ཁྲིམས་སྲུང་འགག་པ་གིས་ སླབ་མིའི་ནང་ རྐྱེན་ངན་དེ་ ནུབ་མོའི་ཆུ་ཚོད་༡༠ དེ་ཅིག་ལུ་ བྱུང་ནུག་ཟེར་ཨིནམ་ད་ ཚེ་འདས་དང་གཅིག་ཁར་ ག་ཡོདཔ་ཨིན་ན་ མ་ཤེས་རུང་ མི་ཅིག་གིས་ གློ་བུར་བརྒྱུད་འཕྲིན་ཨང་༡༡༣ ནང་ ཐུག་རྐྱེན་བྱུང་བའི་སྐོར་ལས་ སྙན་ཞུ་འབད་ནུག་ཟེར་ཨིན་པས།
ཀྲོང་གསར་སྨན་ཁང་གི་ ཌོག་ཊར་ཅིག་གིས་ སླབ་མིའི་ནང་ ཚེ་འདས་དེ་ སྨན་ཁང་ནང་ལྷོདཔ་ད་ གཟུགས་ཁར་ ཁྲག་ལེ་ཤ་ཐོན་ནུག་ཟེར་ཨིནམ་ད་ སྲོག་སྐྱབས་འབད་ནི་གི་ དཔའ་བཅམ་རུང་ ཧེ་མ་ལས་ ཤི་སོ་ནུག་ཟེར་ཨིན་པས།
ཚེ་འདས་ལུ་ ཨ་ལུ་ཅིག་ཡོད་པའི་ཁར་ ཁོ་ར་ ཀྲོང་གསར་རྫོང་ཁག་གི་ མི་སྟོབས་འགོ་དཔོན་ཨིན་པས།
རྐྱེན་ངན་བྱུང་སའི་ ཉེ་འདབས་ལུ་སྡོད་མི་ཅིག་གིས་ སླབ་དོ་བཟུམ་འབད་བ་ཅིན་ ཚེ་འདས་དང་གཅིག་ཁར་ མང་སྡེ་ཆུ་གློག་མེ་ལས་འགུལ་ནང་ལཱ་འབད་མི་ ཨམ་སྲུ་ཅིག་ཡོད་པའི་སྐོར་ལས་ གོ་ཡི་ཟེར་ ཨིན་པའི་གནས་ཚུལ།
ཀྲོང་གསར་ལས་ བཀྲ་ཤིས་བསྟན་འཛིན།
No comments:
Post a Comment