རྐྱེན་ངན་བྱུང་བའི་སྐབས་ལུ་ དེད་གཡོགཔ་དང་གཅིག་ཁར་ སྐྱེས་ལོ་༢༩ ལང་མི་ ཕོ་སྐྱེས་ཅིག་ ཡོདཔ་ད་ ཁོ་གི་མགུ་ཏོ༌གུ་ རྨ་སྐྱོན་བྱུང་མི་ལུ་བརྟེན་ སྤུ་ན་ཁ་ སྨན་ཁང་ནང་ ད་ལྟོ་ སྨན་བཅོས་འབད་བའི་བསྒང་ཡོདཔ་ཨིན་པས།
ཕོ་སྐྱེས་དེ་གིས་ ཐིམ་ཕུ་ཆུ་འཛོམས་ལས་ སྣུམ་འཁོར་ཊཱག་དེ་ནང་ འཛུལ་སོང་ཡོདཔ་ད་ ཁྲིམས་སྲུང་འགག་པ་གིས་ འབད་བ་ཅིན་ རྩི་རང་ལས་ཨིན་མི་ ཚེ་འདས་ དེད་གཡོགཔ་གི་ མགུ་ཏོ་གུ་ལུ་ རྨ་སྐྱོན་སྦོམ་བྱུང་སྟེ་ སྨན་ཁང་ནང་ འབག་འོང་བའི་བསྒང་ལས་ ཤི་སོ་ནུག་ཟེར་ཨིན་པས།
ཚེ་འདས་དེ་དང་ གཞན་མི་ཕོ་སྐྱེས་༢ དྲོ་པའི་ཆུ་ཚོད་༤ དེ་ཅིག་ལུ་ སྤུ་ན་ཁ་སྨན་ཁང་ནང་ ལྷོད་ཡོདཔ་ཨིན་རུང་ སྨན་ཁང་ནང་ ག་གིས་བསྐྱལ་ཡོདཔ་ཨིན་ན་མ་ཤེས་ཟེར་ ཁྲིམས་སྲུང་འགག་པ་གིས་ སླབ་ཨིན་པས།
རྐྱེང་ངན་དེ་གི་སྐོར་ལས་ ཁྲིམས་སྲུང་འགག་པ་གིས་ ཤེས་རྟོགས་མ་བྱུང་རུང་ དྲོ་པའི་ཆུ་ཚོད་༥ དང་ སྐར་མ་༡༠ དེ་ཅིག་ཁར་ སྨན་ཁང་གི་ལས་བྱེདཔ་ལས་ བརྒྱུད་འཕྲིན་ལྷོད་ཅི་ཟེར་ འགོ་དཔོན་གྱིས་ སླབ་ཨིན་པས།
ཁྲིམས་སྲུང་འགག་པའི་ འགོ་དཔོན་ཅིག་གིས་ སླབ་མིའི་ནང་ ས་སྤག་ཅུང་ འདེགས་འབག་མི་ ཊཱག་གི་ དེད་གཡོགཔ་དེ་ སྤྱི་ཟླ་༩ པའི་ཚེས་༡༨ ལུ་ ཕུན་ཚོགས་གླིང་ལས་ དབང་འདུས་ཕོ་བྲང་ལུ་ འོང་ཡོདཔ་ཨིན་རུང་ ཕུན་ཚོགས་གླིང་ལས་ ཆུ་ཚོད་ག་དེམ་ཅིག་ཁར་ འོང་འོངམ་ཨིན་ན་ ཤེས་མ་ཚུགས་ཟེར་ཨིན་མས།
ད་ལྟོ་ རྐྱེན་ངན་དེ་གི་ བྱུང་རྐྱེན་དེ་ག་ཅི་ལུ་བརྟེན་ཨིན་ན་ ཧ་གོ་མ་ཚུགས་རུང་ དེད་གཡོགཔ་དེ་ གནམ་ནུབ་མོ་ སྣུམ་འཁོར་བཏང་ནི་དེ་གིས་ གཉིད་ལོང་ལོངཔ་བཟུམ་འདུག་ཟེར་ སླབ་ཡོད་པའི་གནས་ཚུལ།
ཉི་མ་དབང་འདུས།
No comments:
Post a Comment