༡༦/༥/༢༠༡༣ ༉ ཁ་ཙ་ དབང་འདུས་ཕོ་བྲང་བསྟན་སྐྱོང་གླིང་ལུ་ བདེ་སྲུངཔ་ཤོ་ཐེངས་༧ པ་དང་ མཇལ་ཕྲད་གནངམ་དང་འབྲེལ་ མི་དབང་མངའ་བདག་རིན་པོ་ཆེ་མཆོག་གིས་ ཁས་བླངས་པ་ཚུ་ལུ་ ད་ལྟོ་ ང་བཅས་ཆ་ཁྱབ་ གནས་སྟངས་ག་བཟུམ་ཅིག་ནང་ ལྷོད་ཡོདཔ་ཨིན་ན་དང་ མ་འོངས་པ་ལུ་ ག་ཏེ་ལུ་ མདུན་བཟང་འབད་དོ་ཡོདཔ་ཨིན་ན་ དྭངས་གསལ་སྦེ་ ཧ་གོ་ཐབས་ལུ་ ང་བཅས་ཀྱི་ རྒྱལ་རབས་ཤེས་དགོཔ་འདི གལ་ཆེ་ཟེར་ གསུངས་གནང་ནུག།
ང་བཅས་ལུ་ སྙན་གྲགས་ཅན་གྱི་ མཛད་བྱ་བཟང་པོའི་ རྒྱལ་རབས་ཡོདཔ་ལས་ དཔའ་ཉམས་བསྐྱེད་དགོ་མི་དེ་ཡང་ ང་བཅས་རའི་ རྒྱལ་བ་གོངམ་དང་ རྒྱལཔོ་རིམ་བྱོན་ཚུ་གིས་ ང་བཅས་རའི་ རྒྱལ་ཁབ་འདི་ དུས་དང་རྣམ་པ་ཀུན་ཏུ་ བཙན་ཏོག་ཏོ་དང་ ཉེན་སྲུང་ཅན་སྦེ་ གནས་ཐབས་ངེས་བརྟན་བཟོ་ནིའི་དོན་ལུ་ ཕྱག་ལཱ་གང་དྲག་མཛད་གནང་ཡོདཔ་མ་ཚད་ རྒྱལ་ཁབ་ཀྱི་ རང་དབང་རང་བཙན་སྒྲིང་སྒྲིང་བཟོ་གནང་སྟེ་ཡོད་ཟེར་ མི་དབང་མངའ་ཞབས་མཆོག་གིས་ གསུངས་གནང་ཡོདཔ་ཨིན་པས།
མི་དབང་མཆོག་གིས་ གསུངས་མིའི་ནང་ འབྲུག་གི་དྲིན་ཅན་གྱི་ཕམ་ མི་དབང་འབྲུག་རྒྱལ་བཞི་པ་མཆོག་གི་ རྒྱལ་རབས་ནང་ཚུད་པའི་ གྲུབ་འབྲས་སྦོམ་ཤོས་ར་ རྒྱལ་ཁབ་ནང་ དམངས་གཙོའི་རིང་ལུགས་དབུ་འཛུགས་གནང་མི་དེ་ཨིན་ཟེར་ཨིན་པས།
ཨིན་རུང་ མི་དབང་མཆོག་གིས་ བདེ་སྲུང་ཁས་བླངས་པ་ལུ་ཚུ་ དྲན་གསོ་གནང་མིའི་ནང་ དམངས་གཙོའི་རིང་ལུགས་དེ་ དམིགས་དོན་མིན་པར་ མཐར་ཐུག་ལུ་ འབྲུག་རྒྱལ་ཁབ་དང་ མི་སེར་ཚུ་ལུ་ དགའ་སྐྱིད་དང་ ཞི་བདེ་ དཔལ་ཡོན་ ཉེན་སྲུང་ ལྷག་པར་དུ་ འབྱུང་ཐབས་ལུ་ གཞི་བཙུགས་གནང་གནངམ་ཨིན་ཟེར་ཨིན་པས།
མི་དབང་མངའ་ཞབས་མཆོག་གིས་ འབྲུག་འདི་ སྐོབས་ཚུད་རྒྱལ་ཁབ་ཆུང་ཀུ་ཅིག་ཨིནམ་ལས་ གདོང་ལེན་འབད་དགོཔ་ཡོད་མི་ཚུ་གི་སྐོར་ལས་ གསལ་བཤད་གནང་ཡོདཔ་མ་ཚད་ འབྲུག་པའི་མི་སེར་ཚུ་ ང་བཅས་རའི་ གཞི་རྩ་གནད་འགག་ཅན་ཚུ་ལུ་ གཙོ་བོར་བཏོན་ཏེ་ འཕོ་འགྱུར་དང་འཁྲིལ་ ཚུལ་ལྡན་སྦེ་ ངོས་ལེན་འབད་དགོ་པའི་ དྲན་གསལ་གནང་ཡོདཔ་ཨིན་པས།
