༢༡/༥/༢༠༡༣ ༉ འགྲོ་བ་མིའི་རིགས་ཀྱིས་ འདས་པའི་རིང་ལུགས་ཀྱི་གནས་སྟངས་ཚུ་ དྲན་ཚོར་འབད་ནིའི་དོན་ལུ་ པར་དང་ གློག་བརྙན་ཚུ་ མེད་ཐབས་མེདཔ་ཅིག་ཨིན་རུང་ དེ་ཚུ་ ཡུན་རིང་སོང་མི་ལུ་བརྟེན་ རྙིངམ་ཐལ་ཏེ་ སྤུས་ཚད་ མེདཔ་ཐལ་དོ་ཡོདཔ་ཨིན་པས།
ཨིན་རུང་ ལོ་ངོ་༡༠༠ ལྷག་ཙམ་གྱི་ པར་དང་ གློག་བརྙན་རྙིངམ་ཚུ་ ལོག་སྟེ་པར་བཏབ་ནི་དང་ ལེགས་བཅོས་འབད་ཐོག་ལས་ ཧེ་མ་ག་ཨིནམ་སྦེ་ གསརཔ་བཟོ་སྟེ་ སྤྲོད་ཚུགས་ཟེར་ ཁ་ཙ་ ཐིམ་ཕུ་བརྡ་དོན་འཕྲུལ་རིག་གླིང་ཀ་ནང་སྦེ་ ཨིསི་ཀཱེན་ ཀེ་ཕི་ཟེར་མི་ ཚོང་ལས་ཁང་དེ་ འགོ་འབྱེད་འབད་བའི་སྐབས་ ཚོང་ལས་ཀྱི་ བཀོད་ཁྱབ་གཙོ་འཛིན་འགོ་དཔོན་ ན་རན་ཌུ་བེ་གིས་ སླབ་ཡོདཔ་ཨིན།
ན་རན་གྱིས་འབད་བ་ཅིན་ ཚོང་ལས་ཁང་དེ་གི་དོན་ལུ་ ཚོང་ལམ་སྦོམ་ཤོས་ར་ ཨེ་མི་རི་ཀའི་རྒྱལ་ཁབ་ནང་ལས་ འཐོབ་ནི་ལུ་ དམིགས་གཏད་བསྐྱེད་དོ་ཟེར་ཨིནམ་ད་ ཨེ་མེ་རི་ཀའི་ ཁྱིམ་གུང་རེ་ལུ་ ཉུང་ཤོས་ པར་དང་ གློག་བརྙན་རྙིངམ་༥,༠༠༠ དེ་རེ་ ཡོད་ཟེར་ཨིན་པས།
དེ་བཟུམ་སྦེ་ ཁོང་གི་ཚོང་མགྲོན་པ་ཚུ་ཡང་ མང་ཤོས་ཅིག་ སྐྱེས་ལོ་༥༠ ལས་ལྷག་མི་ ད་ལྟོ་ ལཱ་གཡོག་ནང་ལས་ དགོངས་ཞུ་འབད་བའི་བསྒང་དང་ དགོངས་ཞུས་འབད་ཚར་མི་ཚུ་ལུ་ དམིགས་གཏད་བསྐྱེད་དོ་ཟེར་ཨིན་པས།
ཚོང་ལས་ཁང་དེ་ འབྲུག་ལུ་ གཞི་བཙུགས་འབད་དགོ་མི་དེ་ཡང་ འབྲུག་རྒྱལ་ཁབ་ནང་ དཔེ་འབད་བ་ཅིན་ སྒོ་སྒྲིག་བཟུམ་ཅིག་འབད་རུང་ བཟོ་བཀོད་མ་འདྲཝ་ཡོད་པའི་ཁར་ རྒྱལ་ཁབ་གཞན་ཁར་མེད་པའི་ ཁྱད་ཆོས་ཡོདཔ་ལས་ འབྲུག་མི་ཚུ་ ཚོང་ལས་ཀྱི་དམིགས་དོན་དང་འཁྲིལ་ བཟོ་བཀོདཔ་དྲག་ཤོས་ཅིག་ འོང་ནི་ཨིན་མིའི་ མནོ་བསམ་བཏང་མི་དང་འཁྲིལ་ཏེ་ཨིན་ཟེར་ ན་རན་གྱིས་སླབ་ཨིན་པས།
ཚོང་འབྲེལ་གྱི་སྐབས་ལུ་ ཞབས་ཏོག་ལེན་འདོད་ཡོད་མི་ཚུ་གིས་ རང་སོའི་ཅ་ཆས་ཚུ་ ཚོང་ལས་ཁང་དེ་ནང་ བསྐྱལ་གཏང་ནི་དང་ ཚོང་ལས་ཁང་གིས་ ཚོང་མགྲོན་པའི་ དགོས་མཁོ་དང་བསྟུན་པའི་ ལེགས་བཅོས་དང་ བསྐྱར་གསོའི་ལཱ་ཚུ་འབད་དེ་ ལོག་གཏང་ནི་ཨིན་པས།
