དེ་ཡང་ ཨམ་སྲུ་དེ་ སྤྱི་ཟླ་༧ པའི་ཚེས་༢༤ གི་ཉིན་མར་ རྒྱ་གར་ཨ་སམ་ལས་ རྒྱལ་ཁབ་ནང་ན་འོངམ་ད་ བསམ་གྲུབ་ལྗོངས་མཁར་གྱི་ ས་མཚམས་སྒོ་ར་ལས་ འཛིན་བཟུང་འབད་ཡོདཔ་ཨིན་པས།
དེ་བསྒང་ ཨམ་སྲུ་དེ་གིས་ ཀེ་ཧང་གི་འདབ་མ་ ལག་པ་གིས་ འཕུར་ཏེ་བཟོ་བའི་ ཧ་ཤིཤ་དུམ་རིལ་ག་རམ་༨༠ དང་ ཏམ་ཁུ་ཕུད་རྡོག་༦ འབག་སྟེ་ཡོདཔ་ཨིན་པས།
མོ་གིས་ ཁྲིམས་སྲུང་འགག་པ་ལུ་ཕུལ་མི་ ངག་བརྗོད་དང་འཁྲིལཝ་ད་ མོ་གིས་ ཀེ་ཧང་ལས་བཟོ་ཡོད་མི་ སྨྱོ་རྫས་དེ་ མོ་རའི་གཡུས་ཁ་ལས་འབག་འོང་ཡོདཔ་ཨིན་རུང་ ཏམ་ཁུ་དེ་ ཨ་སམ་མེ་ལ་བ་ཛཱར་ལས་ ཉོ་ཡི་ཟེར་ བཀོད་ཡོདཔ་ཨིན་པས།
ཨམ་སྲུ་དེ་ སྤྱི་ཟླ་༧ པའི་ཚེས་༢༣ ལུ་ བསམ་གྲུབ་ལྗོངས་མཁར་ལུ་ ཀེ་བ་དོས་ཕད་ཙེ་༥༠ རིན་བསྡུར་ཁང་བརྒྱུད་དེ་ བཙོང་པར་འོང་ནུག་ཟེར་ ཁྲིམས་སྲུང་འགག་པ་གིས་ བཤདཔ་ཨིན་པས།
ཨིན་རུང་ ཨམ་སྲུ་དེ་ གནས་སྐབས་ཅིག་ ཁྲིམས་སྲུང་འགག་པའི་ དོ་དམ་འོག་ལུ་ སྡོད་མ་དགོ་པར་ རྒྱབ་མི་བཙུགས་ཐོག་ལས་ སྤྱི་ཟླ་༨ པའི་ཚེས་༦ ལུ་ བཏང་ཡོད་པའི་གནས་ཚུལ།
རྩོམ་འབྲི་ལས་བྱེདཔ།
No comments:
Post a Comment