༨/༥/༢༠༡༣ ༉ རེས་གཟའ་མིག་དམར་གྱི་ཕྱི་རུ་ འབྲུག་གི་བཙག་འཐུ་ལྷན་ཚོགས་ཀྱིས་ བྷུ་ཊཱན་ཀུན་མཉམ་པར་ཊི་ལུ་ མགར་ས་རྫོང་ཁག་ལས་ འདེམས་ངོ་༢ མ་ཚང་མི་ལུ་བརྟེན་ རྒྱལ་ཡོངས་ཚོགས་འདུའི་ འགོ་ཐོག་བཙག་འཐུ་ནང་ དོ་འགྲན་འབད་ནི་ལས་ ཆ་མེད་བཏང་པའི་སྐོར་ རྒྱང་མཐོང་དང་ མི་སྡེའི་བརྡ་བརྒྱུད་ནང་ལས་ཕར་ གནས་ཚུལ་ཁྱབ་སྤེལ་འབདཝ་ད་ ཚོགས་པའི་འཐུས་མི་ཚུ་ལོས་ཀྱང་ ཚོགས་རྒྱན་སྐྱུར་མི་ཚུ་ལུ་ཡང་ སེམས་ཕམ་བྱུང་མི་གིས་མ་ཚད་ སྡི་ཆེ་བའི་ གཞི་གནད་ཅིག་ལུ་གྱུར་ནུག།
སྲིད་ཚོགས་དེ་ འགོ་ཐོག་བཙག་འཐུའི་ དོ་འགྲན་གྱི་དོན་ལུ་ མཐར་འཁྱོལ་མ་བྱུང་མི་དེ་ཡང་ དོ་འགྲན་ཁས་ལེན་ཡི་གུ་བཙུགས་མི་ལུ་ ནན་ཞིབ་འབདཝ་ད་ མགར་སའི་འདེམས་ཁོངས་༢ ཀྱི་ འདེམས་ངོ་༢ མ་ཚང་ནི་དེ་གིས་ཨིནམ་ད་ བརྡ་བརྒྱུད་ཀྱིས་ཡང་ རྒྱལ་ཁབ་ནང་ སྲིད་དོན་ཚོགས་པ་༥ ཐོན་ཡོདཔ་ལས་ མགར་ས་རྫོང་ཁག་ལས་ འདེམས་ངོ་ཐོབ་པར་ ལཱ་ཁག་འོང་ནི་ཨིན་པའི་སྐོར་ ཟླཝ་ལེ་ཤ་ཅིག་གི་ཧེ་མར་ གནས་ཚུལ་གསལ་བཀོད་འབད་དེ་ཡོད།
འདི་བཟུམ་མའི་ འདེམས་ངོ་མེད་པའི་ དོ་འགྲན་སྦོམ་ཡོད་མི་དང་ རྫོང་ཁག་དེ་ནང་ མཐོ་རིམ་ཤེས་ཚད་མཐར་འཁྱོལ་མི་ གྱངས་ཁ་ཆོདཔ་ཅིག་ལས་བརྒལ་ མེད་མི་ལུ་ལྟཝ་ད་ སྤྱིར་བཏང་ཚོགས་རྒྱན་སྐྱུར་མི་ཚུ་གིས་ འགོ་ཐོག་བཙག་འཐུའི་དོན་ལུ་ སྲིད་ཚོགས་༥ པོ་ཆ་ར་ དོ་འགྲན་འབད་ནི་གི་ གོ་སྐབས་གནང་དགོཔ་འདུག་ཟེར་ བསམ་འཆར་བཀོད་མི་གིས་ མ་ཚད་པར་ འདི་འགོ་ཐོག་བཙག་འཐུའི་ནང་ མཐར་འཁྱོལ་བྱུང་མི་ སྲིད་དོན་ཚོགས་པ་༤ གིས་ཡང་ མི་སེར་གྱི་ བསམ་འཆར་ལུ་ རྒྱབ་སྐྱོར་འབདཝ་མས།