བརྡ་དོན་འཕྲུལ་རིག་དང་ བརྒྱུད་འབྲེལ་ལས་ཁུངས་ཀྱི་མདོ་ཆེན་ ཕུན་ཚོགས་སྟོབས་རྒྱས་ཀྱིས་འབད་བ་ཅིན་ མ་འོངས་ལོ་༢ ཀྱི་ནང་འཁོད་ལུ་ ཚོང་ལས་དེ་གིས་ མི་གྲངས་༥༠༠ དེ་ཅིག་ལུ་ ལཱ་གཡོག་སྤྲོད་ཚུགས་པའི་ རེ་བ་ཡོད་ཟེར་ཨིནམ་ད་ ཚོང་ལས་ཁང་དེ་ དུས་ཚོད་དང་འཁྲིལཝ་ད་ ཟླཝ་ཅིག་གི་ཧེ་མར་ འགོ་འབྱེད་འབད་མི་གིས་ ཚོང་ལས་ཀྱིས་ ལཱ་འབད་ནིའི་ནང་ སྤྲོ་བ་སྦོམ་ཡོད་པའི་ བརྡ་མཚོན་བཏོནམ་མས་ཟེར་སླབ་ཅི།
གླིང་ཀའི་ལག་ལེན་གཙོ་འཛིན་འགོ་དཔོན་ ཚེ་རིང་སྲིད་རྒྱལ་རྡོ་རྗེ་གིས་འབད་བ་ཅིན་ ཚོང་ལས་ཁང་དེ་ འགོ་འདྲེན་འཐབ་ཚར་བའི་ཤུལ་ལུ་ ལཱ་ག་ཅི་ར་འབད་རུང་ ལེགས་ཤོམ་སྦེ་ འབད་དགོཔ་ད་ དེ་མིན་ རྩ་བརྟན་ལས་ར་ མ་འབད་བར་བཞག་ནི་ལུ་ བཞག་སྟེ་ འབད་དགོ་ཟེར་སླབ་ཅི།
གླིང་ཀ་དེ་ནང་ ད་ཚུན་ལུ་ ཨིསི་ཀཱེན་ཀེ་ཕི་དེ་ ཚོང་འབྲེལ་ལས་སྡེ་ དང་པ་ཨིན་པའི་གནས་ཚུལ།
ཨིན་རུང་ ལོ་ངོ་༡༠༠ ལྷག་ཙམ་གྱི་ པར་དང་ གློག་བརྙན་རྙིངམ་ཚུ་ ལོག་སྟེ་པར་བཏབ་ནི་དང་ ལེགས་བཅོས་འབད་ཐོག་ལས་ ཧེ་མ་ག་ཨིནམ་སྦེ་ གསརཔ་བཟོ་སྟེ་ སྤྲོད་ཚུགས་ཟེར་ ཁ་ཙ་ ཐིམ་ཕུ་བརྡ་དོན་འཕྲུལ་རིག་གླིང་ཀ་ནང་སྦེ་ ཨིསི་ཀཱེན་ ཀེ་ཕི་ཟེར་མི་ ཚོང་ལས་ཁང་དེ་ འགོ་འབྱེད་འབད་བའི་སྐབས་ ཚོང་ལས་ཀྱི་ བཀོད་ཁྱབ་གཙོ་འཛིན་འགོ་དཔོན་ ན་རན་ཌུ་བེ་གིས་ སླབ་ཡོདཔ་ཨིན།
ན་རན་གྱིས་འབད་བ་ཅིན་ ཚོང་ལས་ཁང་དེ་གི་དོན་ལུ་ ཚོང་ལམ་སྦོམ་ཤོས་ར་ ཨེ་མི་རི་ཀའི་རྒྱལ་ཁབ་ནང་ལས་ འཐོབ་ནི་ལུ་ དམིགས་གཏད་བསྐྱེད་དོ་ཟེར་ཨིནམ་ད་ ཨེ་མེ་རི་ཀའི་ ཁྱིམ་གུང་རེ་ལུ་ ཉུང་ཤོས་ པར་དང་ གློག་བརྙན་རྙིངམ་༥,༠༠༠ དེ་རེ་ ཡོད་ཟེར་ཨིན་པས།
