སྐབས་ མི་དབང་རྒྱལ་བཙུན་རྣམ་༢ ཀྱིས་ རྒྱ་གར་གྱི་སྲིད་འཛིན་ པར་ནཱབ་མུ་ཁར་ཇི་(གཡས་ཁ་ཐུག་)དང་ སྲིད་བློན་ཌོག་ཊར་ མཱན་ མོ་ཧཱན་སིང་དང་གཅིག་ཁར་ ལྷན་བཞུགས་གནང་པའི་བསྒང་།

རྒྱ་གར་གྱི་སྲིད་འཛིན་གྱིས་ ཚོགས་སྟོན་ཅིག་ དྲངས་པའི་སྐབས་ མི་དབང་མཆོག་གིས་ གསུང་བཤད་
གནང་པའི་བསྒང་།

ཕོ་སྐྱེས་༡ ལུ་ བཙོན་ཁྲིམས་ལོ་༣ བཀལ་ཡོདཔ།

༢༦/༡/༢༠༡༣   ༉ ཆུ་ཁ་རྫོང་ཁག་ བསམ་འཕེལ་གླིང་རྒེད་འོག་ལས་ སྐྱེས་ལོ་༣༩ ལང་མི་ ཕོ་སྐྱེས་ཅིག་གིས་ སྤྱི་ཚོགས་ཀྱིས་ གྲོས་ཐག་བཅད་པའི་ཚད་གཞི་ལས་ལྷག་སྟེ་ ཏམ་ཁུ་འཆང་སྤྱོད་འབད་མི་ལུ་བརྟེན་ ཐིམ་ཕུ་རྫོང་ཁག་ཁྲིམས་འདུན་གྱི་ ཁྲིམས་ཁྲི་༥ པ་གིས་ ཁ་ཙ་ བཙོན་ཁྲིམས་ལོ་༣ བཀལ་ཡོདཔ་ཨིན་པས།

ཨ་པ་གིས་ བུམོ་གི་རྨགཔ་བསད་ཡོདཔ།

༢༦/༡/༢༠༡༣  ༉ དབང་འདུས་ཕོ་བྲང་ ཁྲིམས་སྲུང་འགག་པ་གིས་ སྤྱི་ཟླ་༡ པའི་ཚེས་༢༤ གི་ཕྱི་རུ་ ཀ་གཞི་རྒེད་འོག་ བར་རྩེ་གཡུས་ཚན་ལས་ སྐྱེས་ལོ་༧༨ ལང་མི་ ཕོ་སྐྱེས་ཅིག་གིས་ ཁོ་རའི་ བུམོ་གི་རྨགཔ་ དམར་བསད་འབད་ཡོད་པའི་ དོགས་པ་ལུ་བརྟེན་ དོ་དམ་འོག་ལུ་ བཙུགས་ཡོདཔ་ཨིན་པས།

གནས་ཚུལ་མདོར་བསྡུས།

༢༦/༡/༢༠༡༣

ཀུན་གསལ་ལས་འཛིན་གྱི་ བཀང་ལུང་ལུང་ཕྱོགས་ཡིག་ཚང་གིས་ ཟླཝ་༡ གི་རིང་ སློབ་གྲྭ་ཁག་གི་སློབ་ཕྲུག་༨༡ གི་དོན་ལུ་ གནམ་དགུན་གྱི་ དཔེ་མཛོད་ལས་རིམ་ཅིག་ འགོ་འདྲེན་འཐབ་མི་དེ་ ཁ་ཙ་ ལག་ཁྱེར་དང་ གཟེངས་ཐོན་རྟགས་མ་ཚུ་བྱིན་ཐོག་ལས་ མཇུག་བསྡུ་ཡོདཔ་ད་ ལས་རིམ་དེ་ནང་ དགེ་འདུ་མཐོ་རིམ་སློབ་གྲྭ་ལས་ ཁས་བླངས་སློབ་དཔོན་༡ དང་ གཡོག་སྦྱོང་འབད་མི་༢ ཀྱིས་ རྒྱབ་སྐྱོར་འབད་ཡོད་པའི་གནས་ཚུལ།

ཚེམ་རིག་སྦྱོང་བརྡར་ལུ་བརྟེན་ ཚོང་འབྲེལ་ལེགས་ལམ་གྱི་རེ་འདུན།

༢༦/༡/༢༠༡༣   ༉ སྐྱེས་ལོ་༡༩ ལང་མི་ ཕུན་ཚོགས་དབང་མོ་དེ་ ཚེམ་རྐྱབ་མ་ཤེས་མི་ཅིག་འབད་རུང་ སྤྱི་ཟླ་༡ པའི་ཚེས་༢༣ ལུ་ མོ་གིས་ རིན་གོང་དངུལ་ཀྲམ་༧,༥༠༠ སྤྲོད་ཐོག་ལས་ སྒྲོལ་མ་ཚོང་ལས་ཁང་ནང་ལས་ འཕྲུལ་ཚེམ་ཅིག་ མཁོ་སྒྲུབ་འབད་ཡོདཔ་ཨིན་པས།

