ཁ་ཙ་ཕྱི་རུའི་ཆུ་ཚོད་༢ ལས་༥ ཚུན་ རྩེད་འགྲན་འབད་མི་ སྡེ་ཚན་༥ པོ་ཆ་ར་གིས་ མཐའ་བཅད་འོག་མའི་རྩེད་འགྲན་ནང་ གོ་སྐབས་ཐོབ་མི་དེ་ཡང་ སྡེ་ཚན་གཞན་མི་༣ ལས་ སྐུགས་མཐོ་སུ་སྦེ་ ཐོབ་མི་ལུ་བརྟེན་ཨིན་པས།
དེ་ཡང་ འབྲུག་སྨན་ལྗོངས་དང་ རྫོང་ཁྲིམས་སྲུང་ དེ་ལས་ ཊཱག་སྡེ་ཚན་༣ གྱི་བར་ན་ རྩེད་འགྲན་འབད་བའི་སྐབས་ འབྲུག་སྨན་ལྗོངས་སྡེ་ཚན་གྱིས་ སྐུགས་༤ ཆོད་དེ་ སྐུགས་ཐོབ་ཚད་༦ དང་ ཊཱག་སྡེ་ཚན་ལུ་ སྐུགས་ཐོབ་ཚད་༤ དེ་ལས་ རྫོང་ཁྲིམས་སྲུང་སྡེ་ཚན་ལུ་ སྐུགས་ཐོབ་ཚད་༢ ཐོབ་ཡོདཔ་ཨིན་པས།
ད་རིས་ དྲོ་པའི་ཆུ་ཚོད་ཕྱེད་དང་༩ ལས་ ཉི་མ་ཆུ་ཚོད་༡༢ ཚུན་ རྒྱལ་ས་ལྟེ་བ་དང་ འབྲུག་སྨན་ལྗོངས་ དེ་ལས་ རང་ལུགས་ལྷམོ་བཟོ་སྡེ་ཚན་༣ གྱི་བར་ན་རྩེ་ནི་ཨིནམ་མ་ཚད་ ས་ཁོངས་གཞན་མིའི་ནང་ ཊཱག་སྡེ་ཚན་དང་ གུ་རུ་དབང་རྒྱལ་ དེ་ལས་ རུ་ཀི་ཆུ་སྡེ་ཚན་༣ གྱི་བར་ན་ རྩེ་ནི་ཨིན་པས།
ཉི་མའི་ཆུ་ཚོད་༢ ལས་ མཉམ་རོགས་གཞོནམ་དང་ གང་འདྲཝ་ དེ་ལས་ རྫོང་ཁྲིམས་སྲུང་སྡེ་ཚན་༣ གྱི་བར་ན་ རྩེད་འགྲན་འབད་ནི་ཨིན་པས།
དབྱེ་ཁག་༣ སྦེ་ སྡེ་ཚན་༩ གིས་ དོ་འགྲན་འབད་ཐོག་ལས་ དབྱེ་ཁག་རེ་ལས་ རྒྱལ་ཁ་ཐོབ་མི་སྡེ་ཚན་རེ་གིས་ མཐའ་བཅད་འགྲན་བསྡུར་ནང་ ལྷོད་ཚུགས་ནི་ཨིན་པའི་གནས་ཚུལ།
བཀྲིས་ཕུན་ཚོགས།
No comments:
Post a Comment