ང་བཅས་མི་སེར་ཚུ་ སྒྲིང་སྒྲིང་ཡོདཔ་མ་ཚད་ འགྲན་ཟླ་དང་བྲལ་བའི་ གཞི་རྩ་དམ་སྒྲིང་དང་ ནུས་ཤུགས་ཡོདཔ་བཞིན་དུ་ བརྩི་མཐོང་དེ་ཚུ་ ཁྱེད་ཆ་ཁྱབ་ཀྱིས་ ལྷག་པར་དུ་ སྒྲིང་སྒྲིང་དང་ ཉམས་སྲུང་ཐོག་ལས་ མ་འོངས་བུ་བརྒྱུད་ཚུ་ལུ་ རྩིས་སྤྲོད་དགོཔ་སྦེ་ མི་དབང་མཆོག་གིས་ བཀའ་སློབ་གནང་ནུག།
ཤོ་ཐེངས་༧ པའི་ བདེ་སྲུང་སྦྱོང་བརྡར་དེ་ སྤྱི་ཟླ་༤ པའི་ཚེས་༡༡ ལས་ འགོ་བཙུགས་ཏེ་ སྤྱི་ཟླ་༤ པའི་ཚེས་༡༤ ལུ་ མཇུག་བསྡུ་བའི་སྐབས་ གནས་སྐབས་གཞུང་གི་ གྲོས་དཔོན་སྤྱི་ཁྱབ་ ཁྲིམས་སྤྱི་བློན་པོ་ བསོད་ནམས་སྟོབས་རྒྱས་ སྐུ་མགྲོན་གཙོ་བོ་སྦེ་ བྱོན་ཡོདཔ་ཨིན་པས།
ཕོ་སྐྱེས་དང་ ཨམ་སྲུ་བསྡོམས་ཏེ་ མི་གྲངས་༡༡༩ ལུ་ བདུན་ཕྲག་༥ གི་རིང་ རྐྱེན་ངན་འཛིན་སྐྱོང་དང་ གློ་བུར་སྨན་བཅོས་དང་ སྲོག་སྐྱབས་འབད་ཐངས་ ལུས་སྦྱོང་གི་ སྦྱོང་བརྡར་བྱིན་ཡོདཔ་ཨིན་པས།
བདེ་སྲུང་སྦྱོང་བརྡར་དེ་ སྤྱི་ལོ་༢༠༡༡ ཟླ་༢ པའི་ནང་ འགོ་བཙུགས་ཞིནམ་ལས་ཚུར་ ད་ཚུན་གྱི་བར་ན་ ཕོ་སྐྱེས་༥༧༡ དང་ ཨམ་སྲུ་༢༥༡ གིས་ སྦྱོང་བརྡར་འབད་ཡོད་པའི་གནས་ཚུལ།
མི་དབང་མངའ་བདག་རིན་པོ་ཆེ་མཆོག་དང་ རྒྱལ་བཙུན་རྣམ་གཉིས་ ཤོ་ཐེངས་༧ པའི་ སྦྱོང་བརྡར་འབད་མི་ བདེ་སྲུངཔ་དང་ དམག་སྦྱོང་འགོ་དཔོན་ཚུ་དང་ ལྷན་བཞུགས་གནང་པའི་བསྒང་། |
ང་བཅས་ལུ་ སྙན་གྲགས་ཅན་གྱི་ མཛད་བྱ་བཟང་པོའི་ རྒྱལ་རབས་ཡོདཔ་ལས་ དཔའ་ཉམས་བསྐྱེད་དགོ་མི་དེ་ཡང་ ང་བཅས་རའི་ རྒྱལ་བ་གོངམ་དང་ རྒྱལཔོ་རིམ་བྱོན་ཚུ་གིས་ ང་བཅས་རའི་ རྒྱལ་ཁབ་འདི་ དུས་དང་རྣམ་པ་ཀུན་ཏུ་ བཙན་ཏོག་ཏོ་དང་ ཉེན་སྲུང་ཅན་སྦེ་ གནས་ཐབས་ངེས་བརྟན་བཟོ་ནིའི་དོན་ལུ་ ཕྱག་ལཱ་གང་དྲག་མཛད་གནང་ཡོདཔ་མ་ཚད་ རྒྱལ་ཁབ་ཀྱི་ རང་དབང་རང་བཙན་སྒྲིང་སྒྲིང་བཟོ་གནང་སྟེ་ཡོད་ཟེར་ མི་དབང་མངའ་ཞབས་མཆོག་གིས་ གསུངས་གནང་ཡོདཔ་ཨིན་པས།
མི་དབང་མཆོག་གིས་ གསུངས་མིའི་ནང་ འབྲུག་གི་དྲིན་ཅན་གྱི་ཕམ་ མི་དབང་འབྲུག་རྒྱལ་བཞི་པ་མཆོག་གི་ རྒྱལ་རབས་ནང་ཚུད་པའི་ གྲུབ་འབྲས་སྦོམ་ཤོས་ར་ རྒྱལ་ཁབ་ནང་ དམངས་གཙོའི་རིང་ལུགས་དབུ་འཛུགས་གནང་མི་དེ་ཨིན་ཟེར་ཨིན་པས།