ཚེམ་རིག་སྦྱང་བ་འབད་མི་ སྐྱེས་ལོ་༡༩ ལང་མི་ ཕུན་ཚོགས་དབང་མོ།

འབྲུག་མཉམ་རུབ་ཚོགས་པ་གིས་ འགོ་ཐོག་འདེམས་ངོ་༨ ཀྱི་ངོ་སྤྲོད།

༢༦/༡/༢༠༡༣   ༉ ཁ་ཙ་ འབྲུག་མཉམ་རུབ་ཚོགས་པ་གིས་ འགོ་དང་པ་ ཚོགས་པའི་འདེམས་ངོ་༨ ཀྱི་ ངོ་སྤྲོད་འབད་ཡོདཔ་ཨིན་པས།

འཇིགས་མེད་བཟང་པོ་(མོང་སྒར་འདེམས་ཁོངས)

འཇིགས་མེད་བཟང་པོ་(མོང་སྒར་འདེམས་ཁོངས)

ཌོག་ཊར་ སེངྒེ་རྣམ་རྒྱལ་(མཁར་དང་ གཡུ་རུང་འདེམས་ཁོངས)

ཌོག་ཊར་ སེངྒེ་རྣམ་རྒྱལ་(མཁར་དང་ གཡུ་རུང་འདེམས་ཁོངས)

ཡེ་ཤེས་དཔལ་འབྱོར་(ནུབ་སྦིས་དང་
སྟང་སི་སྦྱིས་འདེམས་ཁོངས)

ལས་སྐྱིད་རྡོ་རྗེ་(བར་དོ་དང་
ཀྲོང་འདེམས་ཁོངས)

ཌོག་ཊར་ རྟ་མགྲིན་རྡོ་རྗེ་(སྟོད་ཝང་དང་ གླིང་མུ་འདེམས་ཁོངས)

ཉི་མ་ཚེ་རིང་(རྡོ་སྒར་དང་ ཤར་པ་འདེམས་ཁོངས)

འབྲུག་སྤྱིར་དབང་ཚོགས་པ་གིས་ གཙོ་རིམ་ཅན་གྱི་ དོན་ཚན་༢༥ གསལ་སྟོན།

༢༦/༡/༢༠༡༣   ༉ ཁ་ཙ་ འབྲུག་སྤྱིར་དབང་ཚོགས་པ་གིས་ རྒྱལ་ཁབ་གོང་འཕེལ་དང་འབྲེལ་བའི་ གནད་དོན་ནང་ གཙོ་རིམ་ཅན་གྱི་ དོན་ཚན་༢༥ གསལ་སྟོན་འབད་མི་དང་འབྲེལ་ གསར་སྤང་དང་ དར་དཀར་ནང་ དེ་ལས་ རྩི་རང་རྫོང་ཁག་གསུམ་གྱི་ འདེམས་ངོ་ཚུ་ ངོ་སྤྲོད་འབད་ཡི།

ལིང་དཔོན་བགྲེསཔ་ ཨེསི་བི་དགའ་ལེགས

སཱ་རསི་ཝ་ཏི་ ཆེ་ཏི་རི།

རྩ་རྒས་རྡོ་རྗེ།

བྷུ་ཊཱན་ཀུན་མཉམ་པར་ཊི་གིས་ མི་སྡེ་གོང་འཕེལ་ལུ་ གོ་སྐབས་འདྲ་མཉམ་གྱི་ དམིགས་གཏད་གསལ་སྟོན།

༢༦/༡/༢༠༡༣   ༉ བྷུ་ཊཱན་ཀུན་མཉམ་པར་ཊི་གིས་ གོང་འཕེལ་གྱི་དོན་ལུ་ གཙོ་བོ་ར་ མི་སེར་ལུ་ དབང་ཚད་སྤྲོད་ནི་དེ་ཨིནམ་ད་ དེ་ཡང་ དབུལ་ཕོངས་མར་ཕབ་དང་ འཕྲོད་བསྟེན་སྒྲིང་སྒྲིང་ མ་འོངས་པའི་དོན་ལུ་ རེ་འདོད་འགྲུབ་ཚུགས་པའི་ མི་ཚེའི་གནས་སྟངས་ལུ་ དམིགས་གཏད་བསྐྱེད་ནི་དེ་ཨིན་ཟེར་ ཁ་ཙ་ བརྡ་བརྒྱུདཔ་ཚུ་ལུ་བཏང་མི་ ཚོགས་པའི་གནས་ཚུལ་གསར་སྟོན་ཅིག་ནང་ བཀོད་ནུག།

