 |
| རྒྱལ་ཁ་ཐོབ་མི་ སྡེ་ཚན་ཚུ། |
དེ་ཡང་ རྩི་མ་གཤམ་དང་ ཆ་རོགས་ལྔ་སྡེ་ཚན་༢ ཀྱི་བར་ན་ མཐའ་བཅད་རྩེད་འགྲན་འབད་བའི་སྐབས་ ཆ་རོགས་ལྔ་གིས་ སྐོར་ཐེངས་༥༠ འི་ནང་ སྐུགས་༡ ཆོད་ཡོད་རུང་ བྱང་ཕྱད་སྡེ་ཚན་གྱིས་ སྐུགས་ཆོད་མ་ཚུགས་པས།
ཆ་རོགས་ལྔ་སྡེ་ཚན་གྱིས་ སྐོར་ཐེངས་༡༥ འི་ནང་ སྐུགས་༦ ཐོབ་ད་ བྱང་ཕྱད་སྡེ་ཚན་གྱིས་ སྐུགས་༡ ཡང་མེད་དེ་འབད་རུང་ སྐོར་ཐེངས་༢༠ འི་ནང་ སྐུགས་༣ ཐོབ་པའི་སྐབས་སུ་ ཆ་རོགས་ལྔ་གིས་ སྐུགས་ཐོབ་མ་ཚུགས་པར་ ལུས་སོཔ་ཨིན་པས།
ཨིན་རུང་ སྐོར་ཐེངས་༣༥ ནང་ ཆ་རོགས་ལྔ་གིས་ སྐུགས་གཅིག་ཐོབ་མི་དང་འབྲེལ་ སྐུགས་ཆོད་ནིའི་རྩིས་བསྡོམ་སྒྲིག་པའི་སྐབས་ རྩི་མ་གཤམ་གྱིས་ སྐུགས་༤ ཐོབ་ཅི།
ཆ་རོགས་ལྔ་སྡེ་ཚན་གྱིས་ ཨང་དང་པའི་དངུལ་རྐྱང་གི་གསོལ་རས་ དངུལ་ཀྲམ་༢༥,༠༠༠ ཡོདཔ་ད་ རྩི་མ་གཤམ་སྡེ་ཚན་གིས་ ཨང་༢ པའི་གསོལ་རས་ དངུལ་ཀྲམ་༡༥,༠༠༠ ཡོདཔ་ཨིན།
འོད་ཟེར་ལས་སྡེ་ལས་ ཚོང་བསྒྲགས་འགོ་དཔོན་བསོད་ནམས་ཆོས་སྐྱིད་ཀྱིས་ སླབ་མིའི་ནང་ སྔོན་དང་ཕུ་ལས་ དར་ཁྱབ་སོང་ཡོད་མི་ མདའ་དང་ རྡོས་སྒོར་༢ ཡོད་པའི་གྲས་ལས་ མདའ་དེ་ གཞུང་ཞབས་དང་ འབྲུག་རང་ལུགས་མདའ་རྩེད་ཚོགས་པའི་ཁ་ཐུག་ལས་ ལོ་བསྟར་བཞིན་དུ་ རྩེད་འགྲན་འགོ་འདྲེན་འཐབ་ཡོད་མི་དང་བསྟུན་ གོང་འཕེལ་སོང་ནུག་ཟེར་ཨིན་པས།
དེ་འབདཝ་ད་ རྡོས་སྒོར་དེ་ རང་ལུགས་ཀྱི་ལམ་སྲོལ་ཅིག་ཨིན་རུང་ ད་རེས་ནངས་པ་ རྒྱལ་ཁབ་ནང་ རྩེདམོ་རྩེ་ནི་དེ་ མེདཔ་བཟུམ་སྦེ་ མར་ཉམས་འགྱོ་དོ་ཡོདཔ་ལས་ མི་ཉམས་གོང་འཕེལ་དང་ ཉམས་པ་སོར་ཆུད་ཀྱི་དོན་ལུ་ སྒེར་སྡེ་གི་ཁ་ཐུག་ལས་ རྩ་འགེངས་ཏེ་ འགོ་འདྲེན་འཐབ་མི་ལུ་ གཞུང་དང་ འབྲེལ་ཡོད་ལྷན་ཁག་དང་ ལྷན་ཚོགས་ཚུ་གིས་ཡང་ རྒྱབ་སྐྱོར་གནང་དགོཔ་དེ་ ག་ནི་བ་གལ་ཆེཝ་སྦེ་ མཐོངམ་མས་ཟེར་ ཨིན་པའི་གནས་ཚུལ།
བཀྲིས་ཕུན་ཚོགས།
No comments:
Post a Comment