ཁྲིམས་སྲུང་འགག་པ་ཚུ་གིས་ བཤད་དོ་བཟུམ་འབད་བ་ཅིན་ རྐྱེན་ངན་བྱུང་བའི་སྐབས་ དོགས་ཅན་དང་ ཉམས་རྒུདཔ་ཕོ་སྐྱེས་༢ གཞན་གྱི་ལཱ་འབད་བར་ སོང་ཡོདཔ་ད་ དེ་བསྒང་ དོགས་ཅན་ཕོ་སྐྱེས་དེ་ ཉིན་མ་ ངལ་འཚོ་སྟེ་ ཉལ་སྡོད་པའི་སྐབས་ ཆ་རོགས་ཚུ་གིས་ དགོད་བྲ་སྦེ་ ས་དང་ རྡོ་རུ་བཀོ་བའི་སྐབས་ རྩིགཔ་བཟའ་སྟེ་ ཏོག་ཙེ་གིས་ ཁོ་རའི་ ཆ་རོགས་ཀྱི་ བྱང་ཁོག་ལུ་ བླུགས་བྱིནམ་ད་ ཉམས་རྒུདཔ་དེ་ དྲན་མེད་འགྱེལ་སོཔ་ཨིན་པས།
སྐྱེས་ལོ་༣༢ ལང་མི་ ཉམས་རྒུདཔ་དེ་ དབང་འདུས་ཆོས་གླིང་ སྨན་ཁང་བརྒྱུད་དེ་ ཀྲོང་གསར་སྨན་ཁང་ནང་ བརྟག་དཔྱད་འབདཝ་ད་ རྩི་སྒྲོ་༢ མེདཔ་བཏང་ཡོད་པའི་ ངོས་འཛིན་བྱུང་ནུག་ཟེར་ ཁྲིམས་སྲུང་འགག་པ་གིས་ སླབ་ཨིན་པས།
རྐྱེན་ངན་དེ་གི་སྐོར་ལས ནང་འགྲིག་འབད་ནི་གི་ འཆར་གཞི་ཡོད་རུང་ ཉམས་རྒུད་པའི་ ཨ་ཞེམོ་གིས་ ཉན་མ་བཏུབ་ལས་ རྩོད་བཤེར་གྱི་དོན་ལས་ རྫོང་ཁག་ཁྲིམས་འདུན་ལུ་ གཏང་ནི་ཨིན་ཟེར་ ཁྲིམས་སྲུང་འགག་པ་གིས་ སླབ་པའི་གནས་ཚུལ།
བུམ་ཐང་ལས་ བཀྲིས་བསྟན་འཛིན།
No comments:
Post a Comment