དེ་འབདཝ་ད་ བཙག་འཐུ་ལྷན་ཚོགས་ཀྱིས་འབད་བ་ཅིན་ སྲིད་ཚོགས་དེ་ འགོ་ཐོག་བཙག་འཐུའི་ནང་ དོ་འགྲན་འབད་ཆོགཔ་བཟོ་མི་དེ་ཡང་ རྩ་ཁྲིམས་ཆེན་མོ་དང་ བཙག་འཐུའི་བཅའ་ཁྲིམས་དང་ སྒྲིག་གཞི་ཚུ་དང་འཁྲིལ་ཏེ་ བསྟར་སྤྱོད་འབད་ཡོདཔ་ལས་ སྲིད་དོན་ཚོགས་པ་༤ རྐྱངམ་གཅིག་གིས་ འགོ་ཐོག་བཙག་འཐུ་ནང་ དོ་འགྲན་འབད་ཆོགཔ་ལས་ རེས་གཟའ་མིག་དམར་ལུ་ ཁྱབ་བསྒྲགས་འབད་མི་ལུ་ བསྒྱུར་བཅོས་མེད་ཟེར་ཨིན་མས།
བྷུ་ཊཱན་ཀུན་མཉམ་པར་ཊི་དེ་ ན་ཧིང་ སྤྱི་ཟླ་༦ པའི་ནང་ སྲིད་དོན་ཚོགས་པ་གསརཔ་ཅིག་སྦེ་ ཐོན་ཡོདཔ་མ་ཚད་ བཙག་འཐུ་ལྷན་ཚོགས་ནང་ ཐོ་བཀོད་ཀྱི་དོན་ལུ་ ཞུ་ཡིག་བཙུགས་མི་ཡང་ སྲིད་ཚོགས་གསརཔ་ཨིན་པའི་ཁར་ དེ་ནང་ ཞི་གཡོག་ཨམ་སྲུ་ཅིག་ དགོངས་ཞུ་འབད་དེ་ འཛུལ་ཞུགས་འབད་མི་དང་པ་ཨིན་མས།
ཚོགས་པ་དེ་གིས་ ད་ཚུན་གྱི་བར་ན་ དམངས་གཙོའི་རིང་ལུགས་ཀྱི་ བྱ་རིམ་ནང་ འབྲེལ་གཏོགས་འབད་ནིའི་དོན་ལུ་ བརྩོན་ཤུགས་གང་དྲག་བསྐྱེད་ཡོདཔ་མ་ཚད་ མི་མང་ལུ་ གདམ་འཐུ་མངམ་འབད་ནི་གི་ གོ་སྐབས་བྱིན་ཐབས་ལུ་ སྲིད་ཚོགས་སྒྲིང་སྒྲིང་བཟོ་ནི་གི་ རྩ་འགེངས་པའི་མཐའ་མར་ འགོ་ཐོག་བཙག་འཐུ་ནང་ བཅའ་མར་གཏོགས་མ་ཚུགས་རུང་ འབྲུག་གི་བཙག་འཐུ་དང་ དམངས་གཙོའི་བྱ་རིམ་དེ་ ནེམ་ཅིག་སྦེ་ མཇུག་བསྡུཝ་མིན་པར་ ད་ལྟོ་ འགོ་བཙུགསཔ་ཅིག་ར་ཨིནམ་ལས་ ཚོགས་པའི་ཁ་ཐུག་ལས་འབད་རུང་ ད་རིས་ ཚགས་ཁར་མ་ཚུད་མི་དེ་ ཉམས་མྱོང་དང་ ཡོན་ཏན་ཨིནམ་སྦེ་ ངོས་ལེན་འབད་དགོ།
ཚོགས་པ་འདི་ ཐོ་བཀོད་ཅན་གྱི་ སྲིད་ཚོགས་ཨིནམ་ལས་ སེམས་ཞུམ་ནི་མིན་པར་ ད་ལས་ཕར་ སྒྲིང་སྒྲིང་བཟོ་ནི་དང་ སྤྱི་ལོ་༢༠༡༨ ལུ་ སྤྱི་ཚོགས་གསུམ་པའི་ བཙག་འཐུའི་དོན་ལུ་ གྲ་སྒྲིག་འབད་ནི་དེ་གལ་ཆེ།
