 |
| རིན་ཆེན་ཕུན་ཚོགས། |
ཁོ་གིས་
འཛོམས་འདུའི་ནང་ལས་ གདམ་ངོ་སྦེ་
བཙག་འཐུ་འབད་ཡོད་རུང་
རྒྱལ་ཡོངས་བཙག་འཐུ་ནང་
བཅའ་མར་གཏོགས་ནིའི་དོན་ལུ་
ཡིག་ཆ་༢ མ་ཚང་པར་ཡོདཔ་ཨིན་པས།
ན་ཧིང་
རྒྱ་གར་ལྷོ་ཕྱོགས་གཙུག་ལག་སློབ་སྡེ་ལས་
མཐར་འཁྱོལ་མི་ རིན་ཆེན་ཕུན་ཚོགས་ཀྱིས་
མཐོ་རིམ་ཤེས་ཚད་མཐར་འཁྱོལ་བའི་ལག་ཁྱེར་དང་
ཁྲིམས་ཁང་གི་ ཉོགས་མེད་ལག་ཁྱེར་༢
མེདཔ་ཨིན་པས།
ཁོ་གིས་
སླབ་དོ་བཟུམ་འབད་བ་ཅིན་
མཐོ་རིམ་ཤེས་ཚད་ཀྱི་ལག་ཁྱེར་དེ་
ད་ལྟོ་ མ་ལྷོད་དེ་འབད་རུང་
སྤྱི་ཟླ་༣ པའི་ཚེས་༣༡
གི་ནང་འཁོད་ལུ་དེ་
ལྷོད་ཚུགས་པའི་རེ་བ་ཡོད་ཟེར་ཨིན་པས།
རྫོང་ཁག་བཙག་འཐུ་འགོ་དཔོན་
མ་ནི་དགའ་ལེགས་ཀྱིས་འབད་བ་ཅིན་
གལ་སྲིད་ག་དེམ་ཅིག་སྦེ་
ཡིག་ཆ་ཚུ་ སྤྱི་ཟླ་༣ པའི་ཚེས་༣༡
གི་ ཕྱི་རུའི་ཆུ་ཚོད་༥
གི་ནང་འཁོད་ལུ་ ལྷོད་ནི་མེད་པ་ཅིན་
བཙག་འཐུ་ནང་ གདམ་ངོ་སྦེ་
བཅའ་མར་གཏོགས་མི་ཆོག་ཟེར་ཨིན་པས།
ཁོ་རའི་
ཕམ་སྤུན་ཆ་དང་ ཆ་རོགས་ཚུ་གིས་
སེམས་ཤུགས་བསྐྱེད་བཅུགཔ་ལུ་བརྟེན་
ཁོ་གིས་ བཙག་འཐུ་ནང་
བཅའ་མར་གཏོགས་ཅི་ཟེར་ཨིན་པས།
བཙག་འཐུ་ནང་
བཅའ་མར་གཏོགས་ནི་དེ་
རྒྱལ་ཁ་འཐོབ་ནི་ལུ་
དམིགས་གཏད་བསྐྱེད་ནི་མེན་པར་
མི་སེར་ཚུ་གིས་ ལྕོགས་གྲུབ་ཅན་གྱི་
མི་ངོམ་ གདམ་ཁ་རྐྱབ་ནི་ལུ་
གོ་སྐབས་མངམ་བྱིན་ཐབས་ལུ་ཨིན་ཟེར་
ཁོ་གིས་ བཤདཔ་ཨིན་པས།
ཁོ་ལུ་
ལཱ་གི་ཉམས་མྱོང་མེད་ནི་དེ་གིས་
མི་སེར་ཚུ་གིས་ གདམ་འཐུ་འབདཝ་ད་
དུམ་གྲ་ཅིག་ སེམས་གཡང་ཟ་བསྐྱེད་ཡོདཔ་ཨིན་རུང་
མི་སེར་གྱི་ཞབས་ཏོག་འགྲུབ་ཚུགས་པ་ཅིན་
ངལ་རངས་འབྱུང་ནི་མས་ཟེར་ཨིན་པས།
སྐྱེས་ལོ་༤༣
ལང་མི་ སོ་ནམ་ཞིང་པ་
བྱང་ཆུབ་ཀྱིས་འབད་བ་ཅིན་
སྤྱི་ལོ་༢༠༠༨ ལུ་ དམངས་གཙོའི་
གཞུང་འགོ་དང་པ་
གཞི་བཙུགས་འབད་བའི་སྐབས་ལུ་ཡང་
ཉམས་མྱོང་མེད་མིའི་འཐུས་མི་ཚུ་
ཡོད་ཟེར་ཨིན་པས།
འཛོམས་འདུ་ནང་འོང་མི་
མང་ཤོས་ར་ ཨམ་སྲུ་ཚུ་ཨིནམ་བཞིན་དུ་
ཁོང་གིས་འབད་བ་ཅིན་ རྨགཔ་ཚུ་
ཞིང་ནང་ལཱ་འབད་དེ་
འཛོམས་འདུ་ནང་འོང་ནིའི་
དལ་ཁོམས་མིན་འདུག་ཟེར་
བཤདཔ་ཨིན་པའི་གནས་ཚུལ།
No comments:
Post a Comment