འབྲུག་རྒྱལ་ཁབ་འདི་ ལྟ་བཤལ་ས་ཁོངས་དྲག་ཤོས་༣ ནང་ ཚུད་ཡོདཔ།

༢༦/༡/༢༠༡༣   ༉ འབྲུག་ལྟ་བཤལ་ཚོགས་སྡེ་གིས་ སྤྱི་ལོ་༢༠༡༢ ལུ་ རྒྱལ་ཁབ་ནང་ ལྟ་བཤལཔ་འོང་ནིའི་ཚད་གཞི་༡༠༠,༠༠༠ བཟོ་མི་དེ་ དམིགས་ཡུལ་གྲུབ་ཡོདཔ་ཨིན་པས།
ན་ཧིང་གི་ལོ་ནང་ ལྟ་བཤལཔ་བསྡོམས་༡༠༥,༤༡༤ ལྷོད་ཡོདཔ་བཞིན་དུ་ དེ་ནང་ལས་༥༣,༥༠༤ ཌོ་ལར་སྤྲོད་དེ་འོང་མི་ རྒྱལ་སྤྱིའི་ལྟ་བཤལཔ་ཨིནམ་ད་ གཞན་མི་༥༡,༩༡༠ ལུང་ཕྱོགས་ཀྱི་ ལྟ་བཤལཔ་ཚུ་ཨིན་པས། 

ལྷ་ཁང་དཀར་པོ་གསར་བཞེངས་ལས་འགུལ་ལུ་ཞིབ་དཔྱད།

༢༥/༡/༢༠༡༣   དེ་ཡང་ འབྲེལ་ཡོད་འགོ་དཔོན་ཚུ་གིས་ མ་དངུལ་ཚུལ་མིན་ཐོག་སྤྱོད་ཡོད་པའི་ ཉོགས་བཤད་ཡོད་ནི་དེ་གིས་ཨིན་མས།
༉ ངན་ལྷད་བཀག་སྡོམ་ལྷན་ཚོགས་ཀྱིས་ ཧཱ་ལྷ་ཁང་དཀར་པོ་གསར་བཞེངས་ལས་འགུལ་གྱི་ མ་དངུལ་ལོག་སྤྱོད་འབད་ཡོད་པའི་ ཁ་ཉེས་བཀལ་མི་ཚུ་ལུ་ ཞིབ་དཔྱད་འཕྲོ་མཐུད་དེ་ར་ འབད་བའི་བསྒང་ཡོདཔ་ཨིན་པས།
དེ་ཡང་ ན་ཧིང་ སྤྱི་ཟླ་༡༡ པའི་ནང་ལས་ ངན་ལྷད་བཀག་སྡོམ་ལྷན་ཚོགས་ཀྱི་ འགོ་དཔོན་ཚུ་གིས་ ཞིབ་དཔྱད་རྐྱབ་ནི་ འགོ་བཙུགས་ཡོདཔ་ཨིན་རུང་ ད་ལྟོ་ ཞིབ་དཔྱད་རྐྱབ་པའི་ གནས་སྟངས་ནང་ཨིན་ཟེར་ གནད་དོན་ཁ་གསལ་སྦེ་ སླབ་མ་བཏུབ།

ལྷ་ཁང་དཀར་པོ།

ད་རིས་ འཕྲོ་མཐུད་དེ་ ནགས་མེ་བསད་ནི།

༢༥/༡/༢༠༡༣   ༉ ཁ་ཙ་ ཉིན་མའི་ཆུ་ཚོད་༡༡:༣༠ དེ་ཅིག་ལུ་ མོང་སྒར་རྒྱལ་པོའི་ཞིང་ཁྲོམ་གྱི་ ཉེ་འདབས་ས་གནས་ བཀྲིས་སྤོག་ཏོག་ལས་ ནགས་ཚལ་མེ་རྐྱེན་ཤོར་མི་དེ་གིས་ ཉིནམ་༡ ལུ་ར་ སྟོང་ཕུ་ཤིང་ཨེ་ཀར་༢༠༠ དེ་ཅིག་ འཚིགས་ཡོདཔ་ད་ ནགས་མེ་དེ་ ད་ལྟོའི་བར་ན་ཡང་ བསད་མ་ཚུགས་པར་ ཡོདཔ་ཨིན་པས།

