ཨིན་རུང་
དགོངས་ཞུ་འབད་མ་དགོ་པར་
ལོག་དོ་འགྲན་འབད་ཆོག་མི་ཆོག་
ཁ་གསལ་མེདཔ་ཨིན་པས།
༉
རྒྱལ་ཡོངས་ཚོགས་སྡེའི་
འཐུས་མི་ཚུ་ དགོངས་ཞུ་འབད་མ་དགོ་པར་
ལོག་བཙག་འཐུའི་ནང་
དོ་འགྲན་འབད་ཆོག་མི་ཆོག་
ཁ་གསལ་ག་ནི་ཡང་མེད་རུང་
འཐུས་མི་ལེ་ཤ་ཅིག་གིས་
ལོག་དོ་འགྲན་འབད་ནི་གི་
དང་འདོད་ཡོད་ལུགས་བཀོད་ཡོདཔ་མ་ཚད་
ཡིག་ཆ་གྲ་སྒྲིག་འབད་ནི་ཚུ་ཡང་
འགོ་བཙུགས་ཡོདཔ་ཨིན་པས།
ཚོགས་སྡེའི་འཐུས་མི་༡༥
དེ་ཅིག་གིས་ བཙག་འཐུའི་ནང་
ལོག་སྟེ་ར་ བཅའ་མར་གཏོགས་ནི་གི་
ལོ་རྒྱུས་ཡོད་པའི་ཁར་
དག་པ་ཅིག་གིས་ བརྡ་བརྒྱུད་ཚུ་ནང་ཡང་
གསལ་བཀོད་འབད་ནུག།
དེ་འབདཝ་ད་
བཙག་འཐུ་ལྷན་ཚོགས་ཀྱིས་
ཚོགས་སྡེའི་འཐུས་མི་ཚུ་
ལོག་དོ་འགྲན་འབད་བ་ཅིན་
དགོངས་ཞུ་འབད་དགོཔ་ད་ གལ་སྲིད་
འཐུས་མི་ཚུ་ གོ་གནས་ཐོག་
དོ་འགྲན་འབད་ཆོག་པ་ཅིན་
འདེམས་ངོ་གསརཔ་ཐོན་མི་ཚུ་ལུ་
འདྲ་མཉམ་མི་འོང་ཟེར་ སླབ་ཨིན་པས།
དང་འདོད་ཅན་གྱི་
ཚོགས་སྡེའི་འདེམས་ངོ་ཅིག་གིས་
སླབ་མིའི་ནང་ འདེམས་ངོ་གསརཔ་ལེ་ཤ་ཅིག་ར་
ཞི་གཡོག་ནང་ལས་དགོངས་ཞུ་འབད་ཡོདཔ་ལས་
འཐུས་མི་ཚུ་ དགོངས་ཞུ་འབད་མ་དགོ་པར་
དོ་འགྲན་འབད་ཆོག་པ་ཅིན་
ཁོང་ལུ་ཡང་ ལམ་ལུགས་ཅོག་འཐདཔ་
ལག་ལེན་འཐབ་དགོ་ཟེར་ཨིན་པས།
བཙག་འཐུ་ལྷན་འཛིན་སྤྱི་ཁྱབ་
དྲགོས་ཀུན་བཟང་དབང་འདུས་ཀྱིས་
བཤད་མིའི་ནང་ ཚོགས་སྡེའི་འཐུས་མི་
ལོག་དོ་འགྲན་འབད་ནི་གི་
དང་འདོད་ཡོད་མི་ཚུ་
དགོངས་ཞུ་འབད་དགོ་མི་དེ་ཡང་
འདྲ་མཉམ་དང་ དྲན་བདེན་ཐོག་
གོ་སྐབས་གཅིག་མཚུངས་དགོ་ཟེར་ཨིན་པས།
ལྟ་རྟོག་པ་ལ་ལུ་ཅིག་གིས་
བསམ་འཆར་བཀོད་མིའི་ནང་
འཐུས་མི་ཚུ་གིས་ གོ་གནས་ཐོག་ལུ་
ལོག་དོ་འགྲན་འབད་ནི་གི་
མནོ་བསམ་ཡོད་པ་ཅིན་
དགོངས་ཞུའི་ཐོབ་ལམ་ཚུ་ལུ་
མནོ་བསམ་གཏང་ནི་མི་འོང་ཟེར་ཨིན་པས།
ད་ཚུན་
དགོངས་ཞུ་མ་འབད་བར་
ལོག་བཙག་འཐུའི་ནང་
བཅའ་མར་གཏོགས་ཆོག་མི་ཆོག
ཁ་གསལ་མེད་པའི་ཁར་
ཚོགས་སྡེའི་འཐུས་མི་ཚུ་གིས་ཡང་
དགོངས་ཞུའི་ཞུ་ཡིག་བཙུགས་བཙུགསཔ་མེདཔ་ཨིན་རུང་
དགོངས་ཞུའི་ཞུ་ཡིག་བཙུགས་མི་དང་པ་
ཐིམ་ཕུའི་འཐུས་མི་
སངས་རྒྱས་བཟང་མོ་ཨིན་པས།
བཙག་འཐུའི་དོན་ལུ་
རྒེད་འོག་ཚུ་ནང་
འདེམས་ངོ་གདམ་འཐུའི་འཛོམས་འདུ་ཚུ་
འགོ་བཙུགས་ཡོདཔ་བཞིན་དུ་
ལོག་དོ་འགྲན་འབད་ནི་གི་
དང་འདོད་ཡོད་མི་
ཚོགས་སྡེའི་འཐུས་མི་ཚུ་གི་དོན་ལུ་
དུས་ཡུན་ཉིནམ་༡༧ དེ་ཅིག་མ་གཏོགས་མེདཔ་ལས་
རང་སོའི་རྒེད་འོག་གི་
འཛོམས་འདུ་ཚུ་ནང་ ཕྱིས་ནི་གི་
འོས་འབབ་ཡང་ཡོདཔ་ཨིན་པས།
འདེམས་ངོ་གདམ་འཐུའི་འཛོམས་འདུ་
འགོ་འདྲེན་འཐབ་ནི་ཚུ་
སྤྱི་ཟླ་༣ པའི་ཚེས་༡༢ ལས་
འགོ་བཙུགས་ཡོདཔ་ད་
རྒེད་འོག་ཚུ་ནང་ལས་
འདེམས་ངོ་གདམ་འཐུ་འབད་དེ་
སྤྱི་ཟླ་༣ པའ་ིཚེས་༣༡
ནང་འཁོད་ལུ་ འདེམས་ངོ་ཚུ་གི་
ཐོ་བཀོད་འབད་ཚར་དགོཔ་ཨིན་པའི་གནས་ཚུལ།
བསམ་གཏན་ཡེ་ཤེས།
No comments:
Post a Comment