 |
| ཀུན་ལེགས་དབང་ཕྱུག། |
དེ་ཡང་ རྒྱང་བསྒྲགས་རེ་ཌིའོ་ནང་ གསལ་བཤད་འབད་ནི་ལུ་ མཁས་མཆོག་ཅིག་ཨིནམ་ལས་ སྐུ་གཟུགས་རེ་ཌིའོ་ཉན་མི་ཚུ་གིས་ དགའ་སེངཔ་ཀུན་ལེགས་དབང་ཕྱུག་ཟེར་སླབ་མི་ ཀུན་ལེགས་དབང་ཕྱུག་དེ་ ཁོ་རའི་ མཁལ་རྡོག་མེདཔ་ཐལ་མི་ལུ་བརྟེན་ ཁོ་རའི་སྲིངམོ་གི་ མཁལ་རྡོག་ཚབ་བཙུགས་ཡོདཔ་ལས་ ད་ལྟོ་ རྒྱ་གར་བེ་ལོར་ལུ་ སྨན་བཅོས་འབད་བའི་བསྒང་ཡོདཔ་བཞིན་དུ་ སྤྱི་ཟླ་༣ པའི་ཚེས་༡༠ ལུ་ རྒྱལ་ཁབ་ནང་ ལོག་ལྷོད་ནི་གི་ རེ་བ་བསྐྱེདཔ་ཨིན་པས།
ན་ཧིང་ གཞུང་གིས་ ཀུན་ལེགས་དབང་ཕྱུག་ལུ་ མཁལ་རྡོག་ཚབ་བཙུགས་ནིའི་དོན་ལུ་ དངུལ་ཀྲམ་ས་ཡ་༢.༥ ཟད་འགྲོ་བཏང་སྟེ་ བེ་ལོར་སྨན་ཁང་ནང་ བཏང་ཡོདཔ་ཨིན་པས།
ད་རིས་འབདཝ་ད་ ཀུན་ལེགས་དབང་ཕྱུག་དེ་ ཨ་རྟག་གི་ མི་ཚེའི་གནས་སྟངས་ནང་ ལྷོད་ཡོདཔ་ལས་ གཞུང་ལུ་ བཀྲིན་བསམ་ནི་གི་ དུས་ཚོད་ཨིནམ་སྦེ་ བསམ་འཆར་བཀོདཔ་ཨིན་པས།
དེ་འབདཝ་ལས་ འཕྲལ་ར་འགོ་འདྲེན་འཐབ་ནི་ཨིན་མི་ རྒྱལ་ཡོངས་ཚོགས་སྡེའི་ བཙག་འཐུའི་ནང་ དོ་འགྲན་འབད་ཐོག་ལས་ བསྐྱར་ཞིབ་ཚོགས་ཁང་ནང་ ཁོ་ར་གིས་ ཤེས་ཤེསཔ་མཐོང་མཐོངམ་ཚུ་ ཉམ་ཆུང་གི་སྒོ་ལས་ ཕྱག་ཞུ་སྟེ་ ཁྱད་པར་བཟོ་ནི་ལུ་ ལྷན་ཐབས་འབད་ནི་ཟེར་ ཐའི་ལེནཌ་རང་སིཊི་གཙུག་ལག་སློབ་སྡེ་ལས་ ཕྱི་འབྲེལ་དོན་གཅོདཔ་དང་ རྒྱལ་སྤྱི་སློབ་སྦྱོང་ནང་ མཐོ་རིམ་གོང་མའི་ ཤེས་ཚད་མཐར་འཁྱོལ་བའི་ཁར་ བརྡ་བརྒྱུད་ནང་ ལཱ་འབད་བའི་ ལོ་ངོ་༧ གྱི་ ཉམས་མྱོང་ཡོད་མི་ ཀུན་ལེགས་དབང་ཕྱུག་གིས་ སླབ་ཨིན་པས།
ཁོ་གིས་འབད་བ་ཅིན་ འབྲུག་གི་རྩོམ་རིག་ཞིབ་འཚོལ་འབད་བའི་སྐབས་ལུ་ ཁོ་གིས་ ཀྲོང་གསར་རྫོང་ཁག་གི་ རྒེད་འོག་༡༥ ཆ་མཉམ་ནང་ ལྟ་སྐོར་འབད་ཡོདཔ་ལས་ མི་སེར་གྱི་གནད་དོན་ཚུ་གི་སྐོར་ལས་ ལེགས་ཤོམ་སྦེ་ར་ཤེས་ཟེར་ཨིན་པས།
ཀུན་ལེགས་དབང་ཕྱུག་གིས་ སྤྱི་ལོ་༢༠༡༢ ལུ་ རྒྱལ་ཡོངས་གློག་བརྙན་དུས་སྟོན་ནང་ སྲུང་དྲག་ཤོས་ཀྱི་ གསོལ་རས་དང་ སྤྱི་ལོ་༢༠༠༢ ལུ་ རྫོང་ཁ་གོང་འཕེལ་ལྷན་ཚོགས་ཀྱིས་ འགོ་འདྲེན་འཐབ་མི་ རྒྱལ་ཡོངས་སྲུང་འབྲི་རྩོམ་འགྲན་བསྡུར་ནང་ལས་ གསོལ་རས་ཡང་ ཐོབ་ཡོད་པའི་གནས་ཚུལ།
རྩོམ་འབྲི་ལས་བྱེདཔ།
No comments:
Post a Comment