ནེ་པཱལ་གྱིས་ འབྲུག་ལས་རྒྱལ་ཁ་ཐོབ་ཡོདཔ།

༢༥/༡/༢༠༡༣   ༉ ལོ་བསྟར་བཞིན་དུ་ འགོ་འདྲེན་འཐབ་སྲོལ་ཡོད་མི་ ཨེ་ཤེ་ཡཱན་ ཀི་རི་ཀེཊི་ཚོགས་པའི་ ཀི་རི་ཀེཊི་འགྲན་བསྡུར་ནང་ འབྲུག་པའི་ཨམ་སྲུ་སྡེ་ཚན་གྱིས་ བཅའ་མར་གཏོགས་ཡོདཔ་བཞིན་དུ་ ཁ་ཙ་ ནེ་པཱལ་ཨམ་སྲུ་སྡེ་ཚན་དང་གཅིག་ཁར་ རྩེད་འགྲན་འབདཝ་ད་ ཕམ་ཡོདཔ་ཨིན་པས།

འབྲུག་དང་ ནེ་པཱལ་སྡེ་ཚན་གཉིས་ཀྱིས་ རྩེད་འགྲན་འབད་བའི་བསྒང་།

ཚུལ་མིན་འཐབ་མི་ ཤིང་ཆས་ཨེན་ཏ་ཚུ་ འཕྱོག་བཟུང་འབད་ཡོདཔ།

༢༥/༡/༢༠༡༣   ༉ འདས་པའི་བདུན་ཕྲག་ནང་ དབང་འདུས་ཕོ་བྲང་ མངའ་སྡེའི་ནགས་ཚལ་འགོ་དཔོན་ཚུ་གིས་ ཚུལ་མིན་ཐོག་ལས་ ཤིང་ཆས་ཨེན་ཏ་ཚུ་ སྐྱེལ་འདྲེན་འབད་མི་ སྣུམ་འཁོར་ ཊི་པར་ཊཱག་ཅིག་ འཕྱོག་བཟུང་འབད་མི་དེ་ ད་ལྟོ་ མངའ་སྡེའི་ནགས་ཚལ་ཡིག་ཚང་གི་གདོང་ཁར བཞག་ཡོདཔ་ཨིན་པས།

ཚུལ་མིན་ཐོག་ལས་ ཤིང་ཆས་ཨེན་ཏ་ཚུ་ སྐྱེལ་འདྲེན་འབད་མི་ སྣུམ་འཁོར་ཊི་པར་ཊཱག།

རྒྱལ་ཡོངས་ལྟ་བཤལ་སྲིད་བྱུས་ བསྐྱར་བཟོ་འབད་ནི་ཨིནམ།

༢༥/༡/༢༠༡༣   ༉ འབྲུག་གི་ལྟ་བཤལ་འཆར་གཞི་ལུ་ ལམ་སྟོན་འབད་ནི་ཨིན་མི་ རྒྱལ་ཡོངས་ལྟ་བཤལ་སྲིད་བྱུས་༢༠༡༢ ཅན་མ་དེ་ ཆ་འཇོག་འབད་ནིའི་དོན་ལུ་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ནང་ བཏང་ཡོདཔ་ཨིན་པས།

ཚོད་བསྲེ་བཙོང་ཁང་ནང་ གློག་མེའི་ཞབས་ཏོག་མེད་པའི་དཀའ་ངལ།

༢༥/༡/༢༠༡༣   ལོ་༥ འི་འཆར་གཞི་༡༡ པའི་ནང་ དགེ་ལེགས་ཕུག་ལུ་ ཚོད་བསྲེ་བཙོང་ཁང་གསརཔ་ བཟོ་སྐྲུན་འབད་ནི་ཨིནམ་མ་ཚད་ ཞབས་ཏོག་མཐུན་རྐྱེན་ཚུ་ཡང་ བཟོ་སྐྲུན་འབད་ནི་ཨིན་པས།
༉ དགེ་ལེགས་ཕུག་གི་ ཚོད་བསྲེ་ཁྲོམ་ཁར་ གནམ་བསྲོ་རནམ་ད་ ཚོད་བསྲེའི་ཚོང་སྒྱུར་འཐབ་པའི་སྐབས་ སྤྱ་རྩི་པེམ་འབར་དང་ ཉི་དྲོད་གློག་མེ་ཚུ་ ལག་ལེན་འཐབ་དགོཔ་ བྱུང་དོ་ཡོདཔ་ཨིན་པས།

གནག་དུང་ནང་ སྤྱ་རྩི་པེམ་འབར་བཏེགས་ཏེ་ ཚོད་བསྲེ་བཙོང་པའི་བསྒང་།

གཅན་གཟན་སྟག་གིས་ ནུབམོ་ཅིག་ནང་ བ་༤ བསད་ཡོདཔ།

༢༥/༡/༢༠༡༣   ༉ ཀྲོང་གསར་རྫོང་ཁག་ རྡོ་གཞོང་དགོན་པའི་ས་གནས་ནང་ གཅན་གཟན་སྟག་གིས་ སྒོ་ནོར་སེམས་ཅན་ཚུ་ལུ་ གནོདཔ་བཀལ་བའི་གནད་དོན་ཚུ་ བར་སྐབས་ཅིག་ མ་ཐོནམ་ཨིན་རུང་ ནུབ་སྦིས་རྒེད་འོག་ དགའ་གར་གཡུས་ཚན་ནང་ ད་རེས་ཁམས་ ནུབམོ་ཅིག་ནང་ གཡུས་མི་ཅིག་གི་ བ་༤ བསད་ཡོདཔ་ཨིན་པས།

