 |
| བླམ་བསྟན་འཛིན་ནོར་བུ། |
བླམ་བསྟན་འཛིན་ནོར་བུ་དེ་ སྤུ་ན་ཁ་རྫོང་ཁག་ རྟ་ལོག་རྒེད་འོག་ ལབ་རྩ་ཁ་ལས་ཨིནམ་ད་ ཁོ་ར་ དགུང་ལོ་ཆུང་ཀུ་བསྒང་ལས་ སྤུངས་ཐིམ་གྲྭ་ཚང་ནང་ འཛུལ་ཞུགས་འབད་ཡོདཔ་མ་ཚད་ ལོ་ངོ་༢༠ ལྷག་ཙམ་ཅིག་ གཞུང་སྦུག་གྲལ་ནང་བཞུགས་པའི་རིང་ དཔལ་ལྡན་འབྲུག་པའི་ གར་ཐིག་དབྱངས་༣ གྱི་སློབ་སྦྱོང་ཚུ་ མཐིལ་ཕྱིན་འབད་ལྷབ་སྦྱང་མཛད་ནུག།
དེ་བཟུམ་སྦེ་ སྐྱབས་རྗེ་ཞིང་གཤེགས་དམ་པ་དགེ་འདུན་རིན་ཆེན་དང་ མཚན་སློབ་ཞིང་གཤེགས་ སློབ་ཀུན་ལེགས་ལས་ བསྙེན་རྫོགས་ཀྱི་སྡོམ་པ་ཞུ་ཡོདཔ་ད་ བླམ་བསོད་ནམས་བཟང་པོ་དང་ རྗེ་མཁན་ཁྲི་རབས་བདུན་ཅུ་པ་ སྐྱབས་རྗེ་འཕྲིན་ལས་ལྷུན་གྲུབ་ལས་ རང་ལུགས་ཀྱི་ དབང་ལུང་ཁྲིད་༣ ག་ར་ཞུ་ཡོདཔ་ཨིན་པས།
བླམ་གྱིས་ བསྐྱེད་རིམ་ལྷ་དགུའི་དབང་ལུང་དང་ བསྙེན་སྒྲུབ་ཀྱི་རིམ་པ་ ཕྱག་ཆེན་སྔོན་འགྲོ་ ཕྱག་རྒྱ་ཆེན་མོའི་ནཱ་རོ་ཆོས་དྲུག་ དེ་ལས་ རྫོགས་རིམ་གྱི་གདམས་ངག་ཚུ་ཞུ་ཡོདཔ་མ་ཚད་ ལོ་གསུམ་ཕྱོགས་གསུམ་གྱི་ སྐུ་མཚམས་ཡང་བཅད་ཡོདཔ་ཨིན་པས།
ད་རེས་ སྐྱབས་རྗེ་མཆོག་གིས་ བླམ་གི་གོ་གནས་ལུ་བསྐོ་བཞག་གནང་མི་དང་བསྟུན་ ང་རའི་ཁ་ཐུག་ལས་ ཅི་ལྕོགས་གང་ལྕོགས་ཀྱི་ཐོག་ལས་ ཕྱག་ཕྱིད་ཞུ་ནིའི་རེ་འདོད་ཡོད་ཟེར་ ཨིན་པའི་གནས་ཚུལ།
བཀྲིས་ཕུན་ཚོགས།
No comments:
Post a Comment