 |
| རླུང་མ་གིས་ ཐོན་སྐྱེད་འབད་མི་ ནུས་ཤུགས། |
མོ་བཏབ་ལས་འགུལ་གྱི་དོན་ལུ་ ཨེ་ཤི་ཡ་གོང་འཕེལ་དངུལ་ཁང་གིས་ ཟད་འགྲོ་བཏང་ཡོདཔ་བཞིན་དུ་ དངུལ་ཁང་གིས་ ད་རེས་ནངས་པ་ རྒྱ་གར་རྒྱལ་ཁབ་ལས་ གྲོས་སྟོན་པ་ཅིག་ རྒྱལ་ཁབ་ནང་བཏང་ཡོདཔ་ལས་ ཁོ་གིས་ ཁག་འབག་གི་ཡིག་ཆ་ཚུ་ དབྱེ་ཞིབ་འབད་དེ་ མཐའ་བཅད་བཟོ་བའི་ཤུལ་ལུ་ ལཱ་འགོ་བཙུགས་ནི་ཨིན་ཟེར་ སྡེ་ཚན་གྱི་ འགོ་དཔོན་ཚུ་གིས་སླབ་ཅི།
འགོ་དཔོན་ཚུ་གིས་འབད་བ་ཅིན་ མོ་བཏབ་ལས་འགུལ་དེ་ འགོ་བཙུགས་པའི་སྐབས་ལུ་ སྤ་རོ་ ཅེ་ལི་ལ་དང་ ཆུ་ཁ་རྩི་མ་གཤམ་ དེ་ལས་ དབང་འདུས་ཕོ་བྲང་ རུས་སྦིས་ས་འབདཝ་ད་ ས་ཁོངས་༣ ངོས་འཛིན་འབད་དེ་ དེ་ཚུ་ནང་ དབྱེ་ཞིབ་འབད་བའི་སྐབས་ རུས་སྦིས་ས་རྐྱངམ་གཅིག་མ་གཏོགས་ གཞན་མི་ས་ཁོངས་༢ ནང་ འོས་འབབ་མེདཔ་སྦེ་ མཐོང་ཡི་ཟེར་ཨིན་པས།
དབྱེ་ཞིབ་ཀྱི་ ལཱ་འབད་བའི་སྐབས་ལུ་ རླུང་མ་བརྟག་དཔྱད་འབད་ནིའི་ འཕྲུལ་ཆས་ཚུ་ དུས་ཡུན་ལོ་༡ དེ་ཅིག་གི་རིང་ ས་ཁོངས་དེ་ཚུའི་ནང་ གཞི་བཙུགས་འབད་དེ་ བཞག་ཡོདཔ་ཨིན་པས།
ཁོ་གིས་འབད་བ་ཅིན་ རླུང་མ་ལུ་བརྟེན་པའི་ ནུས་ཤུགས་ཐོན་སྐྱེད་འབད་ནིའི་དོན་ལུ་ རླུང་མ་འཕུ་སའི་ས་ཁོངས་ ག་རའི་ནང་ མི་བཏུབ་ནི་དང་ དེ་ཡང་ རླུང་མ་ཡུན་བརྟན་སྦེ་ འཕུ་མ་འཕུ་དང་ རླུང་མ་འཕུ་སའི་ཕྱོགས་ དེ་ལས་ རླུང་མའི་ཤུགས་ཚད་ཚུ་གི་སྐོར་ལས་ཡང་ བལྟ་དགོཔ་ཁག་ཆེ་ཟེར་ཨིན་པས།
ད་རེས་ཀྱི་གནས་སྟངས་ནང་ ས་ཁོངས་ཚུ་ ངོས་འཛིན་འབད་ཡོདཔ་ཨིན་རུང་ དེ་ནང་ལས་ གློག་མེའི་ཤུགས་ཚད་ ག་དེམ་ཅིག་ ཐོན་སྐྱེད་འབད་ནི་ཨིན་ནའི་སྐོར་ལས་ གཏན་འཁེལ་བཟོ་མ་ཚུགས་པར་ཡོད་ཟེར་ འགོ་དཔོན་ཚུ་གིས་སླབ་ཅི།
དེ་བཟུམ་མའི་ ལས་འགུལ་འགོ་བཙུགས་དགོ་མི་དེ་ཡང་ གཙོ་བོ་ར་ རྒྱལ་ཁབ་ནང་ གནམ་དགུན་གྱི་སྐབས་ གློག་མེ་འཕྲུལ་ཁང་ཚུ་ནང་ གློག་མེའི་ཐོན་སྐྱེད་ མར་འབབ་འགྱོ་བའི་སྐབས་ ཉེན་སྲུང་བཟུམ་ཅིག་ཨིནམ་མ་ཚད་ དེ་ལུ་བརྟེན་ དུས་ཚོད་གཞན་ཚུ་གི་སྐབས་ ནུས་ཤུགས་ཚུ་ ཐེབས་སྦེ་ཡང་ ཐོན་སྐྱེད་འབད་ཚུགས་ཟེར་ ཨིན་པའི་གནས་ཚུལ།
ཉི་མ་དབང་འདུས།
No comments:
Post a Comment