འདི་དང་གཅིག་ཁར་ བཙག་འཐུ་ལྷན་ཚོགས་ཀྱིས་ སྲིད་ཚོགས་དེ་གི་ དོ་འགྲན་ཁས་ལེན་ཡི་གུ་ ཆ་མེད་བཏང་མི་དེ་གིས་ཡང་ མ་འོངས་པའི་ སྲིད་དོན་ཚོགས་པ་ཚུ་ལུ་ འདེམས་ངོ་༤༧ མ་ཚང་པ་ཅིན་ འདི་བཟུམ་མའི་ གདོང་ལེན་འབད་ནི་གི་ གྲ་སྒྲིག་འབད་དགོ་པའི་ དྲན་གསལ་ཅིག་ཡང་ཨིན་མས་ཟེར་ ཞུ་ནི་ཨིན།
སྲིད་ཚོགས་དེ་ འགོ་ཐོག་བཙག་འཐུའི་ དོ་འགྲན་གྱི་དོན་ལུ་ མཐར་འཁྱོལ་མ་བྱུང་མི་དེ་ཡང་ དོ་འགྲན་ཁས་ལེན་ཡི་གུ་བཙུགས་མི་ལུ་ ནན་ཞིབ་འབདཝ་ད་ མགར་སའི་འདེམས་ཁོངས་༢ ཀྱི་ འདེམས་ངོ་༢ མ་ཚང་ནི་དེ་གིས་ཨིནམ་ད་ བརྡ་བརྒྱུད་ཀྱིས་ཡང་ རྒྱལ་ཁབ་ནང་ སྲིད་དོན་ཚོགས་པ་༥ ཐོན་ཡོདཔ་ལས་ མགར་ས་རྫོང་ཁག་ལས་ འདེམས་ངོ་ཐོབ་པར་ ལཱ་ཁག་འོང་ནི་ཨིན་པའི་སྐོར་ ཟླཝ་ལེ་ཤ་ཅིག་གི་ཧེ་མར་ གནས་ཚུལ་གསལ་བཀོད་འབད་དེ་ཡོད།
འདི་བཟུམ་མའི་ འདེམས་ངོ་མེད་པའི་ དོ་འགྲན་སྦོམ་ཡོད་མི་དང་ རྫོང་ཁག་དེ་ནང་ མཐོ་རིམ་ཤེས་ཚད་མཐར་འཁྱོལ་མི་ གྱངས་ཁ་ཆོདཔ་ཅིག་ལས་བརྒལ་ མེད་མི་ལུ་ལྟཝ་ད་ སྤྱིར་བཏང་ཚོགས་རྒྱན་སྐྱུར་མི་ཚུ་གིས་ འགོ་ཐོག་བཙག་འཐུའི་དོན་ལུ་ སྲིད་ཚོགས་༥ པོ་ཆ་ར་ དོ་འགྲན་འབད་ནི་གི་ གོ་སྐབས་གནང་དགོཔ་འདུག་ཟེར་ བསམ་འཆར་བཀོད་མི་གིས་ མ་ཚད་པར་ འདི་འགོ་ཐོག་བཙག་འཐུའི་ནང་ མཐར་འཁྱོལ་བྱུང་མི་ སྲིད་དོན་ཚོགས་པ་༤ གིས་ཡང་ མི་སེར་གྱི་ བསམ་འཆར་ལུ་ རྒྱབ་སྐྱོར་འབདཝ་མས།
དེ་འབདཝ་ད་ བཙག་འཐུ་ལྷན་ཚོགས་ཀྱིས་འབད་བ་ཅིན་ སྲིད་ཚོགས་དེ་ འགོ་ཐོག་བཙག་འཐུའི་ནང་ དོ་འགྲན་འབད་ཆོགཔ་བཟོ་མི་དེ་ཡང་ རྩ་ཁྲིམས་ཆེན་མོ་དང་ བཙག་འཐུའི་བཅའ་ཁྲིམས་དང་ སྒྲིག་གཞི་ཚུ་དང་འཁྲིལ་ཏེ་ བསྟར་སྤྱོད་འབད་ཡོདཔ་ལས་ སྲིད་དོན་ཚོགས་པ་༤ རྐྱངམ་གཅིག་གིས་ འགོ་ཐོག་བཙག་འཐུ་ནང་ དོ་འགྲན་འབད་ཆོགཔ་ལས་ རེས་གཟའ་མིག་དམར་ལུ་ ཁྱབ་བསྒྲགས་འབད་མི་ལུ་ བསྒྱུར་བཅོས་མེད་ཟེར་ཨིན་མས།
