ཡེ་ཤེས་རྡོ་རྗེ། |
ཡེ་ཤེས་རྡོ་རྗེ་གིས་ སི་ཀིམ་གཙུག་ལག་སློབ་གྲྭ་ལས་ ཚོང་འབྲེལ་བདག་སྐྱོང་ནང་ མཐོ་རིམ་ཤེས་ཚད་མཐར་འཁྱོལ་བའི་ཤུལ་ལུ་ ལྟ་བཤལ་ལམ་སྟོན་པ་སྦེ་ ལོ་༣ ལཱ་འབད་ཡོདཔ་མ་ཚད་ ཁག་འབག་གི་ སློབ་དཔོན་སྦེ་ ལོ་༣ ཕྱག་ཞུ་སྟེ་ སྤྱི་ལོ་༢༠༡༣ གྱི་ རྒྱལ་ཡོངས་ཚོགས་སྡེའི་ བཙག་འཐུའི་ནང་ དོ་འགྲན་འབད་ཡོད་རུང་ བཙག་འཐུ་གྲུབ་མ་ཚུགས་པས།
ཁོ་གིས་འབད་བ་ཅིན་ རྒྱལ་ཡོངས་ཚོགས་སྡེའི་ འདེམས་ངོ་སྦེ་ བཅའ་མར་གཏོགས་མི་ལས་ ཉམས་མྱོང་ལེ་ཤ་ཐོབ་ཡོདཔ་བཞིན་དུ་ ད་ལས་ཕར་ འབྲུག་སྤྱིར་དབང་ཚོགས་པའི་ འདེམས་ངོ་ཐོག་ལུ་ རྒྱལ་ཁབ་ཀྱི་ མཐའ་དོན་ལུ་ ཅི་དྲག་གང་དྲག་ཐོབ་ ཕྱག་ཞུ་ཆོག་ཆོ་ཡོད་ཟེར་ཨིན་པས།
ཡེ་ཤེས་རྡོ་རྗེ་གིས་ སླབ་མིའི་ནང་ མདང་ཞག་ཅིག་ཁར་ ཐིམ་ཕུ་མཐོ་རིམ་སློབ་གྲྭ་ནང་ ཚོགས་པའི་གཙོ་འཛིན་གྱི་ གསལ་བཤད་ཉན་པའི་སྐབས་ལུ་ ཚོགས་པ་དེ་ནང་ འཛུལ་ནི་གི་ སྤྲོ་བ་བྱུང་ཡི་ཟེར་ཨིནམ་ད་ ཁོ་གིས་ གྲོང་གཡུས་ཚུ་ནང་ གོང་འཕེལ་ལས་སྣ་ཚུ་ལུ་ གཙོ་རིམ་བཟུང་ནི་དང་ ན་གཞོན་ཚུ་ལུ་བྱུང་མི་ དཀའ་ངལ་ཚུ་ བསལ་ཐབས་འབད་ནི་ཚུ་ ཁོ་གི་ གཙོ་རིམ་ཨིན་ཟེར་ སླབ་ཨིན་པའི་གནས་ཚུལ།
No comments:
Post a Comment