འཕྲལ་མགྱོགས་ར་ བཙག་འཐུའི་ཤེས་ཡོན་དང་ འགོ་དཔོན་ཚུ་གི་ སྦྱོང་བརྡར་འགོ་བཙུགས་ནི།

༢༥/༡/༢༠༡༣   ༉ འདས་པའི་བདུན་ཕྲག་ནང་ དང་འདོད་ཅན་གྱི་ སྲིད་ཚོགས་གསརཔ་ཚུ་གི་གྲས་ལས་ མཇུག་ར་ འབྲུག་མཉམ་རུབ་ཚོགས་པའི་ཐོ་བཀོད་ ཆ་འཇོག་ཐོག་ ལག་ཁྱེར་ཐོབ་མི་དང་བསྟུན་ དུས་ཅི་ སྤྱིར་བཏང་བཙག་འཐུའི་དོན་ལུ་ སྲིད་ཚོགས་ཚུ་ག་ར་ གྲ་སྒྲིག་འབད་ནི་ འགོ་བཙུགསཔ་བཞིན་དུ་ དེ་དང་འབྲེལ་ བཙག་འཐུ་འགོ་འདྲེན་གྱི་དོན་ལུ་ བཙག་འཐུ་ལྷན་ཚོགས་ཀྱིས་ ལཱ་འབད་དགོཔ་ཚུ་ཡང་ བཟོ་དོ་ཡོདཔ་ཨིན་པས།

གནས་ཚུལ་མདོར་བསྡུས།

༢༤/༡/༢༠༡༣

ཁ་ཙ་ མི་དབང་མངའ་བདག་རིན་པོ་ཆེ་མཆོག་ རྒྱ་གར་གྱི་རྒྱལ་ས་ ལྡི་ལི་ལུ་ ཨིན་ད་ར་ གཱན་དྷི་ རྒྱལ་སྤྱི་གནམ་ཐང་ནང་ ཕེབས་པའི་སྐབས་ ཕྱི་འབྲེལ་བློན་པོ་ ཨི་ ཨ་ཧ་མེཌི་གིས་ ཕེབས་བསུ་ཞུ་ཡོདཔ་ད་ མི་དབང་མཆོག་ སྤྱི་ཟླ་༡ པའི་ཚེས་༢༦ ལུ་ རྒྱ་གར་གྱི་ མི་སེར་རྒྱལ་ཁབ་ཀྱི་ཉིནམ་༦༤ པའི་ དུས་སྟོན་བརྩི་སྲུང་ནང་ སྐུ་མགྲོན་གཙོ་བོ་ཨིན་པའི་གནས་ཚུལ།

 

ཉེས་འཛུགས་༢༣ འབད་མི་ལུ་ ཚོགས་དཔོན་གྱིས་ སྒྲུབ་བྱེད་བཀོད་ཡོདཔ།

༢༤/༡/༢༠༡༣   ༉ ངན་ལྷད་བཀག་སྡོམ་ལྷན་ཚོགས་ཀྱིས་ ཚོགས་དཔོན་འཇིགས་མེད་ཚུལ་ཁྲིམས་ལུ་ ཉེས་འཛུགས་༢༣ འབད་མི་ལུ་ ཚོགས་དཔོན་གྱིས་ སྤྱི་ཟླ་༡ པའི་ཚེས་༢༢ ལུ་ སྒྲུབ་བྱེད་བཀོད་མི་ཚུ་ གཤམ་གསལ་ལྟར་ཨིན་པས།

གཞིས་གསར་ལས་འགུལ་མཐར་འཁྱོལ་བྱུང་མི་ལུ་ བཀའ་དྲིན་དགའ་ཚོར།

༢༤/༡/༢༠༡༣   ༉ ཁ་ཙ་ བློན་ཆེན་འཇིགས་མེད་འོད་ཟེར་འཕྲིན་ལས་མཆོག་གིས་ ཁྱི་ན་དྭངས་གཞིས་གསར་ནང་ གཟིགས་སྐོར་གནང་པའི་སྐབས་ མི་སེར་ཚུ་གིས་ མི་དབང་མངའ་བདག་རིན་པོ་ཆེ་མཆོག་དང་ གཞུང་གི་བཀའ་དྲིན་ལུ་བརྟེན་ གཞིས་གསར་ལས་འགུལ་ མཐར་འཁྱོལ་བྱུང་ཚུགས་མི་དེ་ལུ་ བཀའ་དྲིན་དགའ་ཚོར་ཡོད་ལུགས་ཚུ་ ཞུ་ཡོདཔ་ཨིན་པས།

