 |
| ཀརྨ་དབང་ཕྱུག། |
ཀརྨ་དབང་ཕྱུག་གིས་ སྤྱི་ཚོགས་ཀྱི་ བཙག་འཐུ་འགོ་དང་པའི་ནང་ བཅའ་མར་གཏོགས་ནིའི་ བློ་འདོད་བསྐྱེད་ཡོདཔ་ཨིན་རུང་ ཁོ་ར་ ཁག་འབག་ལཱ་གིས་ དལ་ཁོམ་མེད་མི་ལུ་བརྟེན་ བཅའ་མར་གཏོགས་མ་ཚུགསཔ་ཨིན་པས།
ཀརྨ་དབང་ཕྱུག་གིས་ རྒྱ་གར་ པཱན་རྒྱབ་གཙུག་ལག་སློབ་སྡེ་ལས་ ནང་རིག་ནང་ གཙུག་ལག་གཞི་རིམ་ཤེས་ཚད་ མཐར་འཁྱོལ་ཡོདཔ་ཨིན་པས།
ཀརྨ་དབང་ཕྱུག་གིས་ རྒྱལ་ཡོངས་ཚོགས་སྡེའི་འཐུས་མི་སྦེ་ དོ་འགྲན་འབད་དགོ་མིའི་ གནད་དོན་གཙོ་བོ་ར་ ཁོ་གིས་ གཞུང་དང་མི་སེར་གཉིས་ཀྱི་བར་ན་ ཟམ་བཟུམ་སྦེ་ ཕྱག་ཞུ་ནིའི་སྤྲོ་བ་སྦོམ་ཡོད་ནི་དེ་གིས་ཨིན་པས།
དེ་མ་ཚད་ རྒྱལ་ཡོངས་ཚོགས་སྡེ་ལུ་ ཁྲིམས་བསྐྱར་ཞིབ་འབད་ནིའི་ འགན་ཁུར་ཕོག་ཡོདཔ་ལས་ ཁོ་གིས་ གཞུང་དང་མི་སེར་གཉིས་ཀྱི་བར་ན་ དཀའ་ངལ་དང་ སྟབས་མ་བདེཝ་བསལ་ནི་ལུ་ སྤྲོ་བ་དང་ དང་འདོད་བསྐྱེད་དེ་ འབད་ནི་ཟེར་ཨིན་པས།
ཁོ་གིས་ དོ་འགྲན་འབད་དགོ་པའི་གནད་དོན་གཅིགཔོ་དེ་ རྫོང་ཁག་གཅིག་ནང་ལས་ འཐུས་མི་ལེ་ཤ་ཐོན་ཞིནམ་ལས་ མི་སེར་ལུ་ གདམ་ཁ་རྐྱབ་ནིའི་ གོ་སྐབས་བྱིན་དགོཔ་དེ་ ཁག་ཆེ་ཟེར་ཨིན་པས།
མི་སེར་ལུ་ གདམ་ཁའི་གོ་སྐབས་ཡོདཔ་འདྲཝ་ཅིག་འབ་དབ་ཅིན་ ཁོང་གིས་དགའ་མི་དང་ ལྕོགས་གྲུབ་ཅན་གྱི་ འཐུས་མི་ གདམ་ཁ་རྐྱབ་ཚུགས་ཐབས་ལུ་ ཕན་ཁྱད་སྦོམ་ཡོད་ཟེར་ཨིན་པས།
ཀརྨ་དབང་ཕྱུག་གིས་འབད་བ་ཅིན་ ཁོ་གི་འདེམས་ཁོངས་ཀྱི་ མི་སེར་ཚུ་གིས་ དྲང་བདེན་གྱི་ཐོག་ལས་ བཙག་འཐུ་འབད་དགོཔ་དེ་ གནམ་མེད་ས་མེད་ཁག་ཆེ་ཟེར་ཨིནམ་ད་ ག་དེམ་ཅིག་སྦེ་ རྒྱལ་ཡོངས་ཚོགས་སྡེའི་ འཐུས་མི་སྦེ་ ཁོ་བཙག་འཐུ་འགྲུབ་པ་ཅིན་ རྒྱལ་ཁབ་ དང་ མི་སེར་གྱི་ ཞབས་ཏོག་གང་དྲག་ཞུ་ནི་ཟེར་ ཨིན་པས།
དམངས་གཙོའི་རིང་ལུགས་ནང་ ཁག་ཆེ་ཤོས་ཅིག་ དྲང་བདེན་གྱི་གཅིག་བསྒྲིལ་འབད་ནི་དེ་ཨིནམ་ལས་ མི་མང་གིས་ ཤེས་རྟོགས་བྱུང་ཐོག་ལས་ ཚོགས་རྒྱན་བཙུགས་དགོ་ཟེར་ཨིན་པའི་གནས་ཚུལ།
ཡེ་ཤེས་སྒྲོལ་མ།
No comments:
Post a Comment