སྤྱི་ཟླ་༣ པའི་ཚེས་༧ ལུ་ རྒྱལ་ཡོངས་ཚོགས་ཁང་ནང་སྦེ་ བློན་ཆེན་འཇིགས་མེད་འོད་ཟེར་འཕྲིན་ལས་མཆོག་གིས་ ཇ་པཱན་གྱི་གཞུང་ཚབ་ ཨ་ཀི་ཏ་ཀ་ སའེ་ཀི་དང་གཅིག་ཁར་ མཇལ་ཕྲད་གནང་ཡོདཔ།
ཉིནམ་༡ གི་རིང་ འབྲུག་ལུ་ ལྟ་སྐོར་ནང་འོང་མི་ གཞུང་ཚབ་ཀྱིས་ སླབ་མིའི་ནང་ འབྲུག་དང་ ཇ་པཱན་གྱི་མཐུན་ལམ་དེ་ དམིགས་བསལ་དུ་ མི་དབང་མངའ་བདག་རིན་པོ་ཆེ་མཆོག་དང་ མི་དབང་རྒྱལ་བཙུན་རྣམ་༢ ཇ་པཱན་ལུ་ གཟིགས་སྐོར་གནང་པའི་ཤུལ་ལས་ རྩ་བརྟན་བཟོ་ཚུགས་ཅི་ཟེར་ཨིན་པས།
དབུ་ཁྲིད་༢ ཀྱིས་ ཇ་པཱན་དང་ འབྲུག་གི་བར་ན་ འབྲུག་གི་ མཁའ་འགྲུལ་ཞབས་ཏོག་ཚུ་ ཐད་ཀར་དུ་ འགོ་བཙུག་ནིའི་ འོས་འབབ་ཡོད་མེད་ཀྱི་ གསུང་གྲོས་ཚུ་ གནང་ཡོདཔ་ཨིན་པས།
ཁ་ཙ་ རྒྱལ་ཁབ་ནང་ལས་ ལོག་སོང་མི་ གཞུང་ཚབ་ཀྱིས་ སླབ་མིའི་ནང་ འབྲུག་གི་གོང་འཕེལ་གནད་དོན་ཚུ་ནང་ ཇ་པཱན་གྱིས་ གྲོགས་རམ་འབད་ནིའི་ རེ་འདུན་ཡོད་ཟེར་ སླབ་ཨིན་པའི་གནས་ཚུལ།
No comments:
Post a Comment