ཁྱི་ན་དྭངས་ཀྱི་ གཡུས་མི་ཚུ་གིས་ ཚོགས་ཆང་སྐབས་ བློན་ཆེན་མཆོག་ལུ་ ཕུལ་ནིའི་དོན་ལས་ ཁ་རང་དང་ སྒོང་རྡོག་ ཨོམ་ བ་དམ་ གུན་ཆ་ ཚལ་ལུ་ཚུ་ གྲ་སྒྲིག་འབད་བའི་བསྒང་།

དམངས་གཙོའི་རིང་ལུགས་ནང་ འགན་ཁུར་འབག་དགོ་པའི་ ལམ་སྟོན་དཔེ་དེབ་གསར་བཏོན།

༢༤/༡/༢༠༡༣   ༉ རྒྱལ་བརྒྱུད་རྒྱལ་ཁབ་དེ་ དུས་ཀྱི་འཕོ་འགྱུར་དང་བསྟུན་ དམངས་གཙོའི་རིང་ལུགས་ནང་ འབྲུག་པའི་ན་གཞོན་དང་ ཕོ་མོ་ཡོངས་ཀྱིས་ སྔར་ལས་ལྷག་སྟེ་ རྒྱལ་ཁབ་ཀྱི་དཔལ་འབྱོར་གོང་འཕེལ་དང་ ལམ་སྲོལ་བཟང་པོ་ དེ་ལས་ རྩོམ་རིགས་དཔེ་དེབ་ཚུ་ རང་དབང་ཐོག་ལས་ རྩོམ་འབྲི་འབད་དགོ་པའི་ འགན་ཁུར་ཕོག་ཡོདཔ་ཨིན་པས།

གཞི་རྟེན་ཤེས་ཡོན་ལས་ཁུངས་ཀྱི་མདོ་ཆེན་ ཚེ་དབང་རྟ་མགྲིན་གྱིས་ དཔེ་དེབ་གསར་བཏོན་འབད་བའི་བསྒང་།

བཞེས་སྒོའི་འགྲེམས་སྟོན་ལས་རིམ་ཚུ་ ཕྱིར་བཏོན་འབད་ནི།

༢༤/༡/༢༠༡༤   ༉ ན་ཧིང་ཚུན་ ཐིམ་ཕུ་ལུ་སྡོད་མི་དང་ རྫོང་ཁག་ཚུ་ནང་ལས་འོང་མི་ཚུ་གིས་ ལྕང་གླིང་མི་ཐང་གི་ སྣུམ་འཁོར་བཞག་སའི་ ས་ཁོངས་ནང་སོང་སྟེ་ བཞེས་སྒོའི་འགྲེམས་སྟོན་ཚུ་ནང་ལས་ བཞེས་སྒོ་འདྲ་མིན་སྣ་ཚོགས་ཚུ་ ཉོ་བཟའ་དོ་ཡོདཔ་ཨིན་རུང་ དུས་ཅི་ལས་ དེ་བཟུམ་མའི་གོ་སྐབས་ འཐོབ་མི་ཚུགས་ནི་ཨིན་པས།

བཟའ་ཚང་༡༡ གིས་ གཱོལ་བིལ་སྒྲིང་གི་ སྒྲིང་ཁྱིམ་ནང་ལས་ ཐོན་འགྱོ་མ་བཏུབ་པའི་དཀའ་རྙོགས།

༢༤/༡/༢༠༡༣   ༉ རྒྱལ་ཡོངས་ཁྱིམ་བཟོ་གོང་འཕེལ་ལས་འཛིན་ཡིག་ཚང་གིས་ ཕུན་ཚོགས་གླིང་ གཱོལ་བིལ་སྒྲིང་གི་ སྒྲིང་ཁྱིམ་ནང་ ཁང་གླ་ཁར་སྡོད་མི་ བཟའ་ཚང་༡༡ ལུ་ སྤྱི་ཟླ་༡ པའི་ཚེས་༡༩ ཚུན་ དུས་ཚོད་བྱིན་ཐོག་ལས་ སྒྲིང་ཁྱིམ་ནང་ལས་ ཐོན་འགྱོ་དགོཔ་སྦེ་ སླབ་ཡོད་རུང་ ད་ལྟོའི་བར་ན་ཡང་ འགྱོ་མ་བཏུབ་པར་སྡོད་ཡོདཔ་ལས་ དྲུང་ཁག་ཁྲིམས་ཀྱི་འདུན་སར་ བསྐྱལ་ནི་ཨིན་པས།

