 |
| བརྡ་དོན་དང་བརྒྱུད་འབྲེལ་བློན་པོ་ ནཱན་ད་ལཱལ་ རའེ་གིས་ སྒེར་གྱི་གནས་ཚུལ་ལས་ཁང་ཚུ་ རང་གི་རྐངམ་གུ་ རང་ལོང་སྡོད་ཚུགསཔ་ འབད་དགོ་ཟེར་ སླབ་པའི་བསྒང་། |
དེ་གི་ལན་ལུ་ བརྡ་དོན་དང་ བརྒྱུད་འབྲེལ་བློན་པོ་ ནན་ད་ལཱལ་རའེ་གིས་ གནས་ཚུལ་ལས་ཁང་ཚུ་གིས་ འཕྲལ་མགྱོགས་ར་ བཙག་འཐུ་དང་འབྲེལ་བའི་གནས་ཚུལ་ འབྲི་དགོཔ་ལས་ དེ་བསྟུན་གྱི་དཀའ་ངལ་ འཐོན་ནིའི་ཤེས་རྟོགས་བྱུང་ཡོདཔ་ལས་ འདས་པའི་ཟླཝ་དག་པ་ཅིག་ནང་ གནས་ཚུལ་མཁནམ་གསརཔ་ཚུ་ལུ་ སྦྱོང་བརྡར་བྱིན་ཡི་ཟེར་བཤད་ཅི།
གནས་ཚུལ་ལས་ཁང་ཚུ་གིས་ ཧེ་མ་ལས་ཡོད་པའི་ གནས་ཚུལ་མཁནམ་ཚུ་ལུ་ རང་སོའི་གནས་ཚུལ་ལས་ཁང་གིས་སྦེ་ སྦྱང་བ་ཚུ་ཡང་ བྱིན་ཏེ་ཡོད་ཟེར་ཨིནམ་ད་ མི་ངོ་༢༤ ལུ་ བཙག་འཐུ་སྐབས་ གནས་ཚུལ་བསྡུ་ལེན་འབད་ནི་གི་དོན་ལུ་ ཁ་སྐོང་སྦྱོང་བརྡར་ཚུ་ བྱིན་ཏེ་ཡོད་ཟེར་ བློན་པོ་གིས་ བཤད་ཅི།
དེ་མ་ཚད་ གནས་ཚུལ་ལས་ཁང་གི་ རྩོམ་སྒྲིགཔ་དང་ བཀོད་ཁྱབ་འགོ་དཔོན་ཚུ་གིས་ གནས་ཚུལ་བསྡུ་བཀོདཔ་༢ རེ་ གདམ་འཐུ་འབད་ནི་ཨིནམ་བཞིན་དུ་ བཙག་འཐུ་སྐབས་ གནས་ཚུལ་ག་བཟུམ་འབྲི་ནི་ཨིན་ན་ གནས་ཚུལ་ལས་ཁང་རང་སོ་ལུ་ རག་ལས་ཟེར་བཤད་ཅི།
བློན་ཆེན་འཇིགས་མེད་འོད་ཟེར་འཕྲིན་ལས་མཆོག་གིས་ འདས་པའི་བཙག་འཐུའི་སྐབས་ ཀུན་གསལ་དང་ འབྲུག་གནས་ལུགས་ འབྲུག་དུས་ཚོད་ འབྲུག་རྒྱང་བསྒྲགས་ལས་འཛིན་ རྒྱང་བསྒྲགས་རེ་ཌིའོ་ཚུ་གིས་ འགན་ཁུར་སྦོམ་འབག་ཡོདཔ་ཨིན་རུང་ ད་རེས་འབདཝ་ད་ གསར་ཤོག་༡༢ དང་ རེ་ཌིའོ་༦ དེ་ལས་ ཊེ་ལི་ཝི་ཤཱན་༢ ཡོད་ཟེར་ཨིན་པས།
འབྲུག་པའི་མི་རློབས་དང་འཁྲིལཝ་ད་ བརྡ་བརྒྱུད་མ་འདྲཝ་ཚུ་གི་ཐོག་ལས་ གནས་ཚུལ་བལྟ་ཚུགས་ཟེར་གསུངས་ཡི།
འབྲུག་མི་ཚུ་གིས་ འབྲུག་པའི་གནས་ཚུལ་ལུ་རྐྱངམ་གཅིག་ དང་འདོད་བསྐྱེདཔ་མེན་པར་ རྒྱལ་སྤྱིའི་གནས་ཚུལ་གྱི་ཐོག་ལས་ཡང་ ལྟ་དོ་ཡོདཔ་ལས་ དེ་ཚུ་ལག་ལེན་འཐབ་དགོཔ་ཁག་ཆེ་ཟེར་ བློན་ཆེན་གྱིས་གསུངས་ཡི།
བློན་ཆེན་གྱིས་འབད་བ་ཅིན་ མི་སེར་ཚུ་གིས་ གཙོ་རིམ་ཅན་གྱི་གསར་ཤོག་ ངོས་འཛིན་འབད་དེ་ ལྷག་ཤེས་དགོཔ་དེ་ ཁག་ཆེ་ཟེར་ཨིནམ་ད་ དམངས་གཙོའི་རིང་ལུགས་ནང་ གཞུང་གིས་བརྡ་བརྒྱུདཔ་ཚུ་ལུ་ གནས་ཚུལ་བྱིན་ཏེ་ར་ སྡོད་ནི་མེན་པར་ གཞུང་གིས་ ལཱ་འབད་སའི་གནས་སྟངས་དེ་ ལེགས་ཤོམ་བཟོ་ནི་དང་ གནས་ཚུལ་ལས་ཁང་གི་རང་དབང་ལུ་ གུས་ཞབས་འབད་ནི་དེ་ ཨིན་ཟེར་ཨིན་པས།
བརྡ་བརྒྱུད་ལས་ཁང་ལ་ལུ་ཅིག་ ཚུལ་ལྡན་སྦེ་ རྒྱུན་སྐྱོང་འབད་མ་ཚུགས་པར་ ཧྲམ་འགྱོ་ནིའི་ཉེན་ཁ་ཡོདཔ་ལས་ གཞུང་གིས་ ཚོང་བསྒྲགས་ཀྱི་སྲིད་བྱུས་ལུ་ ཁས་ལེན་མ་འབད་ཟེར་ བློན་ཆེན་གྱིས་ གསུངས་ཡི།
བསྟན་རྒྱས་བློན་པོ་ མཁའ་འགྲོ་དབང་ཕྱུག་གིས་ བཙག་འཐུ་ལྷན་ཚོགས་ཀྱིས་ ཁྱབ་བསྒྲགས་ཀྱི་དོན་ལུ་ གསར་ཤོག་དང་ རྒྱང་བསྒྲགས་དག་པ་ཅིག་ གདམ་ཁ་རྐྱབ་སྟེ་ཡོད་རུང་ དེ་ལུ་ གཞུང་གིས་ དཔྱད་ཞིབ་འབད་དགོཔ་སྦེ་ སླབ་སྟེ་ཡོད་ཟེར་ བཤད་ཡོད་པའི་གནས་ཚུལ།
བཀྲ་ཤིས་བསྟན་འཛིན།
No comments:
Post a Comment