གཟིགས་གནང་མི་ལུ་བཀའ་དྲིན་ཆེ།

༉ ང་བཅས་ཀྱིས་ ཉིན་བསྟར་བཞིན་དུ་

ཡོངས་འབྲེལ་འཆར་སྒོ་འདི་ནང་

གནས་ཚུལ་ཚུ་ དུས་མཐུན་བཟོ་སྟེ་ གསལ་བཀོད་འབདཝ་ཨིན།

We update at the earliest possible for you!

རྫོང་ཁའི་གནས་ཚུལ་གཟིགས་ དུས་མཐུན་ཞུགས་ཚུགས།

འཕྱོག་བཟུང་འབད་མི་ འཐུང་རིགས་ཚུ་འབོ་བཏང་ཡོདཔ།

༡༩/༣/༢༠༡༣   ༉ ན་ཧིང་ ཕུན་ཚོགས་གླིང་གི་ ལུང་ཕྱོགས་འོང་འབབ་དང་ ཅ་དམ་འགོ་དཔོན་ཚུ་གིས་ ཧང་སྟོང་མར་སྦེ་ ཞིབ་དཔྱད་རྐྱབ་སྟེ་ འཕྱོག་བཟུང་འབད་མི་ སྟོབས་ཤུགས་བཏག་ནི་གི་ འཐུང་རིགས་དང་ ཆང་བི་ཡར་ཚུ་ ཁ་ཙ་ དཔག་བསམ་ཁ་ལུ་ ཕུན་ཚོགས་གླིང་ཁྲོམ་སྡེའི་ ཕྱགས་སྙིགས་བཀོ་ས་ལུ་ འབོ་བཏང་ཡོདཔ་ཨིན་པས།
ཅ་དམ་འགོ་དཔོན་ཚུ་གིས་ ཆང་བི་ཡར་ཚུ་ འབོ་བཏང་པའི་བསྒང་།


དེ་ཡང་ འབྲུག་སོ་ནམ་དང་བཟའ་སྤྱོད་ཁྲིམས་དོན་དབང་འཛིན་གྱིས་ འཐུང་རིགས་ཚུ་གི་ དུས་ཡོལ་སོཔ་ལས་ མེདཔ་གཏང་དགོ་ཟེར་ སླབ་མི་དང་འཁྲིལ་ ད་ཅམ་ལས་བྱེདཔ་ཚུ་གིས་ ཨི་ནར་ཇི་ཌིངཀསི་ཤོག་སྒྲོམ་༥༠༠ དང་ ཀིང་ཕི་ཤར་ ཏུར་བོག་ ཕོསི་ཊར་ ཊའི་གར་ ཧེ་ནི་ཀེན་ལ་སོགས་པའི་ ཆང་བི་ཡར་ཤོག་སྒྲོམ་༡༤༠ འབོ་བཏང་ནུག།
ཤེལ་དམ་སྟོངམ་ཚུ་ ལྕགས་རོ་ཚོང་འབྲེལ་འཐབ་མི་ལུ་ བཙོང་ནི་དང་ ཤོག་སྒྲོམ་ཚུ་ ལོག་སྤྱོད་བཏུབ་བཟོ་མི་ལུ་ བཙོང་ནི་ཨིན་ཟེར་ ཅ་དམ་འགོ་དཔོན་ཚུ་གིས་ སླབ་ཨིན་པས།
སྟོབས་ཤུགས་བཏག་ནི་གི་ ཨི་ནར་ཇི་ཌིངཀསི་ཚུ་ ཕྱི་རྒྱལ་ལས་དང་ ཆང་བི་ཡར་ཚུ་ རྒྱ་གར་ལས་ ནང་འདྲེན་འབད་ཡོདཔ་ཨིན་པས།
སྟོབས་ཤུགས་བཏག་ནི་གི་ འཐུང་རིགས་ཚུ་གི་ དུས་ཡོལ་འགྱོ་ནི་གུ་ བལྷོད་ཡོདཔ་ལས་ ཅ་དམ་འགོ་དཔོན་ཚུ་གིས་ རིན་བསྡུར་ཐོག་ལས་ མ་བཙོངམ་ཨིན་པའི་གནས་ཚུལ།

No comments:

Post a Comment