ཁྲིམས་སྲུང་འགག་པའི་སྡེ་བདག་ དབང་རྒྱལ་རྡོ་རྗེ་གིས་ སླབ་མིའི་ནང་ སྐྱེས་ལོ་༢༤ ལང་མི་ ཕོ་སྐྱེས་དེ་ སྤ་རོ་ལུ་ གླ་འཁོར་ཅིག་ནང་ འོང་ཡོདཔ་ཨིན་རུང་ གླ་འཁོར་གྱི་ དེད་གཡོགཔ་ལུ་ གླ་ཆ་སྤྲོད་མ་ཚུགས་པར་ ཆ་རོགས་འབད་གནང་ཟེར་ སླབ་ཡོདཔ་བཞིན་དུ་ དེད་གཡོགཔ་དེ་གིས་ཡང་ དེ་ཚེ་ནུབ་མོར་ ཕོ་སྐྱེས་དེ་ ཁོ་གི་ ཁང་མིག་ནང་ ཞག་ཉལ་བཅུག་ནུག་ཟེར་ཨིན་པས།
དེ་གི་ནངས་པ་ གླ་འཁོར་གྱི་ དེད་གཡོགཔ་དེ་གིས་ ཕོ་སྐྱེས་དེ་ ཚོང་འདུས་ལུ་ བསྐྱལ་ཡོདཔ་ཨིན་རུང་ ཁོ་གིས་ དེད་གཡོགཔ་གི་ཁྱིམ་ནང་ ལོག་འོང་སྟེ་ ཨར་རྐུན་འབད་བ་གིས་མ་ཚད་ ཁྱིམ་མེ་སྤར་བཏང་སྟེ་ བྱོག་སོང་ཡོདཔ་ཨིན་པས།
དེ་བསྒང་ ཚོང་འདུས་ཁྲོམ་ཁ་ར་ཡོད་མི་ གླ་འཁོར་དེད་གཡོགཔ་གིས་ སྤ་རོ་སྨན་ཁང་གི་ལྟག་ལུ་ཡོད་མི་ ཁོ་རའི་ཁྱིམ་ནང་ལས་ དུ་པ་ཐོན་སར་མཐོངམ་ལས་ ཚ་ངེར་བཏོན་ཏེ་ ཁྱིམ་ནང་ལོག་འོང་ཡོདཔ་ད་ ཁོ་གིས་ མེ་བསད་ཚུགས་ཡོད་རུང་ ཁང་མིག་གཉིས་ འཚིགས་སོཔ་ཨིན་པས།
དེད་གཡོགཔ་དང་ ཁྲིམས་སྲུང་འགག་པ་གིས་ སྐྱེས་ལོ་༢༤ ལང་མི་ལུ་ དོགས་པ་ཆགས་ཡོདཔ་ཨིན་རུང་ ར་ཁུངས་སྐྱེལ་ནི་མེད་པར་ དེ་སྦེ་ར་ ལུས་སོཔ་ཨིན་པས།
འཕྲལ་ཁམས་ཅིག་ཁར་ ཁྲིམས་སྲུང་འགག་པ་གིས་ སྡོད་ཁྱིམ་ས་ཁོངས་ཅིག་ནང་ བཤལ་འཁྱམས་སྡོད་མི་ ཕོ་སྐྱེས་སྡེ་ཚན་ཅིག་དང་ ཕྱད་པའི་སྐབས་ དོགས་པ་ཅན་དེ་ འཛིན་བཟུང་འབད་ཡོདཔ་ད་ དྲི་དཔྱད་འབདཝ་ད་ ཕོ་སྐྱེས་དེ་གིས་ ཉེས་ལས་འབད་བའི་ རྫུན་ཁ་བཟེད་ཅི་ཟེར་ སྡེ་བདག་དབང་རྒྱལ་རྡོ་རྗེ་གིས་ སླབ་ཨིན་པས།
སྐྱེས་ལོ་༢༤ ལང་མི་ ཕོ་སྐྱེས་དེ་ དར་དཀར་ནང་ལས་ཨིནམ་ད་ ཁོ་ སྤྱི་ལོ་༢༠༠༧ ལུ་ སློབ་རིམ་༡༠ པ་ལས་ མཐར་འཁྱོལ་མ་ཚུགས་པར་ སློབ་གྲྭ་ལས་ ཐོན་སྡོད་ཡོདཔ་ཨིན་པའི་གནས་ཚུལ།
རྩོམ་འབྲི་ལས་བྱེདཔ།
No comments:
Post a Comment