ཨིན་རུང་ མི་དབང་མཆོག་གིས་ བདེ་སྲུང་ཁས་བླངས་པ་ལུ་ཚུ་ དྲན་གསོ་གནང་མིའི་ནང་ དམངས་གཙོའི་རིང་ལུགས་དེ་ དམིགས་དོན་མིན་པར་ མཐར་ཐུག་ལུ་ འབྲུག་རྒྱལ་ཁབ་དང་ མི་སེར་ཚུ་ལུ་ དགའ་སྐྱིད་དང་ ཞི་བདེ་ དཔལ་ཡོན་ ཉེན་སྲུང་ ལྷག་པར་དུ་ འབྱུང་ཐབས་ལུ་ གཞི་བཙུགས་གནང་གནངམ་ཨིན་ཟེར་ཨིན་པས།
མི་དབང་མངའ་ཞབས་མཆོག་གིས་ འབྲུག་འདི་ སྐོབས་ཚུད་རྒྱལ་ཁབ་ཆུང་ཀུ་ཅིག་ཨིནམ་ལས་ གདོང་ལེན་འབད་དགོཔ་ཡོད་མི་ཚུ་གི་སྐོར་ལས་ གསལ་བཤད་གནང་ཡོདཔ་མ་ཚད་ འབྲུག་པའི་མི་སེར་ཚུ་ ང་བཅས་རའི་ གཞི་རྩ་གནད་འགག་ཅན་ཚུ་ལུ་ གཙོ་བོར་བཏོན་ཏེ་ འཕོ་འགྱུར་དང་འཁྲིལ་ ཚུལ་ལྡན་སྦེ་ ངོས་ལེན་འབད་དགོ་པའི་ དྲན་གསལ་གནང་ཡོདཔ་ཨིན་པས།
ང་བཅས་མི་སེར་ཚུ་ སྒྲིང་སྒྲིང་ཡོདཔ་མ་ཚད་ འགྲན་ཟླ་དང་བྲལ་བའི་ གཞི་རྩ་དམ་སྒྲིང་དང་ ནུས་ཤུགས་ཡོདཔ་བཞིན་དུ་ བརྩི་མཐོང་དེ་ཚུ་ ཁྱེད་ཆ་ཁྱབ་ཀྱིས་ ལྷག་པར་དུ་ སྒྲིང་སྒྲིང་དང་ ཉམས་སྲུང་ཐོག་ལས་ མ་འོངས་བུ་བརྒྱུད་ཚུ་ལུ་ རྩིས་སྤྲོད་དགོཔ་སྦེ་ མི་དབང་མཆོག་གིས་ བཀའ་སློབ་གནང་ནུག།
ཤོ་ཐེངས་༧ པའི་ བདེ་སྲུང་སྦྱོང་བརྡར་དེ་ སྤྱི་ཟླ་༤ པའི་ཚེས་༡༡ ལས་ འགོ་བཙུགས་ཏེ་ སྤྱི་ཟླ་༤ པའི་ཚེས་༡༤ ལུ་ མཇུག་བསྡུ་བའི་སྐབས་ གནས་སྐབས་གཞུང་གི་ གྲོས་དཔོན་སྤྱི་ཁྱབ་ ཁྲིམས་སྤྱི་བློན་པོ་ བསོད་ནམས་སྟོབས་རྒྱས་ སྐུ་མགྲོན་གཙོ་བོ་སྦེ་ བྱོན་ཡོདཔ་ཨིན་པས།
ཕོ་སྐྱེས་དང་ ཨམ་སྲུ་བསྡོམས་ཏེ་ མི་གྲངས་༡༡༩ ལུ་ བདུན་ཕྲག་༥ གི་རིང་ རྐྱེན་ངན་འཛིན་སྐྱོང་དང་ གློ་བུར་སྨན་བཅོས་དང་ སྲོག་སྐྱབས་འབད་ཐངས་ ལུས་སྦྱོང་གི་ སྦྱོང་བརྡར་བྱིན་ཡོདཔ་ཨིན་པས།
བདེ་སྲུང་སྦྱོང་བརྡར་དེ་ སྤྱི་ལོ་༢༠༡༡ ཟླ་༢ པའི་ནང་ འགོ་བཙུགས་ཞིནམ་ལས་ཚུར་ ད་ཚུན་གྱི་བར་ན་ ཕོ་སྐྱེས་༥༧༡ དང་ ཨམ་སྲུ་༢༥༡ གིས་ སྦྱོང་བརྡར་འབད་ཡོད་པའི་གནས་ཚུལ།
No comments:
Post a Comment