གཱོལ་བིལ་སྒྲིང་།

ཁྲིམས་མཐུན་ཐོག་ ས་ཆ་བགོ་བཀྲམ་འབད་ཡོད་པའི་བདེན་ཁུངས།

༢༤/༡/༢༠༡༤  ༉ ངན་ལྷད་བཀག་སྡོམ་ལྷན་ཚོགས་ཀྱིས་ མོང་སྒར་རྫོང་ཁག་ཁྲིམས་འདུན་ལུ་ ཚོགས་དཔོན་འཇིགས་མེད་ཚུལ་ཁྲིམས་ལུ་ རྒྱལ་པོའི་ཞིང་གི་ ས་ཆ་བགོ་བཀྲམ་དང་འབྲེལ་བའི་ཉེས་འཛུགས་༢༣ དེ་ཅིག་ འབད་མིའི་ལན་ལུ་ ཁ་ཙ་ འགག་བཤེར་གྱི་ལན་ཕུལ་བའི་སྐབས་ ཚོགས་དཔོན་གྱིས་ ཉེས་འཛུགས་རེ་རེ་བཞིན་དུའི་ ར་ཁུངས་ཚུ་ བཀལ་ཡོདཔ་ཨིན་པས།

བདེན་པ་མེད་པའི་ བརྡ་སྐད་རྐྱབ་མི་ལུ་བརྟེན་ མི་ཚུ་རྣམ་རྟོག་ལང་བཅུག་ཡོདཔ།

༢༤/༡/༢༠༡༣   ༉ སྤྱི་ཟླ་༡ པའི་ཚེས་༢༢ ལུ་ དྲོ་པའི་ཆུ་ཚོད་༧:༡༥ དེ་ཅིག་ཁར་ སྤུ་ན་གཙང་ཆུའི་མཐའམ་བདའ་སྟེ་ སྡོད་མི་ཚུ་ ཧང་སྟོང་མར་ ལོང་དགོཔ་ཐོན་ཡོདཔ་མ་ཚད་ ལ་ལུ་ཅིག་ རྣམ་རྟོག་ལང་སྟེ་ ཁྱིམ་ནང་ལས་ ཐོན་འགྱོ་དགོཔ་ཐོན་མི་དེ་ ལུང་གཤོང་ནང་ གཞན་དང་མ་འདྲ་བའི་བརྡ་སྐད་ རྐྱབ་མི་ལུ་བརྟེན་ཏེ་ཨིན་པས།

སྤུ་ན་གཙང་ཆུའི་མཐའམ་བདའ་སྟེ་ གཞི་བཙུགས་འབད་མི་ ཆུ་རུད་ཀྱི་ ཉེན་བརྡའི་འཕྲུལ་ཆས།

གནས་ཚུལ་མདོར་བསྡུས།

༢༣/༡/༢༠༡༣

ཁ་ཙ་ ཐིམ་ཕུ་ན་གཞོན་གོང་འཕེལ་མ་དངུལ་གྱི་ ཞལ་འཛོམས་ཁང་ནང་སྦེ་ འགོ་འདྲེན་འཐབ་མི་ རེ་བེན་ན་གཞོན་ལས་རིམ་ ཐེངས་༢ པའི་ མཇུག་བསྡུའི་རྟེན་འབྲེལ་ནང་ མི་དབང་རྒྱལ་བཙུན་མཆོག་གིས་ གྲལ་གཏོགས་གནང་ཡོདཔ་ད་ བདུན་ཕྲག་༢ འབད་མི་ ན་གཞོན་ལས་རིམ་ནང་ དམག་སྡེའི་ལས་བྱེདཔ་ཚུ་གི་ ཨ་ལུ་༧༤༧ གྱིས་ བཅའ་མར་གཏོགས་ཡོདཔ་བཞིན་དུ་ རེ་བེན་ན་གཞོན་ལས་རིམ་དེ་ གནམ་དགུན་གྱི་ངལ་གསོའི་སྐབས་ ན་གཞོན་ཚུ་ འབྲེལ་འཛིན་སྦེ་བཞག་ནི་དང་ ལྕོགས་གྲུབ་ཅན་བཟོ་ནིའི་དོན་ལུ་ རྒྱལ་པོའི་གཟིམ་དཔོན་ཡིག་ཚང་གིས་ འགོ་འདྲེན་འཐབ་ཡོད་པའི་གནས་ཚུལ།

