༉ ཕུན་ཚོགས་གླིང་ལུ་ རྫོང་ཁག་༥ ལས་ སྒོ་ནོར་ལས་ཁུངས་དང་ འབྲུག་སོ་ནམ་དང་བཟའ་སྤྱོད་ཁྲིམས་དོན་དབང་འཛིན་ གསོ་བའི་ལྷན་ཁག་ དེ་ལས་ ཁྲིམས་སྲུང་འགག་སྡེའི་ འཐུས་མི་ཚུ་ལུ་ བཱཌ་ཕུ་ལུ་ཟེར་མི་ བྱ་ནད་བཀག་ཐབས་ཀྱི་ ལག་ལེན་དངོས་བསྟར་གྱི་ སྦྱོང་བརྡར་བྱིན་ཡོདཔ་ཨིན་པས།
 |
| སྒོ་ནོར་འགོ་དཔོན་ཅིག་གིས་ འགྲེམ་སྟོན་ཐོག་ བྱ་ནད་ཨེཆ་ཝཱན་ཨེན་ཝཱན་ཐོབ་མི་ བྱ་བསད་ཐངས་ཀྱི་ སྦྱོང་བརྡར་བྱིན་པའི་བསྒང་། |
དེ་བསྒང་ སྒོ་ནོར་ལས་ཁུངས་ཀྱི་ འགོ་དཔོན་ཅིག་གིས་ ལས་བྱེདཔ་ཚུ་ལུ་ འགྲེམ་སྟོན་ཐོག་ལས་ བྱ་ནད་ཨེཆ་ཝཱན་ཨེན་ཝཱན་ཐོབ་མི་བྱ་ལེ་ཤ་སྦེ་ བསད་ཐངས་ཀྱི་ སྦྱོང་བརྡར་བྱིན་ཡོདཔ་ད་ ལས་བྱེདཔ་ཚུ་ལུ་ བྱ་ནད་བཀག་ཐབས་ཀྱི་ ལག་ལེན་དངོས་བསྟར་གྱི་ སྦྱོང་བརྡར་བྱིན་མི་དེ་ཡང་ ས་གནས་གཞན་ཚུ་ནང་ བྱ་ནད་ཨེཆ་ཝཱན་ཨེན་ཝཱན་འཐོན་པའི་སྐབས་ ནད་གཞི་བཀག་ནི་གི་ མི་སྟོབས་ལངམ་མེདཔ་ད་ ད་རིས་ སྦྱོང་བརྡར་འབད་མི་ཚུ་ ལག་ལེན་འཐབ་ནིའི་དོན་ལུ་ཨིན་ཟེར་ སྒོ་ནོར་འགོ་དཔོན་ཚུ་གིས་ སླབ་ཨིན་པས།
རྒྱལ་ཁབ་ནང་ སྤྱི་ལོ་༢༠༡༠ ལས་༢༠༡༣ ཚུན་ཚོད་ བྱ་ནད་ཨེཆ་ཝཱན་ཨེན་ཝཱན་བསྡོམས་༡༦ ཐོན་ཡོད་པའི་ ཐོ་བཀོད་འབད་ཡོདཔ་བཞིན་དུ་ བྱ་གསོ་སྐྱོང་འབད་མི་ཚུ་ལུ་ རྒུད་འཐུས་དངུལ་ཀྲམ་ས་ཡ་༢.༡ སྤྲོད་ཡོདཔ་མ་ཚད་ སྤྱི་ལོ་༢༠༡༠ དང་༢༠༡༢ ཀྱི་བར་ན་ བྱ་༡༠,༣༨༥ བསད་ཡོད་པའི་གནས་ཚུལ།
རྩོམ་འབྲི་ལས་བྱེདཔ།
No comments:
Post a Comment