བྱུང་རྐྱེན་དེ་ཡང་ ཀྲོང་གསར་ལས་གཞལམ་སྒང་ཁ་ཐུག་གི་ ཀི་ལོ་མི་ཊར་༡༦ དེ་ཅིག་གི་ ས་གནས་ བཀྲིས་སྡིངས་ཁའི་གཡུས་ཚན་ནང་བྱུང་ཡོདཔ་ད་ ལོ་རྒྱུས་དང་འཁྲིལ་བ་ཅིན་ ཤི་རྐྱེན་བྱུང་མི་ འཇིགས་མེད་ཚུལ་ཁྲིམས་དེ་ ཉ་བཟུང་པར་སོང་སོངམ་ཡོང་ནི་མས་ཟེར་ཨིནམ་ད་ ཁོ་གི་ཆ་རོགས་ཅིག་གིས་སླབ་དོ་བཟུམ་འབད་བ་ཅིན་ ཁོ་གཙང་ཆུའི་ནང་རྦོབ་རིལ་སོང་བའི་ཤུལ་ལུ་ གཙང་ཆུ་གིས་ འཕྱགས་བདའ་མཆིས་ཡི་ཟེར་ཨིན་པས།
འཇིགས་མེད་ཚུལ་ཁྲིམས་དེ་ལུ་ གནས་ཚང་དང་ ཨ་ལུ་བུ་ཅིག་ཡོདཔ་ད་ ཁོ་ར་ མང་སྡེ་ཆུའི་གློག་མེ་ཚད་སྤེལ་ཁང་གི་ གློག་ཐག་བཙུགས་མི་ཨིན་པས།
རྒྱལ་ཁབ་ནང་ ད་རེས་ཀྱི་རྐྱེན་ངན་དེ་རྩིསཝ་ད་ དུས་ཅི་ལོ་ནང་ལུ་ མི་གྲངས་ དགུ་ཆུ་གིས་འཕྱགས་བདའ་ཡོདཔ་ཨིན་པས།
འདི་དང་འབྲེལ་ སྤྱི་ཟླ་ ༧ པའི་ཚེས་༢༥ ལུ་ ཐིམ་ཕུ་ཆུ་བར་ཆུའི་རོང་ཆུ་གིས་སྐྱེས་ལོ་༨ འབད་མི་སློབ་ཕྲུག་ཨ་ལུ་འཕྱགས་འབག་མིའི་རོ་དེ་ ད་ལྟོའི་བར་ན་ཡང་འཚོལ་མ་ཐོབ་པར་ཡོདཔ་ཨིནམ་ད་ གཙང་ཆུ་བདའ་སྟེ་ལྟ་རྟོག་འབད་མིའི་ ཁྲིམས་སྲུང་འགག་པ་ཚུ་གིས་ དྲན་སྟོན་ཐོག་ལུ་སྡོདཔ་ཨིན་ཟེར་བཤདཔ་ཨིན་པའི་གནས་ཚུལ།
རྩོམ་འབྲི་ལས་བྱེདཔ།
No comments:
Post a Comment