དེ་བཟུམ་སྦེ་ ཁོང་གི་ཚོང་མགྲོན་པ་ཚུ་ཡང་ མང་ཤོས་ཅིག་ སྐྱེས་ལོ་༥༠ ལས་ལྷག་མི་ ད་ལྟོ་ ལཱ་གཡོག་ནང་ལས་ དགོངས་ཞུ་འབད་བའི་བསྒང་དང་ དགོངས་ཞུས་འབད་ཚར་མི་ཚུ་ལུ་ དམིགས་གཏད་བསྐྱེད་དོ་ཟེར་ཨིན་པས།
ཚོང་ལས་ཁང་དེ་ འབྲུག་ལུ་ གཞི་བཙུགས་འབད་དགོ་མི་དེ་ཡང་ འབྲུག་རྒྱལ་ཁབ་ནང་ དཔེ་འབད་བ་ཅིན་ སྒོ་སྒྲིག་བཟུམ་ཅིག་འབད་རུང་ བཟོ་བཀོད་མ་འདྲཝ་ཡོད་པའི་ཁར་ རྒྱལ་ཁབ་གཞན་ཁར་མེད་པའི་ ཁྱད་ཆོས་ཡོདཔ་ལས་ འབྲུག་མི་ཚུ་ ཚོང་ལས་ཀྱི་དམིགས་དོན་དང་འཁྲིལ་ བཟོ་བཀོདཔ་དྲག་ཤོས་ཅིག་ འོང་ནི་ཨིན་མིའི་ མནོ་བསམ་བཏང་མི་དང་འཁྲིལ་ཏེ་ཨིན་ཟེར་ ན་རན་གྱིས་སླབ་ཨིན་པས།
ཚོང་འབྲེལ་གྱི་སྐབས་ལུ་ ཞབས་ཏོག་ལེན་འདོད་ཡོད་མི་ཚུ་གིས་ རང་སོའི་ཅ་ཆས་ཚུ་ ཚོང་ལས་ཁང་དེ་ནང་ བསྐྱལ་གཏང་ནི་དང་ ཚོང་ལས་ཁང་གིས་ ཚོང་མགྲོན་པའི་ དགོས་མཁོ་དང་བསྟུན་པའི་ ལེགས་བཅོས་དང་ བསྐྱར་གསོའི་ལཱ་ཚུ་འབད་དེ་ ལོག་གཏང་ནི་ཨིན་པས།
བརྡ་དོན་འཕྲུལ་རིག་དང་ བརྒྱུད་འབྲེལ་ལས་ཁུངས་ཀྱི་མདོ་ཆེན་ ཕུན་ཚོགས་སྟོབས་རྒྱས་ཀྱིས་འབད་བ་ཅིན་ མ་འོངས་ལོ་༢ ཀྱི་ནང་འཁོད་ལུ་ ཚོང་ལས་དེ་གིས་ མི་གྲངས་༥༠༠ དེ་ཅིག་ལུ་ ལཱ་གཡོག་སྤྲོད་ཚུགས་པའི་ རེ་བ་ཡོད་ཟེར་ཨིནམ་ད་ ཚོང་ལས་ཁང་དེ་ དུས་ཚོད་དང་འཁྲིལཝ་ད་ ཟླཝ་ཅིག་གི་ཧེ་མར་ འགོ་འབྱེད་འབད་མི་གིས་ ཚོང་ལས་ཀྱིས་ ལཱ་འབད་ནིའི་ནང་ སྤྲོ་བ་སྦོམ་ཡོད་པའི་ བརྡ་མཚོན་བཏོནམ་མས་ཟེར་སླབ་ཅི།
གླིང་ཀའི་ལག་ལེན་གཙོ་འཛིན་འགོ་དཔོན་ ཚེ་རིང་སྲིད་རྒྱལ་རྡོ་རྗེ་གིས་འབད་བ་ཅིན་ ཚོང་ལས་ཁང་དེ་ འགོ་འདྲེན་འཐབ་ཚར་བའི་ཤུལ་ལུ་ ལཱ་ག་ཅི་ར་འབད་རུང་ ལེགས་ཤོམ་སྦེ་ འབད་དགོཔ་ད་ དེ་མིན་ རྩ་བརྟན་ལས་ར་ མ་འབད་བར་བཞག་ནི་ལུ་ བཞག་སྟེ་ འབད་དགོ་ཟེར་སླབ་ཅི།
གླིང་ཀ་དེ་ནང་ ད་ཚུན་ལུ་ ཨིསི་ཀཱེན་ཀེ་ཕི་དེ་ ཚོང་འབྲེལ་ལས་སྡེ་ དང་པ་ཨིན་པའི་གནས་ཚུལ།
ཉི་མ་དབང་འདུས།
No comments:
Post a Comment