དེ་ཡང་ སྤྱི་ཟླ་༣ པའི་ཚེས་༢༣ རེས་གཟའ་ཉི་མ་ལུ་ མཐའ་བཅད་རྩེད་འགྲན་འབད་བའི་སྐབས་ འབྲུག་ཨིསི་ཊར་གྱིས་ གཱོལ་༢ བཙུགས་ཏེ་ བློ་གསལ་གླིང་སྡེ་ཚན་ཕམ་བཏང་བའི་སྐབས་ བྱང་ཕྱད་སྡེ་ཚན་གྱིས་ གཱོལ་༡ བཙུགས་ཅི།
རྩེད་འགྲན་འགོ་མ་བཙུགས་པའི་ཧེ་མར་ འབྲུག་ཨེསི་ཊར་གྱི་ རྩེད་འགྲན་པ་ཚུ་ དུམ་གྲ་ཅིག་ འདྲོག་འབྱེལ་འཐབ་མི་དེ་ཡང་ ན་ཧིང་ བློ་གསལ་གླིང་སྡེ་ཚན་གྱིས་ རྒྱལ་ཁ་ཐོབ་མི་ལུ་བརྟེན་ དོགས་ཟོན་བསྐྱེད་ཡོདཔ་ཨིན་པས།
བློ་གསལ་གླིང་སྡེ་ཚན་གྱིས་འབད་བ་ཅིན་ ན་ཧིང་ཡང་ རྒྱལ་ཁ་ཐོབ་ཡོདཔ་ལས་ དུས་ཅི་ཡང་ གཱོལ་དག་པ་ཅིག་བཙུགས་ཏེ་ ཕམ་བཏང་ནིའི་རེ་བ་སྦོམ་བསྐྱེད་དེ་འབད་རུང་ མནོ་དོན་དེ་ མཐའན་མཇུག་ལུ་ལྷོདཔ་ད་ གྲུབ་མ་ཚུགས་ཨིན་པས།
འབྲུག་ཨེསི་ཊར་སྡེ་ཚན་གྱིས་ གཱོལ་༢ བཙུགས་པའི་ཤུལ་ལུ་ དུས་ཡུན་སྐར་མ་༦༡ ལུ་ བློ་གསལ་གླིང་རྩེད་འགྲན་པ་ཚུ་གིས་ རྒྱལ་ཁ་འཐོབ་འདོད་ཀྱི་རེ་བ་མ་རྫོགས་མི་ལུ་བརྟེན་ རྩ་འགེངས་རྩེད་འགྲན་འབད་ནི་དེ་གིས་ གཱོལ་༡ བཙུགས་ནིའི་གོ་སྐབས་ཐོབ་ཅི།
འབྲུག་ཕུཊ་བཱོལ་ཚོགས་སྡེའི་ཁ་ཐུག་ལས་ ཨང་དང་པ་ཐོན་མི་ འབྲུག་ཨེསི་ཊར་སྡེ་ཚན་ལུ་ རྒྱལ་རྟགས་ཀྱི་ གསོལ་རས་དངུལ་ཀྲམ་༢༠,༠༠༠ དང་ ངོ་རྐྱང་གི་རྟགས་མ་ དེ་ལས་ བློ་གསལ་གླིང་སྡེ་ཚན་ལུ་ གསོལ་རས་དངུལ་ཀྲམ་༡༠,༠༠༠ ངོ་རྐྱང་གི་གསོར་ལས་ཚུ་བྱིན་ཡི།
སྤྱི་ཟླ་༤ པའི་ནང་ འབྲུག་ཕུཊ་བཱོལ་ཚོགས་པའི་འགོ་འདྲེན་ཐོག་ལུ་ སྡེ་ཚན་ཁ་པའི་ འགྲན་བསྡུར་འགོ་འདྲེན་འཐབ་ནི་ ཨིན་པའི་གནས་ཚུལ།
བཀྲིས་ཕུན་ཚོགས།
No comments:
Post a Comment