བྷུ་ཊཱན་ཀུན་མཉམ་པར་ཊི་དེ་ ན་ཧིང་ སྤྱི་ཟླ་༦ པའི་ནང་ སྲིད་དོན་ཚོགས་པ་གསརཔ་ཅིག་སྦེ་ ཐོན་ཡོདཔ་མ་ཚད་ བཙག་འཐུ་ལྷན་ཚོགས་ནང་ ཐོ་བཀོད་ཀྱི་དོན་ལུ་ ཞུ་ཡིག་བཙུགས་མི་ཡང་ སྲིད་ཚོགས་གསརཔ་ཨིན་པའི་ཁར་ དེ་ནང་ ཞི་གཡོག་ཨམ་སྲུ་ཅིག་ དགོངས་ཞུ་འབད་དེ་ འཛུལ་ཞུགས་འབད་མི་དང་པ་ཨིན་མས།
ཚོགས་པ་དེ་གིས་ ད་ཚུན་གྱི་བར་ན་ དམངས་གཙོའི་རིང་ལུགས་ཀྱི་ བྱ་རིམ་ནང་ འབྲེལ་གཏོགས་འབད་ནིའི་དོན་ལུ་ བརྩོན་ཤུགས་གང་དྲག་བསྐྱེད་ཡོདཔ་མ་ཚད་ མི་མང་ལུ་ གདམ་འཐུ་མངམ་འབད་ནི་གི་ གོ་སྐབས་བྱིན་ཐབས་ལུ་ སྲིད་ཚོགས་སྒྲིང་སྒྲིང་བཟོ་ནི་གི་ རྩ་འགེངས་པའི་མཐའ་མར་ འགོ་ཐོག་བཙག་འཐུ་ནང་ བཅའ་མར་གཏོགས་མ་ཚུགས་རུང་ འབྲུག་གི་བཙག་འཐུ་དང་ དམངས་གཙོའི་བྱ་རིམ་དེ་ ནེམ་ཅིག་སྦེ་ མཇུག་བསྡུཝ་མིན་པར་ ད་ལྟོ་ འགོ་བཙུགསཔ་ཅིག་ར་ཨིནམ་ལས་ ཚོགས་པའི་ཁ་ཐུག་ལས་འབད་རུང་ ད་རིས་ ཚགས་ཁར་མ་ཚུད་མི་དེ་ ཉམས་མྱོང་དང་ ཡོན་ཏན་ཨིནམ་སྦེ་ ངོས་ལེན་འབད་དགོ།
ཚོགས་པ་འདི་ ཐོ་བཀོད་ཅན་གྱི་ སྲིད་ཚོགས་ཨིནམ་ལས་ སེམས་ཞུམ་ནི་མིན་པར་ ད་ལས་ཕར་ སྒྲིང་སྒྲིང་བཟོ་ནི་དང་ སྤྱི་ལོ་༢༠༡༨ ལུ་ སྤྱི་ཚོགས་གསུམ་པའི་ བཙག་འཐུའི་དོན་ལུ་ གྲ་སྒྲིག་འབད་ནི་དེ་གལ་ཆེ།
འདི་དང་གཅིག་ཁར་ བཙག་འཐུ་ལྷན་ཚོགས་ཀྱིས་ སྲིད་ཚོགས་དེ་གི་ དོ་འགྲན་ཁས་ལེན་ཡི་གུ་ ཆ་མེད་བཏང་མི་དེ་གིས་ཡང་ མ་འོངས་པའི་ སྲིད་དོན་ཚོགས་པ་ཚུ་ལུ་ འདེམས་ངོ་༤༧ མ་ཚང་པ་ཅིན་ འདི་བཟུམ་མའི་ གདོང་ལེན་འབད་ནི་གི་ གྲ་སྒྲིག་འབད་དགོ་པའི་ དྲན་གསལ་ཅིག་ཡང་ཨིན་མས་ཟེར་ ཞུ་ནི་ཨིན།
No comments:
Post a Comment