ཕྱིའི་ལས་མི་ཚུ་ ནང་འདྲེན་འབད་བའི་སྐབས་ ཏི་རུ་སྔོན་སྤྲོད་འབད་མ་ཆོགཔ་བཟོ་ནི།

༢༣/༡/༢༠༡༣   ༉ རྒྱལ་ཁབ་ནང་ ཁག་འབག་གི་ ལཱ་འབད་མི་ཚུ་གིས་ ཕྱིའི་ལས་མི་ཚུ་ ནང་འདྲེན་འབད་བའི་སྐབས་ ཏི་རུ་སྔོན་སྤྲོད་འབད་དོ་ཡོདཔ་ཨིན་རུང་ ད་ལས་ཕར་ འབྲུག་བཟོ་སྐྲུན་ཚོགས་སྡེ་གིས་ དེ་བཟུམ་འབད་མ་ཆོག་པའི་ གསལ་བསྒྲགས་ཅིག་ འབད་ནི་ཨིན་པས།
དེ་ཡང་ ད་ལྟོའི་ ལམ་ལུགས་དེ་ལུ་བརྟེན་ ཏི་རུ་ཚུ ཐོབ་ཚར་བའི་བསྒང་ལས་ ལས་མི་ཚུ་གིས་ བྲོས་ཟུར་འབད་བའི་དཀའ་ངལ་ སྦོམ་སྦེ་ར་ བྱུང་ནི་དེ་གིས་ཨིནམ་ད་ གནད་དོན་དེ་ སྤྱི་ཟླ་༡ པའི་ཚེས་༢༡ ལུ་འཚོགས་མི་ འབྲུག་བཟོ་སྐྲུན་ཚོགས་སྡེའི་ ཡོངས་ཁྱབ་ཞལ་འཛོམས་ནང་ གྲོས་བསྡུར་འབད་དེ་ ཐག་བཅད་ཡོདཔ་ཨིན།
ཨིན་རུང་ ཏི་རུ་སྔོན་སྤྲོད་འབད་མ་ཆོག་པའི་ གསལ་བསྒྲགས་དེ་གིས་ ཕན་ཐོགས་ག་དེ་སྦེ་ འབྱུང་ཚུགས་ག་མནོ་བའི་ དོགས་པ་ཡོད་ལུགས་ཀྱི་སྐོར་ལས་ཡང་ བསམ་འཆར་ཚུ་ བརྗེ་སོར་འབད་ཡི།

ཆང་འཐུང་མི་ཚུ་ལུ་ ཤེས་ཡོན་བྱིན་ནིའི་འཆར་གཞི།

༢༣/༡/༢༠༡༣   ༉ འདས་པའི་ཟླཝ་ནང་ སྤ་རོ་ལུ་སྦེ་ ཆང་ལུ་བརྟེན་པའི་ གནོད་སྐྱོན་མར་ཕབ་རྐྱབ་ནིའི་ ཞལ་འཛོམས་ཅིག་ འགོ་འདྲེན་འཐབ་པའི་སྐབས་ བཅའ་མར་གཏོགས་མི་ བསྟན་སྲུང་ཕན་བདེའི་ལས་འགུལ་གྱི་ ངོ་ཚབ་ཅིག་གིས་འབད་བ་ཅིན་ ལས་འགུལ་གྱིས་ ཆང་འཐུང་མི་ཚུ་ལུ་ ཤེས་ཡོན་བྱིན་ནིའི་དོན་ལུ་ འཆར་གཞི་ཚུ་ བརྩམ་པའི་བསྒང་ཡོད་ཟེར་ཨིན་པས།

གནས་ཚུལ་མདོར་བསྡུས།

༢༣/༡/༢༠༡༣ 

རྒྱ་གར་གྱི་ མི་སེར་རྒྱལ་ཁབ་ཀྱི་ཉིནམ་༦༤ པ་ བརྩི་སྲུང་ཞུ་སར་ སྐུ་མགྲོན་གཙོ་བོ་སྦེ་ འབྱོན་གནང་ནི་ཨིན་མི་ མི་དབང་མངའ་བདག་རིན་པོ་ཆེ་མཆོག་ ཕེབས་བསུ་ཞུ་ནིའི་དོན་ལུ་ ཁ་ཙ་ ནིའུ་ལྡི་ལི་ལུ་ ཊིན་མུར་ཊི་མཱག་ལམ་བདའ་སྟེ་ འབྲུག་དང་ རྒྱ་གར་རྒྱལ་ཁབ་༢ ཀྱི་ རྒྱལ་དར་ཚུ་ འཕྱར་ཡོདཔ་ད་ མི་དབང་མཆོག་དང་ མི་དབང་རྒྱལ་བཙུན་རྣམ་༢ འབྲུག་ལས་ རྒྱ་གར་ལུ་ རྒྱལ་ཁམས་ཀྱི་ གཟིགས་སྐོར་ནང་ ད་རིས་ ཕེབས་གནང་ནི་ཨིནམ་བཞིན་དུ་ མི་སེར་གྱི་ཉིནམ་དེ་ སྤྱི་ཟླ་༡ པའི་ཚེས་༢༦ ལུ་ བརྩི་སྲུང་ཞུ་ནི་ཨིན་པའི་གནས་ཚུལ།